Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Në Gjykatën Speciale në Hagë ka vazhduar sot gjykimi ndaj Pjetër Shalës, ish-pjestar i Ushtrisë Çlirimtare të Kosovës. •Shala po e ndjek seancën nga Qendra e Paraburgimit, përmes video-lidhjes. •Po zhvillohet sot senca e dytë e dëgjimit të dëshmitarit të gjashtë me kod 'numër 11', i cili gjatë dëshmisë pretendon se është mbajtur i mbyllur më shumë se një muaj dhe është liruar vetëm pasi Kosova ka hyrë në NATO. •Ndërkohë gjatë dëshmisë në ditën e sotme dëshmitari tregoi edhe emrin e personit, i cili e kishte marrë në pyetje gjatë kohës sa ka qenë i mbyllur. •Në ditën e parë të dëshmisë së tij i pyetur nga Zyra e Prokurorit të Specializuar (ZPS) nëse kishte qenë dëshmitar i keqtrajtimit në dhomën ku kishte qenë i ndaluar, ai u përgjigj me ‘‘po’’. •Ai tha se nuk ka mundur të identifikojë personin i cili ka kryer keqtrajtimet. •Dëshmitari tha se në momentin kur mbërriti në dhomën e izolimit, ishin edhe rreth 7-8 persona të tjerë. •Po ashtu, dëshmitari tha se para derës së dhomës kishte roje dhe se ata nuk ishin të lirë të hynin e të dilnin nga ajo dhomë, por duhej t'i thoshin rojës për këtë. •Ai tha se përveçse për të marr ujë dhe për të shkuar në tualet, ata nuk kishin të drejtë të dilnin jashtë, përveç që përmendi faktin se vëllezërit romë detyroheshin të dilnin për të pastruar oborrin. ••Shala u arrestua më 16 mars 2021 në Belgjikë dhe u transferua në objektin e paraburgimit të Dhomave të Specializuara të Kosovës më 15 prill 2021. Më 19 prill 2021, Shala pati paraqitjen e tij të parë para gjykatësit të procedurës paraprake dhe u vetëdeklarua i pafajshëm për të gjitha pikat e aktakuzës. •Shala akuzohet për krime të kryera përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës.
1 artikuj për këtë temë.
HAGË- Në gjykatën e Hagës po vazhdon dëgjimi i dëshmitarit të gjashtë në gjykimin kundër Pjetër Shalës. Pjetër Shala po e ndjek seancën nga Qendra e Paraburgimit, përmes video-lidhjes.
Gjatë dëshmisë së tij dëshmitari i gjashtë me numër 11 pretendon se është mbajtur më shumë se një muaj i mbyllur në një dhomë. Sipas dëshmisë së tij, në dhomën ku është mbajtur i ndaluar nuk ka pasur dyshekë për të fjetur. Ai tha se është liruar nga aty pas çlirimit të Kosovës. Dëshmitari i mbrojtur tregoi edhe për emrin e personit, i cili e kishte marrë në pyetje gjatë kohës sa ka qenë i mbyllur.
"Lirimi ndodhi kur hyri NATO në Kosovë dhe u hapën dyert, vetëm kam dalë prej aty”- tregon dëshmitari.
Prokurori: Ju mori njeri në pyetje gjatë ndalimit tuaj?
Dëshmitari: Po.
Prokurori: Kush ju mori në pyetje, a e dini se kush ishte ky person, e njihni identitetin e tij?
Dëshmitari: Në atë moment as nuk e dija, as nuk e kam njohur. Pas çlirimit në Kosovë e kam kuptuar që ka qenë Eqrem Kryeziu… gabim, Osman Kryeziu”, tha ai.
Dëshmitari shtoi se e ka parë një herë këtë person dhe se në kohën kur e mori në pyetje i kishte thënë që është gjykatës ose prokuror, por nuk i kishte treguar se cilën organizatë e ka përfaqësuar. Prokurori i specializuar kujtoi deklaratën e tij të dhënë kur kishte thënë të kundërtën.
Prokurori: Në kohën që i keni dhënë intervistë prokurorisë, kemi diskutuar për këtë intervistën tuaj dhe ju keni thënë ‘e di që kur më mbajtën për një muaj më morën në pyetje, më quan tek një person që ishte prokuror dhe ai më tha jam prokurori i UÇK-së. Më morën rreth gjysmë ore në pyetje dhe që nga ajo kohë nuk e kam parë më’. Nga kjo që keni thënë aso kohe prokurorit, ky burri ju ka thënë ka qenë prokuror i UÇK-së. A e mbani mend?
Dëshmitari: Nuk më kujtohet, të vërtetën me ju thënë. Ka mundësi edhe që më ka thënë”, tha ai.
Prokurori i specializuar e pyeti nëse atë kohë e dinte se kush e kishte mbajtur të ndaluar dhe në dokumentet e paraqitura për dëshmitarin, të cilat nuk u transmetuan për publikun, ai u shpreh se personi në fotografi është Osman Kryeziu. Më tej dëshmitari shtoi se i ka përjetuar rëndë ato çfarë kanë ndodhur në dhomën ku është mbajtur.
Kujtojmë se sot është dita e dytë e dëshmisë së dëshmitarit të gjashtë, i cili në seancën e parë ai ka treguar se është keqtrajtuar në dhomën ku mbahej i mbyllur dhe përveçse për të marr ujë dhe për të shkuar në tualet, ata nuk kishin të drejtë të dilnin jashtë, përveç që përmendi faktin se vëllezërit romë detyroheshin të dilnin për të pastruar oborrin.
Shala u arrestua më 16 mars 2021 në Belgjikë dhe u transferua në objektin e paraburgimit të Dhomave të Specializuara të Kosovës më 15 prill 2021. Më 19 prill 2021, Shala pati paraqitjen e tij të parë para gjykatësit të procedurës paraprake dhe u vetëdeklarua i pafajshëm për të gjitha pikat e aktakuzës. Shala akuzohet për krime të kryera përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës.
