"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Konferenca e Kryetarëve është zhvilluar mes debatesh të shumta ditën e sotme. • Shkak për debatet janë bërë akuzat që të dyja palët si opozita dhe maxhoranca kanë hedhur drejt njëra-tjetrës. • Në fjalën e tij kryetari i grupit parlamentar të PD, Gazment Bardhi ka hedhur akuza ndaj disa deputetëve që sipas tij e marrin forcën nga krimi i organizuar. • Bardhi deklaroi se këta deputetë duan që t’i mbyllin gojën, duke u zotuar se kjo nuk ka për të ndodhur. • Në debat e sipër, Gaz Bardhi ka shpërthyer në akuza ndaj kreut socialist, Taulant Balla për përfshirje në krimin e organizuar. • Bardhi akuzoi Ballën për lidhje me të fortin e Elbasanit, Suel Çela, por nuk ka munguar dhe një përgjigje e pahijshme nga ana e socialistit.
5 artikuj për këtë temë.
TIRANA- Partia Demokratike ka kërkuar sot heqjen nga programi i punës së Kuvendit të pr.ligjit për Barazinë Gjinore. Gjatë fjalës së tij në Konferencën e Krytarëve, deputeti demokrat Luciani Boçi tha se është një ligj me ndjehsmëri të lartë publike i cili në teb cënon familjen. Boçi më tej u theksoi se duhet të përfshihen në konsultime grupe të ndryshme interesi, përfshirë edhe komunitetet fetare.
“Ky ligj duhet të hiqet nga programi i punës së Kuvendit, pasi është një ligj me ndjeshmëri të lartë publike dhe që, në thelb, cenon familjen. Duhet t’i japim kohë debatit, pasi, siç jemi në dijeni, ka një interes të madh nga grupe të ndryshme interesi, përfshirë edhe komunitetet fetare, për t’u përfshirë në konsultime dhe debat. Këto grup dhe komunitete janë kundër”, tha deputeti Luçiano Boçi./ Dosja.al
TIRANË- Maxhoranca ka hedhur në diskutim ditën e sotme draftet për Reformën Territoriale dhe Zgjedhore. Në mbledhjen e sotme të Konferencës së Kryetareve, në draftin e zgjedhores, thuhet se në përbërje të këtij komisioni do të ketë 16 anëtarë dhe do të ndahen në mënyrë të barabartë me 8 anëtarë të PS-së dhe 8 anëtarë të Opozitës. Po ashtu ky komision do të drejtohet nga dy bashkëkryetarë, një nga PS dhe një nga PD.
Pjesë nga projektvendimi
I. Ngritjen e Komisionit të Posaçëm Parlamentar për Realizimin e Reformës Zgjedhore.
II. Komisioni ka për detyrë hartimin e ndryshimeve legjislative për reformën zgjedhore, në veçanti trajtimin e rekomandimeve të raporteve të OSBE/ODIHR-it për zgjedhjet vendore të 14 majit 2023, zgjedhjet e mëparshme të patrajtuara dhe të raportit të pritshëm për zgjedhjet e 11 majit 2025; trajtimin e rekomandimeve të institucioneve përgjegjëse për zgjedhjet, të partive politike parlamentare dhe organizatave jofitimprurëse, si dhe hartimin e ligjit për financimin e partive politike.
III. Komisioni i Posaçëm ngrihet mbi bazën e barazisë pozitë-opozitë. Në përbërje të tij do të ketë 16 anëtarë, nga të cilët 8 janë përfaqësues të Partisë Socialiste, 8 përfaqësues nga Partitë e tjera parlamentare. Emrat e anëtarëve të Komisionit përcaktohen me vendim të Kuvendit.
IV. Komisioni drejtohet nga dy bashkëkryetarë, një nga Partia Socialiste dhe një nga Partia Demokratike
Ndërsa Komisioni për Reformën Administrativo-Territoriale do të ketë 17 anëtarë, ku shumicën do të ketë PS-ja ndërsa pjesa tjetër Opozita. Kryetari i komisionit do të jetë nga PS dhe zëvendëskryetari do të jetë nga Opozita.
Pjesë nga drafti:
I. Ngritja e Komisionit të Posaçëm Parlamentar për Reformën Administrative-Territoriale në Republikën e Shqipërisë.
II. Komisioni i Posaçëm ka për objekt të veprimtarisë së tij:
a) të shqyrtojë kuadrin ligjor dhe institucional të ofruesve të qeverisjes;
b) të analizojë dhe të propozojë opsione për ridizenjimin territorial dhe zbatimin e kapaciteteve administrative të njësive të ofruesve të qeverisjes;
c) të analizojë sistemin aktual të financave dhe të rekomandojë masa për shëndetin financiar dhe rritjen e qëndrueshmërisë së njësive të vetëqeverisjes së financave, duke përfshirë forcat e decentralizimit fiskal, rritjen e sigurimeve të financave, optimizimin e shpenzimeve dhe përmirësimin e menaxhimit financiar;
ç) të shqyrtojë cilësinë dhe aksesin e shërbimeve publike të financave;
d) të sigurojë qëndrueshmërinë dhe propozimet me sukses të Bashkimit Evropian dhe politikës së kohezionit rajonal;
dh) të zhvillojë procesin e konsultimit të mëtejshëm, të gjitha informacionet dhe transparentet me njësinë e qeverisjes së shitësve, shoqatat e tyre, shoqërinë civile dhe partnerët ndërkombëtarë;
e) të paraqesë për Kuvendin e dokumenteve analitike me rekomandime për hapat e mëtejshëm dhe ligjërimin e projektit të propozimit
III. Komisioni i Posaçëm ka kaluar nga 17 anëtarë, nga të cilët 9 janë të përfaqësues nga Grupi Parlamentar i Partisë Socialiste dhe 6 përfaqësues nga Grupi Parlamentar i Partisë Demokratike, 1 përfaqësues nga Grupi Parlamentar i Aleancës për Ndryshim dhe 1 përfaqësues nga Grupi Parlamentar i Partisë së Lirisë.
