"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Këshilli i Lartë i Prokurorisë është mbledhur sot për zgjedhjen e anëtarit të ri. • Më 113 vota pro u zgjodh Ledina Riza si anëtare e re. • Riza garoi përballë prokurorit Etien Kapo.• Jashtë mbledhjes së Asamblesë, kreu i SPAK, Arben Kraja foli për kërcënime dhe presione ndaj prokurorëve të SPAK dhe GJKKO. • Kraja tha se gara për kreun e ri të SPAK vazhdon ndërsa u shpreh optimist për objektivat e caktuara të punës së tij. • Kraja tha se ka zyrtarë të rëndësishëm në dosjet e SPAK.
5 artikuj për këtë temë.
TIRANE- Ledina Riza është zgjedhur anëtare e Këshillit të Lartë të Prokurorisë. Me 113 vota pro Riza është zgjedhur si anëtarja më e re e trupës së KLP përballë prokurorit Etien Kapo.
Në garë ishin vetëm dy kandidatë dhe votuan 231 prokurorë nga i gjithë vendi. Kapo mori 83 vota ndërsa 4 vota janë të pavlefshme.
Me këtë votim, Ledina Riza bëhet anëtarja e 11-të e trupës së KLP. Ajo ka hyrë në sistemin e drejtësisë si prokurore pranë Prokurorisë së Përgjithsshme në vitin 1998 dhe më pas ka kaluar në prokurorinë e Tiranës./Dosja.al
TIRANE- Kryeprokurori Olsian Çela ka deklaruar se problem shqetësues për hetimin nga prokurorët mbetet pastrimi i parave dhe abuzimi i pronave. Në mbledhjen e KLP ku është duke u votuar edhe për zgjedhjen e anëtarit të ri, ka mbajtur fjalën në Asamble edhe Çela që tha se është shumë pas puna në raport me performancën e policisë gjyqësore por edhe lufta kundër korrupsionit dhe krimit të organizuar.
PJESE NGA FJALA E OLSIAN CELES:
Lufta ndaj pastrimit të produkteve të veprës penale dhe goditja e aseteve me origjinë nga krimi mbeten prioriteti ynë. Ndërsa ka progres në disa aspekte dhe kjo është vlerësuar edhe nga organizmat ndërkombëtare që monitorojnë nga afër Shqipërinë në këtë fushë, rezultatet e hetimeve pasurore nuk janë ato që priten. Edhe në raportin vjetor të Komisionit Evropian për Shqipërinë vihet theksi në nevojën për përmirësime të treguesve në këtë drejtim. Drejtuesit e prokurorive duhet të jenë aktivë përmes mirëadministrimit të kapaciteteve të zyrave me fokusimin drejt fushave prioritare të luftës ndaj krimit. Ata duhet të bëjnë më shumë në nxitjen e hetimeve pasurore si dhe në koordinimin me agjensitë e tjera përgjegjëse në goditjen e krimeve me natyrë financiare.
Mbeten shumë shqetësuese rastet e abuzimeve me pronat, sidomos me ato në bregdet. Hetimet e nisura duhet të vazhdojnë e të thellohen për nxjerrjen përpara përgjegjësisë penale të çdo shkelësi të ligjit. Ndërhyrjet në regjistrat e kadastrës për të cilat ka pasur disa denoncime publike janë tronditëse pasi përveç pasojave që mund të kenë shkaktuar, dëmtojnë thellësisht besueshmërinë e institucioneve përgjegjëse për mbajtjen dhe sigurimin e tyre. Hetimet kanë disa muaj që kanë nisur dhe publiku pret përgjigje të qarta për dëmin dhe autorët. Nuk mund të vazhdohet më me hetime të bujshme që i mbulon pluhuri i harresës. Duhet të dalin përgjegjësit në të gjitha nivelet, kushdo qofshin ata, dhe rezultatet duhet t’i bëhen të ditura publikut.
Dhuna në familje dhe ajo ndaj të miturve ka qenë në fokus të punës sonë tashmë prej një kohe të gjatë. Gjej vendin këtu që të shpreh vlerësimin për arritjet që kemi pasur në goditjen e këtyre krimeve. Megjithë ashpërsimin e dënimeve apo aplikimin e masave ekstreme të sigurimit, nga të dhënat statistikore nuk rezulton të ketë një tendencë në rënie të këtyre veprave penale. Pa asnjë dyshim prokuroria do të vazhdojë të luajë rolin e saj thelbësor si deri më sot në përballjen me këtë sfidë të madhe për shoqërinë shqiptare, por të gjithë duhet të ndërgjegjësohen se këto janë fenomene që nuk mund të përballohen vetëm me përgjigjen penale, por me një qasje shumëdimensionale që përfshin edhe aspektet sociale, ekonomike e kulturore.
Koordinimi mes prokurorive të jurdiksionit të përgjithshëm dhe Prokurorisë së Posaçme ka funksionuar mjaft mirë që në hapat e para të krijimit të strukturës së re. Lufta ndaj korrupsionit dhe krimit të organizuar është prioritet për vendin dhe ndërveprimi mes strukturave tona mbetet tejet i rëndësishëm për arritjen e objektivave.
