Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Aleksandër Curri, 40-vjeç, mbeti i plagosur me armë zjarri mëngjesin e sotëm në Shkodër. •Sipas forcave blu, ngjarja ndodhi rreth orës 09:00, në zonën e njohur si “Dollari”. •Sipas dëshmitares, një person qëlloi në drejtim të Currit dhe u largua menjëherë nga vendi i ngjarjes. •Gruaja që i dha ndihmën e parë, e më pas mbërriti policia e cila rrethoi zonën dhe ambulanca që bëri transportimin e Currit drejt spitalit. •Autori i dyshuar i kësaj ngjarje mësohet se lëvizte me biçikletë, ndërsa në vendin e ngjarjes policia gjeti 4 gëzhoja. •40-vjeçari ndodhet në gjendje të rëndë për jetën në spital, aty ku po i nënshtrohet një ndërhyrje kirurgjikale.
5 artikuj për këtë temë.
SHKODËR- Një plagosje me armë zjarri ka ndodhur sot në qendër të qytetit të Shkodrës, ku u qëllua me armë zjarril, 40-vjeçari Aleksandër Curaj. Policia ka identifikuar autorin e plagosjes në Shkodër, si Dedë Bici, i cili u largua me një biçikletë në drejtim të kryqëzimit të ish degës ndërsa policia po punon për gjetjen dhe kapjen e tij pasi është identifikuar nga kamerat e sigurisë.
Autori i dyshuar Dedë Bici dhe i plagosuri Aleksandër Curaj dyshohet se pak minuta më përpara janë konfliktuar fizikisht. Një efektiv policie ka hyrë mes tyre për t’i ndarë, por i janë drejtuar policit duke i thënë se e zgjidhim vetë konfliktin se kemi një problem lekësh.
Pas sherrit fizik autori ka nxjerrë pistoletën duke e qëlluar katër herë në trup 40-vjeçarin i cili iu nënshtrua një ndërhyrje kirurgjikale. Ndërkohë policia vendore e Shkodrës dyshon se plagosja ka ndodhur për shkak të një borxhi që i plagosuri i ka patur autorit të dyshuar. Aleksandër Curaj kohët e fundit punonte me policinë private si efektiv security dhe nuk njihej si një person problematik. Policia po punon për të zbardhur të plotë këtë plagosje ndërsa në vendin e ngjarjes bashkë uniformat blu mbërriti edhe prokurori Gëzim Spahiu.
SHKODËR- Detaje të reja kanë dalë nga plagosja e Aleksandër Currit në Shkodër paraditen e sotme. Policia bën me dije se ka ngritur pika kontrolli dhe po punon për kapjen e autorit. Autori mendohet të jetë larguar nëpërmjet lagjeve të qytetit, ku uniformat po punojnë brenda zonës identifikimin e tij.
NJOFTIMI I POLICISË
Shkodër/Informacion paraprak
Rreth orës 09:00, në vendin e quajtur “Dollari”, është plagosur me armë zjarri shtetasi A. C., 40 vjeç, i cili është dërguar në spital dhe po merr ndimën mjekësore.
Shërbimet e Policisë kanë shkuar menjëherë në vendngjarje dhe po kontrollojnë zonën, për kapjen e autorit.
Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe identifikimin e autorit.
Ndërkohë, janë ngritur pika të shumta kontrolli. Forcat e Sigurisë Kombëtare po vijojnë krehjen e zonës, për kapjen e autorit, i cili dyshohet se është larguar në brendësi të lagjeve të qytetit.
SHKODËR- Aleksandër Curri është personi i cili mbeti i plagosur mëngjesin e sotëm në Shkodër. Ai është qëlluar 4 herë me armë zjarri. Në ndihmë i ka shkuar një grua e cila është gjendur në vendin ku krisi arma.
Gruaja deklaron se ka parë autorin duke u larguar me vrap pas ngjarjes.
“Iku vrap, i ra aty, edhe pikë. I dhashë ndihmën. Unë isha këtu… shkova atje e pashë, kishte rënë në tokë. E kanë parë të tërë ngjarjen. Ka qëndruar rreth 10 minuta i shtrirë i plagosuri. Në stomak kishte gjak… iku në këmbë autori, iku vrap dhe më pas u fut në këtë qoshe… nuk di gjë më”, shprehet dëshmitarja.
Autori ndodhej në biçikletë, ndërsa ka qëlluar me pistoletë dhe ka ikur në drejtim të kryqëzimit të ish-degës në Shkodër. Policia po ndjek autorin e dyshuar, i cili ka qëlluar 4 herë me pistoletë, ndërsa i plagosuri ndodhet në gjendje të rëndë.
I plagosuri është transportuar me urgjencë në spital, ndërsa po i nënshtrohet një ndërhyrje kirurgjikale./Dosja.al
SHKODËR- Është zbardhur identiteti i të plagosurit në Shkodër, ndaj të cilit u qëllua katër herë me armë zjarri. Mësohet se shënjestra e autorit ishte Aleksandër Curri 40 vjeç, i cili raportohet se është në gjendje të rëndë.
Ngjarja ndodhi pak minuta më herët pranë një pike këmbimi valutor në qendër të qytetit.
Mësohet se autori i të shtënave arriti u largua nga vendngjarja me biçikletë. Policia po punon për identifikimin dhe kapjen e tij. Ende nuk dihen shkaqet e plagosjes.
SHKODËR- Plagoset me armë zjarri një person në Shkodër. Ngjarja ka ndodhur mëngjesin e sotëm te zona e këmbimit valutor. I plagosuri është qëlluar 4 herë me armë zjarri nga një person i cili lëvizte me biçikletë.
Personi i plagosur është transportuar në spital, në gjendje të rëndë shëndetësore. Ende nuk dihet se kush është i lënduari dhe autori. Policia është nisur drejt vendit të ngjarjes./Dosja.al
