Momente HISTORIKE/ Shpërthejnë lotët në Tel Aviv, dorëzohen pengjet e para! Trump mbërrin në Izrael, Netanyahu mesazh: Ju përqafojmë

Foto ilustruese

IZRAEL- Presidenti i SHBA-së, Donald Trump, ka mbërritur tashmë në Tel Aviv. Presidenti do t’i drejtohet Knessetit, ku do të takohet me Kryeministrin e vendit, Benjamin Netanyahu, dhe më pas do të udhëtojë për në Egjipt, ku përgatitjet për takimin historik me liderët arabë.

Foto ilustruese

HAMAS- Në një tjetër gjest mirënjohjeje ndaj Donald Trump pas marrëveshjes që ai arriti për Gazën dhe kthimin e pengjeve të rrëmbyera nga Hamasi, persona të panjohur u nisën për në Tel Aviv. Siç mund të shihet në videon më poshtë, ata shkruan me shkronja të mëdha "faleminderit" në anglisht, si dhe fjalën "shtëpi", duke e shoqëruar mesazhin me një skicë të profilit të presidentit amerikan.

Sipas mediave izraelite, qëllimi ishte që presidenti amerikan ta shihte këtë mesazh kur të mbërrinte në Izrael me Air Force One./ Dosja.al

Sari Markson

AUSTRALI- Gazetarja e Sky News Australia, Sari Markson, shpërtheu në emocione në transmetim kur u thirr për të dhënë lajmin e fundit për lirimin e shtatë pengjeve të para nga Hamasi të hënën në mëngjes, si pjesë e marrëveshjes së Trumpit për Gazën.

"Ky është lajmi më i mrekullueshëm që kam dhënë ndonjëherë", tha Markson, mezi duke mbajtur lotët.

"Shtatë pengjet që kanë qenë në tunelet e Gazës për dy vitet e fundit, 738 ditë, tani janë në automjete të Kryqit të Kuq, në rrugën e tyre për në IDF, në sigurinë e Izraelit, për të qenë në krahët e të dashurve të tyre. Shtatë pengjet tani janë dorëzuar", shtoi gazetarja, dukshëm e prekur.

Markson më pas lexoi emrat e pengjeve të liruara, të cilat u konfirmuan më vonë nga Kryqi i Kuq./ Dosja.al

Foto ilustruese

IZRAEL- Sot 13 tetor është realizuar lirimi i shtatë pengjeve izraelitë nga Hamasi. BBC raporton ushtria izraelite ka konfirmuar se shtatë pengjet e para janë pranuar nga Forcat Mbrojtëse të Izraelit (IDF). Me publikimin e lajmit të shumëpritur në Tel Aviv shpërthyen lotët e gëzimit nga lumturia për lirimin e pengjeve, që u realizua pasi Hamasi dhe Izraeli ranë dakord për armëpushim sipas propozimit të bërë nga presidenti i SHBA-ve, Donald Trump. Pengjet janë mbajtur në Gaza që nga sulmet e 7 tetorit 2023.

Në këmbim të pengjeve, Izraeli do të lirojë 250 të burgosur palestinezë dhe më shumë se 1,700 të ndaluar. Donald Trump pritet të mbërrijë së shpejti në Izrael gjatë ditës sot. Ai do të shkojë në Egjipt për të marrë pjesë në samitin ku do të marrin pjesë rreth 20 liderë botërorë, shkruan BBC. 

Gjatë rrugës për në rajon, Trump deklaroi se “lufta ka mbaruar” në Gaza – megjithëse fazat e ardhshme në marrëveshjen Izrael-Hamas ende duhet të negociohen.

Nga ana e tij kryeministri izraelit Benjamin Netanyahu publikoi një mesazh të shkruar me dorë për të gjithë pengjet që po kthehen në Izrael. Ai dhe gruaja e tij, Sara Netanyahu, mirëpritën kthimin e pengjeve të liruara përmes shënimeve personale të shkruara me dorë.

“Në emër të të gjithë popullit të Izraelit, mirë se erdhët përsëri! Ju kemi pritur dhe ju përqafojmë”, shkruhej në shënime.

“Në emër të të gjithë popullit të Izraelit, mirë se erdhët përsëri!”, thuhet në shënim.

“Ne po ju prisnim, ju përqafojmë. Sarah dhe Benjamin Netanyahu.”/ Dosja.al

Foto ilustruese

GAZA- Shtatë pengje janë liruar dhe i janë dorëzuar Kryqit të Kuq në Rripin e Gazës, sipas raportimeve nga mediat izraelite, raporton Sky News.

Të liruarit janë identifikuar si:

Gali Berman
Ziv Berman
Matan Angrest
Alon Ohel
Omri Miran
Eitan Mor
Guy Gilboa-Dalal

Lajmi për lirimin e tyre u prit me brohoritje nga qytetarët e mbledhur në “Sheshin e Pengjeve” në Tel Aviv, ku që prej muajsh familjarët dhe mbështetësit kanë kërkuar kthimin e të afërmve të rrëmbyer nga Hamasi. Sipas mediave të huaja, automjetet e Kryqit të Kuq do të kalojnë në zonat e kontrolluara nga Izraeli brenda Gazës, ku pengjet do t’u dorëzohen forcave izraelite.

Më pas, të liruarit do të transportohen në bazën ushtarake Rei’im, në jug të Izraelit, ku pritet të ribashkohen me familjarët e tyre. Ky është lirimi i parë në kuadër të marrëveshjes së ndërmjetësuar për paqe dhe shkëmbim të pengjeve midis Izraelit dhe Hamasit. Në orët në vijim, pritet që Hamasi të lirojë gjithsej 20 pengje që ende mbahen në Gaza./ Dosja.al

Donald Trump

IZRAEL- Presidenti i SHBA-së, Donald Trump, është nisur me avionin Air Force One drejt Lindjes së Mesme. Ai do ta vizitojë fillimisht Izraelin e më pas do të shkojë në Egjipt për një samit të liderëve botërorë mbi luftën në Gazë.

“Lufta mbaroi”, tha Trump, raportoi “BBC”.

Trump tha se “të gjithë janë dakord me marrëveshjen” e tij për t’i dhënë fund luftës në Gazë.

“Të gjithë janë të lumtur dhe mendoj se do të mbetet kështu”, tha presidenti amerikan./ Dosja.al