Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Reagimet kanë vijuar edhe një ditë pas debatit "të nxehtë" të zhvilluar në Këshillin e Europës, ku kryeministri Edi Rama mbajti një fjalim që solli dhe refuzimin e darkës nga grupet parlamentare të Asamblesë Parlamentare të Këshillit të Evropës. • Mënyra e komunikimit të shefit të qeverisë shqiptare është parë si fyese dhe joserioze në raport me eurodeputetët dhe këtë gjë ia ka vënë në dukje edhe një prej të ‘tijëve’. Përfaqësuesja e përbashkët e të Majtës Evropiane në PE, Nina Kasimati, me të cilën Rama edhe u përplas në KiE, tregoi se të gjitha grupet politike që janë pjesë e Asamblesë e refuzuan ftesën e Ramës pas paraqitjes së tij që e quajnë provokuese dhe të paprecedentë. • Përgjigjen e Ramës për pyetjen e saj në Asamblenë Plenare të Këshillit të Evropës në lidhje me çështjen e Turqisë, Kasimati e konsideron një sulm verbal ekstrem. • Vetë kreu i qeverisë ka ndarë disa foto nga takimet me zyrtarët evropianë, por nuk e ka harruar ‘refuzimin e darkës’. Ai shkruan se arsyeja lidhet me fjalimin e tij, ndërsa thotë se janë të shokuar kur kanë mësuar se "trafiku i organeve është sajesë". Rama i është përgjigjur opozitës në Shqipëri, të cilës i referohet si e "djathta e non-gratave" dhe "njerëz pa atdhe". Rama thotë se edhe në një padrejtësi kombëtare si kjo e Kosovës, opozita kundërvihet. • Kreu i Qeverisë kërkoi rishikimin e Rezolutës 1782 (bazuar në raportin e Dick Martyt, miratuar në vitin 2011), për t'i shpallur të pabazuara akuzat e tij për trafikim të organeve njerëzore gjatë luftës së fundit në Kosovë.
4 artikuj për këtë temë.
TIRANE- Kryeministri Edi Rama ka reaguar pas refuzimit publik që të gjitha grupet parlamentare të Asamblesë Parlamentare të Këshillit të Evropës i bënë të mërkurën duke mos pranuar të shkojnë për darkë. Përmes Tëitter, Rama thotë se arsyeja lidhet me fjalimin e tij, ndërsa thotë se janë të shokuar kur kanë mësuar se "trafiku i organeve është sajesë". Rama i është përgjigjur opozitës në Shqipëri, të cilës i referohet si e "djathta e non-gratave" dhe "njerëz pa atdhe". Rama thotë se edhe në një padrejtësi kombëtare si kjo e Kosovës, opozita kundërvihet.
REAGIMI I PLOTE I RAMES:
Disa prej të ftuarve mbrëmë nuk erdhën në darkën e organizuar nga misioni ynë në Strasburg,megjithëse e kishin konfirmuar më parë! Nuk ndjehemi mirë pas fjalimit,ishte arsyeja.E mirëkuptueshme.S’ke si ndjehesh mirë kur dëgjon një histori horrori si sajesa e trafikut të organeve! Bashkëbisedimi me ndonjërin syresh pas darkës ishte kuptimplotë. U ka rënë si rrufe në qiell të pastër! Do t’u duhet ca kohë për të analizuar faktet, kuptuar madhësinë e frikshme të gabimit të bërë një dekadë më parë dhe adresuar nevojën për korrigjimin e tij me një akt të ri. Por është e neveritshme, që edhe për një padrejtësi kaq ekstreme dhe për një të drejtë kombëtare kaq legjitime, e kaq përtej politikës së ditës, e djathta jonë e nongratave dhe e rublave, gjen kurajon të kundërvihet e të merret me dokrra!#NjerëzPaAtdhe #KatranMeBojë.
