Aksident në “Rrugën e Elbasanit”/ Përplasen katër makina, tre të plagosur, trafik i rënduar në zonë

Aksidenti

TIRANË- Ditën e sotme një aksident i katërfishtë ndodhi në rrugën e Elbasanit. Për pasojë, tre persona u lënduan nga përplasja që ndodhi mes mjeteve. Të lënduarit, janë dërguar në spital, për të marrë ndihmën e duhur mjekësore. 

Aksidenti ka bërë që të paralizohet trafiku nga Sauku në drejtim të "Rrugës së Elbasanit" për rreth 60 minuta. Siç shihet edhe në videon e 'Dosja.al', aksidenti krijoi kaos dhe trafik të rënduar./Dosja.al

Njerezit duke ndihmuar

TIRANË- Ky është momenti kur kalimtarët ndihmojnë personat që u përfshinë ne aksidentin te 'rruga e Elbasanit'. Siç shihet në videon e bërë publike nga JOQ, njerëzit janë mbledhur pranë një mjeti të bardhë, e së bashku po përpiqen që të nxjerrin me kujdes shoferin e lënduar. 

Ngjarja e rëndë ndodhi pasditen e sotme në “Rrugën e Elbasanit” në Tiranë. Në aksident janë përfshirë 4 automjete dhe si pasojë e përplasjes kanë mbetur të plagosur 3 persona, të cilët janë transportuar në spital për të marrë ndihmën mjekësore.

Grupi hetimor ndodhet në vendngjarje dhe po punon për sqarimin e rrethanave të aksidentit./Dosja.al

Aksidenti

TIRANË- Një aksident i rëndë ka ndodhur në orët e pasdites në kryeqytet. Rreth orës 19:05, në 'Rrugën e Elbasanit', përballë një lokali, janë përplasur 4 automjete. Si pasojë e përplasjes janë dëmtuar tre persona, të cilët ndodhen në spital, nën kujdesin e mjekëve. Grupi hetimor ndodhet në vendndgjarje dhe po punon për sqarimin e rrethanave të aksidentit.

NJOFTIMI I POLICISË:

Më datë 25.05.2023, rreth orës 19:05, në Rrugën e Elbasanit, përballë një lokali, janë përplasur 4 automjete. Si pasojë e përplasjes janë dëmtuar tre shtetas, të cilët ndodhen në spital, nën kujdesin e mjekëve. Grupi hetimor ndodhet në vendndgjarje dhe po punon për sqarimin e rrethanave të aksidentit.