Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Sulme në të gjithë Sudanin pasi luftimet midis fraksioneve të armatosura rivale vazhdojnë të përhapen. •Dhuna midis ushtrisë dhe një grupi paraushtarak të quajtur Forcat e Mbështetjes së Shpejtë ka hyrë tashmë në ditën e tretë. •Gati 100 njerëz janë vrarë, tha një sindikatë mjekësh, ndërsa numri i të plagosurve ka kaluar 1.100. •Të dyja palët ndërluftuese pretendojnë se kontrollojnë vendet kryesore në kryeqytetin Kartum. •Ato shpallën një armëpushim të përkohshëm të dielën, për të lejuar evakuimin e të plagosurve, por nuk është e qartë se sa i janë përmbajtur atij. •Mjekët kanë paralajmëruar se situata në spitalet në Kartum është jashtëzakonisht e vështirë dhe se luftimet janë duke penguar personelin dhe furnizimet mjekësore të arrijnë te njerëzit e plagosur. •Luftimet janë pjesë e një përpjekjeje të egër për pushtet brenda udhëheqjes ushtarake të vendit, e cila është përshkallëzuar në dhunë midis fraksioneve rivale. •Dy burrat që janë në qendër të kësaj - Abdel Fattah al-Burhan, udhëheqës i Këshillit Sovran qeverisës, dhe Mohamed Hamdan Dagalo, nënkryetar i Këshillit dhe udhëheqës i Forcave të Mbështetjes së Shpejtë - nuk pajtohen rreth mënyrës sesi vendi duhet të shkojë drejt sundimit civil. •Mosmarrëveshjet kryesore kanë të bëjnë me planet për t’i inkorporuar Forcat e Mbështetjes së Shpejtë në ushtri dhe me atë se kush do ta drejtojë më pas forcën e re.
3 artikuj për këtë temë.
BRUKSEL- Përfaqësues i Lartë i BE-së për Punë të Jashtme dhe të Sigurisë, Josep Borrell, ka deklaruar se është sulmuar ambasadori i BE-së në Sudan. Me anë të një postimi në Twitter Borrell shkruan se kjo përbën një shkelje të rëndë të Konventës së Vjenës. Po ashtu ai shtoi se siguria e personelit diplomatik është përgjegjësi kryesore e autoriteteve sudaneze.
“Pak orë më parë, ambasadori i BE-së në Sudan u sulmua në rezidencën e tij. Kjo përbën një shkelje të rëndë të Konventës së Vjenës. Siguria e ambienteve diplomatike dhe e personelit është një përgjegjësi kryesore e autoriteteve sudaneze dhe një detyrim sipas ligjit ndërkombëtar”, ka shkruar Borrell në Twitter.
A few hours ago, the EU Ambassador in #Sudan was assaulted in his own residency.
— Josep Borrell Fontelles (@JosepBorrellF) April 17, 2023
This constitues a gross violation of the Vienna Convention. Security of diplomatic premises and staff is a primary responsibility of Sudanese authorities and an obligation under international law.
SHBA- Më shumë se 185 njerëz janë vrarë dhe 1,800 civilë dhe luftëtarë janë plagosur në tre ditët e fundit në përleshjet midis forcave të dy gjeneralëve rivalë që po luftojnë për pushtet në Sudan. Këtë e bëri të ditur kreu i misionit të OKB-së, Volker Pertes atë Sudan.
“Situata është shumë rrjedhëse. Është e vështirë të matet se ku po kthehet bilanci”, tha Pertes, duke folur me gazetarët në Nju Jork. Më herët ai kishte folur me dyer të mbyllura në Këshillin e Sigurimit.
"Dy palët ndërluftuese nuk japin përshtypjen se duan një ndërmjetësim për paqen në këtë moment," shtoi kreu i UNITAMS, duke theksuar se misionet e ndihmës humanitare në Sudan nuk mund të vazhdojnë në rrethanat aktuale.
Pak më parë Shtëpia e Bardhë bëri thirrje për një armëpushim të menjëhershëm në Sudan, duke sqaruar se zyrtarët amerikanë janë në kontakt me drejtuesit ushtarakë të vendit.
“Na vjen keq për përshkallëzimin e dhunës në Khartoum dhe zona të tjera të Sudanit. Ne bëjmë thirrje për një armëpushim të menjëhershëm dhe të pakushtëzuar midis Forcave të Armatosura sudaneze dhe Forcave të Mbështetjes së Shpejtë”, tha një zëdhënës i Këshillit të Sigurisë Kombëtare të Shtëpisë së Bardhë.
SUDAN- Konfliktet në Sudan po vazhdojnë për të tretën ditë dhe situata vjen duke u agravuar. Në pamjet e banorëve të siguruara nga BBC njerëzit shihen duke u strehuar nga luftimet ndërsa shpërthimet tronditin kryeqytetin sudanez Khartoum.
Në video banorja duket e frikësuar teksa tregon avionët luftarakë në qiell dhe njerëz që mbulojnë kokat dhe mundohen të fshihen nga bombardimet.
View this post on Instagram
Hamid Khalafallah, një banor në qytet, thotë: "Unë dhe familja ime, jemi strehuar në shtëpinë tonë që nga mëngjesi i djeshëm, por pa drita dhe pa ujë".
Ushtria e Sudanit dhe grupi paraushtarak Forcat e Mbështetjes së Shpejtë janë përplasur për një lëvizje drejt sundimit civil.
