Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANE- Ende pa u përtypur mirë deklaratat e presidentit Ilir Meta se “amerikanët e Ramës i kapte nga veshi“, apo se në rast të mandatit të tretë “do të bëhem kryetari i opozitës”, Edi Rama ia behu në Rinas. Pa e pritur askush, kryeministri u rishfaq në spektaklin e mbërritjes së kutive me vaksina, të cilat kësaj here duhet pranuar ishin më të konsiderueshme. Jo një pako, por dy…
Në një ecejake të çuditshme ardhja e vaksinave dje në Rinas u paraprin nga një sërë peripecish. Duke u fshehur pas burokracive të Pfizer, ministria e Shëndetësisë njoftoi se vaksinat do të vinin 24 orë me vonesë.
“Sapo kemi marrë njoftim nga kompania dhe autoriteti përgjegjës për transportin e sigurt të vaksinës, se sasia e vaksinave Pfizer, e konfirmuar për të mbërritur mbrëmjen e sotme, shtyhet me 24 orë”.-thoshte Ministria, ndërsa Rama ndodhej në Bruksel, nga ku mori përshtypje të mira, por asnjë datë konkrete.
Disa orë më vonë, kur askush se priste, ERTV hyri Live dhe kryeministri u shfaq në Rinas. Ndoshta shumë nuk do e besonin që ky transmetim ishte i paregjistruar, nëse s’do të dallohej se edhe veshja e Edi Ramës ishte e njëjtë me atë të Brukselit.
Si i zënë në faj, me një zë gati të mekur, Rama doli live dhe njoftoi se jo vetëm 15 mijë dozat e premtuara erdhën bashkë me të nga Brukseli, por edhe mijëra të tjera do të vijnë në prill. “Kanë ardhur 15 mijë doza sot. Kemi marrë konfirmimin nga Pfizer që do të vijnë 30 mijë doza në muajin prill. Kam shumë besim se shumë shpejt do të kemi një lajm shumë të mirë, nga në një anë sepse kemi ndërkohë të konfirmuara 14 mijë dozat e para nga Covax dhe absolutisht jam shumë besimplotë se do të kemi mundësinë e një vaksinimi intensiv dhe do të thyejmë zinxhirin e infektimit. Dhe ta bëjmë këtë sezon me infektime me rënie drastike, ku Shqipëria të jetë e hapur për turistët të cilët duan të vijnë.”-tha Rama.
Me fikjen e transmetimit, u kuptua se Rama kishte mbërritur në Shqipëri, ndërsa ajo që është më e rëndë është se edhe itinerari i vaksinave, në mënyrë të habitshme, ndoshta të pagjendshme askund, përputhet me atë të kryeministrit.
Por për të kuptuar më mirë sesi po menaxhohet në funksion të fushatës elektorale të 25 prillit pandemia, mjafton të shohim mbledhjen e pazhvilluar kurrë të Komitetit Teknik të Ekspertëve.
Më 26 shkurt 2020, Silva Bino, shefja e Epidemiologjisë në ISHP dhe një nga zyrtarët që paguhet me taksat tona njoftoi se të hënën Komiteti do të vendoste për shtrëngimin e masave.
“Në fund të javës dhe të hënën tjetër ne do të shikojmë se si po ecën gradualisht situata dhe do të merren masan përkatëse sipas evoluimit të pandemisë. Me rëndësi është që të gjithë njerëzit të evitojnë grumbullimet, të mbajnë maskën, të ulen shpesh në kafene apo lokale në mënyrë të grumbulluar, pasi janë vende të burimit të infeksionit. Është një situatë serioze, pasi numri i lartë i rasteve, i të shtruarve në spitale të cilët mund të përfundojnë në intubim, janë një kambanë alarmi dhe shqetësuese”, tha Bino për Abc News.
Por çfarë ndodhi?
Dje, mbledhja e parashikuar nuk u zhvillua. Pavarësisht se të gjitha mediat kryesore raportuan se në bazë të burimeve dhe informacioneve që gazetarët kishin se Komiteti do të mblidhej, ekspertët e vendosur nga qeveria nuk u panë bashkë, dhe evituan edhe çdo dalje publike. Ndryshe nga sa kanë bërë që nga fillimi i pandemisë, kur janë parë më shumë në ekrane se në krye të detyrës, dje, anëtarët e Komitetit nuk u panë në asnjë televizion. E kjo nuk është pa arsye.
Artikujtë e mediave për mbledhjen
Nuk është hera e parë që në publik është hedhur debati për vendimmarrjen e kufizuar që ka Komiteti Teknik i Ekspertëve dhe se urdhrat jepen nga kryeministri, por kjo është me siguri hera e parë, që del haptazi tallja që iu bëhet qytetarëve në sy.
Mijëra biznese pritën dje në panik deri në mbrëmje një njoftim nga Komiteti. Qoftë edhe lënien në fuqi të masave aktuale. Është ky Komitet që pasi nuk respekton qytetarët e tij, më pas kërkon respektimin e masave anti-covid. Ky është shembulli që iu jepet masave për t’ju kërkuar më pas bashkëpunim dhe përgjegjshmëri. Njoftimi nuk erdhi, mbledhja nuk u zhvillua dhe Komiteti u zhduk. Por jo për shumë kohë. Me ardhjen e Ramës mbledhjet do të rinisin transmetimet, megjithatë jo shumë optimizëm. Ngarkesa e fushatës do të diktojë edhe aktivitetin e bizneseve dhe marrjen e masave. Është çështje përputhjeje…
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Gjykata Kushtetuese ka shtyrë dhënien e vendimit për padinë që ka depozituar Partia Republikane më 4 dhjetor 2020, ku forcave politike iu nda...
TIRANE– 53 ditë para zgjedhjeve të 25 prillit 2021, për gati 3 orë, kryeministri Edi Rama zhvilloi sot konferencën e fundit me gazetarët për mandatin e dytë qev...
TIRANË– Presidenti Ilir Meta ka shprehur ngushëllime për ndarjen nga jeta të artistit të madh Agim Krajka. Përmes një njoftimi të bërë në ‘Facebook&#...
TIRANË– Braktisja 8 vjeçare e qeverisë për qytetarët pasqyrohet potësisht në zonën afër Bregut të Lumit, në Laprakë. Koordinatorja politike, A...
ELBASAN– Kreu i Partisë Drejtësi, Integrim dhe Unitet, Shpëtim Idrizi, ka zhvilluar një takim me strukturat e kësaj force politike në qytetin e Elbasanit....
TIRANE- Gjatë takimeve që zhvilloi sot me qytetarë në Tiranë, kryedemokrati Lulzim Basha bisedoi me një qytetare e cila tha se vuan nga ishemia. Kryedemokrati r...
DURRËS– Kryeministri Edi Rama ishte i pranishëm ditën e sotme në Durrës, aty ku pa nga afër procesin e vaskinimit. Së bashku me ministren, Ogerta Manastirl...
TIRANË– Kryetarja e ‘Lëvizja për ndryshim’, Jozefina Topalli ka dalë në një konferencë për mediat ditën e sotme. Topalli, ka prezantuar listën e kandidatëv...
TIRANË– Kryetari i Partisë Republikane, Fatmir Mediu është shprehur se masat e vendosura nga Komiteti Teknik i Ekspertëve anti-COVID, janë karantinë për op...
TIRANË– Presidenti Ilir Meta ka kujtuar ditën e sotme 1 vjetorin e manifestimit të bërë më 2 mars 2020 për rivendosjen e sovranitetin e popullit ndaj insti...
