Kapet pas disa orësh 26-vjeçari që shkaktoi aksidentin te diga e Liqenit Artificial, u arratis bashkë me targën për të humbur gjurmët

TIRANE- Policia e Tiranës ka vënë në pranga Eldi Allushi, i cili mëngjesin e sotëm shkaktoi aksidentin te diga e Liqenit Artificial.

Eldi Allushi

26-vjeçari që në orët e para të mëngjesit, doli nga rruga me një makinë luksoze dhe u përplas tek bordurat mbrojtëse të liqenit.

I riu nga Durrësi, me shpejtësi skëterrë është ngjitur sipër kodrës e më pas ka përplasur mjetin "BMW" me bordurën e digës së Liqenit Artificial të Tiranës. 

Pas përplasjes, u largua nga vendi i ngjarjes, duke marrë me vete edhe targën. 

Njoftimi nga policia

Rreth orës 15:00 të ditës së sotme, Policia e Qarkullimit Rrugor Tiranë ka arritur të lokalizojë dhe shoqërojë në komisariat shtetasin E. A., pronar i automjetit BMW X6, i cili mëngjesin e sotëm, rreth orës 05:15, është përplasur në bordurën mbrojtëse në skarpatin e digës së Liqenit Artificial. Pronari i mjetit do t’i nënshtrohet verifikimeve dhe hetimeve të mëtejshme mbi rastin.

Momenti me video

TIRANË- Ky është momenti kur Eldi Allushi, 26-vjeçari nga Durrësi, me shpejtësi skëterrë ngjitet sipër kodrës e më pas përplas mjetin 'BMW' me bordurën e digës së Liqenit Artificial të Tiranës. 

Siç shihet edhe në video, mjeti ngjitet sipër kodrës, e më pas ndalon në digë, duke parandaluar një mbytje në liqen. 

Mjeti ka marrë para gardhin dhe ka përfunduar në digën e liqenit. Mjeti ka ecur vetëm drejt dhe është ngjitur në malore, ndonëse rruga e ‘Kosovarëve’ pritet nga një aks tjetër ai nuk është kthyer majtas.

Pas përplasjes, Alushi ka marrë targën e mjetit e më pas është larguar nga vendi i ngjarjes./Dosja.al

Eldi Alushi

TIRANË- Ky është Eldi Alushi është 26 vjeçari që në orët e para të mëngjesit doli nga rruga me makinë dhe u përplas tek bordurat mbrojtëse të liqenit. Alushi u përplas me mjetin 'BMW' në digën e Liqenit Artificial, e pas përplasjes, u largua nga vendi i ngjarjes, duke marrë me vete edhe targën. 

Ngjarja ndodhi në orët e parat të mëngjesit, e që nga ajo kohë, 26-vjeçari është shpallur në kërkim./Dosja.al

Policia

TIRANË- Eldi Alushi është 26-vjeçari i shpallur në kërkim nga policia pasi u përfshi në një aksident te zona e liqenit në Tiranë. I riu, i cili drejtonte mjetin tip 'BMw' ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit. 

Ai ka braktisur automjetin dhe është larguar nga vendi i aksidentit. I riu do të hetohet për veprat penale "Shkatërrimi i pronës" dhe "Largimi nga vendi i aksidentit".

NJOFTIMI I POLICISË:

Më datë 22.08.2023, rreth orës 05:15, në Rrugën e Kosovarëve, dyshohet se automjeti tip "BMw" me drejtues shtetasin E. A., 26 vjeç, banues në Durrës, ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit.

Drejtuesi ka braktisur automjetin dhe është larguar nga vendi i aksidentit. Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale, për veprat penale "Shkatërrimi i pronës" dhe "Largimi nga vendi i aksidentit".

Erion Brace

TIRANË- Deputeti i Partisë Socialiste, Erion Braçe hasi në vrapin e mëngjesit nga Liqeni Artificial i Tiranës, makinën 'BMW' që u aksidentua e më pas u braktis nga drejtuesi i saj. Ai ka ndarë video nga vendi i ngjarjes, duke thënë se ata që e kanë bërë një veprim të tillë janë idiotë të një kategorie të rrallë. 

“Ka idiotë, po idiotë si kjo kategori vështirë që të ketë! Se ç’duhet këtu në digën e liqenit kjo makinë gangsterash, horrash, askush nuk e di”, dëgjohet të thotë ai në videon që ka regjistruar dhe publikuar vetë.

“Duket sikur idioti eshte limiti; por ka shume se idioti, eshte ky! BMW mbi digen e liqenit, aty ku prej mengjesit heret ne mbremje ka vec kembesore e cikliste!!

Domethene ka ngjitur Digen nga ana e pishinave, mbi 15 metra lartesi e pjerresi, ka marre perpara peme e shtylla dhe eshte perplasur ne murin e diges nga ana e liqenit!

Ka qene i vetedishem; Ka dale nga makina, ka hequr targat prej saj dhe ka ikur!! Domethene, ta mendosh te dehur ben gabim, ta mendosh te taposur nga malli ben gabim prape; Tipikisht idiot qe ka bere prove te ngjise digen me makine te forti”, shkruan Erion Braçe.

Makina

TIRANË- Identifikohet personi që braktisi mjetin 'BMW' në digën e liqenit artificial të Tiranës. 

Bëhet fjalë për një djalë të moshës së 26 vjeç nga qyteti bregdetar i Durrësit, i cili ka qenë me shpejtësi të lartë. Dyshohet se ai ka qenë duke lëvizur nga “Rruga e Kosovarëve” dhe ka përfunduar në digën e liqenit. Gjithashtu dyshohet se i riu mund të ketë qenë në efektin e alkoolit apo të substancave narkotike.

Policia po punon për kapjen e tij dhe shoqërimin për kryerjen e veprimeve hetimore./Dosja.al

Makina

TIRANË- Një ngjarje misterioze ka ndodhur gjatë mbrëmjes në digën e Liqenit Artificial. Mëngjesin e sotëm, policia ka gjetur në zonën e autorizuar vetëm për këmbësorë, mjetin luksoz tip 'BMW' të shkatërruar.

Siç shihet nga fotot makina, e cila nuk ka targa, është bërë copash, ndërsa gomat janë shkatërruar. Brenda mjetit nuk është gjetur asnjeri, duke lënë të dyshohet se drejtuesi i saj është larguar.  Makina ka ardhur nga rruga poshtë digës dhe për shkak të shpejtësisë ajo ka fluturuar në digë duke u përplasur në murin mbrojtës të digës.

Dyshohet se drejtuesi i mjetit ka marrë targën dhe është larguar.

Ende nuk dihet se sa persona kanë qenë në automjet, e sesi ka ndodhur ngjarja. Pritet që në orët në vijim të ketë më shumë detaje rreth kësaj ngjarje./Dosja.al