Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– I ftuar në studion e emision “Kjo Javë” me Nisida Tufën në News24, ish prokurori i përgjithshëm Theodhori Sollaku komentoi atentatin e ndodhur pasditen e 1 nëntorit në mbikalimin e Shkozetit, ku u qëllua me breshëri automatiku ndaj makinës së prokurorit Arjan Ndoji. Sollaku e konsideroi të rëndë ngjarjen ndërsa theksoi se krimi në vend ka marr hov të madh.
Do doja ta nisnim me ngjarjen që ndodhi në Shkozet, si e patë këtë ngjarje?
U bënë ditë që media i ka bërë komentet e veta, unë nuk kam informacion më shumë. Bashkohem me atë që ngjarja ishte e rëndë, për më tepër që objektiv ishte një prokuror i shtetit. Kjo e bën që të ketë më tepër sensibilitet në radhët e njerëzve, sepse kur vihet dorë mbi njerëzit e shtetit, veçanërisht mbi gjyqtarët e prokurorët, tregon se krimi ka marrë hov të madh në vend.
Lidhur me ngjarjen janë lakuar personalitete të shumtë, deri në nivel politik. Sa më sensitive e bën këtë çështje dhe si është raporti i politikës me krimin?
Është e vërtetë që kjo ngjarje u parapri nga disa deklarata politike të drejtuesve më të lartë. Natyrisht në politikë edhe bëhen deklarata të tilla. Kujtoj kohën time 12 vite më parë, kur gjithë parlamenti, gjithë media, pasqyronte atë që ekzekutivi i kohës sulmonte ish-prokurorin e përgjithshëm.
Por duhet të mësohemi me këtë realitet. Megjithatë, njerëzit e drejtësisë nuk duhet të tërhiqen, pavarësisht se ç’thonë politika. Mendoj se nuk ka lidhje mes deklaratave të bëra nga struktura të veçanta të ekzekutivit, pra kryeministri dhe zv.kryeministri, lidhur me atë që ndodhi më pas.
Po pse u bënë kaq hapur këto deklarata?
Nuk thashë që ka bërë mirë kryeministri apo zv.kryeministri. Rruga, për çdo individë, kur ka dijeni për një vepër penale, duhet denoncuar në prokurori, për më tepër kur ka figura të larta. Por, prapë mendoj se deklarata të tilla nuk është se janë të padëgjuara ndonjëherë në realitetin shqiptar. Edhe prokurorët pas meje kanë qenë në sulmin e akuzave të krerëve të politikës, shumë herë të padrejta.
Kur keni qenë prokuror i përgjithshëm keni marrë masë disiplinore ndaj prokurorit Arjan Ndoji, si ndodhi?
Nuk e kujtoj, sepse në atë kohë detyra e Prokurorit të Përgjithshëm, ndryshe nga sot, është që ishte përgjegjëse për politikën e kuadrit. Drejtoria e Inspektimit kur gjendeshin shkelje të ndryshme propozonte masa dhe prokurori i përgjithshëm ishte i detyruar t’ia propozonte Presidentit për të marrë masa.
Nuk di hollësitë për këtë rast, por di qe pas ca kohësh ai ka fituar në Gjykatën e Lartë të drejtën për t’u kthyer sërish në detyrën e prokurorit. Kanë qenë cështje që Drejtoria Inspektimit, unë, Presidenti i Republikës, vlerësuam se conin në shkarkimin e prokurorit, por më vonë Gjykata e Lartë tha “jo”, pra ky është sistemi që kemi zgjedhur.
Si e njihni prokurorin Ndoji?
Nuk kam njohje personale me të, se prokuroria ka pasur 300 e ca prokurorë, kryesisht e kam njohur përmes informacioneve që vinin për çështje të ndryshme apo inspektimet.
Në makinën e prokurorit u tha se gjetën disa dosje, a është normale?
Nuk di si është tamam kjo situatë, prezenca e dosjeve, por kam dëgjuar që ka nisur një hetim administrativ për të parë këtë situatë, pse dosjet ishin aty, a ka konflikt, shërbenin, siç kishte thënë prokurori, që punonte te zyra e gruas, jepte konsulenca. Por, gjithsesi detaje nuk ka.
A është normale që prokurori të udhëtojë me këto dosje?
Problemi është se makinat përdoren dhe nga familjarët, në qoftë se ato janë të bashkëshortes, mund ta ketë marrë në rrugë zyrtare. Nëse e ka marrë në rrugë zyrtare, sepse avokatet kane të drejtë të kërkojë fotokopje të dosjeve, është normale. Por, hetimi administrativ do të sqarojë këtë situatë, mendoj unë.
