Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Për tre ditë me radhë, do mbahet në Tiranë "Kongresi i Shëndetësisë". •Sot, në ditën e saj të parë të çeljes, ministrja e Shëndetësisë, Ogerta Manastirliu deklaroi se do mbështesin mjekët e madje do të rrisin pagat e tyre. •Ky premtim, u tha edhe nga kryeministri Edi Rama, i cili deklaroi se me 30 Prill, secili nga mjekët specialistë do ketë në llogari, 500 dollarë plus. •Rama premtoi se rritje do të ketë në vitin 2024 edhe për mjekët e përgjithshëm dhe infermierët.
4 artikuj për këtë temë.
TIRANE- Televizioni privat i kryeministrit Edi Rama i njohur si kanali "ERTV" është kompletuar tashmë. Në një deklaratë nga Kongresi i Parë i Shëndetësisë, kryeministri nisi fjalën në kanalin e tij, por me një "mysafire" të re.
Në ndihmë të të gjithë atyre që kanë probleme me të folurin dhe të dëgjuarin, Ertv transmeton me një përkthyese të gjuhës së shenjave.
Kryeministri ia ka dalë kështu të ofrojë një shërbim që nuk e kanë as televizionet më të mëdha në vend.../Dosja.al
TIRANË- Kryeministri Edi Rama ka premtuar rritje pagash për sektorë të tjerë, përveç mjekëve. Gjatë 'Kongresit të Shëndetësisë', Rama deklaroi se nëse vendi ynë do ngjitet lart në pagat e rajonit, gjatë vitit të ardhshëm, do rrisin dhe pagat e sektorëve të tjerë.
'Nëse në muajin prill, ne ngjitemi lart në pagat e rajonit, e barazohemi me Serbinë, të njëjtën gjë do bëjmë edhe me pagat e tjera brenda këtij mandati, por kjo është lufta ime, duke nisur nga 2024. Kjo ua bën Kongresin më të ëmbël dhe qëndrimin këtu sado të gjatë më të rehatshëm, se kështu do shtyni ditët kur të merrni plusin mbi pagën'- tha Rama.
TIRANE- Kryeministri Edi Rama njoftoi rritjen e pagave për të gjithë mjekët specialistë në vend. Rama tha se paga e muajit prill do të kreditohet me 500 dollarë plus në llogari. Rama tha se rritja do të prekë edhe mjekët dhe infermierët me 7% e lajmëruar më herët.
"Spitali memorial do të krijojë mundësinë për paga më të mira, të barabarta. Autonomia do t;ju rrisë pagat atyre që punojnë më shumë, ndërkohë që duhet të garantojmë një pagë më dinjitoze. Dua t'ju them se në prill, se këtë vit, më 30 prill, mjekët specialistë do të marrin 50 mijë lekë të reja plus në pagën e tyre, dmth të reja, ose 500 dollarë. Edhe rritja për infermierët dhe mjekët e përgjithshëm vazhdon me 7%."-tha Rama në fjalën e tij në Kongresin e Parë të Shëndetësisë, një aktivitet i zhvilluar nga Ministria e Shëndetësisë në bashkëpunimme qendrat spitalore të vendit./Dosja.al
TIRANË- Kryeministri Edi Rama mori pjesë ditën e sotme në 'Kongresin e Shëndetësisë". Teksa premtoi rritje pagash, kreu i Qeverisë tha se sistemi i bluzave të bardha në vendin tonë ka përparuar, madje theksoi se mjekët shqiptarë po priten me krahë hapur në vendet më me zhvillim, siç është edhe Gjermania.
"Ju falenderoj për mundin, rezultatet dhe përkushtimin që keni për të garantuar shëndetin e njerëzve tanë. është gjëja më e rëndësishme, e asaj që përbëjnë këtë fushë. Dua të flas vetëm për kapitalin njerëzor. E kemi shumë më të qëndrueshëm, shumë më të mirëtrajtuar. Kushtet kur një garë shumë ndërkombëtare, ka hyrë në një fazë për të garantuar në disa vende, përfshirë dhe ato të zhvilluara. Bëhet më sfiduese për ne, sfidë e përgjithshme ndërkomëbëtare. Ne e dimë shumë mirë se nga vijmë, nuk ka nevojë ta përsëris unë, duket ditur shumë mirë se ku duam të shkojmë, jemi të detyruar që të shkojmë përpara, në funksion të fuqizimit dhe garantimit të kapitalit njerëzor. Ka nevojë për kushte, punësim dhe për pagë dinjitoze. Sot, kemi një sistem të arsimimit, të bluzave të bardha i cili e ka marrë vulën e cilësisë, nga fakti që të arsimuarit në vendin tonë mirëpriten me krahë hapur edhe në vende më të zhvilluara. Është shumë e qartë se puna e bërë atje nga mjekët dhe infermierët ka krijuar një reputacion pozitiv, kjo është në nderin e mjekëve dhe infermierëve por është një problem për ne.
Kur vjen puna te arsimimi, ne jemi krenar për punën e përbashkët të të gjithëve, duke filluar nga provimet e deri tek specializimit. Jemi përballë një problemi që duhet ta adresojmë në mënyrë të ndershme."- tha Rama.
Më tej, kreu i Qeverisë komentoi edhe largimin e të rinjve nga vendi. Ai u shpreh se shteti shqiptar nuk do financojë studentët shqiptarë që largohen nga vendi e më pas shërbejnë në Gjermani. Rama e pranoi se ky është ende një problem që duhet adresuar.
"Sot 1 student i mjekësisë paguan 1 të 16-ën e kostos reale. Shteti dhe taksapaguesit nuk e bëjnë këtë që ditën që mbarojnë studimet dhe marrin diplomën e mjekut, ata të cilët financohen nga ky buxhet, të ikin dhe të shërbejnë në Gjermani. Shteti shqiptar nuk financon studimet për sistemin shëndetësor gjerman. Ky është një problem që shumë vende e kanë adresuar dhe ne ka ardhur koha ta adresojmë. Nga ana tjketër është aspekti i edukimit, nuk mjafton të kesh kryer një shkollë dhe të kesh përmbushur detyrimet në aspektin teorik për t’u konsideruar një mjek, por duhet dhe p Jo thjesht praktika e përditshme profesionale, por dhe ajo praktikë që farkëton njeriun dhe misionarin. Në këtë aspekt ka vend për reflektim përpara dhënies së diplomës. Pas kësaj vjen punësimi sipas meritës”, tha Rama.
