Djali i pronarit të ujit “Lajthiza” plagos me armë zjarri 3 persona në një festë, shpallet në kërkim, arrestohen dy të tjerë (EMRAT)

Edison Elezaj

TIRANË- Në orët e para të mëngjesit të sotëm janë regjistruar të shtëna në një festë në Tiranë. Në lidhje me ngjarjen mbetën të plagosur 3 persona ndërsa 32-vjeçari Edison Elezaj, djali i biznesmenit Hajri Elezaj, i njohur si pronar i ujit "Lajthiza" ka qenë personi i cili ka qëlluar me armë. Ndërkohë policia ka bërë me dije se i riu është shpallur në kërkim ndërsa dy të tjerë janë vendosur në pranga. 

Në njoftimin e parë të policisë në lidhje me ngjarjen u raportua se 32-vjeçari ka kryer vetëm një shkrepje të pavullnetshme, dhe kjo supozohet të ketë kapur të tre të lënduarit.  Arma e përdorur në ngjarje mësohet se ishte pa leje ndërsa arrestimi i dy personave ka ardhur pasi ata kanë ndihmuar në fshehjen e saj. Policia bën me dije se se arma është sekuestruar në cilësinë e provës. Gjithashtu janë identifikuar dy të arrestuarit të cilët janë 35-vjeçari, Dardan Zalli dhe 38-vjeçari, Arjan Dushaj.

Policia më tej bën me dije se gjatë këqyrjes së kamerave të sigurisë, është bërë e mundur gjetja e armës së zjarrit pistoletë TT, e cila dyshohet se është përdorur gjatë ngjarjes. Sipas policië pas kryerjes së krimit nga 32-vjeçari, dy të arrestuarit, i kanë marrë armën e zjarrit dhe më pas e kanë fshehur atë, me qëllim pengimin e zbulimit të veprës penale dhe të autorit të saj.

Njoftimi i policisë: 

Tiranë/ Në vijim të informacionit paraprak të dhënë mëngjesin e sotëm, ju informojmë se: Në vijim të veprimeve të shpejta hetimore, nga Sektori për Hetimin e Krimeve të Rënda në DVP Tiranë, është bërë i mundur dokumentimi i plotë i autorësisë së ngjarjes, dhe si rezultat: u shpall në kërkim shtetasi E. E., 32 vjeç, për veprën penale “Plagosja e rëndë me dashje”, parashikuar nga neni 88/2 i Kodit Penal;  u arrestuan shtetasit A. D., 38 vjeç, dhe D. Z., 35 vjeç, të dy banues në Tiranë, për veprën penale “Veprime që pengojnë zbulimin e së vërtetës”, kryer në bashkëpunim, parashikuar nga neni 301/25 i Kodit Penal.

Gjithashtu, gjatë kryerjes së veprimeve procedurale, si dhe këqyrjes së kamerave të sigurisë, është bërë e mundur gjetja e armës së zjarrit pistoletë TT, e cila dyshohet se është përdorur gjatë ngjarjes. Pas kryerjes së krimit nga shtetasi E. E., dy të arrestuarit, i kanë marrë armën e zjarrit dhe më pas e kanë fshehur atë, me qëllim pengimin e zbulimit të veprës penale dhe të autorit të saj. Materialet i kaluan Prokurorisë.

Edison Elezaj dhe Hajri Elezaj

TIRANA- Një festë familjare për pak sa do të kthehej në tragjedi në kryeqytet. Mësohet se në orët e para të mëngjesit të sotëm, 32-vjeçari Edison Elezaj ka qëlluar me një armë të cilën e mbante pa leje, dhe ka plagosur 3 persona në festë.

Këta të fundit janë paraqitur në një spital privat. Sipas njoftimit të policisë, 32-vjeçari ka kryer vetëm një shkrepje të pavullnetshme, dhe kjo supozohet të ketë kapur të tre të lënduarit. Gjithashtu mësohet se personi që ka qëlluar, Edison Elezaj, është djali i biznesmenit Hajri Elezaj, i njohur si pronar i ujit "Lajthiza".

