Tragjedi në Turqi/ Përfshihet nga flakët një hotel në provincën Bolu, humbin jetën 66 pushues, plagosen 51 të tjerë, arrestohen 4 persona
66 viktima në Turqi/ "Kanë vdekur para syve tanë," zbardhen dëshmitë tronditëse për zjarrin në hotel: Dy...
66 viktima në Turqi/ "Kanë vdekur para syve tanë," zbardhen dëshmitë tronditëse për zjarrin në hotel: Dy...
"A do paraqiteshit në SPAK nëse merrni fletëthirrje për 21 Janarin"? Berisha: Mbështes çdo lloj hetimi të k...
14 vite nga protesta e 21 janarit, Rama: Drejtësia vonon po nuk harron, fëmijët e dëshmorëve po bëhen prindër...
Rikthehen reshjet e dëborës në Korçë, ARRSH apel shoferëve: Kujdes në këto akse rrugore! Pajisuni me g...
• Katedralja Notre Dame ka rihapur dyert e saj sot, pesë vjet e gjysmë pas zjarrit masiv që shkatërroi majën dhe çatinë e saj dhe pothuajse shkaktoi shembjen e plotë të kësaj kryevepre të artit gotik. • Katedralja mesjetare 860-vjeçare, një simbol i Francës dhe Parisit, është restauruar me kujdes, me një çati të re duke iu kthyer lavdisë së mëparshme dhe dekorimet e saj të bardha dhe ari shkëlqejnë sot më shumë se kurrë. • Presidenti francez, Emmanuel Macron para ceremonisë së rihapjes së katedrales priti në takim trepalësh homologun ukrainas Volodymyr Zelenskyy dhe presidentin e zgjedhur të SHBA-së Donald Trump në Paris. • Trump zhvilloi bisedime me Macron brenda Pallatit Elysée përpara ceremonisë së rihapjes së Katedrales Notre-Dame. • Ndërsa Zelenskyy që mbërriti vetëm pak minuta më vonë dhe u bashkua menjëherë me ta. • Takimi i përbashkët nisi në Pallatin Elysee në orën 17:30, sipas kohës lokale. • Tre udhëheqësit bënë një fotografi të përbashkët para takimit, por nuk kanë dhënë asnjë deklaratë. • Zelenskyy pritet të largohet menjëherë nga Parisi pasi të kenë përfunduar ceremonitë për rihapjen e Notre Dame. • Presidenti i Francës, Emmanuel Macron, ka mbajtur fjalimin e tij në ceremoninë e hapjes së Notre-Dame dhe i shprehu mirënjohjen kombit të tij për restaurimin e katedrales. • Ai tha se kishin vullnetin, shpresën, guximin për të rindërtuar Notre-Dame dhe për ta bërë atë më të bukur se kurrë. • Presidenti francez thotë se kambanat e Notre-Dame kanë shoqëruar historinë e tyre. • Më 15 prill 2019, një zjarr i madh shpërtheu në Notre–Dame. • Mes 40 liderëve botërorë ishte edhe kryeministri Edi Rama. • Rama shihet i ulur krah disa pjesëmarrësve të tjerë, teksa ceremonia zhvillohet në ambjentet e brendshme të katadrales për shkak të kushteve të motit. • Rama ka publikuar një video në rrjetin e tij social "Facebook", teksa ka ndarë pamje nga ceremonia, ku shihet i shoqëruar nga bashkëshortja e tij, Linda Rama. • Në postimin e tij, Rama ka theksuar se Shqipëria ka kontribuar modestisht për rindërtimin pas zjarrit të 5 viteve më parë. • Ndëkohë më herët edhe presidentja e Kosovës, Vjosa Osmani, publikoi një fotografi nga takimi me Donald Trump. • Katedralja është restauruar me kujdes me një kosto riparimi prej 700 milion €. • Për restaurimin e ndërtesës janë mbledhur afër 1 miliard dollarë donacione nga e mbarë bota.
13 artikuj për këtë temë.
