"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Një operacion policor i koduar “Oroshi”, i zhvilluar nga Komisariati i Policisë Pukë në bashkëpunim me DVP Shkodër, Drejtorinë e Antiterrorit dhe Forcat Speciale RENEA, u finalizua dje pas një rrethimi të gjatë 12-orësh në fshatin Orosh, Fushë-Arrëz. • Ngjarja filloi më datë 24 nëntor 2025, rreth orës 09:00, kur shërbimet e Policisë së Pukës konstatuan një person që, duke parë patrullën, u fut me shpejtësi në një banesë të braktisur, pronë e shtetasit P. Cumraku. • Shërbimet e Policisë i bënë thirrje për t’u dorëzuar, por personi kërcënoi me armë punonjësit e rendit dhe refuzoi t’i bindet. • Për shkak të rrezikshmërisë së situatës, policia rrethoi banesën dhe kërkoi ndërhyrjen e forcave speciale. • Në vendngjarje shkuan Forcat RENEA, të cilat morën nën kontroll perimetrin e jashtëm, ndërsa forcat “Shqiponja” të DVP Shkodër ndihmonin operacionin. Gjatë thirrjeve për dorëzim, nga brenda banesës u qëllua me armë ndaj forcave RENEA, duke rrezikuar jetën e tyre. • Pas 12 orësh negociata, të dy personat që ndodheshin në banesë, Erzen Uka (i njohur edhe si Hamza, 35 vjeç) dhe Julian Cumraku (34 vjeç), u dorëzuan. • Në këtë periudhë, rol të rëndësishëm luajtën edhe të afërmit e tyre, të cilët ndihmuan në finalizimin e operacionit pa përdorur forcë dhe pa shkaktuar dëmtime. • Gjatë dorëzimit, Eren Uka kishte një plagë të sipërfaqshme në kofshën e djathtë dhe u transportua menjëherë në Spitalin Rajonal Shkodër, jashtë rrezikut për jetën. • Gjatë kontrollit të kryer në mjediset e shtëpisë ku u strehuan, policia gjeti një arsenal të plotë armësh. • Në total u sekuestruan: 4 automatikë, një armë pistoletë, 18 granata dore, 7 karikatorë të mbushur dhe rreth 2000 fishekë. • Po ashtu, u fund një flamur i ISIS-it, material zjarrpërcjellës, kapsolla detonatore dhe dy gëzhoja. • Të dy të arrestuarit tani do të përballen me akuza të rënda, përfshirë: “propaganda terroriste”, “prodhim armësh luftarake”, “kundërshtim të punonjësit të policisë” dhe “mbajtje pa leje të armëve dhe municionit luftarak”.
5 artikuj për këtë temë.
PUKË- Erzen Uka, i njohur edhe si Hamza, është i njohur për policinë shqiptare. Ai ka shërbyer si komando në trupat paqeruajtëse në Irak. 35 vjeçari ka qenë më herët i dënuar për “nxitje urrejtjeje dhe grindjesh”. Mësohet se dyshimet për aktivitet të dyshimtë të tyre ishin monitoruar prej kohësh nga strukturat e Antiterrorit.
Në shtator 2020, Gjykata e Tiranës e dënoi me 3 vite burg për akuzat e “Nxitjes, thirrjes publike dhe propagandës për veprat me qëllime terroriste”, si dhe për “Mbajtje dhe prodhim pa leje të armëve, armëve shpërthyese dhe municionit”.
Uka, ish-pjesëtar i trupave paqeruajtëse shqiptare në Irak, është përfshirë më herët në një çështje të bujshme në vitin 2015, kur u arrestua i dyshuar për rekrutimin e të miturve për t’iu bashkuar organizatës ISIS, një proces që solli përplasje të forta në gjykatë me gjyqtarin Bibë Ndreca.
Ndërsa prej 1 muaji së bashku me Juljan Cumrakun banonin në shtëpinë e braktisur në Orosh. Cumraku është nipi i pronarit të banesës, Mehill Cumraku.
PUKË- Zbardhen të tjera detaje nga operacioni në Orosh, ku Hamza Uka dhe Julian Cumraku u dorëzuan pas 12 orësh rrethim dhe negociatash me forcat RENEA. Dy të dyshuarit dyshohet se fshiheshin prej rreth dy muajsh në një banesë të braktisur në zonën e Fushë-Arrëzit.
Gjatë kontrollit të kryer në mjediset e shtëpisë ku u strehuan, policia gjeti një arsenal të plotë armësh. Në total u sekuestruan: 4 automatikë, një armë pistoletë, 18 granata dore, 7 karikatorë të mbushur dhe rreth 2000 fishekë. Po ashtu, u fund një flamur i ISIS-it, material zjarrpërcjellës, kapsolla detonatore dhe dy gëzhoja.
Policia ka publikuar edhe një njoftim zyrtar, ku sqaron se të dy të dyshuarit u vetëdorëzuan pas ndërhyrjes së forcave RENEA dhe pas negociatave të vazhdueshme me familjarët e tyre.
