Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
‘Shoqëritë e qytetëruara’, u fliste dje Elisa Spiropali prindërve dhe gjyshit të vajzës së dhunuar në Kavajë, ‘dallohen nga mënyra se si përballen me sfidat, si përballen me raste të tilla dhe si e trajtojnë dinjitetin e njeriut’.
Mirëpo gjuha e trupit e atyre njerëzve fliste më shumë se Spiropali dhe veshjet e saj të zeza.
Nëna e vajzës kishte kryqëzuar këmbët edhe duart, një komunikin ky jo verbal që ulëret padëshirën e personit për tu hapur ndaj çdo mesazhi apo ngacmimi të jashtëm, si mesazhet që po përpiqej Spiropali të përcillte.
Me dorën e majtë kapte një cep të trikos, një formë kjo e pandërgjegjshme përmes së cilës qënia e saj po komunikonte pasigurinë në të cilën ndodhej e duke u përpjekur kështu t’i jepte vetes një formë çfarëdo komforti.
Ndërsa sytë i mbante ulur duke na treguar se kamera e Edi Ramës që i kishte shkuar në shtëpi, më shumë se çlirimi që të pushton kur e përball me kurajo të vërtetën, po i shkaktonte parehati, si parehatia kur t’i ngulin sytë njerëz të panjohur që përpiqen të të zhbirilojnë teksa ecën në rrugë.
Në këtë moment, kamera nis ngadalë të afrohet duke u zoom-uar në bustin e Spiropalit që vazhdon të mbajë të ulët tonin e zërit e të ngadaltë ritmin e të folurit.
Spikat aty lëvizja që bën me dy duart e bashkuar. Në atë moment, që është dhe më i rëndësishmi, ajo ndjen se fytyra dhe zëri ndoshta nuk po e përcjellin tamam mesazhin, ndaj përdorimi i dy duarve që i shtyn para është mënyra si ajo po e ndihmon veten ta shtyjë deri në fund apo ta përforcojë aktrimin për të cilin kishte marrë detyrën:
‘Kam porosi nga kryeministri’, nis të thotë me një buzëqeshje fallco në fytyrë, tipike të njeriut që bën sikur mban më shumë zi se familjarët, ‘që nëse vajza do dojë të ndjekë shkollë këtu në kolegj, apo do të shkojë jashtë, pra kudo që të jetë ne do ta ndjekim për t’i siguruar bursë edhe mbështetje që ajo të zhvillojë të gjithë potencialin e saj’.
Zgjatimi i Edi Ramës përmes aktores-ministre drejt e në shtëpitë e shqiptarëve, nuk është një përpjekje për të komunikuar me shumicën e qytetarëve për të krijuar imazhin e një qeverie që kujdeset për më të dobtit dhe më të pambrojturit e këtij vendi.
E gjithë ajo shfaqje e turpshme që zgjati 4 minuta dje, ashtu si edhe muaj më parë një shfaqje e ngjashme me viktimën e përdhunuar nga djali i një deputeti të PS, ishte, në fakt, një përpjekje perverse e Ramës për të komunikuar direkt me të vetët, me militantët dhe me bazën e votuesve të PS.
Atyre tani, nuk u intereson më se çfarë mendon shumica e heshtur e shqiptarëve. Celësi i pushtetit të tyre, ashtu si në çdo vend autoritar, është të sigurohen se baza e militantëve, pra e deleve që e votojnë dhe që e legjitimojnë, të rrijë në tufë e të mos guxojë as ta mendojë se një ditë mund të ikë e të vrapojë me kokë të vet!
Në këtë mënyrë, me ndërgjegje të plotë dhe pa pikën e dinjitetit, edhe Spiropali, edhe Endri Fuga që qëndron pas këtij teatri mediatik, edhe shefi i tyre Edi Rama, janë duke konsumuar një akt të pastër të përdhunimit deri në fund të asaj pak ndërgjegjeje që mund t’u ketë ngelur njerëzve të tyre e që në rast krizash mund të shpërfaqet në sipërfaqe.
Janë duke u dhënë mesazhin se partia të hyn në shtëpi, me hir a me pahir, në ditën tënde më të keqe. Se nëse nuk i nënshtrohesh vullnetit të partisë jo vetëm që nuk do të të ofrohet më asnjë ndihmë, por ditë më të këqija se këto që ke parë do të të vijnë mysafire këmbëkryq në sofër.
Kjo është edhe arsyeja pse ndryshe nga fytyra e ngrirë e gruas që tregon përpjekjen e saj për të fshehur emocionet e vërteta që ndjen në atë moment, burri i saj, babai i vajzës, është më i sinqertë dhe nuk bën asnjë përpjekje për të fshehur asnjë emocion që ndjen në ato momente.
Kur qan e përgjërohet me dënesë që ‘ta mbyllim me kaq’, më shumë se dhimbjen për atë që i ka ndodhur, po tregon në fakt, frikën për atë që akoma mund t’i ndodhë në të ardhmen.
/Botuar në historia-ime.com
Tirana është boshatisur për ditët e pushimit. Cilën nga ritet e shenjta po ndiqni:
Qytetarët e Shkodrës, Korçës, Peshkopisë dhe Gjirokastrës kanë dalë sot në protestë kundër qeverisë Rama duke i paraprirë asaj të 16 shkurtit që do të zh...
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, ka reaguar lidhur me publikimin e videos që zbuloi identitetet e ...
Policia e Shtetit, zhvilloi analizën e veprimtarisë së kryer përgjatë vitit 2018 për garantimin e rendit e të sigurisë publike. Në këtë analizë ishin të pranish...
Nga një anketim i kryer nga ana e Institutit të Studimeve Politike me 70 për qind të deputetëve të Kuvendit të Shqipërisë rezulton se gjysma e bashkëshortë(e)ve...
Njoha fillimisht ata të dy, Alfons Gurashin dhe Agron Çobanin. Më pas Kiço Blushin.Ata ishin tre… dhe e kishin për zemër të gjerbnin kafe apo të s...
TIRANË- Rasti i përdhunimit të të miturës në Kavajë është kthyer në temën kryesore të debatit politik dhe atij mediatik. Kryeministri Edi Rama publikoi dje...
Prijësit që po duan ta djegin mundësine e shekullit për të ngrohur vehten para oxhaqeve dhe shtëpite e tyre me salltanete të ndërtuara nga paraja publike.Para p...
Pas vendimit të Gjykatës së Apelit të Krimeve të Rënda për Dritan Dajtin nuk kanë qenë të pakta reagimet e gazetarëve të kronikës. Asnjë prej tyre nuk e ka mbë...
Tamar Laptosh u shpall heroina e drejtësisë kroate nga Ministria e Drejtësisë e Shqipërisë. Në njoftimin e bërë 3 ditë më parë, Ministria e Etilda Gjonajt njoft...
TIRANË- Përzgjidhen anëtarët e Komisionit të Jashtëm të vlerësimit dhe Sekretariatit teknik për Vettingun në Polici, Gardën e Shtetit dhe SHÇBA.Mini...
