Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Sali Berisha nuk është i vetmi person që kryeministri Edi Rama do para drejtësisë. Tanimë listës së tij i është shtuar edhe presidenti Ilir Meta, për të cilin u shpreh se e gjithë Shqipëria e do që të përballet me drejtësinë dhe SPAK. Në fjalën e tij, në Asamblenë e PS-së, Rama mori shembullin e hetimit të gjyqtarit Ardian Dvorani nga SPAK, ndërsa shtoi se po ky organ kishte lënë pas dore çështje të tjera më të rëndësishme.
“Në Kongres solla shembullin e arkës së peshkut. E dini ju që SPAK ka pasur shpejtësinë e rrufeshme dhe gatishmërinë për të vepruar minutë për minutë që të bllokojë Ardian Dvoranin. Njeriun e dekoruar nga DASH. A thua se ishte i koordinuar si sahat zviceran me atë zotërinë që do largohet nga zyra e presidentit të republikës. Çështjen e tij procesi e shfryu si flluckë sapuni. Sa gjykatës e prokurorë të nxjerrë nga Vettingu do ishin sot në burg? Se u bë kohë që peshkaqenët Vettingu i ka flakur jashtë, ku janë sot? Janë në punën e tyre, asnjë gjemb nuk i ka hyrë në këmbë. BE ia ka lënë me shkrim që të merret me ta. Kur të ulemi me ta, do na thonë na tregoni pak sa keni çuar në pranga? 0. Kampioni i kundër-korrupsionit me vulë dhe me firmë nga DASH (DVORANI) është futur në hetim nga SPAK, për denoncimi të atij që jo unë po gjithë Shqipëria mezi pret ta shohë para SPAK, Ilir Metës. Po si qenka kjo kaq e përmbysur?,”- u shpreh Rama.
FJALA E PLOTË E RAMËS:
Në Kongres solla shembullin e arkës së peshkut, këtu po sjell një shembull tjetër. Aa e dini ju që SPAKU ka pasur shpejtësinë e rrufeshme dhe gatishmërinë e jashtëzakonshme për të vepruar minutë për minutë që të bllokojë Ardian Dvoranin, njeriun e vlerësuar nga Sekretari i Shtetit si një ndër kampionët në luftën globale kundër korrupsionit që të mos e lejonte të hynte në proces për t’u promovuar si gjykatës?
SPAK në mënyrë të rrufeshme, a thua se ishte i koordinuar si sahat zviceran me atë zotërinë që për pak ditë apo javë më në fund do largohet nga zyra e presidentit të republikës. Çështje në hetim, gjë të cilën pastaj procesi gjygjësor çmontoi dhe e shfryu si një flluskë sapuni, por nëse ky sahat zviceran do të ishte vërtet i pakonkurueshëm në precizionin e tij, sa gjykatës dhe sa prokurorë të nxjerrë jashtë nga Vetingu për pasuri marramendëse të pajustifikuar dhe të pajustifikueshme, do ishin sot në burg.
Sepse u bë kohë që peshkaqenët e mëdhenj të sistemit të drejtësisë, vetingu i ka flakur përjashta. Ku janë ata sot, me ça merren? Ata janë në punën e tyre, asnjë gjemb në këmbë nuk u ka hyrë, ndërkohë që BE ia ka lënë Shqipërisë me shkrim për të vazhduar procesin dhe në momentin që Shqipëria do të ulet në tryezen e negociatave, gjëja e parë që do t’i thonë Shqipërisë, është: na tregoni pak, sa gjykatës dhe prokurorë të korruptuar janë marë në hetim dhe janë çuar para drejtësisë? Zero.
E kundërta është e vërtetë. Kampioni i antikorrupsionit me vulë dhe me firmë të Sekretarit Amerikan të Shtetit është futur në hetim nga SPAK, në hetim për çfarë? Për një hetim të kujt? Për një denoncim të atij që, jo unë, por gjithë Shqipëria mezi pret që ta shohë para SPAKU-t, Ilir Metës.