Kjo studio e konsulencës, a është një konflikt i pastër interesi për prokurorin?
Me ç’kam dëgjuar është thënë se punon bashkëshortja e tij si avokate. Gruaja është nomrale të punojë. Problemi është nëse prokurori punon si konsulent, pasi bën punën si prokuror, dhe padyshim që kjo është shkelje e rëndë dhe prokurori do ndëshkohet për këtë situatë.
Pse krimi e ndjen veten kaq të fuqishëm, sa të godasë edhe njerëz të drejtësisë në detyrë?
Informacionet kanë qenë kontradiktore, nisur dhe nga deklaratat e prokurorit. Fillimisht u tha se ai deklaroi se nuk ishte ai shënjestër, por më pas shohim që ka disa reflektime të tjera, ku ai hedh poshtë deklaratën e parë dhe thotë se shënjestër isha unë. Akoma nuk e kemi të qartë se kush ka qenë shënjestër apo ka qenë në kohën dhe vendin e gabuar. Hetimet do ta sqarojnë këtë situatë.
Do doja të bëni një krahasim për situatën me krimin 2007-2019 …
Shteti, prokuroria, policia prandaj janë ngritur për të parandaluar dhe goditur krimin, veçanërisht atë të organizuar. Vazhdimisht ka pasur ngjarje të tilla, në periudha të ndryshme ato dalin më në pah. Krimi në vendin tonë, si dhe në gjithë vendet e tjera, është prezent, veçanërisht në kushtet e vështira ekonomike, në kushtet e luftës së grupeve kriminale për tregjet. Shqipëria ka qenë e kanabizuar gjithandej dhe shumë problematika solli kjo situate, sepse u mboll kanabisi, u korr, u transportua u kapën disa dhe në fund kur bëhet bilanci i lekëve dhe ato kur nuk dalin, fillojnë përplasjet.
Situata, të paktën në Durrës, nuk është shumë e mirë. Doja t’iu pyesja për abuzimin me pronat në bregdet …
Është vështirë të marrësh nga unë një përgjigje të saktë, sepse unë jam avokat. Informacione marrim kur kemi çështje konkrete. Por, kjo ka treguar se ç’është bërë me pronat në Shqipëri, vecanërisht ndaj krupeve kriminale.
Historia ka treguar se shumë akte pronësie janë marrë me falsifikime, duke iu rënë në qafë grupeve të tjera, që më pas çojnë në konflikte dhe degjenerojnë pastaj në përplasje.
(Marrë nga BalkanWeb)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ambasada e SHBA në Tiranë në një postim në Facebook, ka reaguar në lidhje me vijimin e punës për Zgjidhjen e Rrjetit Kibernetik. Ambasada shkruan s...
GREQI- Një aksident i rëndë ka ndodhur dot në Greqi, ku ka humbur jetën një 38-vjeçar shqiptar. Sipas informacioni aksidenti ka ndodhur ka ndodhur në orë...
TIRANË- Kompania Fusha shpk që është akuzuar për lidhjet e saj me qeverinë, ka fituar një tjetër projekt të rëndësishëm, atë të Lungomare 2 në Vlorë. Sipas...
TIRANË- Me datë 28 nëntor Qendra e Lëvizjes Vetëvendosje në Tiranë do të organizojë një marshim për bashkimin Shqipëri-Kosovë”. Marshimi do të nisë n...
TIRANË– Modelja Kejvina Kthella ua hodhi fajin mediave për publikimin e detajeve nga lidhja e saj intime me Redjan Rrajën, të akuzuarin si atentator ...
TIRANË- Ish-velina e “Xing me Ermalin”, Kejvina Kthella ka reaguar për herë të parë pas përfshirjes së saj në probleme me policinë dhe marrjen në pyetje pë...
SHKODËR- Një aksident i rëndë është shënaur sot në mesditë në aksin rrugor Shkodër-Lezhë. Sipas informacioneve mësohet se si pasojë e aksidentit ka mbetur ...
DURRËS- Janë riaktivizuar hetimet lidhur me rrëzimin e avionit të drogës në Ishëm të Durrësit, në vitin 2016, i cili pilotohej nga italiani Guido Guidi. Ky...
GJIROKASTËR– Një megaoperacion i koduar “Trekëndëshi” është zhvilluar në qarkun e Gjirokastrës, ku pas 6 muajsh hetime 11 persona janë ar...
Në javën e parë të tetorit Autoriteti i Mediave Audiovizive, AMA, urdhëroi mbylljen e transmetimeve televizive analoge në qarkun Durrës dhe Tiranë, duke e &cced...
