Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
SHBA– Me gati katër muaj nën administratën e Presidentit Biden, zyrtarët amerikanë raportojnë vetëm shenja të kufizuara të progresit në stabilizimin e një situate kaotike në kufirin SHBA-Meksikë, me kalimet e paautorizuara të emigrantëve që vazhdojnë në nivelet më të larta prej dekadash, për këtë periudhë të vitit.
Numri i emigrantëve të kapur nga autoritetet amerikane filloi të rritet vitin e kaluar dhe u rrit në mënyrë dramatike në muajt e parë të vitit 2021.
Të dhënat e agjencisë së Doganave dhe Mbrojtjes së Kufirit të Shteteve të Bashkuara për muajin prill tregojnë një emigracion pa dokumenta në nivelin më të lartë 20-vjeçar. Agjencia raportoi një total prej 178 622 emigrantësh të kapur për muajin prill. Prej tyre, 111 714 u dëbuan nga vendi sipas një urdhëri të emergjencës shëndetësore për shkak të pandemisë që ua ndaloi shumicës së emigrantëve të ndiqnin procesin e aplikimit për azil ose forma të tjera të ndihmës në Shtetet e Bashkuara.
Arrestimet në kufi në muajin prill ishin 3% më të larta se totali i marsit prej 173 348 dhe dukshëm më i lartë se totali i shkurtit prej 101 120.
Të dhënat sugjerojnë gjithashtu se rritja e rasteve në kufi po nivelohet dhe mund të ketë arritur një nivel të stabilizuar. Por ekspertët nuk janë të sigurt se çfarë do të sjellin muajt e ardhshëm dhe nuk janë gati të deklarojnë se kriza kufitare ka filluar të lehtësohet.
“Lloji i situatës me Patrullën Kufitare që mbingarkohet nga emigrantë më të prekshëm mund të ketë filluar të marrë kthesën“, i tha Zërit të Amerikës analistja e Institutit të Politikave të Migracionit, Jessica Bolter. “Një paralajmërim që unë do të jepja është se ka patur historikisht raste kur numrat janë niveluar në prill, ose janë ulur në prill, por më pas janë rritur përsëri në maj, kështu që do të duhet të shohim në të vërtetë numrat e majit në mënyrë që të dimë se ku gjendemi”.
Rritja e prurjeve të emigrantëve e bëri kufirin SHBA-Meksikë një fokus të hershëm të Presidentit amerikan Joe Biden, i cili caktoi zvpresidenten Kamala Harris për të mbikqyrur dhe koordinuar përgjigjen e administratës.
Duke folur me Zërin e Amerikës, këshilltari i politikës së emigracionit në Shtëpinë e Bardhë, Tyler Moran tha se shifrat kufitare nuk tregojnë të gjithë historinë.
“Emigrimi është një fenomen normal. Numrat rriten e ulen për një numër arsyesh të ndryshme,” tha zoti Moran. “Mund të ketë faktorë të lidhur me dhunën. Mund të jetë paqëndrueshmëria politike. Mund të jenë katastrofat natyrore – gjithashtu sepse sistemi ynë ligjor i emigracionit është kaq i vjetëruar.”
Republikanët kritikë ndaj Presidentit Biden pranojnë kompleksitetin e situatës, ndërsa fajësojnë mesazhet e presidentit për shkëputjen nga politikat kufizuese ndaj emigracionit të paraardhësit të tij, ish-Presidentit Donald Trump.
“Megjithëse besoj se kriza e tanishme është shkaktuar ose përshpejtuar në mënyrë të panevojshme nga politikat e gabuara, unë gjithashtu e kuptoj se ka grupe komplekse, të ndërlidhura të faktorëve që luajnë rol në vendimin që dikush të lërë vendin e tij”, tha Ligjvënësi republikan Peter Meijer në një deklarata të fundit.
Të rritur të pamartuar, të mitur të pashoqëruar
Ndërsa shumë vëmendje është përqendruar në kalimet kufitare tek të miturit e pashoqëruar, disa ende vogëlushë, grupi më i madh i emigrantëve që mbërrijnë janë të rriturit e pamartuar.
