Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Përgjaket 'Shën Valentini' në Tiranë. • Një plagosje ka ndodhur gjatë natës në zonën e Saukut në Tiranë. Plagosja ka ndodhur në hotel 'Gjuta', ku e dëmtuar është 18-vjeçarja me emrin Natalia Murati • Sipas Policisë nga kqyrja e kamerave të hotelit, dyshohet se e reja është vetëplagosur me armë zjarri. • Mësohet se e reja ka qëlluar vetë veten me armën e të dashurit të saj Erisjaldo Gjuta. • Ndërkohë që teksa kanë dëgjuar të shtënat në dhomë, menjëherë kanë shkuar Sajmir dhe Erisjaldo Gjuta. • Këta kanë thirrur Mirvete Gjutën, nëna e 22-vjeçarit dhe Vladimir Gjutën, xhaxhai i të riut. • Në vend që të thërrisnin autoritetet, Mirvete Gjuta dhe kushëriri i 22-vjeçarit, Elvir Gjuta e kanë marrë dhe transportuar në spital, duke deklaruar se e kanë gjetur në rrethrrotullimin e Ekonomikut. • Ndërsa Vladimir Gjuta bashkë me Sajmirin dhe Erisjaldo Gjutën kanë pastruar gjakun në dhomën e hotelit për të fshehur ngjarjen. • Për ngjarjen 2 persona janë arrestuar për moskallëzim krimi dhe 3 të tjerë janë shpallur në kërkim.
8 artikuj për këtë temë.
TIRANË- Dinamika e plagosjes së 18-vjeçares Natalia Murati është zbadhur mëngjesin e sotshëm. Mësohet se se e reja ka qëlluar vetë veten me armën e të dashurit të saj Erisjaldo Gjuta.
Ndërkohë që teksa kanë dëgjuar të shtënat në dhomë, menjëherë kanë shkuar Sajmir dhe Erisjaldo Gjuta. Këta kanë thirrur Mirvete Gjutën, nëna e 22-vjeçarit dhe Vladimir Gjutën, xhaxhai i të riut.
Kush është Vladimir Gjuta?
Vladimir Gjuta është person i njohur për autoritetet policore në vend. Ai ka marrë pjesë në shumë ngjarje të rënda të ndodhur në Tiranë. Fillimisht Gjuta u akuzua si autor i vendosjes së tritolit në farmacinë e babait të ish-ministrit të Brendshëm Saimir Tahiri vite me parë. Tritoli në farmacinë e babait të Saimir Tahirit, që në atë kohë ishte ministër i Brendshëm, është vendosur në vitin 2015.
Në vitin 2020, Gjuta u arrestua pasi kishte plagosur të afërmin e tij disa herë me çekiç. I afërmi tërhoqi denoncimin dhe Gjuta u la i lirë nga Policia.
Por liria zgjati vetëm 5 ditë. Kjo pasi më 10 shkurt të 2020, Gjuta u arrestua pranë Selisë së PS me pistoletë dhe 180.000 euro në çantë. Në Polici ai tha se armën e kishte marrë pasi kishte shumë para me vete.
Po në këtë vit, në muajin prill, Gjuta është konfliktuar me gardianët e burgut ku qëndronte. /Dosja.al
TIRANË- Emrat e të gjithë personave të përfshirë në vetëplagsjen e 18-vjeçares Natalia Murati janë zbardhur. Mësohet se në pranga kanë rënë dy persona, Mirvete Rexhmati Gjuta dhe Vladimir Gjuta.
Ndërkohë, tre të tjerë janë shpallur në kërkim, mes tyre edhe i dashuri i 18-vjeçares, Erisjaldo Gjuta, 22-vjeç, i cili dyshohet se ka pasur edhe armën me të cilën e 18-vjeçarja qëlloi veten.
Ende në kërkim janë: Sajmir Gjuta, 49 vjeç, Elvir Gjuta, 24 vjeç, si dhe Erisjaldo Gjuta, 22 vjeç./Dosja.al
TIRANË- Dëshmia e 18-vjeçares që u vetëplagos me armë zjarri në Tiranë është zbardhur. Mësohet se e reja Natalia Murati nga spitali para policisë ka deklaruar se në dhomë ndodhej vetëm.
Sipas saj i dashuri Erisjaldo Gjuta ndodhej jashtë me personat e tjerë. Ndërkohë që ka deklaruar se ka bërë shumë gabime në jetë./Dosja.al
TIRANË- Emri i 18-vjeçares së plagosur në Tiranë është zbuluar. Mësohet se e reja është identifikuar si Natalia Murati.
Ajo ndodhej në hotel në Sauk bashkë me partnerin e saj teksa ka qëlluar veten me armë zjarri në kraharor.
