Fermerët protestë në Maliq, gjobiten nga policia! Debat mes deputetit të PD dhe Ballës në Komisionin e Ekonomisë: Të mendojë pak edhe për hallexhinjtë e vendit!

Edmond Spaho dhe Taulant Balla

TIRANA- Ministri i Brendshëm Taulant Balla mori pjesë sot në Komisionin për Ekonominë dhe Financat ku po bëhet shqyrtimi i projektligjit “Për Policinë e Shtetit”. Deputeti i Partisë Demokratike, Edmond Spaho i tha ministrit se sot disa fermerë që protestuan në Korçë, u gjobitën me 1 milion lekë, që sipas tij nuk do të arrijnë dot t’i bëjnë ato para për të shlyer gjobën.

“Policia u vuri gjobë 1 milion lekë të vjetra që nuk i mbledh dot, kjo është të jesh në krahun e oligarkëve. Ju do duhej t’ia ngrini këto çështje kryeministrit dhe t’i thonit që të mendojë pak edhe për hallexhinjtë e vendit”, u shpreh Spaho.

Nga ana tjetër Balla u shpreh se policia ka bërë punën e saj, pasi protestuesit kishin bllokuar rrugën.

“Nuk mund të bllokohet rruga nga askush, dhe policia po bën detyrën e saj”, tha Balla.

Protesta e fermerëve

MALIQ- Fermerët në zonën e Maliqit po protestojnë sot për shkak të mungesës së tregut për prodhimet e tyre bujqësore. Bëhet me dije se ata janë grumbulluar së bashku me mjetet e tyre në rrugën hyrëse të fshatit Drithas.

Gjithashtu, fermerët nga fshatrat e fushës së Korçës janë mbledhur në protestë pasi thonë se po përballen me mungesën e tregut dhe se për shkak të mungesës së subvencioneve sipas tyre prodhimi del me kosto më të lartë ndaj ata konkurrohen nga prodhimet që futen nga jashtë.

Lidhur me këtë protestë bëhet me dije se ka patur dhe tensione mes policisë dhe fermerëve. Këta të fundit kanë bllokuar dhe rrugën me mjetet e tyre teksa raporton se për pasojë një prej tyre edhe është gjobitur. Petraq Dimko, i cili është gjobitur në shumën 100 mijë lekë.

“Bazuar në pamjet filmike dhe nga konstatimi ynë, Drejtuesi i mjetit bujqësor në orën 09: 30 zë sipërfaqen rrugore në aksin Libonik -Dridhas pa leje dhe pa shkak të arsyeshëm duke u bërë pengesë për qarkullimin e lirë të mjeteve”, thuhet në fletën e gjobës.

Protesta

MALIQ- Fermerët në zonën e Maliqit po protestojnë sot për shkak të mungesës së tregut për prodhimet e tyre bujqësore. Bëhet me dije se ata janë grumbulluar së bashku me mjetet e tyre në rrugën hyrëse të fshatit Drithas.

Gjithashtu, fermerët nga fshatrat e fushës së Korçës janë mbledhur në protestë pasi thonë se po përballen me mungesën e tregut dhe se për shkak të mungesës së subvencioneve sipas tyre prodhimi del me kosto më të lartë ndaj ata konkurrohen nga prodhimet që futen nga jashtë.

Lidhur me këtë protestë bëhet me dije se ka patur dhe tensione mes policisë dhe fermerëve. Këta të fundit kanë bllokuar dhe rrugën me mjetet e tyre.