"Do të të vras, do të shkatërroj"/ Përndoqi Noizy-n, ndalohet në Rinas Kleviol Ahmeti

Ndue Pjetra

TIRANË- Avokati Ndue Pjetri ka zgjedhur që ta mbrojë në Tik Tok klientin e tij Kleviol Ahmeti, të njohur si Cllevio Serbiano, i cili u arrestua sot pasi akuzohet se ka përndjekur rivalin e tij në muzikë, Rigels Rajku që njihet si Noizy. Në një dalje të drejtpërdrejtë në Tik Tok bashkë me disa miq të Cllevios, Pjetri thotë se konflikti mes tyre ka nisur për shkak të xhelozisë. Ai thotë se Noizy ka nisur ta ketë inat klientin e tij, pasi Cllevio merr më shumë para se Noizy në koncerte. Duke qeshur, avokati thotë se Cllevio ka një të keqe, që ofendon nëpër video.

“Ka rezultuar që të gjitha lokalet kërkojnë Cllevion. Nëse paralelisht do të ishin duke kënduar Noizy dhe Cllevio, të gjithë do të shkonin të dëgjonin Cllevion. Nëse Noizyn e marrin me 10-12 apo 13 mijë euro, Cllevion e marrin me mbi 15 mijë euro. Këtu ka nisur xhelozia në biznes. Të gjithë duhet të shohin se ccfarë bëhet në Shqipëri, për inat të njëri-tjetrit. Cllevio ka një të keqe që shan. Xhelozia në dashuri është e keqe,”- thotë avokati dhe qesh.

Videoja është regjistruar nga ndjekës në Tik Tok dhe është hedhur në Youtube:

37-vjeçari u vu në pranga në Rinas, sapo erdhi nga Italia. I riu, banues në Lushnje, akuzohet për veprën penale ‘Përndjekja’. Ai u kallëzua nga Noizy dhe babai i këtij të fundit, Bashkim Rajku, të cilët deklaruan para bluve se janë ndjerë të kërcënuar e frikësuar pas videove që Ahmeti ka publikuar në Tik Tok, ku bën deklarata kundrejt reperit.

Noizy dhe Klevio

TIRANË- Arrestimi i reperit Kleviol Ahmeti ka ardhur pas një kallëzimi të bërë nga kolegu i tij Rigels Rajku bashkë me babain e këtij të fundit, Bashkim Rajku. Në padi, reperi i njohur si Noizy dhe babai i tij janë shprehur se kanë marrë kërcënime të vazhdueshme nga Ahmeti që ndryshe njihet si Cllevio Serbiano. Ata kanë theksuar se ndihen të frikësuar pas kërcënimeve për vrasje që u ka bërë i riu.

“Na ka shkaktuar gjendje ankthi dhe frike për shkak të kërcënimeve në Tik-Tok se do na vrasë dhe shkatërrojë,”- kanë thënë babë e bir.

37-vjeçari u vu në pranga në Rinas, sapo erdhi nga Italia. I riu, banues në Lushnje, akuzohet për veprën penale ‘Përndjekja’.

Kleviol Ahmeti

TIRANË- Policia e Shtetit ka dalë me një njoftim zyrtar për arrestimin e Kleviol Ahmetit (Cllevios). Sipas forcave blu, Cllevio ka përndjekur disa herë në rrjetet sociale reperin Noizy. Ahmeti është ndaluar në Rinas, në hyrje të Republikës së Shqipërisë, nga shërbimet e Komisariatit Rinas, pasi ishte shpallur në kërkim nga Komisariati i Policisë Durrës. 

'Specialistët për Hetimin e Krimeve të Komisariatit të Policisë Durrës ndaluan shtetasin K. A., 37 vjeç, banues në Lushnjë, për veprën penale "Përndjekja", pasi ka përndjekur disa herë, në rrjetet sociale, shtetasin R. R., banues në Durrës. Shtetasi K. A. është ndaluar në Rinas, në hyrje të Republikës së Shqipërisë, nga shërbimet e Komisariatit Rinas, pasi ishte shpallur në kërkim nga Komisariati i Policisë Durrës. Materialet i kaluan Prokurorisë, për veprime të mëtejshme.'- njofton Policia.

Cllevio

TIRANË- Ditën e sotme, u ndalua në Rinas Kleviol Ahmeti, i njohur nga të gjithë si Cllevio. Ai është denoncuar nga Noizy, pasi ky i fundit pretendon se ndihet i kërcënuar.

Po si erdhi ngjarja deri këtu?

Kjo ngjarje erdhi si pasojë e ofendimeve të bëra vazhdimisht nga Cllevio nëpër rrjete sociale. Ai kishte filluar pothuajse para dy vitesh të bëhej viral nëpër rrjete sociale, ku thyente rekorde të shikueshmërisë. Gjatë kësaj kohe, ai ofendonte rëndë Rigelsin dhe anëtarët e grupit “OTR”, madje kishte publikuar edhe një video duke e ndjekur me makinë babanë e reperit, këto provokime përfunduan pasi Cllevio u arrestua në muajin mars të vitit 2021 në Shqipëri.

