Gonzato dorëzon në Kuvend progresraportin për Shqipërinë: Opozita të luaj rolin e saj. Bardhi: Qeveria na ka përjashtuar

Kuvendi

TIRANA- Kreu i Grupit Parlamentar të Partisë Demokratike, Gazment Bardhi ka dhënë përgjigjen e tij pas 'këshillës' së ambasadaorit të Bashkimit Europian, Silvio Gonzato, se opozita duhet të luaj rolin e saj brenda Parlamentit. Bardhi thot se fshehja e realitetit pas fjalëve të bukura, nuk e ndihmon Shqipërinë.

Ai shton se e vërteta është që opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese. Bardhi thotë se parlamentarizimi ka në themel të tij respektimin e Kushtetutës, si mundësia e vetme e bashkëjetesës mes palëve që mendojnë ndryshe.

REAGIMI I BARDHIT:

Bëhet thirrje që opozita të luaj rolin e saj brenda Parlamentit; ndërkohë mundësia e opozitës për të hyrë brenda dhe pastaj për të patur mundësi të luaj rolin e saj brenda Parlamentit paraqitet kështu në realitet!

Fshehja e realitetit/të vërtetës pas fjalëve të bukura, nuk e ndihmon Shqipërinë! Realiteti/e vërteta është që opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese.

Parlamentarizimi ka në themel të tij respektimin e Kushtetutës, si mundësia e vetme e bashkëjetesës mes palëve që mendojnë ndryshe.

Gonzato

TIRANË- Ambasadori i delegacionit Europian në Tiranë, Silvio Gonzato ka shkuar sot në Kuvend për t'i dorëzuar progresraportin e Komisionit Evropian kryeparlamentares Elisa Spiropalit. Por vizita e Gonzatos në Kuvend, nuk duhet që të bëhej sot për shkak të seancës plenare që ishte në zhvillim e sipër. 

Gonzato tha për gazetarët jashtë Kuvendit se parlamenti ka një rol të rëndësishëm për progresin e Shqipërisë. Në dalje nga institucioni i Kuvendit, Gonzato i ka dhënë një porosi dhe Opozitës. 

“Parlamenti ka një rol të rëndësishëm për progresin e Shqipërisë. Ne duam të ndihmojmë Shqipërinë për të bërë progres. Opozita duhet të luajë rolin e saj në këtë progress dhe shpresoj ta bëjë këtë”, tha ambasadori i BE-së.

Policia e Shtetit me forca të shumta ka rrethuar Parlamentin, teksa vijon seanca plenare. Protestuesit që protestojnë para Bashkisë së Tiranës me në krye deputetët e përjashtuar po marshojnë drejt Parlamentit. Kjo ka bërë që policia të marrë masa dhe të dërgojë forca të shumta në institucionin ligjvënës. Ndryshe nga hera e kaluar policia është vendosur dhe bërë gardh jashtë rrethimit të Parlamentit.

Ambasadori

TIRANË- Ambasadori i delegacionit Europian në Tiranë, Silvio Gonzato ka shkuar sot në Kuvend për t'i dorëzuar progresraportin e Komisionit Evropian kryeparlamentares Elisa Spiropali. Në momentin që Gonzato ka mbërritur në godinën e parlamentit, deputetët e Opozitës kanë qenë gardh para derës.

Në këto kushte, Garda i ka sygjeruar, ambasadorit që të futet nga dera e pasme. Por deputetët e Opozitës kanë bërë mënjanë dhe i kanë hapur rrugën.