Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Të gjithë i njohin emrin, por askush fytyrën. Lolita më në fund ka vendosur të flasë. Ajo është rrëfyer në një intervistë ekskluzive për Genc Sejkon, ku ka treguar gjithçka për veten.
Sulmet ndaj politikanëve, ironitë dhe çdo gjë tjetër që keni dëgjuar për Lolitën, sot i gjeni në këtë intervistë të rrëfyera nga vet ajo.
INTERVISTA E PLOTË
Genci: Në fillim të falenderoj që pranove të marrësh pjesë në këtë “intervistë” aspak normale. Kush është ‘Lolita’? Unë e di që nuk bëhet fjalë vetëm për një person. Por ajo çfarë duam të dimë është si është perceptuar në mendjen tuaj personazhi i Lolitës? Personalisht shoh tek faqja juaj një përpjekje për të pasqyruar shoqërinë shqiptare me të gjitha të mirat dhe difektet që ka ajo. Apo jam gabim?
Lolita: Kur më pyesni si është perceptuar Lolita më vjen të qesh. Se kushedi ça mendoni, që ka qenë e planifikuar, me detyra të ndara për adminet, me qëllime të mëdha etj. Në fakt Lolitën nuk e kemi krijuar ne. E ka hapur dikush tjetër për mua pa asnjë qëllim apo ide se çfarë do bëja me të. Pastaj filluam të postonim çdo gjë që na vinte në mendje. Dhe më pas u kthye në një dritare për të gjithe ne. Jo Dritare si ajo e Rudinës, ku i bëhet fresk liderit suprem.
Jemi disa admine, ky është një informacion që gjendet dhe në faqe. Shumica prej të cilëve jetojnë jashtë. Jemi 2 që nga krijimi i faqes, kur u bëmë nja 10.000 veta erdhi dhe një tjetër. Të tjerët kanë ardhur shumë vonë. Në fakt, as vetë nuk e mbaj mend sa kanë ikur dhe sa kanë ardhur. Disa u fejuan, u martuan… Të tjerë kishin pakënaqësi ndaj meje dhe unë ndaj tyre.
Kishe bërë shumë pyetje, i harrova tani ? Por di që Lolita ishte vetëm për argëtim në fillim, pastaj u kthye në faqe denoncuese siç është sot. Nuk e krijuam për këtë qëllim. Nevojat e njerëzve dhe abuzimi i pushtetit na bëri kështu siç jemi tani. Dhe të jem e sinqertë më shumë rehat isha më parë. Pa çka se mendojnë që unë kënaqem duke u marrë me Edi Ramën dhe Erion Velinë çdo ditë.
Genci: Duke qenë se faqja ka evoluar a ndjeni sot një detyrë qytetare që nuk e ndjenit në fillimet tuaja?
Lolita: Detyrën qytetare e ndjej çdo ditë, edhe pa Loliten. Kur duhet të çohem në mëngjes të hedh plehrat në kosh, ndërkohë që komshia e gjuan qesen nga ballkoni. Të paguaj ujin më shtrenjt se më parë dhe të mos kem ujë në shtëpi etj. Për Lolitën nuk ndjehem e detyruar, por dua dhe mundohem gjithmonë të përcjell të gjitha shqetesimet e njerëzve. Edhe kur ankohen për kushërirën që është bërë drejtoreshe dhe nuk ju gjen punë ?
Genci: Pse keni zgjedhur anonimitetin? A do të donte Lolita të dilte një ditë para një publiku të gjerë, dhe të fliste me fytyrë përballë shqiptarëve?
Lolita: Anonimati të jep mundesinë të shprehësh lirshem pa u shantazhuar nga pushteti. Pa i vënë në siklet të afërmit që punojnë në shtet. Dhe pa e turpëruar familjen, se ata mendojnë që Lolita është kuçkë nga ato që i merr burrin tjetrës. ?
Për të folur me fytyrë nuk i shërben publikut. Janë lodhur me lloj lloj surretërish që bejnë sikur duan t’i ndihmojnë, i bejnë të besojnë dhe pastaj e tradhëtojnë besimin e tyre për ndonje tender, për të shkarravitur muret me paratë e shqiptarëve apo për të bërë nusepashkë në Përrenjas që nuk i duhen as dreqit
Në qoftë se do dal me fytyrë do ta bëjë për të kenaqur egon time, por jo për t’i shërbyer publikut. Nuk kam çfarë bëj më shumë se kaq. Pres të ndërgjegjësohen dhe të marrin në dorë fatin e tyre. Nuk kam ambicje për të qenë lidere shpirtërore e tyre, kam besim që kanë mjaftueshëm forcë për ta ndryshuar këtë vend.
Genci: Pavarësisht anonimitetit sulmet ndaj jush nuk kanë munguar. A ka pasur shantazhe ose tentativa për t’ju blerë?
Lolita: Po ka patur, e kam thënë dhe me parë. Por nuk dua të tregoj detaje. Se më duket vetja si ato këngëtaret që kane më shumë këngë se fansa… Që ankohen se ua ka lypur filan deputet, apo filan biznesmen, vetëm se duan të rrisin pazarin.
Genci: Pse Lolita merr pushimet çdo verë? Nevojë për të karikuar bateritë apo largohesh për të parë nëse u mungon ?
Lolita: Kam nevojë të pushoj dhe unë. Është një periudhë që filloj e njoh më mirë familjen, fisin… Dhe pasi i kam njohur mjaftueshëm, kthehem prapë të flas me të panjohur. ?