Ajo çka ngre dyshimet në këtë rast është fakti se me anë të këtij njoftimi të policisë plagosja e tre persoanve paraqitet si e kryer me një shkrepje të vetme. Por sa e vërtetë dhe e mundur mund të jetë kjo dhe mos vallë kemi të bëjmë me fshehjen e fakteve reale nga ngjarja e ndodhur? Pikëpyetjet shtohen teksa mendohet se si vallë ka arritur të dalë në këtë kokluzion policia e shtetit, mbi bazë të cilave prova të marra dhe para nga vendi i ngjarjes?

Një tjetër detaj që bie në sy në njoftimin zyrtar është se thuhet se po punohet për kapjen e autorit. Pra kur policia është e aftë ta justifikojë si më lart duke e konsideruar si të pavullnetshme shkrepje, pse do të duhej që Edison Elezaj të largohej nga vendi i ngjarjes?

Njoftimi i policisë:

Më datë 23.07.2024, rreth orës 01:35, janë paraqitur në një spital privat, për ndihmë mjekësore, shtetasit E. P., 36 vjeçe, A. P., 36 vjeç, dhe D. P., 34 vjeç, me dëmtime të shkaktuara dyshohet nga armë zjarri.

Këta shtetas, rreth orës 01:30 të mëngjesit të sotëm, kanë qenë duke festuar së bashku me persona të tjerë nga rrethi i tyre shoqëror dhe familjar, në një lokal në Rrugën e Kavajës.

Nga tërësia e veprimeve hetimore paraprake është bërë i mundur identifikimi i autorit të dyshuar, shtetasit E. E., 32 vjeç, banues në Tiranë. Ky shtetas dyshohet se aksidentalisht, me një armë zjarri të cilën e mbante pa leje, ka bërë një shkrepje të pavullnetshme, dhe si pasojë e saj janë dëmtuar shtetasit e mësipërm.

Shtetasit D. P., dhe A. P., pas marrjes së ndihmës mjekësore janë larguar për në banesë, ndërsa shtetasja E. P., ndodhet në spital, nën kujdesin e mjekëve, jashtë rrezikut për jetën. Grupi hetimor, nën drejtimin e Prokurorisë, po vijon punën për dokumentimin e plotë ligjor të këtij rasti dhe kapjen e shtetasit E. E.

Foto ilustruese

TIRANA- Tre persona janë paraqitur në një spital privat në kryeqytet rreth orës 01:35, në Tiranë për ndihmë mjekësore, me dëmtime të shkaktuara dyshohet nga armë zjarri. Mësohet se ata  kanë qenë duke festuar së bashku me persona të tjerë nga rrethi i tyre shoqëror dhe familjar, në një lokal në Rrugën e Kavajës.

Gjithashtu bëhet me dije se është bërë i mundur identifikimi i autorit i cili dyshohet se aksidentalisht, me një armë zjarri të cilën e mbante pa leje, ka bërë një shkrepje të pavullnetshme.

Njoftimi:

Tiranë/Informacion paraprak

Më datë 23.07.2024, rreth orës 01:35, janë paraqitur në një spital privat, për ndihmë mjekësore, shtetasit E. P., 36 vjeçe, A. P., 36 vjeç, dhe D. P., 34 vjeç, me dëmtime të shkaktuara dyshohet nga armë zjarri.

Këta shtetas, rreth orës 01:30 të mëngjesit të sotëm, kanë qenë duke festuar së bashku me persona të tjerë nga rrethi i tyre shoqëror dhe familjar, në një lokal në Rrugën e Kavajës.

Nga tërësia e veprimeve hetimore paraprake është bërë i mundur identifikimi i autorit të dyshuar, shtetasit E. E., 32 vjeç, banues në Tiranë. Ky shtetas dyshohet se aksidentalisht, me një armë zjarri të cilën e mbante pa leje, ka bërë një shkrepje të pavullnetshme, dhe si pasojë e saj janë dëmtuar shtetasit e mësipërm.

Shtetasit D. P., dhe A. P., pas marrjes së ndihmës mjekësore janë larguar për në banesë, ndërsa shtetasja E. P., ndodhet në spital, nën kujdesin e mjekëve, jashtë rrezikut për jetën.

Grupi hetimor, nën drejtimin e Prokurorisë, po vijon punën për dokumentimin e plotë ligjor të këtij rasti dhe kapjen e shtetasit E. E.