Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Dielli shkëlqente ngrohtë që në mëngjes. Nga dalja e Myslim Shyrit, përshkuam me këmbë rrugën që të çon në pedonale. Duart i kishim bosh, kurse kalimtarët kishin rritur temperaturat.
Vlimi kishte kapur pikun, tufa lulesh, amvisa të gëzuara, era e kekut kishte zaptuar që në mëngjes Tiranën. Na duhej një taksi, dhe nuk e menduam dy herë. Sot, në dallim nga ditët e tjera, mendova të merrja Verën. Po po, Verën…
Një grua 59-vjeçare e cila ka që në moshën 15-vjeçare që nuk zbret nga sedilja e shoferit.
Shofere ‘par excellence’ do të thoshte një mikesha ime që flet frëngjisht se kështu i duket se është goxha në modë.
Presim 5 minuta, e ja ku vjen Vera Elezi. Buzëqeshjen e ka të stampuar në fytyrë, ndërkohë që flokët e shkurtër dhe syzet e diellit e karakterizojnë qysh prej kohës që e njoh.
E pyesim me humor se si arriti të bëhej gruaja e parë shofere në Shqipëri.
“Unë kam pasur shumë dëshirë që kur isha në klasë të 8-të që të shkoja të bëja kursin për patentë. I kisha shumë qejf makinat në radhë të parë dhe më pas doja që të thyeja fanatizmat. Kështu që 15 vjeç shkova në Durrës për të bërë kursin për mekanike dhe shofere. Dhe në ’75 më dhanë një furgon tip “Zuk” dhe shpërndaja ushqime në Peshkopi. Pastaj më dhanë një linjë autobusësh për t’u sistemuar më vonë si taksiste.”-thotë ajo, dhe me qetësi në dallim nga shoferët meshkuj, nuk shan në trafik.
Kalojmë Piramidën, dhe ndalojmë në semaforin para Librit Universitar. Këtu rrëfimi bëhet interesant dhe ne qëndrojmë pa fjalë. Udhërrëfyesja jonë tregon sesi në ’97, një shofere arriti të mbijetojë, ndërkohë që vitin 2000 iu vodh makina.
“44 vitet e punës time nuk kanë qënë të lehta pasi jam përballur me shumë rreziqe pasi nuk është profesion i lehtë. Në ’97 më morën ‘Benzin’ para Parlamentit. Ndërsa në 2000 ma morën makinën me kallash. Pra nuk ka qënë profesion i thjeshtë, falenderoj zotin që jam gjallë.”-sqaron ajo.
Para se të ndahemi me të, Vera thotë se është përballur me habinë dhe me paragjykimet e njerëzve që iu bëjnë përshtypje sesi një grua nget një makinë.
“Për më tepër që ka shumë paragjykime. Njerëzit habiten! Iu bën përshtypje edhe pse tani ka shumë gra që i japin makinës. Por unë doja që të kishin shumë gra edhe atëherë.”-na përshëndet Vera, ndërkohë që ne ndahemi me të.
Sapo zbresim nga një rrëfim i veçantë, na pret një ditë e gjatë. Duhet të flasim me mjeshtren që end metale. Hamide Duka Blaceri, 62 vjeç, nga Elbasani, është një tjetër grua e përzgjedhur nga ne për të treguar sesi ‘urrejtja dhe dashuria lidhen me njëra-tjetrën.’
Saldatorja e vetme në Shqipëri
Hamide Duka Blaceri, 62 vjeç, thotë se nuk e donte fillimisht profesionin e saldatores. Ajo thotë se punon në një kompani private dhe se zanati që ajo ka zgjedhur të bëjë tejet i vështirë.
“Nuk e kam zgjedhur vetë profesionin tim dhe në fillim nuk e duroja dot. Ishte dhe është ende profesion shumë i vështirë. Unë jam e fundit e profesionit tim. Kam 44 vite në këtë profesion dhe çdo ditë mundohem që të reklamoj sa më shumë profesionin tim. Edhe pse jam 62 vjeç vazhdoj punoj në një kompani private. Punoj edhe pse vuaj nga nervi shiatik sepse siç e dini edhe pensioni është i vogël.”-thotë 62-vjeçarja.
Me flokët e prera shkurt, imagjinoj rininë e saj. Një vajzë e mbyllur në një kantier që arrin të bëjë një punë të paragjykuar si punë burrash.
Por Hamidesë nuk i vjen keq. Përkundrazi! Ajo thtoë se nuk do që të jetë e vetmja në këtë profesion, dhe apelon që të tjera gra të zgjedhin këtë profesion.
“Deri në ditën e fundit do ta reklamoj profesionin tim. Nuk dua të jem e fundit në Shqipëri. Dua që të tjera gra të bëhen pjesë e kësaj historie, sado e vështirë që është.”-mbyll Hamideja rrëfimin e saj.
Ndërkohë që shkruajmë, telefoni tringëllin dhe kujtohemi se ora ka shkuar 14:00, ende asnjë dhuratë për gratë e jetëve tona.
