Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Forumi Ekonomik Botëror i cili po mbahet në Davos të Zvicrës, vijon sot në ditën e tij të katërt për t'u mbyllur më 19 janar. •Këtë vit forumi ka temën "Rindërtimi i besimit”. • Ngjarja në fjalë pret mbi 100 qeveri, të gjitha organizatat kryesore ndërkombëtare, 1000 partnerë të Forumit, si dhe drejtues të shoqërisë civile, ekspertë, përfaqësues të rinjsh, sipërmarrës socialë dhe media. • Lufta në Ukrainë vijon të mbetet një nga çështjet më të diskutuar në këtë Forum. •Zhvillimet nga liderët e Ballkant nuk kanë munguar gjithashtu. •Kryeministri i Kosovës, Albin Kurti mori pjesë në panelin e Davosit ku foli për sigurinë gjeopolitike të rajonit, por në të njëjtin panel pranishëm ishte edhe presidenti i Serbisë, Aleksandër Vuçiç. •Ndërsa sa i takon luftës Rusi-Ukrainë, presidenti i Polonisë, Andrzej Duda deklaroi nga Forumi se presidenti rus, Vladlimir Putin ka vendosur t’i “vë flakën botës”. •Për të vijuar me deklaratat për trazirat në Lindjen e Mesme me Sekretarin e Jashtëm britanik, David Cameron, i cili ka zhvilluar një takim me Ministrin e Jashtëm iranian Hossein Amir-Abdollahian ku ka dënuar sulmet në Erbil në Irak, të cilat vranë britaniko-irakianin, Karam Mikhael.
3 artikuj për këtë temë.
ZVICËR- Presidenti i Polonisë, Andrzej Duda deklaroi nga Forumi Ekonomik Botëror i Davosit se presidenti rus, Vladlimir Putin ka vendosur t’i “vënë flakën botës”. Sipas tij, 30 vite pas rënies së Bashkimit Sovjetik, po shohim rilindjen e imperializmit rus në versionin gjakatar të Putin-it. Duda vuri në dukje se Evropa është ende dëshmitare e konfliktit më të madh të armatosur në Evropë që nga përfundimi i Luftës së Dytë Botërore.
“Jam absolutisht i sigurt se mund të themi, 30 vjet pas rënies së Bashkimit Sovjetik, se tani po shohim rilindjen e imperializmit rus në versionin e tij gjakatar. Pa asnjë dyshim, Putini vendosi t’i vërë flakën botës”, tha ai.
ZVICËR- Sekretari i Jashtëm britanik, David Cameron, ka zhvilluar një takim me Ministrin e Jashtëm iranian Hossein Amir-Abdollahian të mërkurën në Forumin Ekonomik Botëror në Davos.
Sipas mediave të huaja, Cameron dënoi sulmet në Erbil në Irak, të cilat vranë britaniko-irakianin, Karam Mikhael. Cameron gjithashtu e bëri të qartë se sulmet e rebelëve Houthi ndaj anijeve në Detin e Kuq janë të paligjshme dhe të papranueshme.
Sekretari i Jashtëm shtoi se Irani duhet të përdorë ndikimin e tij me rebelët Houthi për të parandaluar kërcënimet e mëtejshme, tha në një deklaratë Zyra e Jashtme, Komonuelthit dhe Zhvillimit të Mbretërisë së Bashkuar.
ZVICËR- Kryeministri i Kosovës, Albin Kurti mori pjesë në panelin e Davosit ku foli për sigurinë gjeopolitike të rajonit, por në të njëjtin panel pranishëm ishte edhe presidenti i Serbisë, Aleksandër Vuçiç. Kurti ka shprehur në Forum kënaqësinë që ishte pjesë e panelit.
“Kënaqësi të jem pjesë e panelit sot në Forumin Ekonomik Botëror, duke diskutuar Dialogun e Diplomacisë së Ballkanit Perëndimor presidenten e Komisionit Evropian, Ursula von der Leyen dhe liderë të tjerë të rajonit e më gjerë. Siguria gjeopolitike e rajonit tonë është thelbësore për sigurinë evropiane, prandaj tema është e një rëndësie të madhe”, shprehet Kurti.
Sot mbahet dita e katërt e Forumit Ekonomik Botëror të Davosit me mbi 2800 pjesëmarrës. Forumi në fjalë zhvillohet nën moton “Të rikthejmë besimin”, ku të pranishëm janë shefa të kompanive të mëdha të softuerëve, lidetë të botës ekonomike dhe mbi 60 krerë shtetesh e qeverish.
