Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Një pikë e këmbimit valutor është grabitur në një qendër tregtare në kryeqytet ditën e sotme. • Bëhet me dije se 42-vjeçari i identifikuar si Luan Maçi, ka hyrë brenda në exchange në zonën e “5 majit” në Tiranë dhe ka kërcënuar me pistoletë punonjësenm duke i marrë 300 mijë lekë. • Pas identifikimit, disa orë pas grabitjes, blutë kanë arritur të arrestojnë autorin dhe i kanë sekuestruar armën e zjarrit, një pjesë të shumës së parave të grabitur dhe veshjet që kishte në momentin e grabitjes. • Nga pamjet e publikuara, Maçi ishte me kapuç në kokë, doreza plastike blu në duar dhe i veshur me tuta të errëta. • Siç shihet edhe në pamje, 42-vjeçari, sapo futet në dyqan, nis të godasë me shkelma ndarjen prej xhami ku ndodhej shitësja dhe më pas nxjerr pistoletën dhe i kërkon paratë. • Nga frika, punonjësja i jep kartëmonedhat duke i kaluar nëpërmjet hapësirës së vogël në banak. • Gjatë këtij momenti, autori përpiqet t’i marrë të gjitha, por disa prej tyre i bien në dysheme dhe ulet t'i mbledhë me të dyja duart. • Gjithashtu mësohet se në momentin e grabitjes autori ka qenë me mjekër, ndërsa në tentativë për të fshehur identitetin ai ka shkuar në banesë dhe e ka hequr atë.
8 artikuj për këtë temë.
TIRANË- Autori i grabitjes e cila ndodhi ditën e sotme në pikën e këmbimit valutor në Tiranë është identifikuar si Luan Maçi. Në lidhje me këtë ngjarje janë zbuluar detaje të reja. Mësohet se para se të kryente grabitjen Maçi ka pasur mjekër. Pasi ka kryer grabitjen ai ka shkuar drejt banesë së tij, për ta hequr atë, pasi në këtë mënyrë do të fshihte identitetin e tij të vërtetë.
42 vjeçari hyri në pikën e këmbimit valutor brenda një qendre tregtare me kapuç në kokë, doreza plastike blu në duar dhe i veshur me tuta të errëta. Sapo hyri në biznes, ai nisi të godasë me shkelma ndarjen prej xhami ku ndodhej shitësja. Më pas ai ka nxjerrë pistoletën dhe i ka kërkuar asaj paratë.
Punonjësja, e frikësuar, i ka dhënë kartëmonedhat duke i kaluar nëpërmjet hapësirës së vogël në banak. Sipas policisë autori ka vjedhur rreth 3 milionë lekë. Gjithashu, ai ka tentuar të shkelmojë derën pas së cilës ndodhej punonjësja, por nuk ka arritur, ndërsa më pas ka marrë paratë me nxitim dhe është larguar./Dosja.al
TIRANË- Personi që shihni në foto është Luan Maçi, autori, i cili grabitit 3 mln lekë nën kërcënimin e armës në pikën e këmbimit valutor në Tiranë. 42 vjeçari hyri të enjten në këtë pikë këmbimi valutor brenda një qendre tregtare me kapuç në kokë, doreza plastike blu në duar dhe i veshur me tuta të errëta.
Siç u pa në pamje, Maçi sapo u fut në dyqan, nisi të godasë me shkelma ndarjen prej xhami ku ndodhej shitësja dhe më pas nxjerr pistoletën dhe i kërkon paratë. Punonjësja, e frikësuar, i jep kartëmonedhat duke i kaluar nëpërmjet hapësirës së vogël në banak./Dosja.al
TIRANË- Policia ka publikuar pamje të reja nga grabitja e ndodhur sot në Tiranë, në një dyqan shkëmbimi valutor, brenda në ambientet e qendrës tregtare “Concord”. Në pamje shihet autori, Luan Maci, i cili pasi kërcënon me armë pistoletë punonjëset e pikës, nis të mbledhë paratë me dorë.
Gjatë grabitjes, autori lë armën në banakun e biznesit dhe nis t’i mbledhë paratë me të dyja duart. Sipas policisë autori ka vjedhur rreth 3 milionë lekë duke kërcënuar punonjësen me një armë zjarri, siç duket edhe në pamjet e publikuara. Gjithashu, ai ka tentuar të shkelmojë derën pas së cilës ndodhej punonjësja, por nuk ka arritur, ndërsa më pas ka marrë paratë me nxitim dhe është larguar.
Njoftimi i policisë:
Tiranë/Finalizohet operacioni policor i koduar “Itinerari”. Vodhi rreth 3 milionë lekë, në një dyqan këmbimi valutor, në një qendër tregtare, duke kanosur punonjësen, me armë zjarri pistoletë, identifikohet, lokalizohet dhe arrestohet 42-vjeçari. 42-vjeçari, me precedent penal për të njëjtën veprimtari kriminale. Sekuestrohen arma e zjarrit pistoletë, një pjesë e shumës së parave të vjedhura dhe veshja e përdorur gjatë kryerjes së vjedhjes.
