6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Departamenti i Drejtësisë i Shteteve të Bashkuara ka publikuar mbi tre milionë faqe dokumente që lidhen me Jeffrey Epstein. • Në këtë dosje përfshihen më shumë se 2,000 video dhe 180,000 imazhe. • Publikimi vjen gjashtë javë pas një afati ligjor të vendosur nga një ligj i nënshkruar nga Presidenti Donald Trump. • Departamenti ka shpjeguar më parë se vonesa në përmbushjen e afatit u shkaktua nga nevoja për të rishikuar miliona materiale dhe për të fshirë çdo gjë që mund të rrezikonte identitetin e viktimave. • Gjithashtu zëvendës-prokurori i Përgjithshëm, Todd Blanche, ka listuar kategoritë e informacionit që janë përjashtuar nga publikimi i sotëm: Detaje personale identifikuese të viktimave, dosje mjekësore, çdo material që tregon abuzim seksual me fëmijë, çfarëdo që mund të rrezikonte një hetim aktiv dhe çfarëdo që tregon vdekje ose dhunë fizike. • Sipas dosjeve të reja, Jeffrey Epstein ka dërguar transferime bankare që arrijnë në mijëra paund pas daljes nga burgu në vitin 2009, drejt burrit të Peter Mandelson, Reinaldo Avila da Silva. • Këto dokumente ngrenë pyetje të reja në lidhje me marrëdhënien e Epstein me Mandelson, i cili u shkarkua nga posti i ambasadorit të Mbretërisë së Bashkuar në Washington pasi dolën në pah detaje mbi mbështetje financiaren që ai kishte ofruar për Epstein-in. • Gjithashtu dokumentet e publikuara nga Departamenti i Drejtësisë i SHBA-së kanë nxjerrë në dritë disa email-e të shkëmbyera mes Elon Musk dhe Jeffrey Epstein në fund të viti 2013. • Në këto emaile Elon Musk po bënte planet për një vizitë të mundshme në një ishull në Karaibe që i përkiste Jeffrey Epstein.
3 artikuj për këtë temë.
SHBA- Dokumentet e reja të publikuara nga Departamenti i Drejtësisë i SHBA-së kanë nxjerrë në dritë disa email-e të shkëmbyera mes Elon Musk dhe Jeffrey Epstein në fund të viti 2013. Në këto emaile Elon Musk po bënte planet për një vizitë të mundshme në një ishull në Karaibe që i përkiste Jeffrey Epstein.
CNN shkruan se Musk kishte deklaruar më parë se i kishte refuzuar përpjekjet e Epstein për ta bindur të vizitonte një nga dy ishujt që ai zotëronte në Ishujt e Virgjër Amerikanë, Great St.
Më 13 dhjetor 2013, Musk i dërgoi një email Epstein-it, ku shkruan se do të arrijë “në zonën e Ishujve të Virgjër Britanikë/St. Barts” gjatë festave dhe e pyeste nëse kishte “një moment të përshtatshëm për vizitë”. Ndërsam Epstein u përgjigj dy ditë më vonë, duke shtuar se “gjithmonë ka vend për ty”.
Në një email tjetër, afër krishlindjeve, Epstein shkruante se data 2 ose 3 do të ishte perfekte dhe se do të shkonte herët ta marrë. Musk fillimisht u përgjigj se do t’i duhej të kthehej me avion në Los Anxhelos mbrëmjen e 2 janarit, përpara se të shkruante se mund ta shtynte nisjen me një ditë.
“Kur shkojmë në ishullin tënd, më 2?”. pyeti ai në një mesazh pasues.
Gjithashtu një email tjetër u dërguar më 16 korrik 2011, ku tregon Jeffrey Epstein duke e informuar Peter Mandelson se “e kaloi ditën me Gates” në Seattle. Në të njëjtin mesazh, Epstein shton se po kalonin “monstrous fun”, pra se po argëtoheshin jashtë mase.
