Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Një atentat me armë zjarri ka ndodhur mbrëmjen e sotme në fshatin Grudë e Re në Shkodër. •Si pasojë e këtij atentati mbetën të plagosur 28-vjeçar, Gjergj Ndërshtiqaj, student në Akademinë e Sigurisë dhe kunati i tij 30-vjeçar, Gjon Nika. • Mësohet se ndaj tyre janë qëlluar me breshëri 30 plumab, ndërsa vetëm dy kanë arritur t'i kapin, pasi në momentin që kanë degjuar të shtënat janë larguar nga automjeti i tyre. • Dy të rinjtë ndodhen në spital, nën kujdesin e mjekëve jashtë rrezikut për jetën. • Deri më tani janë gjetur dy makina të djegura, njëra e autorëve dhe njëra e dy të rinjve të plagosur. • Të dy automjetet dyshohet se janë dejgur nga autorët e të shtënave. • E gjithë ngjarja ka ndodhur pranë një lokali, i cili ishte i pajisur me kamera sigurie dhe policia po bën këqyrjen e tyre me qëllim identifikimin e autorëve. • Në vendngjarje janë drejtuesit e Drejtorisë Vendore të Policisë si dhe disa grupe të Forcës Kombëtare të Sigurisë dhe të RENEA-s e specialistë nga Departamenti i Policisë Kriminale në Policinë e Shtetit. • Mësohet se edhe drejtori i Policisë së Shtetit, Muhamet Rrumbullaku ndodhet në drejtorinë e policisë së Shkodrës.
5 artikuj për këtë temë.
SHKODËR- Vijojnë të zbardhen detaje të reja nga atentati i ndodhur mbrëmjen e sotme në Shkodër, ku të plagosur mbetën dy persona.
Mësohet se autorët kanë qëlluar mbi 30 plumba drejt automjetit ku ndodhenin Gjergj Ndërshtiqaj, i cili aktualisht ndjek Akademinë e Policisë për të marrë gradën e oficerit dhe kunati i tij, Gjon Nika.
Pavarësisht breshërisë së plumbave, të plagosurit kanë marrë nga dy plagë secili dhe fatmirësisht ndodhen jashtë rrezikut për jetën në Spitalin e Shkodrës. Sipas raportimeve në momentin kur autorët e dyshuar kanë nisur që të qëllojnë, dy të plagosurit kanë dalë menjëherë nga automjeti dhe kanë nisur të vrapojnë në tokat afër vendit të ngjarjes duke arritur që të shpëtojnë.
Deri më tani janë gjetur dy makina të djegura, njëra e autorëve dhe njëra e dy të rinjve të plagosur. Të dy automjetet dyshohet se janë dejgur nga autorët e të shtënave.
SHKODËR- Është publikuar fotoja e njërit prej të plagosurve mbrëmjen e sotme nga atentati në fshatin Grudë e Re në Shkodër.
I riu në foto është Gjergj Ndërshtiqaj 28 vjeç, student në Akademinë e Sigurisë. I plagosur mbeti edhe kunati i tij 30 vjeç, Gjon Nika.
Në vendngjarje janë drejtuesit e Drejtorisë Vendore të Policisë si dhe disa grupe të Forcës Kombëtare të Sigurisë dhe të RENEA-s e specialistë nga Departamenti i Policisë Kriminale në Policinë e Shtetit.
SHKODËR- Dy persona mbetën të plagosur mbrëmjen e sotme me armë zjarri në Shkodër. I plagosur ka mbetur Gjergj Ndershtiqaj 28 vjeç dhe kunati i tij, Gjon Nika 30 vjeç.
Ndërkohë policia pak më herët pranë vendngjarjes gjeti një makinë të djegur, ndërsa tani raportohet se janë gjetur edhe dy pistoleta.
Policia, RENEA dhe specialistë të kriminalistikës kanë rrethuar zonën me qëllim identifikimin dhe kapjen e autorit/ve.
SHKODËR- Policia ka reaguar për të shtënat e raportuar mbrëmjen e sotme pranë një lokali në fshatin Grudë e Re në Shkodër.
Mësohet se shenjestra e të shtënave ishte 28-vjeçari Gergj Ndershtiqaj, student në Akademinë e Sigurisë, ndërsa i plagosur ka mbetur edhe kunati i tij, 30 vjeç, Gjon Nika. Dy të plagosurit janë dërguar në spital për ndihmë mjekësore.
Bëhet me dije se gjatë kontrollit të zonës, për kapjen e autorëve, në afërsi të vendit të ngjarjes, kanë konstatuar duke u djegur një automjet tip “Renault”, i cili dyshohet se është përdorur nga autorët. Gjithashtu raportohet se të plagosurit janë vëllai dhe kunati i drejtorit të Transportit Rrugor në Shkodër.
NJOFTIMI I POLICISË:
Rreth orës 19:30, në afërsi të një lokali në fshatin Grudë e Re, është qëlluar me armë zjarri shtetasi Gj. N., rreth 30 vjeç. Si pasojë e të shtënave është plagosur edhe kunati i tij, shtetasi Gj. N., 28 vjeç, student në Akademinë e Sigurisë. Të dy këta shtetas janë transportuar në spital, për ndihmë mjekësore.
Në drejtim të vendit të ngjarjes janë nisur shërbimet e Policisë, drejtuesit e Drejtorisë Vendore të Policisë dhe të Komisariatit të Policisë Shkodër.
Në ndihmë të Policisë vendore janë nisur disa grupe të Forcës Kombëtare të Sigurisë dhe të RENEA-s, si dhe specialistë nga Departamenti i Policisë Kriminale në Policinë e Shtetit.
Shërbimet e Policisë, gjatë kontrollit të zonës, për kapjen e autorëve, në afërsi të vendit të ngjarjes, kanë konstatuar duke u djegur një automjet tip “Renault”, i cili dyshohet se është përdorur nga autorët.
Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe identifikimin e autorit.
Pas sqarimit të rrethanave të ngjarjes dhe në përfundim të veprimeve të para, do të ketë informacion më të detajuar për këtë rast.
SHKODËR- Të shtëna me armë zjarri janë raportuar mbrëmjen e sotme në një fshat në Shkodër, ndërsa mësohet se është plagosur një efektiv policie.
Efektivi i plagosur është Gjergj Ndërshtiqa. I plagosuri është dërguar në Spitalin Rajonal të Shkodrës, ku po merr ndihmë mjekësore, ndërsa ende nuk dihet gjendja e tij.
Policia ndodhet në vendngjarje, ku po punon për zbardhjen e rrethanave të ngjarjes.