PARIS- Katedralja e Notre-Dame në Paris rihapi zyrtarisht dyert e saj mbrëmjen e kësaj të shtune, teksa bëri bashkë liderë botërorë.
Presidenti i zgjedhur amerikan, Donald Trump, presidenti ukrainas Volodymyr Zelensky, CEO i Tesla-s Elon Musk, zonja e parë e SHBA-ve Jill Biden dhe personalitete të tjerë.
Presidenti Macron, pak para ceremonisë, zhvilloi një takim trepalësh me Trump dhe Zelensky-n në pallatin e presidencës.
“Sigurisht që duket sikur bota po çmendet pak tani”, tha Trump pas mbërritjes së tij në rezidencën presidenciale franceze, ku Macron e priti atë me nderime të plota presidenciale, duke përfshirë një pritje madhështore në tapetin e kuq të rezervuar zakonisht për krerët e shteteve që janë në detyrë.
Takimi me Zelensky, regon përpjekjet e liderëve evropianë për të ruajtur mbështetjen amerikane për Ukrainën. Trump, i cili merr detyrën më 20 janar, është zotuar t’i japë fund luftës në Ukrainë me shpejtësi, por pa specifikuar se si, duke ngritur shqetësime në Kiev për negociatat e ardhshme.
Gjatë ceremonisë, presidenti Macron mbajti fjalimin e tij duke falenderuar dhe përdhëndetur të gjithë atë që bënë të mundur rindërtimin e katedrales.
“Ja ku jemi. Bota po na shikon. Le të rihapim Notre-Dame!”, tha Presidenti francez Emmanuel Macron.
Koha është veçanërisht e rëndësishme për Macron, i cili përballet me një krizë të thellë politike në vend pasi qeveria e tij u rrëzua nga parlamenti këtë javë. Presidenti francez ndoqi një qasje jo-konfrontuese me Trump gjatë mandatit të tij të parë, megjithëse marrëdhënia e tyre u ‘ftoh’ me kalimin e kohës për shkak të mosmarrëveshjeve mbi klimën, taksat dhe Iranin.
Rihapja e katedrales bashkoi Princin Uilliam, kryeministren italiane Giorgia Meloni dhe shefen e Bankës Qendrore Evropiane, Christine Lagarde. Manjati francez i mallrave luksoze Bernard Arnault, grupi i të cilit LVMH kontribuoi me miliona në përpjekjen e restaurimit, mori pjesë së bashku me aktoren Salma Hayek dhe bashkëshortin e saj, biznesmenin francez Francois-Henri Pinault.
Zyra e Macron theksoi se Trump ishte i ftuar si president i zgjedhur i një “kombi mik”, duke thënë: “kjo nuk është aspak e jashtëzakonshme, ne e kemi bërë më parë”. Megjithatë, trajtimi në tapetin e kuq tregon dëshirën e liderëve evropianë për të kultivuar marrëdhënie me administratën e ardhshme të SHBA-së, veçanërisht duke pasur parasysh sfidat komplekse globale që do të vijnë.
Presidenti Joe Biden nuk mori pjesë, por Zonja e Parë Jill Biden përfaqësonte Shtetet e Bashkuara në emër të tij. Jill Biden ndodhet e ulur pranë Donald Trump dhe duket se dëgjon me vëmendje komentet e Presidentit të zgjedhur amerikan, teksa ceremonia ka nisur.
Autoritetet franceze ngritën një operacion të gjerë sigurie, duke vendosur më shumë se 20 agjentë të sigurisë qeveritare për të punuar së bashku me Shërbimin Sekret të SHBA. Një furgon special i policisë franceze siguroi mbrojtje kundër dronëve për kolonën e Trump, ndërsa siguria u rrit rreth Ambasadës së SHBA dhe vendeve të tjera në Paris për ngjarjen.
Në ceremoni morën pjesë gjithashtu ish-presidentët francezë François Hollande dhe Nicolas Sarkozy, ish-sekretari amerikan i shtetit John Kerry, kryeministri francez në largim Michel Barnier dhe sipërmarrësi i teknologjisë Elon Musk.
