Mbledhja e Këshillit të Ministrave, Krifca: Ndryshime në kriteret për subjektet agroturistike. Manja: Pronat do u kthehen pronarëve

Ulsi Manja

TIRANË- Ministri i Drejtësisë Ulsi Manja është pyetur në lidhje me vdekjen e Jani Rustemajt, i cili përfundoi në koma në QSUT pasi ishte i arrestuar për vjedhje. Manja refuzpoi që të jap komente, duke theksuar se ky rast edhe nën hetim e sipër. Ndërkohë që theksoi se duhet që te merren procedurat e nevojshme në përfundim të hetimit. 

“Për sa kohë është duke u hetuar, ka disa kakofoni dhe refuzoj të flas. kemi përgjigje konkrete për secilin nga rastet dhe për secilin prej këtyre personave që kanë humbur jetën. Iu shpreh ngushëllime familjarëve. Edhe në këto qendra ndodhin aksidente njerëzore, por në përfundim të hetimit ftoj që të merren procedurat në rastin konkret”, tha Manja.

Frida Krifca

TIRANË- Ministrja e Bujqësisë Frida Krifca ka deklaruar se në mbledhjen e sotme të qeverisë është miratuar vendimi për ndryshimin e kritereve për certifikimin e subjekteve agroturistike. Pas përfundimit të mbledhjes, Krifca ka theksuar se në të gjithë Shqipërinë janë rreth 70-80 agruturizme, të cilat u shërbjnë komuniteteve. Po ashtu ajo ka theksuar se nga llogaritë, vihet re se 80 mln euro të ardhura janë gjeneruar në vit nga agroturizmi.

"Sot në mbledhje Këshilli i Ministrave ka miratuar vendim për ndryshimin e kritereve për certifikimin e subjekteve agroturistike. Erdhi ndryshimi prej kërkesave të grupeve të interesit që duan të përfitojnë nga një politikë fiskale që e kemi ndërtuar që në vitin 2018 dhe kemi bërë të mundur që të japim paketë fiskale që i favorizon si TVSH 6%, tatami mbi fitimin 5% dhe taksa e infrastrukturës 0. Në fakt ka qenë kjo politikë që i ka ndihmuar agroturizmat të përfitojnë. Ne agroturizmin e shohim si aktivitet i diversifikimit të fermës në zonat e thellave rurale që kryejnë aktivitete të mikpritjes, të mbështetura edhe prje qeverisë. Janë rreth 70-80 anembanë Shqipërisë dhe i shërben komuniteteve. Nga llogaritë e fundit, 80 mln euro të ardhura janë gjeneruar në vit nga agroturizmi, i cili ndihmon shumë bujqësinë se krijon magnet për të përthithur rininë”, tha Krifca.

Ulsi Manja

TIRANË- Ministri i Drejtësisë Ulsi Manja ka folur për kompensimin e pronave në vend. Ai ka theksuar se çdi ish-pronar duhet që të bej kërkesë për njohjen e pronës dhe ajo do i kthehet fizikisht. Po shtoi se nëse në atë pronë ka ndërtime, do të bëhet shpronësimi në lekë. 

“Kaluam dy vendime të rëndësishme në lidhje me kompensimin e pronave, kështu kompletojmë paketën nënligjore. Procesi i njohjes së pronës dhe shpërblimi i pronës nuk ka asnjë pengesë ligjore. Çdo ish-pronar që do të bëjë një kërkesë për njohjen e pronës, i kthehet fizikisht siç e kanë pasur kur i është konfiskuar, nëse është e lirë. Ndërsa ato ish-pronarë, që i është zënë prona me ndërtime ose do përdoret për shërbime publike, do kenë një shpërblim financiar”, tha ai.

Manja

TIRANË- Ministri i Drejtësisë Ulsi Manja ka dhënë disa detaje më shumë për marrëveshjen me Britaninë e Madhe për deportimin e shqiptarëve të burgosur drejt Shqipërisë. Manja ka deklaruar se kjo ëhstë një marrëveshje teknike, nga e cila të gjithë shpenzimet mbulohen nga shteti britanik. Po ashtu ai ka theksuar se marrëveshja është e vlefshme për 2 vite, por është bërë me kusht rinovimi. 

"Marrëveshja që kemi arritur është teknike që plotëson atë që është ratifikuar në Kuvend. Kriteret janë përcaktuar, ka si qëllim kryesor dhe udhëhiqet nga parimet e humanizmit, të vijnë ta vuajnë pjesën e mbetur pranë familjarëve të tyre, ne e dimë se nuk kanë kontakte, brenda kapaciteteve të vijnë përmes procedurave që parashikon ligji, të vijnë ta vuajnë me qëllim risocializimit, kemi detyrimin si shtet, të mund të takojnë prindërit, fëmijët, familjarët nuk krijon asnjë kosto për buxhetin e shtetit sepse do mbulohen nga pala britanike, parashikon një fuiqizim të kapaciteteve tona njerëzore në burgje. Janë marrë përsipër nga pala britanike. 2 vjeçare është marrëveshja me propozimin për t’u riparë, sa i takon numrit do nisemi nga kapacitete që kemi në shtetin tonë, nuk ka një numër fiks, por në varësi të vendeve që kemi në sistem, sepse nuk kemi marrëveshje vetëm me Britaninë, por Britania u tregua e gatshme të na ndihmojë për shtimin e kapaciteteve tona," tha Manja.