Po si qenka kjo kështu, kaq e përmbysur? Kur kemi ndërmarrë reformën në drejtësi, me vendosmëri të plotë dhe ku verbërisht, unë personalisht, sepse ka patur të tjerë që janë marrë nga pikëpamja teknike dhe kanë patur sytë hapur, po unë personalisht kam udhëhequr këtë reformë duke i dhënë mbështetjen më të madhe bashkë më të gjithë ju këtu, pa bërë asnjëherë asnjë diskutim, të asnjë neni për të cilin gjithkush këtu sidomos juristët tanë, kanë patur rezerva. Unë të paktën nuk kam qenë naiv, nuk kam menduar që këtu mjafton të bëhet kjo dhe gjithçka do shkojë fjollë, as nuk kam menduar që pasi ne të kalojmë këto ndryshime në parlament, nuk do të shikojmë çudira, po për hir të vërtetës, po e them sot, jam gjithmonë e më i paduruar përballë faktit që ata që e nxinë totalisht Shqipërinë, e bënë një vend ku pandëshkueshmëria u bë simbol, janë sot të paprekur, të gjithë.
Dhe me një lehtësi të hatashme, SPAK shkon e bën sahatin zviceran me Ardian Dvoranin, që sot e gjithë ditën jeton në një apartament të para viteve 90, ndërkohë që ata që i kanë të rreshtuara vilat, “njërën ma fali vjehrra”, “njërën ma fali baxhanaku”, “njërën ma fali një kushëriri i vjehrrës”, “njërën ma fali babai i gruas që para se të vdiste më tha Aman” që shtëpinë time dhe tokat e mia do ia lini këtij dhëndrri”, posaçërisht këtij, kishte 7 dhëndurrë po këtë gjeti, sepse ky ishte më i ndershmi. Këta janë të gjithë, sot e gjithë ditën duke pritur finale e Champions League për të shkuar në Paris, siç kanë shkuar në të kaluarën dhe siç ju kanë dalë rrugës se kush ua ka paguar udhëtimet, prapë atje te Champions League, për të mos folur për këtë “non gratën’ e madhe që e kemi mu në mes të sheshit.
LAJMI KRYESOR: PS mbledh Asamblenë! Miratohet axhenda për zgjedhjet e 2023-it, ndryshohet statuti
Aksidenti i rëndë në Tiranë, si mund të shmangen ngjarje të tilla?
TIRANË– Lëvizjet e fundit të 31-vjeçari Ilvi Meta që u vetëvar në Komisariatin e Kavajës, por edhe të efektivëve të Policisë ditën e ngjarjes ...
TIRANË– Në dosjen e zbardhur të punonjësit të policisë, i cili ka parë i fundit Ilvi Metën, janë zbardhur detaje nga momenti i shoqërimit të të ndjer...
TIRANË- Policia e Tiranës ka vënë në pranga një 61-vjeçar, të cilit gjatë kontrollit fizik ju gjet një sasi lënde narkotike e llojit kokainë si dhe ...
TIRANË- Kryeministri Edi Rama shënjestroi sot Prokurorinë e Posaçme kundër Krimit dhe Korrupsionit duke i kërkuar që të hetonte të korruptuarit e dr...
TIRANË– Presidenca i është përgjigjur përmes deklaratave të kryeministrit Edi Rama në Asamblenë Kombëtare të Partisë Socialiste, ku theksoi se shqipt...
TIRANË– Kryeministri Edi Rama nuk është ndalur vetëm me deklaratat në Asamblenë e Partisë Socialiste, por ka sulmuar sërish Prokurorinë e Posaç...
TIRANË– “BalkanWeb” ka siguruar dosjen hetimore për ngjarjen e rëndë të ndodhur mbrëmjen e 4 majit në Komisariatin e Kavajës, ku u vetëvra 31-vje&cce...
TIRANË– Ky është Olgert Dhimitri, autori i vrasjes që tronditi kryeqytetin ditën e sotme. Dhimitri plagosi për vdekje, Ilir Kapon në një lokal pranë ...
KAVAJË- Gjykata e Kavajës ka vendosur masën e sigurisë për tre efektivët e Komisariatit të prangosur pas vdekjes së 31-vjeçarit Ilvi Meta, mbrëmjen ...
TIRANË– Ky është momenti kur Kryeministri Edi Rama bisedon me kryebashkiaken e Kurbinit, Majlinda Carën. U duk i habitshëm ky takim, pasi Rama nuk sh...
