"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Konferenca e Kryetarëve ka nisur me debate që në nisje të mbledhjes së saj. Në fjalën e tij kreu i grupit parlamentar të PD, Gazment Bardhi ka kundërshtuar mbledhjen e thirrur nga kreu i Kuvendit, Niko Peleshi, pasi sipas tij mazhoranca vijon me shkeljen e Rregullores dhe Kushtetutës. • Debati ka ardhur pasi PD është njoftuar për Paketën Fiskale, që sipas demokratëve duhej të ishte bashkangjitur me buxhetin. • Bardhi më tej ka deklaruar se mazhoranca ka sjellë një buxhet që ka si qëllim vjedhjen. • Ndërsa nënkryetari i PD-së, Agron Gjekmarkaj ka kundërshtuar përjashtimin e kryedemokratit Sali Berisha nga seanca plenare. • Gjekmarkaj deklaroi se përjashtimi është një rast i paprecedentë duke argumentuar se vendimi nuk lidhej me sjelljen brenda sallës por se mazhoranca ka frikë nga fjala e Sali Berishës.
3 artikuj për këtë temë.
TIRANË- Kreu i Grupit Parlamentar të PD, Gazment Bardhi ka deklaruar se mazhoranca ka sjellë një buxhet që ka si qëllim vjedhjen. Teksa PD ka kërkuar zhvillimin e një debati në Parlament për përcaktimin e minimumit jetik, Bardhi u kujtoi kolegëve të mazhorancës se vetëm me një firmë, numri dy i qeverisë, Belinda Balluku vodhi 50 milionë euro. Bardhi kërkoi nga kryetari i Konferencës së Kryetarëve, Niko Peleshi, respektimin e të drejtave të opozitës, në të kundërt paralajmëroi braktisjen e mbledhjes.
"Nuk ndodh në asnjë vend demokratik që agjendën e Kuvendit ta caktojë 100% qeveria. Në agjendë ka vetëm nisma të qeverisë dhe asnjë nismë deputetësh. U tha këtu që kanë ardhur më shumë kërkesa për debat sesa në 4 vite bashkë. Pse, kush ju pyet ju? Ju e përcaktoni këtë. Na u tha këtu se po jepen 1.8 miliardë euro në muaj. I bie 36 mijë lekë të vjetra për familje në nevojë. Po jeton dot Taulanti me 36 mijë lekë në muaj? Jo, nuk jeton. Na u tha se “buxheti më i madh”, por ky është buxhet për vjedhje, nuk shkon te qytetarët.
Është buxhet si ai që e kemi parë: u vodhën 50 milionë euro dhe askush nuk flet. Me një firmë mori Belinda Balluku 50 milionë euro, dhe me këtë buxhet po bëhen gati shifra të tjera për t’u vjedhur. Kjo është e gjitha. Opozita nuk mund të jetë fasadë këtu. Po kërkoni opozitë fasadë. Dhe kjo, Kryetar, është çështje e jotja. Duhet të merrni masa për të respektuar të drejtat e opozitës, ndryshe opozita nuk ka çfarë të bëjë këtu. Ne nuk jemi fasadë," tha Bardhi. /Dosja.al
TIRANË- Nënkryetari i PD-së, Agron Gjekmarkaj ka kundërshtuar përjashtimin e kryedemokratit Sali Berisha nga seanca plenare. Gjekmarkaj deklaroi se përjashtimi është një rast i paprecedentë duke argumentuar se vendimi nuk lidhej me sjelljen brenda sallës por se mazhoranca ka frikë nga fjala e Sali Berishës dhe kërkon t’i shmangni debatit pasi kanë frikë nga të vërtetat që ai thotë.
“Keni krijuar një rast të paprecedentë. Njeriu flet jashtë dhe ju e përjashtoni brenda. Njeriu flet në mëngjes dhe Toni Gogu nxehet në darkë. Ju kërkoni t’i shmangni debatit. Ju keni frikë nga fjala e Sali Berishës dhe nga të vërtetat që ai thotë! Po e trajtoni Kuvendin si bahçe personale! Edhe një kovaçhane punon mbi rregulla, ndërsa ju si treshe e keni marrë peng! Keni koncepte shërbëtorësh, jo ligjvënësish! PD dhe Sali Berisha janë këtu që liritë dhe e vërteta të mbrohen, dhe ne do t’i mbrojmë” tha ai./Dosja.al
TIRANË- Konferenca e Kryetarëve ka nisur me debate që në nisje të mbledhjes së saj. Në fjalën e tij kreu i grupit parlamentar të PD, Gazment Bardhi ka kundërshtuar mbledhjen e thirrur nga kreu i Kuvendit, Niko Peleshi, pasi sipas Bardhit, mazhoranca vijon me shkeljen e Rregullores dhe Kushtetutës.
Debati ka ardhur pasi PD është njoftuar për Paketën Fiskale, që sipas demokratëve duhej të ishte bashkangjitur me me buxhetin.
‘Na keni njoftuar se ka ardhur Paketa Fiskale. Ju kujtoj se duhej të kishte ardhur bashkë me buxhetin, por përtej kësaj duhet ndjekur e njëjta procedurë si me buxhetin. Ministri i Financave duhej ta kishte prezantuar këtu, dhe ne si Konferencë duhej të kishim miratuar një kalendar për shqyrtimin e kësaj pakete. Me sa shoh nuk keni ndërmend të respektoni rregulloren dhe kushtetutën’, tha Bardhi./Dosja.al
