Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Në Kongresin e PS të dielën, kryeministri Edi Rama lajmëroi lëvizjet si në qeveri edhe në Partinë Socialiste. • Rama emëroi Ervin Hoxhën si ministër të Brendshëm, post i cili mbahej nga Taulant Balla që tashmë është ministër i Shtetit për Marrëdhëniet me Parlamentin. • Hoxha ishte drejtues i IKMT-së, pasuesja e të cilit do të jetë Dallëndyshe Bici. • Kjo e fundit ka drejtuar edhe më herët Inspektoratin Kombëtar të Mbrojtjes së Terrritorit. • Rrjedhimisht me emërimin e Bicit, lirohet vendi i kreut të Kadastrës Shtetërore, agjenci e cila do të drejtohet nga Lorena Goxhobelli. • Pirro Vengu u ëmërua nga kryeministri si ministri i ri i Mbrojtjes, post i cili mbahej nga Niko Peleshi që tashmë është kreu i Grupit Parlamentar të PS-së. • Vëngu ka mbajtur postin e drejtorit të Portit të Durrësit, detyrë të cilën e ka marrë Kreshnik Bajraktari. • Drejtori i ri i portit deri më tani ka mbajtur detyrën e këshilltarit pranë ministrisë së Energjisë dhe Infrastrukturës. • Petrit Malaj do të drejtojë ministrinë e Financave, post i cili mbahej nga Ervin Mete, që tashmë është shkarkuar nga detyra. • Malaj do të pasohet nga Erlind Sulo si drejtues i Agjencisë Kombëtare të Burimeve Natyrore (AKBN). • Erlind Sulo ka mbajtur kreun e Koorporatës Elektro-Energjetike Shqiptare. • Më parë ai ka qenë drejtor i FRESH në Sarandë dhe më vonë është emëruar edhe drejtor i Parkut të Butrintit. • Tre ministrat bashkë me Taulant Ballën, pasi u votuan në seancën e djeshme të posaçme, kryen betimet e tyre në presidencë.
5 artikuj për këtë temë.
TIRANË- Pas emërimit të Petrit Malajt si ministër i Financave, Erlind Sulo do të jetë në krye të Agjencisë Kombëtare të Burimeve Natyrore (AKBN).
Erlind Sulo ka mbajtur kreun e Koorporatës Elektro-Energjetike Shqiptare. Më parë ai ka qenë drejtor i FRESH në Sarandë dhe më vonë është emëruar edhe drejtor i Parkut të Butrintit.
Gjithashtu për një periudhë të shkurtër kohore ai ka qenë drejtor ekzekutiv i Agjencisë Kombëtare të Burimeve Natyrore. Sulo ka mbajtur postin e këshilltarit në Ministrinë e Infrastrukturës dhe Energjisë.
Ndryshimet në qeveri dhe institucione vijnë pasi kryeministri njoftoi në Kongresin e PS emrat e rinj që do drejtojnë ministrinë e Financave, ministrinë e Brendshme dhe atë të Mbrotjes.
TIRANË- Largime dhe emërime janë kryer në 72 orët e fundit në disa ministri dhe inistucione të tjera të shtetit. Këtu përfshihet edhe Agjencia Shtetërore e Kadastrës në krye të së cilës është emëruar Lorena Goxhobelli. Ajo pason në detyrë Dallëndyshe Bicin e cila është riemëruar në krye të IKMT-së, pasi drejtuesi i mëparshëm Ervin Hoxha do të drejtojë tashmë ministrinë e Mbrotjes.
Ndërkohë Lorena Goxhobelli ka shërbyer në Ministrinë e Mbrojtes si këshilltare e jashtme ligjore për pronësinë në kabinetin e ministrit që prej qershorit 2022.
Ka eksperiencë të gjatë në fushën e drejtësisë, fokusuar kryesisht në çështjet e pronësisë, administrimit të tokës, kontratat publiko-private për administrimin e pronës shtet, etj. Lorena Goxhobelli është diplomuar në vitin 2006 për drejtësi në Universitetin e Tiranës dhe ka kryer studimet master në ekonomi, me fokus administrimin publik, në periudhën 2009 – 2011.