Në fakt, sipas Patrullës Kufitare, numri i të miturve të pashoqëruar ra pak nga marsi (18 960) deri në prill (17 171), edhe pse numri i përgjithshëm i emigrantëve vazhdoi të rritet.
Ndërsa shumica e emigrantëve vazhdojnë të dëbohen, administrata e Presidentit Biden ka përjashtuar të miturit e pashoqëruar dhe familjet me fëmijë të vegjël nga politika e përgjithshme e deportimit.
Përpunimi, strehimi dhe përkujdesja për mijëra të rinj shpejt u bënë një sfidë urgjente për administratën e re ndërsa stacionet e Patrullës Kufitare të papajisura për t’u kujdesur për nevojat e fëmijëve, u mbingarkuan shumë.
Që nga fillimi i prillit, Shtetet e Bashkuara kishin më shumë se 5 700 të mitur të pashoqëruar në objektet e Patrullës Kufitare. Në javët që pasuan, qeveria hapi 14 strehimore emergjente të drejtuara nga Departamenti i Shëndetit dhe Shërbimeve Njerëzore (HHS), njësia federale e ngarkuar për t’u kujdesur për fëmijët emigrantë. Më pas, numri i të miturve në kujdestari të Patrullës Kufitare ra me më shumë se 90%.
“Trajtimi i fëmijëve të pashoqëruar është përmirësuar, jo vetëm gjatë disa muajve, por madje edhe në krahasim me administratat e kaluara. Unë mendoj se administrata e Presidentit Biden është përpjekur të rrisë bashkëpunimin midis agjencive të ndryshme qeveritare,” tha zonja Bolter.
Deri më 18 maj, 675 fëmijë ishin në kujdestari të Patrullës Kufitare dhe 19 387 ishin në kujdesin e Departamentit të Shëndetësisë. Më shumë se 444 të tjerë ishin lëshuar nën kujdesin e prindërve ose kujdestarëve të tjerë që tashmë jetonin në Shtetet e Bashkuara.
Marrë nga VOA.
Iftar dhe politikë, a u prek Muaji i Ramazanit nga politikanët?
SHBA– Fitimet nga vaksinat e Covid-19 kanë ndihmuar të paktën nëntë njerëz të bëhen miliarderë, tha një grup fushate të enjten, duke bërë thirrje për t...
BRUKSEL– Komisioni Evropian ka thënë në një deklaratë se ka nënshkruar një kontratë të tretë me kompanitë farmaceutike BioNTech dhe Pfizer për 1.8 miliard...
GJENEVË– Përparimi kundër pandemisë së koronavirusit mbetet “i brishtë” dhe udhëtimet ndërkombëtare duhet të shmangen, paralajmëroi të en...
KOSOVË– Kryeministri i Kosovës, Albin Kurti i është përgjigjur deputetit të PDK-së, Fadil Nura në Kuvend në lidhje takimit që ai zhvilloi me sekretarin e p...
GREQI– Një betejë me flakët dhe në luftë me kohën po përballen zjarrfikësit grek pas shpërthimit të një zjarri mbrëmë në ishullin e Korinthit.Sipas Ta NEA, zjar...
GAZA– Një sulm ajror izraelit në një shtëpi të një familje në Gaza ka vrarë një palestinez me aftësi të kufizuara, gruan e tij shtatzënë dhe vajzën e tyre...
KOSOVË– Kryetari i AAK-së, Ramush Haradinaj në fjalën e tij në seancën e Kuvendit që po mbahet tani e ka pyetur kryeministrin Albin Kurti nëse është ...
SHBA– Për pjesën më të madhe të presidencës së Donald Trump, Barack Obama kryesisht respektoi konventën që ish-presidentët nuk kritikojnë ose sulmojnë pub...
GUATEMALA– Policia në Guatemalë thotë se të paktën shtatë të burgosur janë vrarë gjatë një lufte midis bandave rivale në një burg në Quetzaltenango.Shumic...