Të shkuara penale dhe dyshime për lidhje me ekstremizmin
Eren Uka, 35 vjeç, ka qenë më herët i dënuar për “nxitje urrejtjeje dhe grindjesh”. Ndërkohë, 34-vjeçari Julian Cumraku ka precedent penal për “vjedhje” dhe “kanosje”. Mësohet se dyshimet për aktivitet të dyshimtë të tyre ishin monitoruar prej kohësh nga strukturat e Antiterrorit.
Uka, ish-pjesëtar i trupave paqeruajtëse shqiptare në Irak, është përfshirë më herët në një çështje të bujshme në vitin 2015, kur u arrestua i dyshuar për rekrutimin e të miturve për t’iu bashkuar organizatës ISIS, një proces që solli përplasje të forta në gjykatë me gjyqtarin Bibë Ndreca.
Të dy të arrestuarit tani do të përballen me akuza të rënda, përfshirë: “propaganda terroriste”, “prodhim armësh luftarake”, “kundërshtim të punonjësit të policisë” dhe “mbajtje pa leje të armëve dhe municionit luftarak”.
PUKË- Operacioni i koduar “Oroshi”, i zhvilluar nga Policia e Pukës në bashkëpunim me DVP Shkodër, Drejtorinë e Antiterrorit dhe Forcat Speciale RENEA, u mbyll pas rreth 12 orësh me arrestimin e dy rinjve që u rezistuan forcave të rendit të mbyllur në një banesë në fshatin Orosh.
Blutë bëjnë me dije se ngjarja nisi paraditen e 24 nëntorit, kur një person u largua me shpejtësi dhe u fut në një banesë të braktisur sapo pa patrullën e Policisë. Thirrjet për t’u dorëzuar u kundërshtuan me kërcënime, ndërsa më vonë, ndaj forcave RENEA u qëllua edhe me armë zjarri.
Për të shmangur viktimat, negociatat me familjarët vijuan për orë të tëra deri sa dy personat brenda banesës u vetëdorëzuan. Sakaq Eren Uka u gjet me një plagë në kofshë dhe u dërgua në spital, jashtë rrezikut për jetën.
Gjatë kontrollit në banesën e braktisur, policia sekuestroi: 4 armë automatike; 1 armë pistoletë; 17 granata dore difensive; Municion luftarak; Kapsolla detonatore dhe fitil zjarrpërcjellës; Flamur të ISIS-it i vendosur në mur mes armëve si edhe dy gëzhoja.
Bëhet me dije se 35-vjeçari Eren Uka rezulton i dënuar më parë për “nxitje urrejtjeje dhe grindjesh” ndërsa Julian Cumraku, 34 vjeç, me precedent për “vjedhje” dhe “kanosje”.
Mbi dy të arrestuarit rëndojnë disa akuza të rënda si, “propaganda terroriste”, “prodhim armësh luftarake”, “kundërshtim të punonjësit të policisë” dhe “mbajtje të armëve dhe municionit luftarak pa leje”.
Njoftimi i policisë:
Pukë/Finalizohet operacioni policor i koduar “OROSHI”, i zhvilluar nga Komisariati i Policisë Pukë, strukturat e DVP Shkodër, Drejtoria e Antiterrorit me mbështetjen e Forcave Speciale Renea.
Kërcënuan me jetë punonjësit e Policisë së Komisariatit të Policisë Pukë, u mbyllën në banesë dhe reaguan me armë ndaj punonjësve të Policisë së Repartit Special Renea duke u rrezikuar jetën, pas 12 orësh në rrethim, pamundësisë për t’u larguar dhe pas negociatave me të afërmit e tyre, vetëdorëzohen dy shtetas që u mbyllën në banesë.
Sekuestrohen 5 armë zjarri, municion luftarak, granata dore difensive, kapsolla detonatore dhe fitil zjarrpërcjellës.
Vihen në pranga të dy shtetasit që kundërshtuan Policinë me armë.
Më datë 24.11.2025, rreth orës 09:00, shërbimet e Komisariatit të Policisë Pukë, gjatë kontrollit të territorit në fshatin Orosh, Fushë-Arrëz, kanë konstatuar një person i cili, sapo ka parë shërbimet e Policisë, është larguar me shpejtësi duke u futur në një banesë të braktisur, pronë e shtetasit P. C.
Shërbimet e Policisë i kanë bërë thirrje që të dilte nga banesa, por personi nuk i është bindur thirrjes së Policisë dhe ka kërcënuar punonjësit e Policisë.
Ndodhur në këtë situatë, bazuar edhe në informacionet e siguruara më parë për rrezikshmërinë e këtij personi, shërbimet e Policisë rrethuan banesën dhe kërkuan ndërhyrjen e forcave policore të specializuara, me qëllim sigurinë e jetës së punonjësve të Policisë.
Në vendngjarje shkuan Forcat Speciale Renea, të cilat morën në kontroll perimetrin e jashtëm të banesës që mbahej nga forcat e Komisariatit të Policisë Pukë dhe forcat “Shqiponja” të DVP Shkodër.