Është Emanuela Rusta, 26-vjeçarja nga Elbasani që është sot arbitrja e parë femër në Shqipëri. Emanuela, një gjyqtare që vrapon në fushën e blertë është e detyruar të dëgjojë pëshpërimat e burrave shqiptarë, që kur nuk munden të konkurrojnë zgjedhin rrugën e përuljes…
Por ajo është optimiste, na tregon se kryesorja është përshtatja dhe të mos mendosh për stereotipet megjithëse mund të ekzistojnë.
“Duhet të përshtatesh, të mos shohësh diferencime gjinore. Megjithëse duket e çuditshme, por kështu unë bëj”,-thotë ajo.
Por jo gjithmonë është kaq e lehtë… Puna ka rregulla, dhe për Emanuelën fusha e blertë është e shenjtë.
“Familja ime është dakord me profesionin që unë zgjodha të ushtroj. Kur hyj në fushë për të gjykuar një ndeshje, nuk duhet t’i kushtosh rëndësi asnjë fjale jashtë fushës.”-tregon ajo.
Më tej, thotë se nuk sheh konkurrencë me kolegët meshkuj, dhe shton se famën nuk e do si arbitren e parë femër por si profesioniste, një leksion për t’u shënuar.
“Nuk kam konkurrencë me meshkujt e tjerë. Kemi marrëdhënie punë, dhe mundohemi të kalojmë mirë. E rëndësishme për mua është që rritem dhe të jem profesioniste në fushë, jo të bëhem e famshme se jam arbitrja e parë femër në Shqipëri.
E ndërkohë që kryefjala e debatit sportiv në Shqipëri është dhuna, Emanuela do të ‘qëndrojë’ larg atij debati.
“Kam pasion ndaj e zgjodha arbitrimin. Dua ta shoh veten në të ardhmen duke arbitruar një ndeshje të kalibrit ndërkombëtar, por që t’a meritoj atë rol. Sa herë që shoh një ndeshje, jam e fokusuar tek vendimi i arbitrave. dhuna është e patolerueshme, dhe është njësoj si për meshkujt, edhe për femrat.”-përfundon Emanuela.
Dita është e bukur, dielli është zbehur, ndërkohë që mimozat dhe buqetat janë shpeshtuar në trotuaret e kryeqytetit. U larguam, nxitimthi. Ishte një kohë e kaluar mirë.
3 histori, të ndryshme, të njohura e të panjohura. Të para në televizion dhe në gazeta, e të panjohura në provincë. 3 gra, që thyen fanatizmin, edhe pa e kuptuar të profesioneve të ndaluara dhe të zaptuara nga burrat.
Tirana është boshatisur për ditët e pushimit. Cilën nga ritet e shenjta po ndiqni:
DURRËS- Një ngjarje e rëndë është shënuar ditën e sotme në qytetin e Durrësit, pasi një vajzë e mitur vetëm 10 vjeçe ka gjetur vdekjen.Policia në nj...
Mania e Edi Ramës për të tërhequr me çdo mjet vëmendjen e grave nuk është një gjë e re. Por lideri global, sot për 8 mars ka arritur kulmin duke kopjuar ...
DIBËR- Presion dhe shantazh mbi maturantët e Gjimnazit Said Najdeni të cilët protestojnë prej tre ditësh. Burime për Dosja.al bëjnë me dije se prej tre dit...
KRUJË– Një zjarr ka përfshirë fshatin Derven në Krujë. Dosja.al mëson se zjarri është i qëllimshëm dhe se sipërfaqja e djegur deri më tani është mbi ...
Në ditën ndërkombëtare të 8- Marsit, gra dhe vajza nga vende të ndryshme të botës urojnë gratë shqiptare në shqip dhe vishen me traditën e gjysheve tona.‘Sepse ...
GJIROKASTËR- Nostalgjia për sistemin komunist në Shqipëri është një nga problematikat kryesore që vihet re sa herë që përkujtohet dita e Dëshmorëve, Pavarë...
GREQI- Ditën e mërkurë në mbrëmje në Athinë është dhunuar zyra e kandidatit shqiptar Fatos Malaj, i cili kandidon per Partinë Kinal (PASOK).Të nesërmen në mëngj...
Tiranë- Në këtë ditë 8 marsi Rama u shfaq duke ‘festuar’ me gratë në qytetin e Fierit. (lexo këtu) Por sot në adresë së kryeministrit ka shkuar edhe një letër ...
ITALI- 47-vjeçari shqiptar Astrit Lamaj, trupi i të cilit u gjet i murosur pak kohë më parë në një vilë antike në provincën e Milanos, është vrarë me por...
SHQIPËRI- Sot është 8 marsi, dita ndërkombëtare e grave dhe vajzave. Festime dhe protesta u zhvilluan edhe në Shqipëri. Në Kukës dhe në Astir pati protesta...