Në vitet 2014 – 2017 ka mbajtur postin e këshilltarit ligjor të Zëvendëskryeministrit, e më pas të këshilltarit ligjor të Ministrit të Bujqësisë dhe Zhvillimit Rural, deri në muajin maj të vitit 2022. Në periudhën 2009-2013 ka qenë e angazhuar, si pjesë e ekipit të një kompanie ndërkombëtare, i cili zbatoi një projekt të financuar nga Bashkimi Evropian për ngritjen dhe forcimin e strukturave shtetërore për menaxhimin e decentralizuar të asistencës financiare të BE.
Ka qenë gjithashtu pjesë e administratës publike në vitet 2007-2009, fillimisht në Drejtorinë Juridike e më pas në Drejtorinë e Licensave dhe Menaxhimit të Kontratave në Ministrinë e Ekonomisë, Tregtisë dhe Energjetikës.
Ka eksperiencë akademike, fillimisht si asistente pedagoge e më pas si pedagoge e së Drejtës Ndërkombëtare Publike, të Drejtës Familjare dhe e së Drejtës Ndërkombëtare të të Drejtave të Njeriut në institucione publike dhe private të arsimit të lartë. Aktualisht mban edhe postin e drejtorit të Divizionit Ligjor në Koorporatën e Investimeve Shqiptare. Ajo është anëtare e Dhomës Kombëtare të Avokatisë që prej vitit 2006.
Fusha e angazhimit: Këshillim ligjor i Ministrit të Mbrojtjes në çështjet e pronësisë për pronën shtetërore në administrim të Ministrisë së Mbrojtjes.
DURRËS- Kreshnik Bajraktari është emëruar drejtor i ri i Portit të Durrësit. Bajraktari është pasardhës i Pirro Vëngut, i cili tashmë do të jetë në krye të ministrisë së Mbrojtjes.
Drejtori i ri i portit deri më tani ka mbajtur detyrën e këshilltarit pranë ministrisë së Energjisë dhe Infrastrukturës. Ai ka mbaruar studimet e larta në universitetin Politeknik të Tiranës dhe është me origjinë nga Kukësi.
Emërimi i tij u bë ditën kur u hap gara ndërkombëtare për ndërtimin e portit të ri në Porto Romano.
TIRANË- Në presidencë u zhvillua ceremonia e betimit e tre ministrave të rinj dhe Taulant Ballës si ministër i Shtetit për Marrëdhëniet me Parlamentin. Pas leximit të dekretit, ministrat e rinj janë betuar me dorën mbi kushtetutë. Betimi vjen pas votimit të tyre si ministra në seancën e djeshme plenare e cila u zhvillua me tensione dhe debate.
Në Kuvend Ervin Hoxha u emërua ministër i Brendshëm me 76 vota pro. Petrit Malaj u emërua ministër i Financave me 77 vota pro. Pirro Vengu u emërua ministër i Mbrojtjes me 77 vota pro. Ndërsa Taulant Balla u emërua ministër i Shtetit për Marrëdhëniet me Parlamentin me 78 vota pro.
Ndryshimet në qeveri u propozuan nga kryeministri Edi Rama në kongresin e PS të dielën.
TIRANË- Kryeministri Edi Rama në kongresin e PS të dielën lajmëroi ndryshime dhe lëvizje si në parti dhe në qeveri.
Së fundmi Rama ka firmosur ndryshime të reja, duke rikthyer në krye të IKMT-së, Dallëndyshe Bicin. Në vend të Dallëndyshe Bicit në krye të ASHK-së ështe emëruar Lorena Goxhabelli.
Kjo e fundit vjen nga Ministria e Mbrojtjes, ku shërbente si këshilltare e jashtme ligjore për pronësinë në kabinetin e ministrit që prej qershorit 2022.
Posti si drejtues i IKMT u lirua pasi Ervin Hoxha do të mbajë tashmë detyrën e ministrit të Brendshëm, e cila mbahej më herët nga Taulant Balla.
