I dënuari shqiptar goditet me thikë në burgun grek/ “Demos” me të shkuar të errët kriminale, emri i tij në dosje voluminoze për urdhër-vrasje, shantazhe dhe plaçkitje (EMRI+ FOTO)

Dhimitër Meci

GREQI– Personi që shihni në foto është 46-vjecari Dhimitër Meci, nga Labova e Gjirokastrës, i cili u plagosur rëndë ditën e sotme në burgu e Malandrinos në Greqi. Bëhet me dije se ai është qëlluar me një thikë të improvizuar, nga i burgosuri grek E.Nousi, i akuzuar për organizatë kriminale, i cili punonte në mensën e burgut.

Konkretisht, ngjarja ka ndodhur sot, kur Meci u transferua nga burgu i Koridhalos në Malandrino. Që prej arrestimit të tij në fillim të dhjetorit 2025, Meci mbahej në repartin psikiatrik të burgut të Koridhalos.

Dhimitër Meci alias Dhimo Meci, u arrestua nga policia greke së bashku me Andrea Brokerin nga Himara, Fatjon Prendin nga Lezha si dhe disa grekë, në një operacion ku u shpall në kërkim edhe Vasil Theohari nga Finiqi. Ata akuzohen për tentativën e vrasjes së mafiozit grek Jani Lala në maj 2025.

Lala në fakt u ekzekutua disa muaj më vonë nga një grup tjetër kriminal. Pas arrestimit të tij, gjatë kontrolleve në banesat e Mecit në Greqi dhe në banesën e tij në Shqipëri, u gjet arsenal armësh. Dhimiter Meci rezulton gjithashtu i proceduar dhe dënuar disa herë në Greqi për vepra të ndryshme penale si vjedhje, grabitje, tentativë vrasje, vrasje e organizatë kriminale.

Ai u arrestua për herë të parë në vitin 2004 për vrasjen e një emigranti sirian jashtë një qendre prostitutash në qendër të Athinës. I burgosur në burgun rural të Kasandrës, atij i’u dha një leje 9 ditore gjatë së cilës u përfshi në grabitjen e një agjencie Pro-Po në Glifadha, duke vjedhur 65.000 euro. Sipas tij, kjo me sa duket ndodhi sepse ish-shefi i agjencisë, i cili u vra disa muaj më parë, i kishte borxh para.

Më pas, ai u lirua me kusht disa muaj më vonë përpara se të arrestohej përsëri për shkelje të lirimit me kusht. Gjithashtu ai u arrestua për disa krime gjatë karrierës së tij, duke përfshirë vjedhje, grabitje, shkaktim lëndimesh trupore, përdorim dhe posedim armësh dhe për shkelje të rregullave të trafikut rrugor.

Pas lirimit të tij në vitin 2011, ai punoi si ndihmës në një bandë të përfshirë në krime në Glifadha, Haidari, Kaminia dhe Koridhalos. Dyqanet nën mbrojtjen e bandës duhej të paguanin kërcënime me vdekje kundër tyre dhe të afërmve të tyre, 100 deri në 150 euro çdo dy javë.

Meçi dyshohet gjithashtu se është vrasësi i Panagiotis Stivas në shtator 2006, Ali Saeed dhe Giorgos Shabbat në mars 2008 si dhe “Pitsilas”, i cili besohet të jetë një ish-bashkëpunëtor i Meçit, në maj 2014.

Meci është dyshuar nga policia greke edhe si personi që kishte marrë përsipër vrasjen e një drejtuesi të lartë të policisë greke dhe të mafiozit grek Manolis Karagianis, i njohur si “Karaflas”, ngjarje këto të pakryera nga Meci. Karaflas u vra më pas në vitin 2018 në një tjetër atentat. Ai njihej edhe me nofkën “Demos” dhe mbante marrëdhënie me Panagiotis Vlastos, një figurë e njohur e Mafias Greke./Dosja.al

foto ilustruese

GREQI- Një shqiptar i cili po vuante dënimin në burg grek është sulmuar me thikë në burgun e Malandrinos. Sipas mediave greke, shqiptari sot u transferua në burgun e Malandrinos dhe pak para se të arrinte në repartin e tij, u sulmua, duke marrë në lëndime, por ndodhet jashtë rrezikut për jetën.

Ai njihej me nofkën “Demos” dhe rezulton i përfshirë në vrasjen e Jani Lala ngjarje e ndodhur në maj të 2025. Lala ishte duke udhëtuar me makinën e tij dhe u qëllua me një kallashnikov, por ai ia mbathi. Gjithashtu bëhet me dije se "Demos" mbante marrëdhënie me Panagiotis Vlastos, një figurë e shquar në të ashtuquajturën Mafia Greke./Dosja.al