Në shtator, pasi emri i Musk u përfshi në një tjetër grup dosjesh, ai kërkoi të distancohej Epstein. Ai tha në një postim në X në atë kohë se “Epstein u përpoq të më bindte të shkoja në ishullin e tij dhe unë REFUZOVA”./Dosja.al
SHBA- Departamenti i Drejtësisë i SHBA-së ka ndërmarrë sot një hap në zbardhjen e çështjes Epstein, duke publikuar mbi 3 milionë faqe materiale hetimore, mes të cilave vëmendjen e ka marrë një shkëmbim me emaile mes Princ Andrew dhe Epstein.
Bëhet fjalë për një email që daton nga gushti i 2010-tës, ku Epstein i ka shkruar drejtpërdrejt Princit duke i sugjeruar një darkë në Londër me një grua ruse 26-vjeçare. Në mesazhin e tij, Epstein e përshkruan gruan si 'të bukur' dhe të besueshme, duke i konfirmuar Princit se ajo kishte emailin këtij të fundit për të lënë takimin.
Në tetor të vitit të kaluar, anëtari i familjes mbretërore britanike, Princ Andrew i kishte mohuar kategorikisht të gjitha akuzat për përfshirje në çështjen Epstein. BBC shkruan se, Todd Blanch (Prokuror i Përgjithshëm në Detyrë) tha se, agjencia ka përfunduar shqyrtimin e materialit dhe se publikimi i sotëm përfshin afërsisht 2,000 video dhe 180,000 imazhe, ndërsa anëtarët e Kongresit mund të shohin versione të pacensuruara në mjediset e Departamentit të Drejtësisë. Dosja.al
SHBA- Zëvendësprokurori i përgjithshëm i SHBA-së, Todd Blanche, njoftoi se departamenti i drejtësisë po publikon më shumë se 3 milionë faqe dokumente që lidhen me hetimin e tij ndaj financierit dhe shkelësit të ligjit seksual, Jeffrey Epstein. Në një konferencë shtypi, Blanche tha se publikimi do të përfshijë më shumë se 2,000 video dhe 180,000 imazhe, të cilat do të kenë redaktime të gjera.
Gjithashtu ai tha se, administrata Trump ka prodhuar afërsisht 3.5 milion faqe në një përpjekje për t'u përmbajtur Aktit të Transparencës së Dosjeve Epstein. Ai tha se ato përfshijnë përmbajtje pornografie komerciale dhe imazhe që u sekuestruan nga pajisjet e Epstein.
“Përpjekja e departamentit për mbledhjen e të dhënave rezultoi në identifikimin e më shumë se 6 milionë faqeve si potencialisht të përgjegjshme, duke përfshirë email-e të Departamentit dhe të FBI-së, përmbledhje intervistash, imazhe, video dhe materiale të tjera të ndryshme të mbledhura dhe të gjeneruara gjatë hetimeve dhe ndjekjeve penale të ndryshme që mbulonte akti”, tha Blanche.
Sipas The Guardian, ajo që është mbajtur sekret kanë qenë dosje personale dhe mjekësore, vdekje, abuzim fizik dhe lëndime, si dhe çdo përshkrim i pornografisë së fëmijëve, që do të rrezikonte një hetim aktiv federal. Blanche tha se, departamenti do t'u paraqesë komisioneve gjyqësore të Dhomës së Përfaqësuesve dhe Senatit një raport që rendit të gjitha kategoritë e të dhënave të lëshuara dhe të mbajtura sekrete.
Kur u pyet nëse ka emra të rinj në dokumentin e publikuar, Blanche tha se nuk kishte asgjë për të ndarë. Ai tha se publikimi përsërit atë që Presidenti Trump ka thënë për vite me radhë… që detajon marrëdhënien e tij, dhe mungesën e saj, me Epstein, dhe atë që mendonte ai për Epstein./Dosja.al
