Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Edhe mbledhja e sotme e Komisionit Hetimor për Koncesionet e Check-Up dhe Sterilizimit në Shëndëtesi nuk është zhvilluar si normalisht. • Shkak u bënë debatet dhe përplasjet e ashpra verbale mes përfaqësuesve të opozitës dhe mazhorancës. • Që në nisje të seancës, deputetet demokrate, Ina Zhupa dhe Albana Vokshi, njëkohësisht kryetare e komisionit kanë akuzuar mazhorancën se kanë urdhëruar punonjësit e Gardës që të mos i lejojnë të futen në mbledhje. • Një përplasje e ashpër verbale ndodhi mes Vokshit dhe nënkryetarit të komisionit Plarent Ndrecës, ku ky i fundit tha se në Komision nuk është vendi për të përdorur fjalor rruge. • Pas debateve, Vokshi nuk e ka lënë Ndrecën të flasë, ndërkohë që deputetët e PD krijuar kakofoni duke u rënë tavolinave në mënyrë që Ndreca të mos lejohej të fliste. • Në këto kushte anëtarët e mazhorancës janë larguar nga mbledhja, ndërsa kryetarja e Komisionit Albana Vokshi njoftoi se mbledhja do të vazhdojë edhe pa praninë e socialistëve. • Me largimin e këtyre të fundit, u ndërpre edhe transmetimi live nga Kuvendi. • Pas përfundimit të mbledhjes, Vokshi tha mazhoranca pas largimit nga salla urdhëroi edhe heqjen e transmetimit live. • Më tej, ajo shtoi se kushdo që pengon punë e Komisionit do të kallëzohet penalisht.
3 artikuj për këtë temë.
TIRANË- Kryetarja e Komisionit Hetimor për Shëndetësinë, njëkohësisht deputete e PD-së, Albana Vokshi ka folur për mediat pas mbledhjes që u bojkotua nga anëtarët socialistë.
Vokshi tha se pas largimit të tyre nga salla urdhëruan edhe heqjen e transmetimit live. Më tej, ajo tha se kushdo që pengon punë e Komisionit do të kallëzohet penalisht. Vokshi tha se është shpërdorim detyre, duke u munduar që sipas saj, mos të bëjnë transparencë për dy koncesionet.
“Me urdhër nga lart, deputet e PS e bojkotuan mbledhjen. Kanë numrat, kanë votat, por ju ra skenari që kishin hartuar për të vijuar vetë në mënyrë të njëanshme. Edhe mbledhja e sotme ishte thirrur në shkelje të procedurave. Do jemi aty, në përballje në mosbindje të vendimeve antiligjore.
Është urdhëruar që të hiqet edhe transmetimi live. Me urdhër të Genci Gjoncajt u hoq transmetimi. Ne do ti shkojmë deri në fund, kush pengon punën e Komisionit do kallëzohet penalisht. Është shpërdorim detyre, duke u munduar që të mos bëjnë transparencë për dy koncesionet. Jemi dhe do jemi aty në përballje. Do jemi përballë këtyre personave.
Ne do veprojmë rast pas rasti. Komisioni Hetimor ka një afat dhe brenda këtij afati duhet të ezaurohen të gjitha hapat. Në këtë rast, ne kemi vendosur që të jemi këtu sepse është në interes të publikut të bëhet transparencë për dy koncesionet në shëndetësi”, tha Vokshi.
TIRANË- Debate të ashpra janë zhvilluar në mbledhjen e Komisionit Hetimor për Koncesionet e Check-up dhe Sterilizmit në Shëndetësi. Nënkryetari i komisionit, Plarent Ndreca bashkë me deputetët e tjerë të mazhorancës janë larguar nga mbledhja, ndërsa kryetarja e Komisionit Albana Vokshi njoftoi se mbledhja do të vazhdojë edhe pa praninë e socialistëve.
“Frikacak! Kishe bërë ndërmend të bëjë mbledhje pa opozitën. Tu prish skenari”, u shpreh deputetja Ina Zhupa, teksa socialistët po linin sallën.
Një përplasje e ashpër verbale ndodhi pak çaste më parë mes Vokshit dhe Ndrecës, ku ky i fundit tha se në Komision nuk është vendi për të përdorur fjalor rruge. Pas debateve, Vokshi nuk e ka lënë Ndrecën të flasë, ndërkohë që deputetët e PD krijuar kakofoni duke u rënë tavolinave në mënyrë që Ndreca të mos lejohej të fliste.
Pjesë nga debati:
Ndreca: Nëse doni të bëni rrugaçin…
Vokshi: Kujdes me fjalët kush je ti që flet me fjalor rruge këtu
Ndreca: Kupton shqip apo jo
Vokshi: E di më mirë se ty. Mos provoko! Ke kaq ditë që po provokon
Ndreca: Nuk pyes unë për presionin tënd. Nuk të njoh fare
Vokshi: Ik në rrugë ose tek PS nëse do të flasësh kështu. Rrugaçin shko tregoje tek PS.
TIRANË- Ka nisur me debate mes mazhorancës dhe opozitës mbledhja e Komisionit Hetimor për Koncesionet në Shëndetësi.
Deputetet e Partisë Demokratike, Ina Zhupa dhe Albana Vokshi, njëkohësisht kryetare e komisionit kanë akuzuar mazhorancën se kanë urdhëruar punonjësit e Gardës që të mos i lejojnë të futen në mbledhje.
Nënkryetari i komisionit dhe deputeti i PS-së, Plarent Ndreca tha se Vokshi dhe Zhupa po bëjnë propagandën e Partisë Demokratik në mbledhje.
DEBATI:
Ina Zhupa: Shëndetësia sot është në ditën më të zezë.
Plarent Ndreca: Keni ardhur për mbledhje apo konferencë për shtyp. Nëse keni ardhur për mbledhje, lëvizni. A nuk iu mjaftuan 4 orë mbrëmë?
Ina Zhupa: Iu ka mbaruar durimi, siç iu ka mbaruar koha. Harrojeni se mund të krijoni neo-diktaturë. Mbylle mikrofonin, se nuk ta ka dhënë lejen kryetarja.
Albana Vokshi: Unë jam kryetarja këtu.
Plarent Ndreca: Mos e ktheni në mbledhje të PD-së këtu.
Albana Vokshi: Ty të duket normale që të përjashtohen 24 deputetë dhe të hyjnë në Kuvend me dhunë. Do të përjashtoj z Ndreca.
Plarent Ndreca: Puna e Gardës nuk është puna ime.