Reagimi i Ramës vjen pas refuzimit që PPE i bëri ftesës së tij për darkë. Situata u tensionua pas fjalimit të kryeministrit shqiptar dhe replikave me disa nga përfaqësuesit në Asamble. Kryeministri shqiptar e quajti përfaqësuesen e të majtës në PE, Nina Kasimati "ajo gruaja greke", një epitet ky që i ka shkaktuar një sërë reagimesh. Opozita në Shqipëri e ka komentuar paraqitjen e Ramës si skandaloze. Kryedemokrati Sali Berisha tha se përgjigjet e Ramës ishin idioteske ndërsa e krahason me liderin kubanez Fidel Kastro./Dosja.al
STRASBURG- Lajmi kryesor i mbrëmjes së të mërkurës është anulimi i ftesës që kryeministri Edi Rama iu bëri përfaqësuesve dhe eurodeputetëve në Asamblen Parlamentare të Këshillit të Evropës. Arsyet po mësohen me kalimin e orëve, ku përtej fjalimit, mënyra e komunikimit të shefit të qeverisë shqiptare është parë si fyese dhe joserioze në raport me eurodeputetët. Por jo vetëm kaq. Rama është anuluar edhe nga "të tijët". Përfaqësuesja e përbashkët e të Majtës Evropiane në PE, Nina Kasimati tregoi se të gjitha grupet politike që janë pjesë e Asamblesë e refuzuan ftesën e Ramës pas paraqitjes së tij që e quajnë provokuese dhe të paprecedentë.
Para pak orësh, kryeministri i Shqipërisë, Edi Rama, më sulmoi fort verbalisht para seancës Plenare të Këshillit të Evropës, pasi si përfaqësuese e përbashkët e Partisë së së Majtës Evropiane në Kuvend, zyrtarisht e pyeta se si po përparonte rruga e anëtarësimit të Shqipërisë në BE, me marrëdhënien gjithnjë e më të thelluar strategjike me shtetin sulmues Turqinë, duke pasur parasysh mbështetjen që gëzon i pari nga vendet e rajonit që respektojnë acquis evropiane dhe të drejtën ndërkombëtare, por që vuajnë agresionin e Turqisë. Përgjigja fyese e zotit Rama “për zonjën” dhe “gruaja greke” krahas një himni politik ndaj Turqisë, si dhe qëndrimi i tij në përgjithësi provokues, i paprecedentë në Strasburg, shkaktoi reagimin e krerëve të të gjitha grupeve politike të cilët dhe ata vendosën njëzëri për të mos marrë pjesë në darkën formale që kryeministri shqiptar do të mbajë mbrëmjen e sotme.
Se cili do të jetë ndikimi i kësaj krisjeje të Ramës me të majtën evropiane në tërësi, do të shihet në vijim, por ajo që u kuptua nga episodet e përplasjeve të djeshme është se ndryshe nga në Shqipëri e Kosovë, në Evropë, sjellja e Ramës është parë si një provokuese dhe dashakeqëse, që bën bashkë në një qendrim të majtët dhe liberalët. Kryetari i Partive Popullore Evropiane dhe Kristian demokrate, Aleksandër Pociej shpërndau dje një mesazh të qartë se ftesa e Ramës nuk pranohet. Krahasimi i kryeministrit i Asamblesë së Parlementit Evropian me Parlamentin shqiptar 'i vuri' kapakun paraqitjes shqiptare përpara Evropës. /Dosja.al
GREQI- Deputetja greke e SYRIZA-s dhe Përfaqësuesja Parlamentare e Partisë së së Majtës Evropiane në Këshillin e Evropës, Nina Kasimati, denoncoi një sulm verbal ekstrem nga kryeministri i Shqipërisë, Edi Rama, për pyetjen e saj në Asamblenë Plenare të Këshillit të Evropës në lidhje me çështjen e Turqisë.
Në një postim në Facebook, Kasimati u shpreh se Rama e sulmoi verbalisht pasi ajo e pyeti në lidhje me përparimin e anëtarësimit të Shqipërisë në BE pas marrëdhënieve të ngushta me Turqinë.
"Përgjigja fyese e zotit Rama “për zonjën” dhe “gruaja greke” krahas një lëvdimi politik ndaj Turqisë, si dhe qëndrimi i tij në përgjithësi provokues, i paprecedentë në Strasburg, shkaktoi reagimin e krerëve të të gjitha grupeve politike të cilët dhe ata vendosën njëzëri për të mos marrë pjesë në darkën formale që kryeministri shqiptar do të mbajë mbrëmjen e sotme"- shkruan Kasimati.
