"BE vjen si bekim dhe mallkim"/ Rama me fermerët: Brenda vitit mbyllim pagesat, sfidat që na presin janë komplekse

Edi Rama

ELBASAN- Kryeministri Edi Rama ka zbuluar sot kërkesën që i ka bërë Andis Sallës, në momentin që e bëri Ministër të Bujqësisë. Gjatë takimit të tij me fermerët në Elbasan, Rama deklaroi se i kërkoi Sallës që të jetë me fermerët, kudo ku ata ndodhen dhe mos të rri në zyrën e Ministrit. 

“I kam kërkuar ministrit të Bujqësisë, ta lërë zyrën e kryebashkiakut, por mos të rrijë në zyrën e ministrit, të rrijë aty ku jeni ju. Të dëgjojë sa më shumë nga ju, t’ju mbështesë për të krijuar shembullin që të tjerët ta ndjekin. Shumë respekt për ata që vijnë nga fusha dhe iu uroj nga zemra, të kenë mbyllje sa më të begatë të vitit dhe vit më të begatë," tha Rama./Dosja.al 

Edi Rama

TIRANË- Kryeministri Edi Rama ka treguar sot dy anët e monedhës së anëtarësimit të vendit në Bashkimin Evropian për bujqësinë. Gjatë fjalës së tij në takimin me fermerët, Rama është shprehur se BE-ja vjen si bekim për të gjithë ata që janë përgatitur dhe si mallkim për ata që nuk janë gati. 

Ndërkohë që ka shtuar se bashkitë duhet që të marrin përgjegjësi dhe kryetarët të jenë të tokat ku prodhohen, jo në zyrën e tyre.  

“BE vjen si një bekim për të gjithë ata që janë përgatitur, por edhe mallkim për ata që nuk janë gati. Kërkesa për standardet e sigurisë, cilësisë, shoqërohet me instrumenta kontrolli shumë të rreptë, që të nxjerrin nga tregu. 4 vjet janë të mjaftueshme për t’u bërë gati për atë ditë. Të hidhni hapa përpara. Do ju ftoja të gjithëve të jeni akoma më aktivë, për më shumë mbështetje financiare. Instrumentet janë. Është problemi te projektet, te mungesa e projekteve. Ju nuk keni as arsye të mendoni se duhet t’i bëni vetë. Prandaj është këtu rektori i UB, prandaj jemi edhe ne këtu, për t’ju dhënë asistencën e nevojshme. Bashkitë duhet të marrin përgjegjësinë sa i takon zhvillimit të fshatit. Kryetarët e bashkive, pas reformës, janë kujdestarë, qoftë të qytetit, qoftë të fshatit. Më e rëndësishmja te fshati janë ata që prodhojnë dhe ata që janë te toka. Bashkia duhet të jetë te toka, te ata që prodhojnë te toka. Kemi ikur nga faza e mbijetesës. Ajo bota ku duam të jemi pjesë, ka fluturuar. Duhet të jemi më shumë ambiciozë. Tani duhet të ndërtojmë partneritetet, aleancat, ku secili të bëjë pjesë e vetë. Paraja të mos mungojë për projektet, për investimet”, tha Rama./Dosja.al

Edi Rama

ELBASAN- Kryeministri Edi Rama ka njoftuar ditën e sotme se brenda vitit do të mbyllen pagesat për fermerët. Gjatë takimit me fermerët në Elbasan, Rama u shpreh se bujqësia ka nevojë për një partneritet me qeverinë si dhe me pushtetin vendor në të njejtën kohë. 

Në fund, Rama theksoi se Universiteti i Bujqësisë po bën një transformim shembullor në funksion të rritjes së kapaciteteve të dijes për të gjithë spektrin e zhvillimit rural. 

"Kemi përmbysur raportin e eksporteve me importet: sot jemi 1 me 3, duke vazhduar të shkojmë drejt tendencës ulëse të këtij raporti. Është me shumë rëndësi që sot kemi një buxhet për vitin e ardhshëm jo thjesht më të lartë; vetëm në skemën kombëtare shkojmë me një buxhet që është gati dyfishi i vitit që po përfundon. Të gjitha pagesat do të mbyllen 100% brenda këtij viti. Bujqësia, më shumë se çdo sektor tjetër, ka nevojë për këtë partneritet me qeverinë dhe pushtetin vendor. Ajo që dua të ndaj me ju është se UBT po bën një transformim shembullor në funksion të rritjes së kapaciteteve të dijes për të gjithë spektrin e zhvillimit rural. Jo vetëm në cilësinë e programeve, por edhe në atë çka UBT mund dhe do të bëjë në funksion tuaj”, tha Rama./Dosja.al

Edi Rama

ELBASAN- Kryeministri Edi Rama ka deklaruar se synimi kryesor i qeverisë për bujqësinë është rritja e eksporteve. Gjatë fjalës së tij me fermerët, Rama u shpreh se sfidat që e presin qeverinë dhe bujqësinë për këtë vit janë komplekse. Ndërkohë që për sfidat që janë, Rama ka theksuar se varen nga faktorë që nuk janë në dorën e tyre.  

"Takohemi në një moment, ku sapo kemi nisur një mandat të ri, i cili është një mandat i vështirë me peshë për qeverisjen e vendit. Po, këtë peshë na i keni bërë më të thjeshtë ju, për të kryer negociatat e anëtarësimit në BE, dhe t’i vendosim vulën përpjekjen për t’u anëtarësuar në BE. Sot kemi 3-fishuar prodhimin e serave dhe kemi rritur ndjeshëm konkurrues mërinë në një sipërfaqes serash që ka arritur 240 hektarë. Në një mandat ku kemi nisur të rrisim në një mënyrë të pamenduar 3 vite më parë, të prodhimit të perimeve që ka shkuar në 1500 tonë. Eksportet ka arritur një vlerë të lartë në tremujorin e parë, ku kemi arritur që të kemi gjysmë miliard eksporte. Synimi ynë që të arrijmë një import dy eksport ku vjen punë tek bujqësia. Kemi një buxhet shumë më të lartë për bujqësinë. Vetëm në skemën kombëtare shkojmë me një buxhet që është gati 2-fishi i vitit që po përfundon. Të gjithë pagesat do të mbyllen brenda këtij viti 100%. Ajo që na intereson është ajo se çfarë duhet të bëjmë në vitet në vijim. Sfidat që na presin janë shumë komplekse, dhe që varet nga faktorë që ndonjëherë nuk janë në dorën tonë. Ajo që vlen në bilancin e këtij viti, është dija e fituar gjatë gjithë këto vite nga vetë ju," tha Rama./Dosja.al