Në momentin që Forcat Speciale Renea i kanë bërë thirrje personit të dalë nga banesa, nga brenda banesës është qëlluar me armë zjarri në drejtim të forcave speciale Renea.
Pas 12 orësh në rrethim, ku Forcat Speciale Renea u bënë thirrje të vazhdueshme për t’u dorëzuar, pamundësisë për t’u larguar nga rrethimi dhe pas negociatave me të afërmit e tyre të cilët luajtën një rol të rëndësishëm në finalizimin e operacionit pa përdorur forcë dhe pa shkaktuar dëmtime, të dy personat që ndodheshin në brendësi të banesës u dorëzuan.
Në momentin e vetëdorëzimit, shtetasi E. U. kishte një dëmtim tejshpues në kofshën e djathtë, i cili menjëherë është transportuar me ambulancë për në Spitalin Rajonal Shkodër dhe ndodhet jashtë rrezikut për jetën.
Gjatë kontrollit të banesës janë sekuestruar, në cilësinë e provave materiale, 4 armë zjarri automatike dhe një armë zjarri pistoletë, një flamur i Organizatës Terroriste “Shteti Islamik” (ISIS), i vendosur në faqen e murit ndërmjet armëve të lartpërmendura, 17 copë granata dore difensive, municion luftarak, kapsolla detonatore elektrike për shpërthimin e lëndëve eksplozive, fitil zjarrpërcjellës që përdoret për shpërthimin e lëndëve plasëse, dy gëzhoja.
Në përfundim të veprimeve të para hetimore u bë arrestimi në flagrancë i shtetasve:
E. U., 35 vjeç, lindur në Gjorm-Kurbin, i dënuar për veprën penale “Nxitja e urrejtjes dhe grindjeve”.
J. C., 34 vjeç, lindur në Pukë, i dënuar për veprat penale “Vjedhje” dhe “Kanosje”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Nxitja, thirrja publike dhe propaganda për kryerjen e veprave me qëllime terroriste”, “Prodhimi i armëve luftarake”, “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve shpërthyese dhe i municionit”./ Dosja.al
PUKË- Detaje të reja vazhdojnë të dalin në dritë nga ngjarja e rëndë e ndodhur në Orosh, ku Erzen Uka dhe Julian Cumraku qëndruan të ngujuar për orë të tëra brenda një banese të rrethuar nga policia. Në foton e mësipërme paraqitet momenti i arrestimit të dy të dyshuarve për terrorizëm, Uka dhe Cumraku, të cilët u vetëdorëzuan pas rreth 12 orësh rezistence të izoluar në banesë.
Ngjarja u shënua në zonën Orosh 2, Fushë-Arrëz, ku forcat e rendit rrethuan shtëpinë dhe kërkuan dorëzimin e dy të rinjve. Pas kontrollit në banesë, policia zbuloi një arsenal armas ash të konsiderueshëm: 4 automatikë, 1 pistoletë, 7 karikatorë të mbushur, 18 granata dhe rreth 2000 fishekë.
Sakaq dyshohet se Eren Uka është vetëplagosur me qëllim që më pas t’i atribuonte plagën ndërhyrjes së policisë. Ai ka marrë një dëmtim të lehtë në zonën e kofshës. Ndërkohë, Erzen Uka dhe Julian Cumraku nuk kanë pranuar ende të japin dëshmi përpara hetuesve.
Hetimet paraprake tregojnë se policia kishte nisur prej mëngjesit të djeshëm një aksion për kontrollin e ambienteve të dyshuara për kultivim të kanabisit.
Në momentin që patrulla iu afrua shtëpisë, dy të rinjtë e armatosur thuhet se kanë bërë një paralajmërim kërcënues duke thënë se do të hapnin zjarr nëse policët vazhdonin të afroheshin: Mos u afroni se do iu vras!/ Dosja.al
PUKË- Detaje të reja dalin në dritë lidhur me situatën e tensionuar në Orosh të Pukës, ku dy të rinj u mbyllën për 12 orë në një banesë dhe refuzuan t’i përgjigjeshin urdhrave të policisë për t’u dorëzuar. Vetëm pas negociatave të gjata me një prej familjarëve të tyre, ata pranuan të dilnin.
Sipas informacioneve të siguruara për mediat, gjatë kontrollit në banesë u sekuestruan tre armë zjarri si dhe sasi municioni luftarak. Dyshohet se Erzen Uka është vetëplagosur me qëllim që më pas t’i atribuonte plagën ndërhyrjes së policisë.
Ai ka marrë një dëmtim të lehtë në zonën e kofshës. Ndërkohë, Erzen Uka dhe Julian Cumraku nuk kanë pranuar ende të japin dëshmi përpara hetuesve.
Hetimet paraprake tregojnë se policia kishte nisur prej mëngjesit të djeshëm një aksion për kontrollin e ambienteve të dyshuara për kultivim të kanabisit.
Në momentin që patrulla iu afrua shtëpisë, dy të rinjtë e armatosur thuhet se kanë bërë një paralajmërim kërcënues duke thënë se do të hapnin zjarr nëse policët vazhdonin të afroheshin: Mos u afroni se do iu vras!
