“AKSHI histori suksesi”/ Rama: “Albanian Digital Solution” synon modernizimin e shërbimeve publike! Lajm i rremë që shteti po fal Zvërnecin

Edi Rama

TIRANË- Kryeministri Edi Rama i cilësoi lajme të rreme pretendimet se shteti po fal Zvërnecin. Duke folur në prezantimin e themelimit të një kompanie në fushën e teknologjisë “Albanian Digital Solution”, Rama tha se sa i përket Zvërnecit, shteti nuk ka pjesë aty. Ai theksoi se ajo është një pronë private dembabadem dhe investitorët që e kanë marrë përsipër janë tejet serioz.

Kreu i qeverisë sqaroi se shteti shqiptar ka në pronësi vetëm pjesën që lidhet me ishullin e Sazanit, ku sipas tij negociatat ende nuk kanë përfunduar.

"Më vjen të them diçka mbi këtë zhurmën e një lajmi të rremë me demek që shteti po fal Zvërnecin. Shteti nuk po fal asgjë. Ajo është një pronë private dembabadem. Dhe investitorët e përfshirë në atë proces janë tetej serioz të cilën atë pronë e kanë marrë nga privatët. Shteti po ka pasuri në anën tjetër të projektit ishullin e Sazanit, ende sot nuk kam mbaruar negociatat pasi KSHI është pjesë e investimeve. Shteti do jetë aty. Toka e ishullit aty e shtetit shqiptarë," tha Rama./Dosja.al

Edi Rama

TIRANË- Kryeministri Edi Rama ka prezantuar sot shoqërinë e re “Albanian Digital Solution” që sipas tij, synon modernizimin e shërbimeve dhe forcimin e inovacionit teknologjik në vend. Gjatë fjalës së tij, Kryeministri vlerësoi punën e AKSHI-t, duke e quajtur një histori suksesi që nisi me pak shërbime, ndërkohë që tani është zgjeruar në mbi 1200 shërbime publike online.

Sa i përket “Albanian Digital Solution”, Rama tha se kjo kompani do të garantojë standarde të larta për sektorin publik, si dhe do të jetë një garanci për mirëmbajtjen e sistemeve dixhitale të institucioneve shtetërore duke mos qenë më peng i sektorit privat.

"Sot ne bëjmë publike një kompani të re, e cila krijohet si një domosdoshmëri në këtë fazë të re të zhvillimit të qeverisjes elektronike. AKSHI është histori e jashtëzakonshme suksesi, e cila ka kaluar përmes një rruge aspak të lehtë, një rrugë që ka nisur me një grusht shërbimesh dhe që pastaj ka kulmuar në 1200 shërbime publike online. Rrugë që ka nisur me një grusht njerëzish dhe më pas ka kulmuar me mbi 3 milionë përdorues, si rezultat edhe i momentit dramatik të pandemisë, ku e-Albania u bë shpëtimtare për shëndetin e shqiptarëve, ku përmes saj u zbatuan edhe masat e domosdoshme kufizuese. Një rrugë ku sigurisht nevoja për financim ka ardhur duke u rritur, pasi sistemet e ndërtuara kërkojnë financim qoftë për t’u ndërtuar, qoftë për t’u mirëmbajtur. Një rrugë ku qartësisht lindi nevoja për të ndarë udhëheqjen e qeverisjes elektronike, përcaktimin e standardeve, rritjen e arkitekturës, koordinimin e forcave të përfshira dhe kontrollin e cilësisë me gjithë nivelin operacional.

Për ta ndarë jo më mes sektorit publik dhe privat, por atij publik, duke krijuar një kompani të re, ADS, që do të zhvillojë sisteme pa pasur gjithmonë nevojë që shteti t’i drejtohet privatit. Me ambicien që shteti të krijojë kompaninë më të suksesshme publike të zhvillimit të sistemeve dhe mirëmbajtjes së tyre. Kompaninë më të suksesshme në treg, e cila të ketë kapacitetin të kthehet në një hapësirë për të gjithë talentet, që të ketë pagat më të larta në tregun e shërbimeve dixhitale. Që të ketë kapacitetin që talenteve t’u ofrojë mundësinë që të bëhen pjesë e saj, duke kombinuar qoftë punën në zyrë, qoftë në distancë në funksion të qëllimeve. Një kompani që të jetë garanci për institucionet e vendit që nuk mund të mbeten peng i privatëve në mirëmbajtjen e sistemeve të tyre. Të garantojë vazhdimësinë teknike, por edhe të ofrojë përgjegjshmërinë më të lartë institucionale dhe qytetare në raport me publikun, duke garantuar matshmërinë e shërbimit”, tha Rama.