Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Vijojnë hetimet për atentatin që iu bë Gentian Bejtjas në Krujë, aty ku u vra Ramazan Sino dhe u plagosën djemtë e 'objektivit'. • Policia ka arrestuar Valter Bamin i cili ka mohuar sërish të jetë pjesëmarrës në atentatin ndaj Bejtjas. • Gjatë marrjes në pyetje në Drejtorinë e Vendore të Policisë së Tiranës, Bami është shprehur se kur ka ndodhur ngjarja ai po qëndronte në shtëpi, duke mbajtur të njëjtin qëndrim si të seancës së parë të marrjes në pyetje pak orë pas ngjarjes. • Por për "mbrojtje" ka shtuar se viktima i atentatit të para pak netëve, Ramazan Sino ishte kushëriri i tij i dytë. • Gjithashtu shtoi se gjurmët e barutit në dorën e majtë i ka nga arma sportive që mban me leje në banesën e tij. • Evidentimi i shenjave të barutit është bërë ne mikroskop elektronik, vendimtar për nxjerrjen e urdhër-arrestit për të. •Gjurma e barutit i është gjetur tek kyçi dorës së majtë. •Ndërkohë, FNSH dhe RENEA kanë ndërmarrë një operacion kontrolli në Nikël dhe Tapizë. • Deri tani janë shoqëruar disa persona të tjerë, por identiteti i tyre ende nuk është bërë me dije.
4 artikuj për këtë temë.
TIRANË- Valter Bami ka mohuar të jetë i përfshirë në atentatin në Krujë, pak pas mesnatës së të hënës (4 korrik), ku humbi jetën 29-vjeçari Ramazan Sino dhe u plagosën 2 nipërit e tij (fëmijët e Gentian Bejtjas). Vëllai i Durim Bamit kishte mbetje baruti në pjesën e dorës së majtë, incidie që mjaftoi për prangosjen e tij mbrëmë nga Policia e Shtetit.
Ndërkohë që fillimisht tha se kishte mbetje pasi kishte salduar, sot Valter Bami ka pretenduar në takimin me avokatin e tij Ilir Murati se gjurmët e barutit në duart e tij janë për shkak se ai bën qitje rregullisht me një armë sportive që e ka në banese me leje. Gjithashtu, shtoi se nuk ka asnjë lidhje me atentatin, duke shtuar se viktimën e kishte të afërm.
“Ndjej keqardhje për humbjen e jetës së Ramazan Sinos që e kam të kushëri pasi nëna e Ramazanit dhe nëna ime janë vajza tezesh. Do ta dorëzoj lejen e armës që zotëroj dhe do kërkoj lirimin,”- mësohet të ketë thënë i akuzuari.
Ndërkohë ende nuk ka asnjë gjurmë se ku ndodhet Gentian Bejtja, i cili dyshohet se ndodhje në makinë me kunatin dhe fëmijët e tij natën e krimit. Ai dyshohet se ka zbrituar nga makina pak para se të mbërrinte në vilën e tij në Larushkë, ku ndodhi edhe atentati, por që nga ai moment nuk ka më dijeni lidhur me vendndodhjen e tij. Madje përgjatë ditëve të fundit, nuk ka shkuar as në spital për të parë nga afër gjendjen e fëmijëve të tij të plagosur.
TIRANË- RENEA dhe FNSH kanë zbarkuar mëngjesin e sotëm në zonën e Tapizës dhe Niklës, në kuadër të veprimeve për atentatin në Larushk të Krujës, ku humbi jetën Ramazan Sino dhe u plagosën dy fëmijët e Gentian Bejtjas, i cili ishte objektivi i atentatit.
Në Tapizë dhe Nikël kanë qenë dy furgonë të RENEA-s dhe FNSH-së dhe sipas informacioneve paraprake, janë shoqëruar disa persona. Pritet që në orët në vijim të ketë më shumë informacion për këto kontrolle dhe shoqërime./Dosja.al
TIRANË- Ky është Valter Bami, i arrestuar një natë më parë për armëmbajtje pa leje, për shkak se dyshohet si autor i atentatit ndaj Gentian Bejtjas në fshatin Larushk të Krujës, ku mbeti i vrarë kunati i Gentian Bejtjas Ramazan Sina dhe u plagosën dy fëmijët e tij të mitur. Valter Bami, nuk është një emër i panjohur për policinë, pasi njihet për një sërë rekordesh kriminale.
Gjatë marrjes në pyetje në Drejtorinë e Policisë së Tiranës, Bami është shprehur se kur ka ndodhur ngjarja ai po qëndronte në shtëpi. Mirëpo, burime nga policia bëjnë me dije se sipas veprimeve hetimore, 37-vjeçari ka qëlluar atë natë.
Evidentimi i shenjave të barutit është bërë në mikroskop elektronik, që ka qenë vendimtar për nxjerrjen e urdhër-arrestit për Bamin. Gjurma e barutit i është gjetur tek kyçi i dorës. Deri më tani ka vetëm një akuzë ndaj tij atë të “armëmbajtjes pa leje”./Dosja.al
TIRANË- Valter Bami u arrestua pasditen e djeshme nga Policia në Tiranë. Ai u shoqërua në lidhje me ngjarjen e rëndë të ndodhur më datë 4 Korrik në Larushkë të Fushë-Krujës, ku mbeti i vrarë një person dhe u plagosën dy të tjerë. Kjo është hera e dytë që Valter Bami shoqërohet nga policia. Fillimisht ai u shoqërua të martën, disa orë pas ngjarjes në fjalë, por u la i lirë.
Mirëpo, mbrëmjen e kaluar, u bë e ditur se Bami u arrestua dhe i ishin marrë shenjat e gishtave. Nga ekspertiza rezultatet e të cilës dolën një ditë më parë doli se në dorën e majtë të Bamit janë konstatuar mbetje baruti, ç'ka nënkupton se ka shtënë me armë zjarri natën e vrasjes.
Gjatë marrjes në pyetje në drejtorinë e policisë së Tiranës, Bami ka thënë se kur ka ndodhur ngjarja ai po qëndronte në shtëpi.
Mirëpo, në dëshminë e tij, Bami deklaroi se nuk ka lidhje me ngjarjen, e se kishte salduar, ndaj kishte mbetje baruti, por hetuesit dyshojnë se është i përfshirë. Deri me tani akuzën e ka për armëmbajtje deri në momentin që do i gjenden prova më të forta për ta fajësuar për atentatin./Dosja.al