PARIS- Kryeministri Edi Rama ka qenë i pranishëm në ceremoninë e hapjes së Katedrales së Notre-Dame, në Paris.
Rama ka publikuar një video në rrjetin e tij social "Facebook", teksa ka ndarë pamje nga ceremonia, ku shihet i shoqëruar nga bashkëshortja e tij, Linda Rama.
Në postimin e tij, Rama ka theksuar se Shqipëria ka kontribuar modestisht për rindërtimin pas zjarrit të 5 viteve më parë.
"Sonte në ceremoninë e rihapjes së Katedrales Notre-Dame de Paris, ku edhe Shqipëria ka kontribuar modestisht për rindërtimin pas zjarrit të pesë viteve më parë", shkruan Rama.
PARIS- Ky ishte momenti kur personalitetet në Notre-Dame duartrokitën për zjarrfikësit, shpëtimtarët dhe ndërtuesit e përfshirë në restaurimin e katedrales.
Një varg zjarrfikësish parakaluan nëpër katedrale për ceremoninë e rihapjes së saj.
Ndërkohë më herët edhe presidenti Macron gjatë fjalës së tij, falenderoi zjarrfikësit që luftuan me flakët që përfshinë katedralen 5 vite më parë.
Rihapja e Notre Dame nuk është vetëm një arritje e Francës, por e botës, teksa katedralja pritet të mirëpres 15 milionë vizitorë në vit, nga 12 milionë sa kishte pritur para zjarrit të madh.
Pas zjarrit të vitit 2019, shumë shpejt u mblodhën pothuajse 1 miliard dollarë donacione nga mbarë bota, duke dëshmuar se Notre Dame është një monument që tërheq vëmendjen e gjithë botës.
PARIS- Ceremonia e hapjes së katedrales "Notre-Dame", mbrëmjen e kësaj të shtune në Paris, ka mbledhur liderë botërorë.
Rreth 1,500 të ftuar, personalitete të artit dhe politikës, mes 40 liderëve botërorë ishte edhe kryeministri Edi Rama. Rama shihet i ulur krah disa pjesëmarrësve të tjerë, teksa ceremonia zhvillohet në ambjentet e brendshme të katadrales për shkak të kushteve të motit.
Ndëkohë më herët edhe presidentja e Kosovës, Vjosa Osmani, publikoi një fotografi nga takimi me Donald Trump. Presidenti i zgjedhur amerikan Donald Trump, presidenti ukrainas Volodymyr Zelenskyy, janë ndër të ftuarit që kanë mbërritur më herët në Paris, teksa kanë zhvilluar edhe një takim trepalësh me presidentin Emmanuel Macron.
Në ceremoninë hapesë ishin edhe Zonja e Parë e SHBA, Jill Biden, kryeministrja italiane Giorgia Meloni, presidenti Sergio Mattarella.
PARIS- Presidentja e Kosovës, Vjosa Osmani, ishte e pranishme në ceremoninë e hapjes së Katedrales "Notre-Dame", ku është takuar me presidentin e zgjedhur amerikan Donald Trump.
Presidentja Osmani ka shpërndarë në rrjetin e saj social "Facebook" një fotografi gjatë këtij takimi, ku shihet duke shtrënguar duart me presidentin Trump.
"Me Presidentin Trump, në ceremoninë e rihapjes së Katedrales së Parisit ‘Notre Dame’", ka shkruar Osmani.
Mbi 40 liderë botërorë kanë marrë pjesë në ceremoninë e hapjes së Katedrales historike "Notre-Dame", me ftesë të presidentit Emmanuel Macron. Presidenti i zgjedhur amerikan, Donald Trump ishte ndër të parët që mbërriti në Paris, teksa ka zhvilluar takim trepalësh me Macron dhe presidentin ukrainas, Volodymyr Zelensky.
