Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Komisioni për Reformën Zgjedhore është mbledhur ditën e sotme. • Gjatë fjalës hapëse të bashkëkryetarit Damian Gjiknuri, ai u shpreh se maxhoranca i ka votat për ta bërë vetë Reformën Zgjedhore. • Por theksoi se PS ka vendosur që të të plotësohen të gjitha detyrat e dhëna nga Komisioni Europian përfshi dhe konsensusin gjithëpërfshirës. • Bashkëkryetari i PD-së Oerd Bylykbashki ka treguar kushtin e opozitës për të zhvuilluar këtë reformë. • Sipas Bylykbashkit, ky komision duhet të marrë më të mirën e proceseve të shkuara të lërë mënjanë faktorët që kanë çuar në dështimin e proceseve.
5 artikuj për këtë temë.
TIRANË- Deputeti i Partisë Demokratike Gjin Gjoni, kërkoi që administrata shtetërore duhet të depolitizohet një herë e mirë. Në Komisionin e Reformës Zgjedhore, Gjoni deklaroi se në zgjedhjet e fundit dha një efekt më të madh në rezultatin përfundimar.
Sipas tij, punonjës të administratës shtetërore lanë punë me ditë të tëra për t’i hipur avionëve për të shkuar dhe bërë fushatën elektorale dhe kanë marrë rrogën. Ndër të tjera ai nënvizoi se kjo situatë është skandaloze dhe e papranueshme.
“Pse duhet që pas çdo palë zgjedhjeve duhet të ndryshojmë kodin zgjedhor. Problemi i patronazhsitëve duhet sanksionuar. Të marrë fund një herë e mirë. Partitë kanë organizatat e veta, por patronazhimi në vetvete, sipas pikëpamjes time duhet të shkojë deri në kriminalizimin e saj, në mënyrë që të shkojmë tek zgjedhje të lira. Ndarje të partisë me shtetin.
Në zgjedhjet e fundit dha një efekt më të madh në rezultatin e zgjedhje. Pati përfshirje totale të administratës zgjedhore në zgjedhje. Punonjës të administratës shtetërore lanë punë me ditë të tëra për t’i hipur avionëve për të shkuar dhe bërë fushatën elektorale dhe kanë marrë rrogën. Kjo është skandaloze dhe e papranueshme.
Administrata shtetërore duhet të depolitizohet një herë e mirë. Nëpunësit civilë i kemi kthyer në armata të partive politike. Duhet sanksionuar. Çdo nënpunës civil që merr pjesë aktive edhe pas kohës së orarit të punës. Sanksione për shpërndarjen e bonuseve. Të çohet në ndjekje penale punonjësi i thesarit. Firmat private që marrin tendera në periudhën zgjedhore"./Dosja.al
TIRANË- Deputeti i Partisë së Lirisë, Tedi Blushi, akuzoi mazhorancën për shkatërrimin e sistemit të zgjedhjeve në Shqipëri. Në fjalën e tij në Komisionin e Reformës Zgjedhore, sekretari i përgjithshëm i PL nënvizoi se tani duhet të dëgjohet më shumë opozita, pasi mazhoranca ka treguar se si t’i dështojë zgjedhjet.
Blushi iu drejtua Damian Gjiknurit dhe Ulsi Manjas, ai i kërkoi ti kursenin moralet dhe mënyrën se si bëhen zgjedhjet.
“T’i garantojmë shqiptarëve të drejtën e votës. Ju i shkatërruat zgjedhjet dhe tani po vuajmë pasojat. Na e kurseni moralin se si bëhen zgjedhjet dhe fjalën kryesore në këtë Komision duhet ta ketë opozita. Na e kurseni sjelljen tuaj se si duhet të bëhen zgjedhjet dhe si të mashtroni shqiptarët”, u shpreh Blushi./Dosja.al
TIRANË- Kreu i Partisë Republikane Fatmir Mediu, kërkoi që OSBE-ODHIR të japë asistencën e vetë për ligjin e ri. Në Komisionin për Reformën Zgjedhore, Mediu theksoi se shumë rekomandime ndër vite të dhëna nga OSBE nuk janë plotësuar ende.
Gjithashtu, ish-ministri i Mbrojtjes tha se, përfaqësuesit e kuvendit duhet të gjejnë më me vëmendjen, mendimin e teknikën.