Gjatë 13 muajve që Cllevio ishte në burg, në “botën” e shoëbizit shqiptar ndodhi pajtimi i dy rivaleve Noizy dhe Arkimed Lushaj apo siç njihet ndryshe Stresi, të cilët i harruan ofendimet, “diss-at”, përleshjet dhe ia zgjaten dorën e pajtimit njëri-tjetrit. Por, në momentin që Klevioli u lirua nga burgu, Arkimedi dhe shoqëria e tij i kërkuan që të mos vazhdonte më me ofendime ndaj grupit “OTR” dhe veçanërisht ndaj reperit “Noizy”.

Ai kishte premtuar se nuk do të ofendonte por se këtë premtim nuk e mbajti edhe aq gjatë, jo vetëm që filloi të ofendonte sërish të njëjtit persona, por tashmë i kishte prishur edhe raportet me mikun e tij më të ngushtë, Stresin.

Më pas, me 6 qershor, Cllevio shkoi në rrugën Currilave në Durrës. Sipas Cllevios, kishte vendosur t’i kërkonte falje Noizy’t por situata u tensionua menjëherë si doli Rigelsi nga lokali i tij u vërsul në drejtim të Klevios për ta goditur atë, por ky i fundit arriti t’i shpëtonte goditjes së parë duke tentuar të iktë ai u zu nga Noizy dhe dy anëtarë tjerë të grupit “OTR”.

Kush është “Cllevio Serbiano”?

Reperi, Kleviol Ahmeti ka lindur në vitin 1986 dhe është me prejardhje nga qyteti i Lushnjës, ai kishte jetuar 11 vite në Shtetet e Bashkuara të Amerikës dhe ishte pjesë e grupit “The Bloody Alboz”, teksa mbante nofkën “Hudra AKA Problemi”, pasi u kthye në Shqipëri ndryshoi nofkën në “Cllevio Serbiano” e që në vitet e fundit u bë i njohur përmes rrjeteve sociale.

Në vitin 2014, Cllevio u arrestua për “Trafikim Droge”, pasi rrëzoi një avion të llojit “Piper” që ishte nisur nga Italia me destinacion Divjakën.

Dënimin e përfundoi pas 6 vitesh, kur doli edhe nga burgu pra në 2020-tën dhe vazhdoi të publikonte projekte muzikore, e që më pas filloi të hynte në “Live” në rrjetin social “Instagram”./Dosja.al

TIRANË- Ditën e sotme në Rinas u arrestua reperi, Klaviol Ahmeti i cili njihet me emrin “Cllevio Serbiano”, pasi është kallëzuar në polici nga reperi tjetër, Rigels Rajku, i cili njihet me emrin “Noizy” dhe babai i këtij të fundit, Bashkim Rajku. Cllevio është ndaluar për kryerjen e veprës pena “Përndjekja” dhe 'mbajtja pa leje e armëve të ftohta'.

SI KA NISUR SHERRI MES TYRE?

Pas lirimit nga burgu, e i vendosur në masën e sigurisë “arrest shtëpie”, 36-vjeçari Kleviol Ahmeti ra në kontakt me një telefon dhe me rrjetet sociale. I rrëmbyer nga fama e momentit dhe paratë që gjeneronte nga live-t e shumta, nuk i kurseu as “armiqtë” e vjetër të grupit OTR.

Shpesh herë ka ofenduar reperin Noizy, Rigels Rajkun dhe miqtë e tij, Dj Crax dhe Varrosin. Derisa mori një mesazh, të cilin e bëri dhe publik./Dosja.al

Noizy dhe Cllevio

TIRANË- Arrestohet reperi i njohur si Cllevio, emri i vërtetë i të cilit është Kleviol Ahmeti. Ai është vënë në pranga në Rinas, pasi së fundmi është rikthyer në Shqipëri. Ndalimi i tij u bë pas denoncimi të reperit Rigels Rajku, ose ndryshe Noizy.

Sipas denoncimit, Ahmeti e ka përndjekur Noizyn, duke i shkaktuar gjendje ankthi dhe frike, e po ashtu, ai ka treguar se Cllevio e ka kërcënuar në rrjetin social Tik Tok duke i thënë se do e vriste. Arrestimi i Cllevios është bërë sot rreth orës 01:00 nga Shërbimet e Komisariatit të Rinasit.

SI KA NISUR SHERRI MES TYRE?

Pas lirimit nga burgu, e i vendosur në masën e sigurisë “arrest shtëpie”, 36-vjeçari Kleviol Ahmeti ra në kontakt me një telefon dhe me rrjetet sociale. I rrëmbyer nga fama e momentit dhe paratë që gjeneronte nga live-t e shumta, nuk i kurseu as “armiqtë” e vjetër të grupit OTR.

Shpesh herë ka ofenduar reperin Noizy, Rigels Rajkun dhe miqtë e tij, Dj Crax dhe Varrosin. Derisa mori një mesazh, të cilin e bëri dhe publik./Dosja.al