Katedralja Notre-Dame është hapiur sot, me kambanat që janë dëgjuar të bien pas gati 5 vitesh. Më 15 prill 2019, një zjarr i madh shpërtheu në Notre–Dame. Flakët shkatërruan strukturën e çatisë së monumentit dhe më pas u përhapën, duke shkatërruar majën dhe çatitë dhe kornizat e tyre prej druri. Katedralja mesjetare 860-vjeçare, një simbol i Francës dhe Parisit, është restauruar me kujdes, me një majë dhe çati të re, duke rezultuar në një kosto riparimi prej 700 milion €.
PARIS- Papa Françesku e ka quajtur sot një ditë “gëzimi, feste dhe lavdërimi”.
Papa nuk ka marrë pjesë personalisht në ceremoni, por, në një mesazh të lexuar me zë të lartë gjatë rihapjes, tha se shpreson se "rilindja e kësaj kishe të admirueshme do të përbënte një shenjë profetike të rinovimit të Kishës në Francë".
Katedralja Notre-Dame hapet sot, me kambanat që janë dëgjuar të bien pas gati 5 vitesh.
Më 15 prill 2019, një zjarr i madh shpërtheu në Notre–Dame. Flakët shkatërruan strukturën e çatisë së monumentit dhe më pas u përhapën, duke shkatërruar majën dhe çatitë dhe kornizat e tyre prej druri. Katedralja mesjetare 860-vjeçare, një simbol i Francës dhe Parisit, është restauruar me kujdes, me një majë dhe çati të re, duke rezultuar në një kosto riparimi prej 700 milion €.
PARIS- Presidenti i Francës, Emmanuel Macron, ka mbajtur fjalimin e tij në ceremoninë e hapjse së Notre-Dame dhe i shpreh mirënjohjen e tij kombit të tij për restaurimin e katedrales.
Ai thotë se "ne kishim vullnetin, shpresën, guximin" për të rindërtuar Notre-Dame dhe për ta bërë atë më të bukur se kurrë.
"Sonte, këmbanat e Notre Dame po bien përsëri", tha Macron. Presidenti francez thotë se kambanat e Notre-Dame kanë "shoqëruar historinë tonë".
Macron thotë gjithashtu "ne duhet ta vlerësojmë këtë mësim brishtësie, përulësie dhe vullneti" dhe të mos harrojmë kurrë se sa shumë ka secili person.
Ai shton se “madhështia e kësaj katedrale është e pandashme nga puna e të gjithëve”. Macron e mbyll fjalimin e tij duke thënë “rroftë Notre-Dame” dhe rroftë republika franceze.
Më 15 prill 2019, një zjarr i madh shpërtheu në Notre–Dame. Flakët shkatërruan strukturën e çatisë së monumentit dhe më pas u përhapën, duke shkatërruar majën dhe çatitë dhe kornizat e tyre prej druri. Katedralja mesjetare 860-vjeçare, një simbol i Francës dhe Parisit, është restauruar me kujdes, me një majë dhe çati të re, duke rezultuar në një kosto riparimi prej 700 milion €.
PARIS- Për herë të parë në më shumë se 5 vjet, tingujt e kambanave të Katedrales Notre-Dame filluan të bien sërish në Paris.
Katedralja e famshme, e vendosur në qarkun e katërt të kryeqytetit francez, është një hap më afër rihapjes pas zjarrit shkatërrues të vitit 2019.
Presidenti francez thotë se kambanat e Notre-Dame kanë "shoqëruar historinë tonë".
Më 15 prill 2019, një zjarr i madh shpërtheu në Notre–Dame. Flakët shkatërruan strukturën e çatisë së monumentit dhe më pas u përhapën, duke shkatërruar majën dhe çatitë dhe kornizat e tyre prej druri. Katedralja mesjetare 860-vjeçare, një simbol i Francës dhe Parisit, është restauruar me kujdes, me një majë dhe çati të re, duke rezultuar në një kosto riparimi prej 700 milion €.