“Dua të theksoj se prej 2013-ës kemi të njëjtën histori dhe shpresoj që mos të përsëritet. E nisim me vullnet të mirë që duam të bëjmë reformë zgjedhore dhe p as 2013 procesi zgjedhor ka degraduar dhe asnjë nga ne si politikë s’do të donim të ishim të involvuar në vendimmarrjen e qytetarëve. Ka shumë rekomandime të OSBE-ODHIR që nuk janë plotësuar.
Ne si përfaqësues të kuvendit duhet të gjejmë më me vëmendjen mendimin e teknikë, mos të dublojmë ata dhe ata ne. A kemi kërkuar asistencë nga ODHIR? Ata kanë qenë të dobishëm, mbaj mend historinë e 2001-2005. Duhet t’i adresohemi ODHIR për asistencë teknike. Kjo reformë duhet të vijë në përputhje me atë që kërkon kushtetua, parlamentarizmi. Partitë politike bëjnë garë, qytetarët vendosin. Kemi rreth 60-70 % e parlamentit, që është i emëruar.”, tha Mediu./Dosja.al
TIRANË- Komisioni për Reformën Zgjedhore është mbledhur ditën e sotme. Bashkëkryetari i PD-së Oerd Bylykbashki ka treguar kushtin e opozitës për të zhvuilluar këtë reformë.
Sipas Bylykbashkit, ky komision duhet të marrë më të mirën e proceseve të shkuara të lërë mënjanë faktorët që kanë çuar në dështimin e proceseve.
"Do të jetë një punë me rëndësi siç është dëshmuar në të shkuarën. Sigurisht që do të na jepni mundësinë që gjithë tematikat tona, të punës së vendimmarrjes politike të Komisionit. Nuk duhet të përsëritet ajo që ndodhi në 2020 dhe që u ripërsërit me momentin e votimit të Avokatit të Popullit, ku në parlament i votua një gjë krejt tjetër. Ky Komision ka për objekt dhe detyrë që t’i trajtojë rekomandimet e OSBE/ ODIHR me konsensus. Duhet që ky Komision të marrë më të mirën e proceseve të shkuara të lërë mënjanë faktorët që kanë çuar në dështimin e proceseve. Kjo është parakusht që kjo reformë të ketë sukses.
Kjo do të jetë korniza që ne si opozitë, të jetë kjo që na udhëheq. Çdo gjë tjetër do të ishte e papranueshme. Edhe në të shkuarën kemi pasur situata që kanë pasur paqartësi dhe duke pasur ketë të qartë, të hartohet një strategji. Sistemi zgjedhor është një nga problemet që ne kemi, pushtimi i zgjedhjeve nga shteti është problematikë e madhe. Kur flas për pushtimin e zgjedhjeve nga shteti, kjo nis nga përdorimi i individëve në proces deri në përdorimin e pushtetit. Kemi vendosur ta nisim nga një çështje që është me rëndësi, partitë politike kanë interes për mënyrën se si do të financohen. Pra nuk duhet parë vetëm nga transparenca aspekti i financimit, por edhe nga burimet nëse janë të mjaftueshme apo të shëndosha që nuk i bën partitë të varura apo vunerabël të presioneve”, tha Bylykbashi./Dosja.al
TIRANË- Komisioni për Reformën Zgjedhore është mbledhur ditën e sotme. Gjatë fjalës hapëse të bashkëkryetarit Damian Gjiknuri, ai u shpreh se maxhoranca i ka votat për ta bërë vetë Reformën Zgjedhore. Por theksoi se PS ka vendosur që të të plotësohen të gjitha detyrat e dhëna nga Komisioni Europian përfshi dhe konsensusin gjithëpërfshirës.
“Detyrat që na ka dhënë Komisioni Evropian duhet të plotësohen. Pavarësisht se drafti i partive politike, kërkon 71 vota, mazhoranca e ka thënë në fjalën e saj se këtë ligj, duam ta trajtojmë në mënyrë konsensuale. Do të bëhet transparenca për fondet për të gjitha partitë. Përtej tensioneve politike, kjo gjë është e nevojshme, pasi do të ketë garë mes partive,” tha Gjiknuri./Dosja.al
