Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Aktori i madh i skenës shqiptare, Viktor Zhusti ka bërë një urim të ndjerë për kolegun e tij dhe “babain” në rol, aktorin Robert Ndrenika.
I ndjerë pak në faj për mungesën e takimeve, Zhusti shkruan pse aktorët nuk kujtohen për urime në raste të tilla.
Zhusti kujton kohët kur luanin së bashku në skenë me Robert Ndrenikën, gjithmonë në rolet e babait dhe të birit. Aktori ndjen mungesën e kolegut Robert Ndrenika, kur thotë se ka mbi 1 vit që nuk është takuar me të, e shpreh dëshirën që ky vit i ri të jetë më i gëzueshëm.
Letra e plotë:
Urime per Vitin e Ri 2021.
( Sivëllait dhe kolegut fisnik ROBERT NDRENIKA )
Robert i dashur !
Unë, përgjithësisht shkruaj urime dhe për Krishtlindje dhe për Bajram dhe për ditlindje dhe për ndonjë festë tjetër. Shkruaj pse, urimet në të tilla raste, si një urë e brishtë më lidhin me jetën, pasi, me pelqen a jo, pensioni dhe mosha, vendosin një kufi të dhimbshëm me njerëzit, botën, artin…
Do desha, i dashur Bert, më këtë rast, sëbashku me ty, emër për emër, të uroj dhe dhjetra miq, kolegë, aktorë e regjisorë, brenda e jashtë vendit, por siç fort mire e di dhe ti, kjo “dreq raca jonë”, ka kujtesë njerëzore kur është rasti për të justifikuar harresat e veta (qoftë dhe të tekstit gjatë shfaqjes), por nëse “guxon” të harrosh pa përmendur qoftë dhe njeri prej tyre, (siç dhe më ka ndodhur), ke lënduar keqazi sedrën e tij dhe, ky “mëkat i ububushëm”, jo vetëm që nuk të falet, por as dhe të fshijet më kurrë nga CiVi-ja, (siç dhe e kam provuar), pasi në të tilla raste, kemi kujtesë elefantësh… Prandaj, duke mos dashur të rregulloj një gabim bëj një më të madh, urimi për të gjithë, ndonse tepër i përzemërt, është i përgjithshëm.
I miri Bertuç ! I nisëm studimet së bashku, në të njëjtën klasë, në Vitin e hershëm 1960 dhe 60 vjet pas tyre, nuk u lodhëm as nga humori dhe as nga hallet e njeri-tjetrit. Ka rastisur që dhe t’a kemi mërzitur njeri-tjetrin, por kurrë nuk iu mërzitëm njeri-tjetrit.
Diferenca jonë në moshë është 10 muaj (e ke ndjerë, besoj, respektin ndaj teje si më i madh…) e megjithë këtë diferencë të vogël, çdo herë, në skenë t’i luaje “babanë e dhimbshëm”, unë “djalin plangprishës”, ti të mirin, unë të keqin, kur luajtëm një akt nga Shekspiri, ti zgjodhe Otellon, mua më le Jagon, unë (nga respekti siç të thashë), të kam thirrur më shkurtime miqësore: Bert, Bertuç, (së fundi me shkurtimin amerikan) Bob, kurse ti (si me karakter më të qëndrueshëm), vazhdimisht me nofkën “ e grek-o”, e prapë nuk u keqkuptuam si njerëz, nuk u ndamë si shokë, nuk nguruam të bashkëpunojmë si kolegë.
Po bëhet gati një vit që nuk jemi takuar, ti në atë-dhe, unë në mëmë-dhe. Na distancoi (s’më vjen për mbarë të them “n’a ndau”) Covid 19-ta e megjithatë qetësohem sa herë dëgjoj emrin dhe zërin tënd dhe në atë zë, shquaj nuance humori e gjallërie, pasi edhe pse “bir plangprishës”, më shqetëson shëndeti jot, “baba”…
S’ka pse nxitohemi dhe as të merzitemi se u lodh duke n’a pritur Shën Pjetri, kemi akoma motive për të qëndruar në këtë botë, në këmbë, të gjallë, energjikë, hajde, po shtoj dhe: optimistë… Pastaj ti vetë e ke pohuar (sa kam qeshur kur tek “Thëniet filozofike”, krahas atyre të Aristotelit, Konfucit, Comeniusit etj, lexova të shtuar dhe thënien tënde) “S’ka pse nxitohesh, nëse është fat, herët apo von, do të ndodhë” !
Dhe kështu, Bob i dashur, të uroj që motmotin e ri 2021 t’a kalojmë gëzueshëm, mes dashurisë (reale a virtuale) të të afërmve, miqve, kolegëve edhe pse në horizontin tonë dhe të këtij vendi sherrxhinjsh ku u rritëm, në këtë fillim dimri, shfaqjen herë pas here, re të zeza…
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
LEZHË– Policia e Lezhës ka vënë në pranga dy persona të cilët ishin të shpallur në kërkim.Sipas uniformave blu, është arrestuar shtetasi Filip Shtjefni, i ...
KUKËS-Covid-19 i ka marrë jetën në moshën 64 vjeçare, Drejtorit të Administratës së Zonave të Mbrojtura Qarku Kukës, Besnik Hallaçit.Me prof...
KORÇË– Trupi i pajetë i një punonjësi të Ndërmarrjes së Shërbimeve Publike është gjetur mëngjesin e sotëm. Trupi i viktimës është gjetur në vendin e...
TIRANË– Nuk ka Covid që i ndalon të rinjtë shqiptarë të festojnë Vitin e Ri! Mbrëmjen e djeshme në një nga lokalet në kryeqytet ishin të pranishëm më shumë...
TIRANË– Dosja.al ju sjell titujt kryesorë të portaleve për ditën e sotme.Dosja.al ka në faqe të parë faktin se ditën e djeshme nuk u raportua bilanci i per...
TIRANË– Këtë të shtunë sipas Meteoalb, mbetemi në ndikimin e kthjellimeve dhe vranësirave të herë pas herëshme në të gjithë territorin shqiptar.Por m...
TIRANË– “Sot jam në punë, njejtë si çdo ditë tjetër të vitit. Për ne njerëzit e shëndetësisë nuk ka pushime edhe kur janë festat,” tregon Elen...
TIRANË– Kanë kaluar më shumë se gjashtë orë nga koha kur Ministria e Shëndetësisë dhe ISHP-ja publikojnë bilancin ditor me viktimat e shkaktuara nga ...
ITALI– Një fëmijë shqiptar, ka çelur ‘siparin’ e bebeve edhe në vendin fëinj, në Itali. Top-Channel shkruan se Alessandro, një fëmijë shqiptar është fëmi...
TIRANË– Avokati Altin Goxhaj ka humbur babain e tij për shkak të Covid-19, në ditën e parë të vitit 2021. Në një postim në rrjetet sociale, vetë avok...
