6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Lulzim Basha është rikthyer në konferencë me gazetarët në selinë e PD, pas disa muajsh në heshtje. • Basha ka dhënë përgjigje për gazetarët në lidhje me disa çështje. • Ai ka folur për arrestimin e Kreut të Partisë Demokratike Sali Berisha, për të cilin tha se nuk i vjen mirë nga ana njerëzore dhe se ka përshëndetur punën e drejtësisë. • Ndër të tjera ka folur edhe për mungesën në Parlament, ku tha se Parlamenti nuk funksionon si i tillë dhe nuk mund të shkonin në sallë vetëm për të ngritur dorën, por duhet të thonin edhe mendimet e tyre. • Më tej ka folur për bashkimin e opozitës, ku tha se do duhej të rrinin larg nga telenovela, që sipas tij, i intereson qeverisë për të mbajtur të përçarë opozitën.
4 artikuj për këtë temë.
TIRANË- Deputeti Lulzim Basha i është përgjigjur kreut të grupit Parlamentar të PD-së, Gazment Bardhi për reagimin që i bëri. Basha theksoi se Bardhi duhet që të heqë dorë nga gjuha e vjetër që është përdorur nga kryedemokrati Sali Berisha. Po ashtu ai theksoi se këto lloj qëndrime të demokratëve, Rama i dashuron.
“Kjo është ilustrim i asaj që thashë se nuk do ndodhë më, Nuk do bëhemi pjesë e një loje që e mban konfliktin brenda PD ose opozitës. Kjo është loja e Edi Ramës, janë apo jo të vetëdijshëm. Qëndrime të tilla i dashuron kryeministri i suksesit global që ka gjysmën e kabintetit në burg. Unë do të dëshiroja që kjo gjuhë të merrte fund. Do ia uroja të parit këtë arkitektit që kur ia drejtonte kundërshtarit na pëlqente shumë, por kur na e drejtoi ne e pamë sa e gabuar ishte, e jo më të tjerëve që përpiqen më kot t’i ngjajnë atij. Thirrja ime është ndaj çdokujt, të heqin dorë nga kjo gjuhë e vjetër. Nuk e meritojnë opozitarët dhe shqiptarët”, tha Basha.
TIRANË- Kryetari i Grupit Parlamentar të Partisë Demokratike Gazment Bardhi i është përgjigjur deputetit Lulzim Basha. Bardhi, në një reagim për mediat e ka cilësuar qesharake tentativën e Bashës për të marrë rolin e opozitarit. Ndërkohë që ka theksuar se ka 5 muaj që vjen si vërdall dhe nuk ka komentuar realitetin politik. Po ashtu ai ka theksuar se sot shpalli të vdekur 60 mijë anëtarë të PD-së, vetëm sepse e kundërshtuan.
Reagimi i Bardhit:
Të të bëjë manual sesi bëhet opozita përgjegjësi kyç që e la partinë 12 vjet në opozitë, që shpalli sot të vdekur 60 mijë anëtarë të partisë vetëm se shprehin kundërshtin për të kaluar nga dështimi në dështim, deputeti opozitar që ka nga 21 Mars 2022 që nuk vjen në Kuvend, që ska bërë asnjë kallëzim në prokurori kundër Qeverisë dhe asnjë denoncim ndaj Qeverisë, që ka 5 muaj që vjen vërdall si memec pa thënë asgjë mbi realitetin politik, edhe pse vendi po rrëshket në autoritarizëm, është për të qeshur dhe për të qarë njëkohësisht.
Koha e zgjimit të opozitës me telekomandim ka marrë fund prej kohësh. Opozita është në betejë me regjimin e Edi Ramës dhe beteja është e vetmja formë e përballjes me një regjim. Leksionet boshe mbi opozitën kemi 12 vjet që i dëgjojmë dhe realiteti kur zgjohesh nga ëndrra e gjumit të thellë është që Rama vazhdon të jetë Kryeministër! Shqipëria ka nevojë për ndryshim dhe kjo mund të arrihet vetëm duke qenë më së pari të vërtetë.
TIRANË- Deputeti Lulzim Basha i pyetur mbi numrin e rënë në anëtarëve të grupimit që ai drejton. Basha ka deklaruar se sipas zgjedhjeve të 2021, PD-ja ka 60 mijë anëtarë. Ndërkohë që ka shtuar se disa prej tyre janë larguar nga Shqipëria, ndërsa disa të tjerë dhe kanë humbur jetën.
"Nuk e pranoj premisën e pyetjes suaj, në 2021 kanë marrë pjesë 40 mijë anëtarë, në zgjedhjet e korrikut, 18 mijë anëtarë të PD. Bëhet fjalë në votimin për kryetarin e Partisë Demokratike. 18 mijë kanë marrë pjesë, por në zgjedhjet e 2021, 40 mijë kanë marrë pjesë. E keni të gabuar premisën. PD me regjistrin e 2021, me regjistrin e zgjedhjeve të vitit 2021, arriti të konfirmojë afro 60 mijë anëtarë funksionalë. Një pjesë e tyre janë larguar, një pjesë kanë humbur jetën. Numri total i konfirmuar para zgjedhjeve të 25 prillit, është afro 60 mijë. Ta lëmë me kaq. Askush në Partinë Demokratike nuk përjashtohet se mendon ndryshe nga kryetari. Unë nuk e konsideroj butësi dhe as dobësi, por pjekuri politike. Problemi nuk qëndron këtu, por te agjenda politike e Partisë Demokratike. Nuk bëhet fjalë për agjendë dosido," tha Basha.
TIRANË- Deputeti Lulzim Basha ka komentuar masën e sigurisë arrest shtëpie për kryedemokratin Sali Berisha. Në një deklaratë për mediat, Basha u shpreh se për Berishën ka dy reagime, nga të cilat në rrafshin personal nuk i vjen mirë. Ndërkohë që në rrafshin politik, sipas Bashës drejtësia duhet që të bëjë punën e saj. Po ashtu Basha theksoi se të gjithë politikanët duhet të jenë në dispozicion të drejtësisë.
"Kam dy reagime, njëri është në rrafshin personal tjetri në rrafshin politik. Në rrafshin personal nuk më vjen mirë, më vjen keq që një njeri që kam bashkëpunuar, një njëri që ka dhënë kontributet e veta të përfundojë këtu. Çfarë kam pasur për ti thënë ja kam thënë. Por në fund secili bën zgjedhjen e vet në jetë dhe duhet të marrë përgjegjësinë për zgjedhjen që ka bërë. Kjo është njëra anë e kostos, që sjellja e tij i solli të gjithëve. Kjo është kosto që i ka dhënë familjes së tij, por edhe një kosto PD dhe vendit. Nga ana tjetër është e domosdoshme që PD të ecë përpara, ta lënë të shkuarën pas dhe të ecin përpara. Jo të shkelin mbi të shkuarën, as të mohojnë, por të ecin përpara dhe përgjigja zyrtare është që në çdo rast qëndrimi i PD është që drejtësia të bëjë punën e saj të papenguar dhe çdo politikan, duke filluar nga unë i parë duhet të jemi në dispozicion të drejtësisë pa asnjë kufizim. Për këtë kam çuar në Parlament heqjen e imunitetit”, tha Basha.