PARIS- Presidenti Emmanuel Macron priti takime trepalëshe me homologun ukrainas Volodymyr Zelensky dhe presidentin e zgjedhur të SHBA-së Donald Trump në Paris të shtunën, më 7 dhjetor.
Trump zhvilloi bisedime me Macron brenda Pallatit Elysée përpara ceremonisë së rihapjes së Katedrales Notre-Dame. Ndërsa Zelensky që mbërriti vetëm pak minuta më vonë dhe u bashkua menjëherë me ta.
Takimi i përbashkët nisi në Pallatin Elize në orën 17:30, sipas kohës lokale. Tre udhëheqësit bënë një fotografi të përbashkët para takimit, por jo edhe deklarata.
Zelensky pritet të largohet menjëherë nga Parisi pasi të kenë përfunduar ceremonitë për rihapjen e Notre Dame, që u restaurua pas zjarrit shkatërrues të vitit 2019. Për restaurimin e ndërtesës janë mbledhur afër 1 miliard dollarë donacione nga e mbarë bota.
PARIS- Presidenti francez Macron ka pritur një takim dypalësh me Donald Trump në Pallatin Élysée përpara se të shkojnë në Île de la Cité për ceremoninë e rihapjes së katedrales Notre-Dame.
Duke folur për shtypin, Trump thotë se ai dhe Macron kishin pasur "sukses vërtet të madh" duke punuar së bashku gjatë mandatit të tij të parë në detyrë.
"Dhe sigurisht duket sikur bota po çmendet pak tani. Dhe ne do të flasim për këtë," shton Trump.
Presidenti francez kujtoi se Trump ishte president në vitin 2019, kur flakët shpërthyen në katedralen e Notre-Dame.
"Më kujtohet solidariteti i tij dhe reagimi i tij i menjëhershëm", tha Macron për Trump.
Pjesëmarrja e Donald Trump në rihapjen e Katedrales në Paris, është udhëtimi i tij i parë jashtë vendit që nga fitorja e tij në zgjedhje, mbërriti në aeroportin Orly në jug të Parisit me një avion privat pak para orës 7 të mëngjesit.
Rihapja e katedrales Notre-Dame është kthyer në një ngjarje me shtrirje ndërkombëtare, duke përfshirë diplomacinë, muzikën, kinemanë, në një kryeqytet të blinduar për ngjarjen e vitit pas Olimpiadës.
PARIS - Katedralja ikonë e Notre Dame e Francës do të rihapë zyrtarisht dyert e saj të shtunën për herë të parë që kur një zjarr shkatërrues pothuajse shkatërroi monumentin 861-vjeçar në 2019. Restaurimi, një arritje në vetëm pesë vjet për një strukturë që iu deshën gati dy shekuj për t'u ndërtuar, shihet si një moment triumfi për presidentin francez Emmanuel Macron. Shumë udhëheqës botërorë, personalitete dhe adhurues do të mblidhen në mbrëmje për të shënuar këtë moment të rrallë uniteti në sfondin e ndarjeve dhe konflikteve globale.
Presidenti i zgjedhur i SHBA Donald Trump, zonja e parë e Amerikës Jill Biden, Princi William i Britanisë, presidenti i Ukrainës Volodymyr Zelenskyy, do të jenë sot në Paris. Në ceremoninë e rihapjes së dyerve të Notre Dame do të marrë pjesë edhe kryeministri Edi Rama dhe presidentja e Kosovës Vjosa Osmani.
Ndër liderët evropianë që kanë konfirmuar gjithashtu pjesëmarrjen e tyre janë: Presidenti gjerman Frank-Walter Steinmeier, presidenti italian Sergio Mattarella, presidenti polak Andrej Duda, presidenti kroat Zoran Milanoviç, presidenti bullgar Rumen Radev, presidenti estonez Alar Karis, presidenti finlandez Alexander Stubb, presidenti lituanez Gitanas Nauseda dhe presidentja greke, Katerina Sakellaropoulou.