TIRANA- Agron Gjekmarkaj foli me tone të ashpra në lidhje me retorikën e përdorur në Kuvend nga deputetët e Partisë Socialiste. Gjatë fjalës së tij në Konferencën e Kryetarëve, Gjekmarkaj sugjeroi se Parlamenti të mbyllet deri në pranverë për t’u rikthyer më i përgatitur. Gjekmarkaj nuk la pa përmendur se kreu i grupit parlamentar të PS-së, Taulant Balla ka bërë një fyerje jashtë mikrofonave, ku sipas tij 'zonjat e PS shtrembëruan fytyrën për fjalët e Bardhit' duke shtuar se Balla duhet të kërkojë falje.
Agron Gjekmarkaj: Unë mendoj qe secili është përgjegjës për veten, për retoriken që ndërton. Ju na thoni, fol si duhet, fol ashtu, fol kështu, fole gjate, fole shkurt, mos bej moral, mos bej zhurme, po me duket normale qe nga pala tjetër të na mësojnë se si të sillen deputetet kjo është çështje e secilit, silleni nga arroganca si edukator!
Më bëri përshtypje në sallë një fyerje që zoti Balla beri jashtë mikrofonit dhe zonjat e PS, te cilat shtrembëruan fytyrën për fjalët e Bardhit, nuk e dëgjuan aromën akustike te metaforës se Taulant Balles!
Te gabosh është njerëzorë, të përsëritesh në gabim është djallëzore! Gjithë kohës jeni me dy standarde dhe zoti Balla duhet te kërkojë falje dhe nuk e kuptoj këtë çmenduri te këtyre, njoftime e procesverbale e ikni me vrap! Meqë jeni lodhur sugjeroj ta mbyllni deri ne pranvere ketë parlament pushoni, reflektoni, kalon dimrin, vjen pranvera e shohim e bëjmë.
TIRANA- Kryetari i Grupit Parlamentar të Partisë Demokratike, Gazment Bardhi ka debatuar me Kryetarin e Grupit Parlamentar të Partisë Socialiste, Taulant Balla. Gjatë mbledhjes së Konferencës së Kryetarëve, demokrati ka shpërthyer në akuza ndaj kreut socialist, Taulant Balla për përfshirje në krimin e organizuar. Bardhi akuzoi Ballën për lidhje me të fortin e Elbasanit, Suel Çela, por nuk ka munguar dhe një përgjigje e pahijshme nga ana e socialistit.
Bardhi: Ajo çfarë keni bërë me seancën e fundit është shkelje e Rregullores dhe e Kushtetutës. Nuk mund të mbyllni Kuvendin pse deputetët po flasin. Seanca e datës 9 tetor është mbyllur në mënyrë të njëanshme. Në atë Kuvend ka deputetë që forcën e marrin nga krimi i organizuar dhe mendojnë se mund të mbyllin gojën e të tjerëve.
Ta harrojnë! Nëse Kuvendi drejtohet nga kryetari i grupit, na e thoni, sepse opozita nuk ka vend në një Kuvend që diktohet nga forcat e kartonëve. Nëse nuk e mbani dot atë karrige, lërojani kryetarit të grupit që e keni aty me votat e krimit të organizuar.
Bardhi - Ballës: Ke komunikime me Suel Çelën.
Balla: Ik ore pirdhu.
Bardhi: Pirdhu ti, i paedukatë. Ke fjalor rruge. Ça je ti mo, kush je ti? Ti je zar i Suel Çelës e na jep ne leksione etike. Ti do shkosh në burg, do shkosh në burg!
TIRANA- Mbledhja me dyer të mbyllura e Konferencës së Kryetarëve është shoqëruar me debate të forta mes opozitës dhe mazhorancës. Në fjalën e tij kryetari i grupit parlamentar të PD, Gazment Bardhi ka hedhur akuza ndaj disa deputetëve që sipas tij e marrin forcën nga krimi i organizuar.
Bardhi deklaroi më tej se këta deputetë duan që t’i mbyllin gojën, duke u zotuar se kjo nuk ka për të ndodhur. Gjithashtu Bardhi iu drejtua kryetarit të Kuvendit, Niko Peleshit, dhe i kërkoi që të lërë karrigen e kryetarit të Kuvendit.
Gazment Bardhi: Ajo çfarë keni bërë me seancën e fundit është shkelje e rregullores dhe e Kushtetutës. Po e citoj këtu: “Kërkoi ndërprerjen e seancës për shkak se po merrej fjala për procedurë.”
Zoti Peleshi, ju keni marrë përsipër të drejtoni Kuvendin. Nëse Kuvendi drejtohet nga kryetari i grupit, na e thoni, sepse opozita nuk ka vend në një Kuvend që diktohet nga forcat e kartonëve. Nuk mund ta mbyllni Kuvendin pse deputetët po flasin.
Seanca e datës 9 tetor është mbyllur sepse deputetët po flisnin. E kuptoj që në atë Kuvend ka deputetë që forcën e marrin nga krimi i organizuar dhe mendojnë se mund të mbyllin gojën e të tjerëve. Ta harrojnë! Ne nuk marrim urdhra dhe as nuk diktohemi nga krimi i organizuar.
Po e përsëris: ta harrojnë! Nëse ju, zoti Niko Peleshi, nuk e mbani dot atë karrige, lërojani kryetarit të grupit që e keni aty me votat e krimit të organizuar./ Dosja.al
