Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Ditën e sotme po zhvillohet mbledhja e radhës e Komisionit Hetimor për koncesionet në Shëndetësi. • Në mbledhjen e sotme pritet të dëshmojnë ministrja e Shëndetësisë, Albana Koçiu, ish-ministrja e Shëndetësisë Ogerta Manastirliu dhe ish-ministri i Financave Shkëlqim Cani. • Po ashtu do të dëshmojnë Admir Daci, Arben Daci, Artan Kalleshi, Altin Fani. • Të gjithë dëshmitarët do të pyeten në lidhje me aferën e sterilizimit, për të cilën është arrestuar ish-ministri Ilir Beqaj dhe zyrtarë të tjerë. • Kryetarja e Komisionit Hetimor për koncesionet në Shëndetësi dhe njëkohësisht deputetja e PD-së, Albana Vokshi ka kërkuar zgjatjen me një ose dy muaj të punimeve dhe hetimeve të këtij komisioni. • Sipas saj, dy ditët e mbetura të komisionit nuk janë të mjaftueshme për raportin përfundimtar të hetimeve.
3 artikuj për këtë temë.
TIRANË- Ka nisur sërish me debate mbledhja e Komisionit Hetimor për koncesionet në Shëndetësi. Kryetarja e Komisionit, Albana Vokshi iu drejtua nënkryetarit, Plarent Ndrecës duke i thënë se ka hall nëse do të shkojë në SPAK me këmbët e veta apo me avokat.
Vokshi tha se lista e deputetëve të Durrësit është bërë nga bandat, duke nënkuptuar arrestimin e ish-deputetit socialist, Jurgis Çyrbja. Ndreca iu përgjigj duke i thënë se ndryshe nga PD, PS nuk e konsideron SPAK-un organizatë kriminale.
DEBATI:
Albana Vokshi: A jeni në terezi apo jo. Nuk bëhet kështu mbledhja. Rendin e ditës e bën kryetarja.
Plarent Ndreca: E bën mbledhjen ¼ e anëtarëve. Po bën presion. Nuk ma ndjen hiç se çfarë thua. Ju e keni penguar Komisionin. Ne kemi pritur gjithmonë me shumë durim.
Albana Vokshi: Si të vijnë mbrapa këta ty. Në SPAK do shkosh me këmbët e tua apo do marrësh avokat. Ky është halli. Lista e Durrësit ka gjysmën e deputetëve në burg. Lista është bërë me urdhër të bandave.
Plarent Ndreca: Ne SPAK-un nuk e konsiderojmë organizatë kriminale, ndryshe nga ju.
TIRANË- Kryetarja e Komisionit Hetimor për koncesionet në Shëndetësi dhe njëkohësisht deputetja e PD-së, Albana Vokshi ka kërkuar zgjatjen me një ose dy muaj të punimeve dhe hetimeve të këtij komisioni.
Sipas saj, dy ditët e mbetura të komisionit nuk janë të mjaftueshme për raportin përfundimtar të hetimeve. Vokshi tha se në komision duhet të japë dëshminë edhe kryeministri Edi Rama.
Vokshi: Zbatoni rregulloren, Kushtetutën, ligjin për Komisionet Hetimore. Të shtyhet me 2-3 javë afati për Komisionin, lista e dëshmitarëve e paezauruar. Të bëjmë transparencë për koncesionet kriminale, abuzive, hajdutët e parave, vjedhësit. Të jetë edhe Edi Rama në këtë komision. Ky komision nuk mund të mbyllet pa dëshminë e kryeministrit Edi Rama. A do e bëjmë së bashku këtë Komision apo do e bëni me hanin me dy porta të Surrelit dhe do ruani hallin e Edi Ramës. Nuk po respektohet rregullorja, nuk janë respektuar dhe njoftuar oraret.
TIRANË- Ditën e sotme pritet të zhvillohet mbledhja e radhës e Komisionit për koncesionet në Shëndetësi. Në mbledhjen e sotme pritet të dëshmojnë ministrja e Shëndetësisë, Albana Koçiu, ish-ministrja e Shëndetësisë Ogerta Manastirliu dhe ish-ministri i Financave Shkëlqim Cani. Po ashtu do të dëshmojnë Admir Daci, Arben Daci, Artan Kalleshi, Altin Fani. Të gjithë dëshmitarët do të pyeten në lidhje me aferën e sterilizimit, për të cilën është arrestuar ish-ministri Ilir Beqaj dhe zyrtarë të tjerë.
Seancat e kaluara janë shoqëruar me kaos dhe tensione mes kryetares Albana Vokshit dhe anëtarëve të mazhorancës në komision. Lidhur me këtë, Vokshi dhe deputetët e opozitës i kanë drejtuar më 11 tetor Sekretariatit të Etikës për ndëshkimin e tre deputetëve socialistë, Plarent Ndreca, Erion Braçe dhe Ilir Metaj. Në letrën drejtuar kryetares së Sekretariatit të Etikës, Klotilda Bushkës demokratët shprehen se deputetët e PS-së “ndërmorën veprime të njëanshme e arrogante” në Komision, duke listuar shkeljet e tyre. "Etika" do duhej te ishte mbledhur brenda 48 orësh nga kërkesa, por në kundërshtim me rregulloren komisioni i etikes nuk është mbledhur.
Kjo kërkesë u bë pas tensioneve të krijuara në seancën e 9 tetorit të Komisionit Hetimor për koncesionet në Shëndetësi, ku mbledhja nisi pa praninë e kryetares, Albana Vokshi dhe pa anëtarët e opozitës. Këta të fundit u ndaluan nga Garda për shkak të përjashtimit të tyre nga punimet e Kuvendit pas kaosit në seanca plenare.
Vokshi tha se mbledhja e nisur nga nënkryetari, Plarent Ndreca ishte e jashtëligjshme, ndërsa pati edhe një debat të ashpër me deputetin socialist, Ilir Metaj. Zhvillimi i seancës u paralizua për më shumë se një orë për shkak të debateve. Në një moment në sallën e mbledhjes hyri dhe deputeti socialist Erion Braçe. Mes tij dhe Vokshit po ashtu pati një përplasje pasi sipas saj është e ndaluar futja e tij në mbledhjen e komisionit hetimor.