Në listë përfshihen edhe emrat e kryeministrit armen Nikol Pashinyan, presidentes gjeorgjiane Salome Zurabishvili, kryeministrit serb Milos Vuçeviç dhe kryeministrit holandez Dick Schoof. Bëhet me dije se presidentja e Komisionit Evropian, Ursula von der Leyen nuk do të marrë pjesë.
Në ceremoni nuk do të mungojnë as pjesëtarët e familjeve të ndryshme mbretërore evropiane. Prezent do jenë çifti mbretëror belg, Philippe dhe Mathilde, dhe Princi Albert i Monakos. Pjesëmarrës pritet të jenë edhe siaa liderë të shteteve afrikane: Presidenti kongolez Denis Sassou Nguesso, Presidenti i Republikës Demokratike të Kongos Félix Tshisekedi, Brice Oligarchy Ngouma i Gabonit dhe Faure Gnassingbé i Togos. Afro 170 peshkopë nga Franca dhe jashtë vendit do të marrin pjesë, së bashku me priftërinjtë nga të 113 famullitë e dioqezës së Parisit.
Në vend që të nisej nga oborri i katedrales siç ishte planifikuar fillimisht dhe për shkak të erërave të forta që parashikoheshin të shtunën në mbrëmje në Paris, pallati presidencial francez dhe dioqeza e Parisit thanë të premten se e gjithë ceremonia e hapjes do të mbahet brenda Notre Dame.
Ndërkohë siguria do të jetë e rreptë gjatë gjithë fundjavës, duke i bërë jehonë masave të marra gjatë Olimpiadës së Parisit në fillim të këtij viti. Île de la Cité - ishulli i vogël në lumin Seine që është shtëpia e Notre Dame, do të jetë e mbyllur për turistët dhe jorezidentët, me akses të kufizuar për të ftuarit dhe ata që jetojnë në ishull. Zonat e shikimit publik përgjatë bregut jugor të Seine do të strehojnë 40,000 spektatorë, të cilët mund të ndjekin festimet në ekrane të mëdha.
Për shumë njerëz, rilindja e Notre Dame nuk është vetëm një arritje franceze, por një arritje globale, pas rihapjes, katedralja do të mirëpresë 15 milionë vizitorë në vit, nga 12 milionë para zjarrit. Pas zjarrit të vitit 2019, gati 1 miliard dollarë donacione u derdhën shpejt nga e gjithë bota, duke dëshmuar për apelin universal të Notre Dame.
PARIS- Princi William, i cili do të marrë pjesë sot në ceremoninë e rihapjes së Katedrales Notre Dame në Paris, do të takohet me presidentin e zgjedhur të SHBA-së, Donald Trump, i cili gjithashtu do të marrë pjesë në ceremoni. Sipas njoftimi të Kensington Palace William pritet të diskutojë rëndësinë e marrëdhënieve speciale SHBA-MB me Trump. Gjithashtu Princi William do të takohet me Zonjën e Parë në largim Jill Biden, ashtu si edhe Trump.
Udhëtimi në Paris shënon vizitën e parë të William që nga viti 2017 dhe do të jetë takimi i tij i parë me Trump që nga viti 2019. Ndërsa presidenti i zgjedhur, duke bërë udhëtimin e tij të parë jashtë vendit që nga fitorja e tij në zgjedhje, mbërriti në aeroportin Orly në jug të Parisit me një avion privat pak para orës 7 të mëngjesit.
Diskutimi i William për aleancën SHBA-MB vjen ndërsa Trump ka mbrojtur një politikë të jashtme më izoluese dhe është zotuar të vendosë tarifa mbi tregtinë. Trump gjithashtu do të zhvillojë bisedime me Macron para ceremonisë dhe gjithashtu mund të takohet me liderin ukrainas Volodymyr Zelenskyy.
FRANCË- Katedralja Notre Dame rihap dyert e saj sot, pesë vjet e gjysmë pas zjarrit masiv që shkatërroi majën dhe çatinë e saj dhe pothuajse shkaktoi shembjen e plotë të kësaj kryevepre të artit gotik. Katedralja mesjetare 860-vjeçare, një simbol i Francës dhe Parisit, është restauruar me kujdes, me një majë dhe çati të re, ajo i është kthyer lavdisë së mëparshme dhe dekorimet e saj të bardha dhe ari shkëlqejnë sot më shumë se kurrë.
