Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Gjetja e një pjesë të një skeleti të groposur në zonën e Malit me Gropa, zbardhi dje një vrasje makabre brenda familjes. Faik Buci, 66 vjeç dhe Shkëlzen Buci, vranë të bijën e tyre, pasi kishte vendosur të jetonte me një djalë, për të cilin ata nuk jepnin aprovimin e tyre. Eglantina, 23 vjeçe, që shihni në këtë foto, pavarësisht mohimit të familjes, shkoi në zonën e Freskut me djalin që donte, dhe aty çifti jetoi për disa kohë në një apartament me qira. Edhe pse kishin humbur çdo kontakt, e reja vëzhgohej nga i ati, Faiku. Pas ndarjes me të ëmën e vajzës, me të cilën kishte rritur 4 fëmijë, Faiku asokohe 58 vjeç, jetonte me një grua nga Shkodra.
Por megjithëse vetë kishte parë “jetën e tij”, nuk donte që të njëjtën gjë ta bënte e bija. Eglantina ishte nën mbikqyrjen e tij, pasi Faiku priste momentin për ta vrarë. Duke mos gjetur kohën e përshtatshme, babai ia kërkoi të birit që të mbaronte punë. Shkëlzeni, asokohe 29 vjeç, i përfshirë rishtaz në botën e krimit, kontaktoi një shokun e tij dhe të motrës. Ky person, është edhe dëshmitari kryesor i krimeve që ka kryer Shkëlzeni, dhe është edhe bashkëpunëtor i drejtësisë. Shkëlzeni i kishte kërkuar prej kohësh që të ruante të motrën, dhe njërën nga ditët, ai i mori në makinë të dy, vëlla e motër dhe u drejtua për në zonën e Malit me Gropa në periferi të Tiranës. Rruga për tek Mali me Gropa u shoqërua nga grindja e ashpër motër e vëlla, bazuar në rrëfimin e këtij dëshmitari.
Aty, Shkëlzen Buci ka nxjerrë armën e tij, tip pistoletë, dhe ka qëlluar me armë zjarri të motrën 23-vjeçare, Eglantina në nofull. Vajza ka ndërruar jetë, ndërsa ai është larguar. Disa ditë më pas, ai bashkë me babain shkuan tek Mali me Gropa dhe groposën trupin e Eglantinës. Trupin ia mbuluan me gurë, duke mos i bërë as varr e më pas u larguan. Të dy, vazhduan jetët e tyre. Një gjahtar, do të telefononte 5 vite më pas, në vitin 2017, për të denoncuar se ka parë eshtra të shpërndara në 2300 metra lartësi. Eshtrat ishin të dëmtuara nga kafshët e egra dhe shpendët e malit, dhe identifikimi i kufomës me aq mbetje, ishte i pamundur.
Viti 2017 ishte i gjatë, sidomos për prokurorinë. Prokurori Adriatik Cama bashkë me disa oficerë nisën kërkimet për të gjetur trupin e vajzës. Paralelisht me kërkimet, u arrestua edhe vëllai i Eglantinës, Shkëlzeni për një atentat të mbetur në tentativë ndaj aktori Mishel Prela. Bashkëpunëtori i Shkëlzenit, prezent edhe në këtë ngjarje, zgjodhi të bëhej i penduar i drejtësisë, duke rrëfyer edhe për krimin e dy burrave të familjes Buci nga Dibra, dhe për faktin se trupi ishte i fshehur në këtë zonë. Dimri i atij viti, ishte i gjatë…
I marrë në pyetje nga oficerët e krimeve se ku ndodhej Eglantina, babai i saj, Faiku, asokohe 63 vjeç, thoshte se nuk kishte dijeni, por theksonte se vajza ishte prostitutë në Turqi. Pyetjeve se pse nuk e kishte denoncuar si të rrëmbyer, ai iu përgjigjej duke thënë se “ajo është me një grup të rrezikshëm, s’merremi dot me ta”. Por, policia zgjodhi një tjetër taktikë. E ëma e vajzës, e ndarë nga Faiku, pranoi të bënte testin e ADN-së. Rezultati nuk ishte i papritur. Skeleti i copëtuar nga kafshët në Malin me Gropa, i përkiste Eglantina Bucit. Policia dhe Prokuroria vijuan edhe për tri vite hetimet derisa dokumentuan me prova se Shkëlzen Buci dhe Faik Buci, vranë vajzën e familjes, Eglantinën pasi nuk pranonin që ajo të vazhdonte lidhjen e saj. Tashmë të dy janë pas hekurave, ndërsa deri më tani, asnjëri prej tyre nuk ka rrëfyer asnjë fjali për krimin makabër.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
GJIROKASTËR– Sërish vatra zjarri në vend! Paraditen e sotme ne një sipërfaqe me kullota në fshatin Mashkullore, rreth 6 km në veri të Gjirokastrës ës...
TIRANE- Eglantina Buci, 23-vjeçarja e cila u vra nga babai dhe vëllai, pasi iku nga shtëpia për të jetuar me të dashurin, u mor nga banesa në zonën e Fre...
SHKODËR– Policia e Shkodrës ka prangosur një 36-vjeçar me iniciale E.L., i cili dyshohet se i ka shitur 53 kilogramë kanabis të presuar në for...
TIRANË- Babai i Eglantina Bucit, Faiku, nuk e kishte për herë të parë planin për ta vrarë të bijën. Burime për Dosja.al bëjnë me dije se i penduari i drejt...
DURRËS– Dy emigrantë sirianë kanë rënë nga tarraca e Policisë së Durrësit. Ngjarja ka ndodhur dy netë më parë, teksa sirianët po tentonin që të largoheshin...
TIRANË- Një dëshmitar, i kthyer në bashkëpunëtorin e drejtësisë është personi kyç që ka zbardhur vrasjen e 23-vjeçares Eglantina Buci, nga i ...
TIRANË– Gruaja që shihni në foto është Lubjana Gjeçaj, nëna e 3 fëmijëve, e cila u arrestua sot nga Policia shqiptare në bashkëpunim me atë italiane...
TIRANË- Tmerri i Policisë së Shtetit... “I shpejti” që nuk kapej pasi nuk linte asnjë gjurmë. Krimet e tij, ishin të njohura, e madje edhe për një copë bu...
“Më vendosën armën në kokë. Më rrahën që të katërt nuk njihja asnjërin. Ata më pyetën; Çfarë kërkon në lagje, çfarë do këtu?” Kështu e nis rrëfimi...