Postimi i plotë:
“Para pak orësh, kryeministri i Shqipërisë, Edi Rama, më sulmoi fort verbalisht para seancës Plenare të Këshillit të Evropës, pasi si përfaqësuese e përbashkët e Partisë së së Majtës Evropiane në Kuvend, zyrtarisht e pyeta se si po përparonte rruga e anëtarësimit të Shqipërisë në BE, me marrëdhënien gjithnjë e më të thelluar strategjike me shtetin sulmues Turqinë, duke pasur parasysh mbështetjen që gëzon i pari nga vendet e rajonit që respektojnë acquis evropiane dhe të drejtën ndërkombëtare, por që vuajnë agresionin e Turqisë. Përgjigja fyese e zotit Rama “për zonjën” dhe “gruaja greke” krahas një himni politik ndaj Turqisë, si dhe qëndrimi i tij në përgjithësi provokues, i paprecedentë në Strasburg, shkaktoi reagimin e krerëve të të gjitha grupeve politike të cilët dhe ata vendosën njëzëri për të mos marrë pjesë në darkën formale që kryeministri shqiptar do të mbajë mbrëmjen e sotme.
Por çfarë i tha Rama Kasimatit?Rama debatoi me të lidhur me marrëdhënien e Shqipërisë me Turqinë. Teksa priste pyetje për fjalimin e tij lidhur me raportin e Dick Marty-t, Kasimati u ndal tek marrëdhënia e Ramës me presidentin turk Rexhep Tajip Erdogan. Disa herë ajo i ndërhyri nga vendi, duke bërë që Rama t'i kthehej ashpër. Madje krahasoi KiE me parlamentin shqiptar.
"Përgjigje ndaj zonjave e zotërinjve e do i kthehem zonjës nuk di nga vjen sepse nuk u prezantua, nga Greqia, tani kuptoj pse është e shqetësuar për marrëdhënien me Turqinë. Ashtu si Greqia e Italia, të treja janë njësoj e në politikën tonë të jashtme përcaktohen si partnerë strategjikë. nuk kuptova pyetjen tuaj. Ju keni problemet tuaja shpresoj t’i zgjidhni mes dialogut e drejtësisë ndërkombëtare, por kur bëhet fjalë për ne, nuk krahasojmë e zgjedhim mes miqve e partnerëve tanë se kemi mësuar nga e shkuara se fqinjët janë aty për të qëndruar përgjithmonë. Gjyshja ime një grua e mençur thoshte fqinj i lumtur është shtëpi e lumtur, në nuk kemi frikë se një gjë e keqe mund të vijë nga Turqia, në të kundërt, është shumë e rëndësishme për sigurinë e Europës. Pa ta kriza e emigrantëve do ishte kthyer në krizë apokaliptike për vendet më të rëndësishme të Europës. Turqia qëndroi në portat e Europës dhe bëri atë që bëri. Kam privilegjin të konsideroj veten mik të Erdogan e Mitsotakis për të zgjidhur këtë çështje”, tha Rama. /Dosja.al
STRASBURG- Një ditë pas debatit "të nxehtë" të zhvilluar në Këshillin e Europës, kryeministri Edi Rama e ka nisur ditën e sotme duke postuar disa foto në Facebook nga takimet me zyrtarët europianë ku ka veçuar takimin me kryetarin e Asamblesë Parlamentare të Këshillit të Evropës.
"Mirëmëngjes. dhe me fotoalbumin e një dite krejt të veçantë, për Shqipërinë, Kosovën dhe gjithë shqiptarët, dje në Këshillin e Europës, ju uroj një ditë të mbarë", shkruan Rama.
Kryeministri Edi Rama kërkoi nga Asambleja Parlamentare e Këshillit të Europës që të rrëzonin akuzat kundër Kosovës dhe të pranojnë kërkesën e Shqipërisë, për një raport vijues ndaj atij të Dick Marty-t. Kreu i Qeverisë kërkoi rishikimin e Rezolutës 1782 (të miratuar në vitin 2011) për raportin e Dick Marty, për t'i shpallur të pabazuara akuzat e tij për trafikim të organeve njerëzore gjatë luftës së fundit në Kosovë. Rama e cilësoi raportin si një lajm të rremë që u shndërrua në rezolutë dhe që po dëmton Kosovën. Por kërkesat e kryeministrit shqiptar shkaktuan debate në seancën plenare, ku disa prej të pranishmëve i cilësuan “akuza të pashembullta”.