Genci: Cili është personazhi që është ndierë më i bezdisur nga Lolita? Keni ndonjë info?
Lolita: Nuk e di, por besoj ata që më kanë futur mik që të mos i përmend më!
Genci: Si për shembull?
Lolita: Nuk po i përmend me emra, se do me fusin prapë mik pse ju ka dalë emri te Genc Sejko ?
Genci: Ç’koment keni për ata që mendojnë se sulmi juaj ndaj Elisa Spiropalit është sulm ndaj gruas shqiptare?
Lolita: Ata duhët të shqetësohen për sulmin dhe dhunën ndaj ndonjë gruaje të pambrojtur që e rreh burri në rruge dhe vjehrra në shtëpi. Elisa i ka krahët e ngrohtë, e mbron Skënderbeu i saj. Për mos thënë që femrat në politike janë shumë larg gruas shqiptare, kanë marrë fizionominë dhe sjelljen e liderit të tyre.
Genc: Pse herë pas herë fokusoheni tek ish-ministrat. Tahiri, psh është i preferuari juaj. Kjo lidhet me audiencën e faqes, apo me ngritjen e një fabule e cila pasohet nga një tjetër, me të njëjtin personazh?
Lolita: Nuk e vras mendjen për audiencën e faqes. Kam thënë gjithmonë atë që mendoj, edhe kur e kam ditur që do has shumë kundërshtime. Por nuk më rezulton që të jemi marrë më shumë me Tahirin se me të tjerët. Më shumë jam marrë me Erion Velinë, në fakt. Nuk rezistoj dot pa i venë në dukje mashtrimet, fallcitetin dhe hipokrizinë e tij.
Për Tahirin, mendoj që kanë qenë batutat me policë e tepelensa që kanë ngjitur më shumë. Jo se kam ndonje inat me të. Madje mendoj, që pavaresisht mekateve si minister, Saimiri është i lezetshem. Domethënë simpatik ?
Genci: Ok. Le ta mbyllim me disa pyetje më të ‘lehta’.
Lolita: Shyqyr ?
Genci: Çfarë mendon kur lexon komente të tipit: Ja iku Rama, kush do vijë?
Lolita: Mendoj që propaganda e Edi Ramës ia ka arritur qëllimit me këta. Të relativizosh të keqen, do të thotë të çosh ujë në mullinjtë e Surrelit.
Genci: Unë mendoj se Basha është më i mirë se Rama. Kjo jo pse është i mirë Basha, por sepse askush nuk është më i keq se Rama. Përveç Erionit të Bashkisë. Tani është radha jote. Kush mund ta bëjë Shqipërinë? A sheh individë ose organizata në Shqipëri që të japin shpresë se gjërat mund të ndryshojnë?
Lolita: Mendoj që largimi i Edi Ramës dhe i kësaj qeverie është emergjencë kombëtare. Por jemi lodhur me organizata si G99 apo Mjaft. Ndonjë person i veçantë nuk më frymezon dhe nuk më ngjall besim, madje as Basha. Do doja në Shqipëri ndonje levizje apo parti si Vetvëndosja.
Genci: Dhe e fundit. Kush është Humberti i adoleshencës tënde?
Lolita: Doktor Adem Harxhi, i Linjes se Kuqe!
Genci: Faleminderit edhe një herë. Dhe për çdo gjë që të nevojitet të lutem mos hezito. Natën. P.S Ç’ne në shtëpi ti sonte?
Lolita: Sepse kam punë shtëpie
(Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Një ditë më parë në plazhin e Shëngjinit banorët e zonës hasën një jaht, i cili rezultoi i braktisur.Jahti rezlton të jetë i një biznesmeni turk, f...
ELBASAN- Bedri Bejtja drejtor i Tatimeve në Elbasan, është shkakruar sot nga detyra. Sipas informacioneve mësohet se shkak për këtë shkarkim mësohet se janë bër...
LEZHË- Ende vazhdon të jetë mister se kush po e drejtonte jahtin e gjendur tre ditë më parë në brigjet e Adriatikut, 12 milje larg Shëngjinit. Nga kontroll...
FIER- Nuk kanë të ndalur zjarret në Shqipëri. Pas zjarreve që dogjën disa hektarë tokë në kodrat afër Tiranës dhe u rrezikuan disa banesa, vatra të tjera janë s...
TIRANË- Drejtoria e Përgjithshme e Shërbimeve të Transportit Rrugor ka sqaruar sot të gjithë drejtuesit e mjeteve se kur ata mund të errësojnë xhamat dhe k...
GREQI- Një grup grabitesish shqiptarë kanë rënë në prangat e Policisë greke, pasi akuzohen për një sërë ngjajresh kriminale të ndodhura në vendin fqinj. Mediat ...
BRITANI- Të dënuarit shqiptarë në Britaninë e Madhe janë bërë një problem, pasi ata përdorin celularët e tyre për të komunikuar me jashtë. “The Sun” shkruan se ...
BULQIZË- Detaje të reja janë mësuar për vrajsen në Buqlizë. Dosja.al mëson se autori Fation Keta, ka pasur dhe probleme në të shkuarën.Bëhet me dije se ai ...
DURRËS- Ditën e sotme në qytetin e Durrësit policia ka arrestuar një 29-vjeçar pasi akuzohet se ka qëlluar me thikë një të ri tjetër i cili ka mbet...
TIRANË– Ish-kryeministri Sali Berisha ka publikaur sot një denoncim, në të cilin bëhet me dije se mbrëmë është aksidentuar Sekretari i Përgjithshëm i Krye...