Ndërkohë që në spital është çuar nga punonjësit e hotelit, nga të cilët dy janë arrestuar dhe tre janë shpallur në kërkim. Këta persona kanë prishur provat në vendin e ngjarjes dhe nuk kanë njoftuar policinë për plagosjen./Dosja.al
TIRANË- Emrat e dy të arrestuarve për moskallëzim krimi për plagosjen në Sauk janë zbardhur. Mësohet se bëhet fjalë për Vladimir Gjuta dhe Mirvete Rexhmati(Gjuta).
Sipas policisë nga kqyrja e kamerave, 18-vjeçarja është vetëplagosur më armë zjarri në hotel. Ndërkohë që në spital është çuar nga punonjësit e hotelit, nga të cilët dy janë arrestuar dhe tre janë shpallur në kërkim. Këta persona kanë prishur provat në vendin e ngjarjes dhe nuk kanë njoftuar policinë për plagosjen./Dosja.al
TIRANË- Policia ka zbardhur plagosjen e studentes 18-vjeçare mbrëmjen e kaluar në një hotel në Sauk. Mësohet se nga kqyrja e kamerave të hotelit, e reja është vetëplagosur me armë zjarri.
Ndërkohë që 2 persona janë arrestuar për moskallëzim krimi dhe 3 të tjerë janë shpallur në kërkim. Për moskallëzim krimi janë vënë në pranga V. Gj., 46 vjeç dhe M. R. (Gj), 48 vjeçe. Ndërsa tre të tjerë me inicialet S. Gj., 49 vjeç, E. Gj., 24 vjeç dhe E. Gj., 22 vjeç janë shpallur në kërkim.
Këta persona kanë prishur provat në vendin e ngjarjes dhe nuk kanë njoftuar policinë për plagosjen.
Njoftimi i Policisë:
Zbardhet ngjarja e ndodhur pak pas mesnate, ku një 18-vjeçare u vetëplagos me armë zjarri. Arrestohen 2 shtetas dhe shpallen në kërkim 3 të tjerë. Më datë 14.02.2026, rreth orës 00:15, në spital është paraqitur e plagosur me armë zjarri shtetasja N. K., 18 vjeçe, e cila ndodhet jashtë rrezikut për jetën.
Nga veprimet e shpejta hetimore të kryera nga specialistët për Hetimin e Krimeve kundër Jetës dhe Pronës, si dhe nga kqyrja e pamjeve të kamerave të sigurisë, rezultoi se ngjarja ka ndodhur në ambientet e një subjekti në Sauk, ku 18-vjeçarja dyshohet se është vetëplagosur me armë zjarri. E dëmtuara është transportuar në spital nga shtetasja M. R. (Gj) dhe shtetasi E. Gj., 24 vjeç.
Në vijim të veprimeve procedurale:
-u arrestuan në flagrancë shtetasit V. Gj., 46 vjeç dhe M. R. (Gj), 48 vjeçe, për veprat penale “Moskallëzim i krimit” dhe “Veprime që pengojnë zbulimin e së vërtetës”; -u shpallën në kërkim shtetasit S. Gj., 49 vjeç, dhe E. Gj., 24 vjeç, për veprat penale “Moskallëzim i krimit” dhe “Veprime që pengojnë zbulimin e së vërtetës”, si dhe shtetasi E. Gj., 22 vjeç, për veprat penale “Moskallëzim i krimit”, “Veprime që pengojnë zbulimin e së vërtetës” dhe “Armëmbajtja pa leje”.
Këta shtetas dyshohet se kanë prishur provat në vendin e ngjarjes dhe nuk kanë kallëzuar krimin. Vijon puna për gjetjen dhe sekuestrimin e armës së zjarrit të përdorur në ngjarje, si dhe për kapjen e 3 shtetasve të shpallur në kërkim, me qëllim dokumentimin e plotë ligjor të rastit. Materialet procedurale iu referuan Prokurorisë, për veprime të mëtejshme./Dosja.al
TIRANË- Detaje të reja kanë dalë nga plagosja që ka ndodhur gjatë natës në zonën e Saukut. Mësohet se e reja, e cila është studente në Tiranë ndodhej në hotel bashkë me autorin.
Për shkak të mosmarrëveshjeve mes tyre ka ndodhur një sherr dhe autori e ka qëlluar me armë brenda në hotel. Më pas është larguar menjëherë nga aty.
E plagosura është ndihmuar nga punonjësit e hotelit që të shkojë në spital. Ndërkohë që forca të shumta policie kanë shkuar në vendngjarje për të zbardhur rastin./Dosja.al
TIRANË- Një plagosje ka ndodhur gjatë natës në zonën e Faktultetit të Ekonomisë në Tiranë. Mësohet se në orët e para të mëngjesit një vajzë është gjetur e plagosur me armë zjarri.
Pasi u gjet nga kalimtarët, e reja është dërguar në spital për të marrë ndihmë mjekësore. Ende nuk dihen rrethanat e ngjarjes, ndërkohë që bëhet me dije se policia ka nisur hetimet për të zbardhur plagosjen./Dosja.al