Shërbimet e Komisariatit të Policisë Nr. 4, menjëherë pas marrjes së njoftimit për një rast vjedhjeje, në rrugën “5 Maji”, kanë organizuar në drejtimin e Prokurorisë, punën për identifikimin dhe kapjen e autorit.
Si rezultat i veprimeve të shpejta hetimore dhe operacionale nga shërbimet e Komisariatit të Policisë Nr. 4, u bë identifikimi, kapja dhe arrestimi i shtetasit:
-L. M., 42 vjeç, banues në Tiranë. Ky shtetas dyshohet se duke kanosur punonjësen, me arme zjarri pistoletë, ka vjedhur rreth 3 milionë lekë, në një dyqan këmbimi valutor, brenda një qendre tregtare, në rrugën “5 Maji”. Materialet i kaluan Prokurorisë, për veprime të mëtejshme./Dosja.al
TIRANË- Autori i cili grabiti ditën e sotme exchange-in në qendrën “Concord”, është arrestuar nga policia. Ai ka kryer vjedhjen e pikës së këmbimit valutor në qendrën tregtare në zonën e 5 Majit në Tiranë. Autori i ngjarjes është Luan Maçi, 42 vjeç.
Përmes kërcënimit me armë zjarri, ai ka arritur të marrë 1.2 milionë lekë të vjetra. Ngjarja ka ndodhur rreth orës 09:00 në një qendër tregtare rrugën "5 Maji". Policia po heton më shumë mbi rastin./Dosja.al
TIRANË- Janë publikuar pamjet Pamjet nga grabitja e Exchange në qendrën tregtare te “Concord” në kryeqytet. Siç shihet edhe në pamje, autori është i veshur me të zeza dhe në kokë mban një kapuç, për t’i shpëtuar kamerave të sigurisë, në mënyrë që të mos identifikohet.
Ai gjithashtu mban kokën thuajse ulur dhe pret që punonjësja e pikës së këmbimit valutor t’i japë parë. Nga të dhënat paraprake thuhet se grabitësi ka marrë 1.2 mln lekë të vjetra, ndërkohë pas grabitjes, ai u arratis me një motor./Dosja.al
TIRANË- Autori ende i paidentifikuar, ka kryer vjedhjen e pikës së këmbimit valutor në qendrën tregtare në zonën e 5 Majit në Tiranë, dhe ka arritur të marrë 1.2 milionë lekë të vjetra.
Ngjarja ka ndodhur rreth orës 09:00 në një qendër tregtare rrugën "5 Maji". Shërbimet e Policisë po vijojnë kontrollet në zonë me qëllim kapjen e autorit./Dosja.al
TIRANË- Uniformat blu kanë reaguar lidhur me grabitjen e pikës së këmbimit valutor, mëngjesin e sotëm në rrugën 5 Maji, Tiranë. Sipas njoftimit zyrtar, autori ende i paidentifikuar ka vjedhur një shumë parash nën kërcënimin e armës, tip pistoletë.
Uniformat blu bëjnë me dije se menjëherë pas njoftimit, shërbimet kanë arritur në vendngjarje. Ndërkohë që mësohet se janë ngritur pika kontrolli në akset rrugore përreth për kapjen e autorit.
Tiranë/Informacion paraprak
"Rreth orës 09:10, në rrugën “5 Maji”, një shtetas ende i paidentifikuar, nën kërcënimin e një sendi në dukje armë zjarri (pistoletë), ka vjedhur një shumë parash në një pikë këmbimi valutor brenda një qendre tregtare dhe është larguar nga vendi i ngjarjes.
Menjëherë pas marrjes së njoftimit, shërbimet e Policisë kanë shkuar në vendngjarje, kanë bërë rrethimin e zonës dhe kanë ngritur pika kontrolli në akset rrugore përreth. Shërbimet e Policisë po krehin zonën dhe po vijojnë kontrollet me qëllim kapjen e autorit. Ndërkohë, grupi hetimor po punon për sqarimin e plotë të rrethanave të rastit."/Dosja.al
TIRANË- Është grabitur një pikë e këmbimit valutor në një qendër tregtare në zonën e 5 Majit në kryeqytet. Sipas informacioneve paraprake mësohet se, një person ka hyrë brenda pikës dhe nën kërcënimin e armës së zjarrit ka arritur të largohet me një shumë parash.
Uniformat blu kanë mbërritur në vendgjarje, ndërsa ende nuk është konfirmuar shuma që ka marrë. Ndërkohë pritet njoftimi zyrtar i policisë për sqarimin e rrethanave të ngjarjes./Dosja.al