Konstatoj se mbetet shumë për t’u bërë në drejtim të rritjes së performancës së policisë gjyqësore. Sistemi i ri i raportimit të veprimeve hetimore i miratuar para pak ditësh synon një mbikqyrje më të mirë të drejtuesve mbi punën e tyre. Informacioni statistikor do t’i ndihmojë ata në organizimin më të mirë të punës përmes shpërndarjes së balancuar të ngarkesës dhe eleminimit të zvarritjes së hetimeve. Nga ana e Prokurorisë së Përgjithshme do te ndiqet me prioritet aplikimi me efikasitet i këtij sistemi statistikor. Falë mbështetjes që na është dhënë nga Kuvendi i Shqipërisë, sot kemi pothuaj në të gjitha rrethet gjyqësore një numër të barabartë të prokurorëve dhe oficerëve të policisë gjyqësore. Përmes rritjes së numrit të oficerëve të policisë gjyqësore është synuar mbështetja për prokurorët në kushtet e mungesave te shumta në organikë, por kjo masë do të lehtësojë edhe punën e tyre në vazhdimësi pas plotësimit të organikave./Dosja.al
TIRANË- Kreu i Prokurorisë së Posaçme Kundër Korrupsionit dhe Krimit të Organizuar (SPAK) Arben Kraja është shprehur se prokurorët kanë në dorë dosje 'të nxehta' me zyrtarë e ish-zyrtarë të lartë shtetërorë. Në një deklaratë për mediat, Kraja u pyet nëse do të ketë arrestime të bujshme dhe tha se shumë emra janë nën hetim dhe se po vijohet me procedurat, por nuk dha asnjë emër. I pyetur nëse është i kënaqur me punën e bërë gjatë kohës që ai ishte në krye të SPAK, Kraja tha se prokurorët e vijojnë punën çdo ditë.
Pjesë nga prononcimi:
Arben Kraja: Ishim me Këshillin drejtues të shkollës së magjistraturës. Siç e patë të gjithë prokurorët e SPAK ishin prezentë për të ushtruar detyrën e tyre.
Pse prokurorët i tremben garës për kryetarin e SPAK?
Gara është akoma e hapur. Vazhdon akoma, nuk di të ketë trembje.
I përmbushët të gjitha objektivat e qëllimet që i kishit vendosur vetes në fillim të këtij 3-vjeçari?
Patjetër. Institucioni është një institucion i ri që kërkon punë. Është krijuar çdo gjë nga e para, qoftë nga puna, qoftë edhe nga ana e imazhit. Besoj është bërë më e mira.
Edhe këto pak ditë që jeni ju në krye të SPAK, a do të kemi kapjen e ndonjë peshku të madh?
Prokurorët e SPAK punojnë çdo ditë, siç e shihni, edhe sot kishin një njoftim shumë të rëndësishëm, për tjetërsim pronash. Bëhet fjalë për tokat në Shëngjin, janë sekuestruar, do t'i kthehen shtetit sigurisht.
Ka dhe dosje të tjera që po hetohen prej 3 vitesh, do ketë përfundim?
Ka shumë dosje që janë nën hetim do të vijojmë me procedurat. Sepse dosjet janë voluminoze. Kanë problematikat e veta, por janë drejt përfundimit.
Ka informacione në lidhje me lajmin që po qarkullon se strukturat e SPAK e të GJKKO javë vënë nën presion?
Prokurorë dhe gjyqtarë të SPAK-ut kanë pasur në dorë gjykimin e personave mjaft kompleksë, shumë dosje të nxehta, mes tyre dhe të zyrtarëve dhe ish-zyrtarëve të lartë shtetërorë, dhe normalisht që ka patur kërcënime. Ka pasur dhe presione, ata kanë mbrojtje që u sigurohet me ligj nga shteti.
A po hetohen?
Nuk është kompetencë e Prokurorisë së Posaçme të bëjë këto hetime kështu që nuk kam informacion.
TIRANË- Kreu i Prokurorisë së Posaçme Kundër Korrupsionit dhe Krimit të organizuar (SPAK), Arben Kraja është shprehur se prokurorët e gjyqtarët kanë marrë kërcënime. Në një deklaratë për mediat, Kraja tha se prokurorët kanë në duar dosje të nxehta me zyrtarë e ish-zyrtarë të lartë dhe sigurisht që ka pasur dhe kërcënime. I pyetur nëse ka dijeni mbi hetimet në lidhje me këtë çështje, Kraja tha se nuk është kompetencë e SPAK kjo gjë, ndaj dhe ai nuk mund të japë detaje në lidhje me këtë çështje.
Pjesë nga prononcimi:
A ka prokurorë të kërcënuar?
Prokurorë dhe gjyqtarë të SPAK-ut kanë pasur në dorë gjykimin e personave mjaft kompleksë, shumë dosje të nxehta, mes tyre dhe të zyrtarëve dhe ish-zyrtarëve të lartë shtetërorë, dhe normalisht që ka patur kërcënime. Ka pasur dhe presione, ata kanë mbrojtje që u sigurohet me ligj nga shteti.
A po hetohen?
Nuk është kompetencë e Prokurorisë së Posaçme të bëjë këto hetime kështu që nuk kam informacion.
TIRANE- Sot është duke u zhvilluar votimi për anëtarin e ri të Këshillit të Lartë të Prokurorisë. Në mbledhjen e sotme pritet të votojnë 231 prokurorë ndërsa në garë janë dy prokurorët Etien Kapo dhe Ledina Riza. Në votimin e zhvilluar në Asamblenë e Përgjithshme kanë marrë pjesë prokurorë nga e gjithë Shqipëria.
KLP ndërkohë ka një tjetër proces të ethshëm që po vazhdon që lidhet me garën për kryetarin e ri të SPAK pas skadimit të mandatit të drejtuesit aktual Arben Kraja më 19 dhjetor.
Deri më tani, KLP rikonfirmoi dje se nuk ka asnjë kandidat të interesuar. Me përfundimin e mandatit aktual si drejtues i SPAK, Arben Kraja ngelet pjesë e trupës së prokurorëve të Prokurorisë së Posaçme me një mandat 9-vjeçar. Ai nuk ka të drejtë të garojë për kreun e SPAK pasi drejtuesi zgjidhet çdo 3 vite pa të drejtë rinovimi./Dosja.al
