"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Mbërrin viti 2023 në Shqipëri. •Viti i Ri u prit me një spektakël fishekzjarresh në qiellin shqiptar. •Nata e ndërrimit të viteve është shoqëruar me atmosferë festive në të gjithë vendin. •Qytetarët festuan në shtëpi, dolën në sheshe apo në clube me shoqërinë. •Atmosfera festive u ndje edhe në qytetet e tjera, ku qytetarët ishin mbledhur në sheshe për të shijuar aktivitetet që u zhvilluan. •Nata festive e ndërrimit të viteve do të vijojë më pas me festimet e qytetarëve në baret e lokalet e qytetit, të cilat janë prenotuar më herët nga familjarët. •Drejtori i Policisë së Tiranës, Tonin Vocaj ka bërë me dije se 13 persona janë lënduar nga fishekzjarrët, 4 prej tyre në spital. •Bebja e parë për 2023 është vajzë! Ajo quhet Promisa dhe lindi në maternitetin “Mbretëresha Geraldinë”, me të trokitur ora 12:00.
5 artikuj për këtë temë.
TIRANE-Nata e ndërrimit të viteve në vendin tonë solli disa incidente, në të cilat përfshihen 13 persona të plagosur nga fishekzjarret.
Nga të lënduarit 12 janë në Tiranë, ndërsa një në Pogradec dhe 2 femije ne Fier. Ata janë jashtë rrezikut për jetën dhe kanë dalë nga spitali. Një aksident me vdekje u shënua rreth orës 21:00 në Bulqizë, aty ku një 24-vjeçar (viktima) humbi kontrollin e mjetit dhe doli nga rruga.
Katër raste të regjistruara me dëmtime nga fishekzjarret janë regjistruar në spitalin e Vlorës. Ndërsa janë regjistruar rreth 20 raste me konsum të tepërt të alkoolit.
Në Durrës një zjar i madh ka rënë në tregun industrial, aty ku janë djegur disa dyqane.
Përgjatë ndërrimit të viteve dhe në orët e para të vitit 2023 nuk është regjistruar asnjë ngjarje kriminale, aksident rrugor apo konflikte. Shërbimet e policisë kanë qenë prezente në sheshe e lokale ku u festua, në rrugë e akse nacionale me makinat inteligjente.
TIRANE- Lind bebja e parë për 2023! Ministrja Ogerta Manastirliu ka zbuluar foton e bebes që lindi në maternitetin “Mbretëresha Geraldinë”. Ajo bën të ditur se vajza quhet Promisa ndërsa një minutë pas trokitjes së orës 12:00, ka lindur një djalë i cili u pagëzua me emrin Orjol. Bebat dhe nënat gëzojnë shëndet të mirë.
POSTIMI:
Mirë se erdhët Promisa dhe Orjol. Është vajzë fëmija i parë i vitit 2023, që lindi shëndosh e mirë në maternitetin “Mbretëresha Geraldinë”, me të trokitur ora 12:00. Një minutë pas ndërrimit të viteve erdhi në jetë edhe një djalë i shëndetshëm, bebi i parë që lindi në maternitetin “Koço Gliozheni” Jetë të gjatë e paçi këmbën e mbarë
TIRANE- Drejtori i Policisë së Tiranës, Tonin Vocaj ka bërë me dije se 12 persona janë lënduar nga fishekzjarrët, 4 prej tyre në spital.
“Situata e rendit dhe sigurisë publike në Tiranë, është në parametra normal, 12 persona të dëmtuar nga fishekzjarrët, 4 persona janë në spital. Shërbimet e policisë do të jenë në shesh, policia rrugore ka marrë masa për të mos lejuar që të krijohet trafik i rënduar”, tha Vocaj në një njoftim për mediat.
Nata e ndërrimit të viteve, siç tradita e do mblodhi në tryezë të gjithë familjet, ku shijuan ushqimet e ngrohta e tradicionale. Ora 00:00 kulmoi me spektaklin e fishekzjarrëve të hedhura nga vetë qytetarët, por edhe me organizimin e bërë nga Bashkia e Tiranës në sheshin ‘Skënderbej’, ku pati edhe një koncert me artistë të ndryshëm.
FIER- Nata e ndërrimit të viteve është festuar edhe në qytetin e Fierit me një spektakël fishekzjarrësh.
Dhjetëra qytetare mbushën sheshin qendror të qytetit dhe kur ora shënoi 00:00 qielli u ndez nga fishekzjarrët. Në gatishmëri në sheshin e qytetit kanë qenë zjarrfikësja dhe patrulla policie. Deri më tani nuk raportohet për incidente.
TIRANE- Viti 2023 troket në Shqipëri! Akrepat e orës i dhanë fund ditëve të 2022-it, duke bërë që shqiptarët të nisin festën së bashku me familjen dhe të afërmit për një vit të ri që po vjen.
Në Tiranë të shumtë ishin qytetarët të cilët sfiduan temperaturat e ulëta, dhe pritën ndërrimin e viteve në sheshin Skënderbej. 2023 mbërriti në spektaklin e fishekzjarrëve të përgatitur nga Bashkia e Tiranës. Qielli u ndriçua në të gjithë kryeqytetin nga ngjyrat e tyre.
Një koncert i parapriu ndërrimit të viteve në sheshin Skënderbej, ku në skenë u ngjitën këngëtarët e njohur shqiptarë.
Ky është Vitin i Ri i parë pa kufizime për COVID-19 që kur filloi pandemia. Bllokimet në fund të vitit 2020 dhe një rritje e rasteve të Omicron në fund të 2021 kishin çuar në kufizime të turmës dhe reduktim të festimeve.
Zelanda e Re dhe Australia ishin të parat që pritën vitin 2023. Më shumë se një milion vetë u mblodhën në portin e Sidneyt, një nga qytetet e para të mëdha që pret Vitin e Ri, për të ndjekur një shfaqje spektakolare me fishekzjarre.
Dosja.al ju uron: “Gëzuar Vitin e ri, 2023!”