Në mbrëmjen e 15 prillit 2019, parisienët që nxituan në vendngjarje dhe shikuesit e televizionit në mbarë botën panë të tmerruar teksa spiralja dhe çatia e katedrales u shemb në një zjarr që kërcënoi kumbataret kryesore dhe të gjithë ndërtesën, e cila u shmang duke u shkatërruar plotësisht. Shikuesit e televizionit në mbarë botën panë të tmerruar teksa spiralja dhe çatia e tempullit u shembën nga zjarri
“Planeti u trondit atë ditë”, tha presidenti francez Emmanuel Macron përpara ceremonisë së sotme për rihapjen e tij. “Shoku i rihapjes besoj dhe dua të besoj se do të jetë po aq i fortë sa ai i zjarrit, por do të jetë një goditje shprese”.
Macron, i cili është dobësuar nga kriza e thellë politike në vend, do të ketë një shans për t'i harruar ato probleme kur të mirëpresë Presidentin e zgjedhur të SHBA-së, Donald Trump, Princin e Britanisë William dhe dhjetëra krerë shtetesh dhe qeverish, duke përfshirë presidentin e Ukrainës Volodymyr Zelensky, në ceremoninë për rihapjen e tempullit që do të fillojë rreth orës 19:00.
Dje vonë, të premten në mbrëmje, zyra e Macron dhe Kryepeshkopata e Parisit njoftuan se, për shkak të erërave të forta, ceremonitë do të zhvillohen të gjitha brenda kishës. Macron fillimisht kishte planifikuar të mbante një fjalim jashtë tij.
Tempulli i restauruar hapet për vizitorët
Mijëra mjeshtra ekspertë, nga marangozët dhe gurgdhendës deri te artistët e xhamit me njolla, kanë punuar pa pushim gjatë pesë viteve të fundit, duke përdorur metoda të lashta për të restauruar, riparuar ose zëvendësuar atë që ishte dëmtuar ose shkatërruar.
“Notre-Dame është më shumë se një monument parizian apo francez. Është gjithashtu një monument botëror”, thotë historiani Damian Byrne.
Guri i themelit të katedrales u vendos në vitin 1163 dhe ndërtimi i saj vazhdoi në shekullin pasardhës, ndërsa u restaurua dhe u shtua në shekujt XVII dhe XVIII. Victor Hugo ndihmoi për ta bërë katedralen një simbol të Parisit dhe Francës kur e përdori atë në 1831 si mjedis për romanin e tij Notre Dame. Kuazimodo, personazhi qendror i romanit, është bërë në filma të Hollivudit, në një film të animuar të Disney-t dhe në një muzikal.
Aq shumë para janë mbledhur për restaurimin e tij nga e gjithë bota, më shumë se 840 milionë euro, sipas zyrës së Macron, saqë kanë mbetur fonde për të investuar më tej në ndërtesë.
Kisha Katolike tani pret që katedralja të mirëpresë rreth 15 milionë vizitorë në vit. Nëse dikush ka fat, do të mund ta vizitojë nesër mbrëma nga ora 17:30. deri në orën 20:00, por me shumë mundësi do të ketë linja të mëdha vizitorësh.
Katedralja njoftoi se duke filluar nga dita e sotme, vizitorët do të mund të rezervojnë një biletë falas online, në faqen e saj të internetit, mediat sociale ose një aplikacion të dedikuar, për të hyrë në ndërtesë në të njëjtën ditë ose një ose dy ditë pasi të rezervojnë biletën. Në vend do të ketë edhe radhë për ata që dëshirojnë të hyjnë pa rezervim. Grupet do të pranohen nga viti i ardhshëm - nga 1 shkurti për pelegrinët nga organizatat fetare dhe nga 9 qershori për turistët me guidë.
