Moti i keq/ Borë dhe ngrica në Korçë e Kukës, qindra familje pa energji elektrike në disa bashki

Moti

TIRANË-Autoriteti Rrugor Shqiptar thotë se qarkullimi në rrugë vijon pa probleme, ndërsa apelon tek drejtuesit e mjeteve të përdorin goma dimërore dhe zinxhirë në zonat ku mund të ketë prezencë akulli.

NJOFTIMI I ARRSH:

Gjatë natës dhe në orët e para të mëngjesit ka pasur reshje dëbore në akset Bilisht-Kapshticë, Qafë Qarri-Ersekë, në Dardhë, në Voskopojë, Zëmblak-Dogana Goricë, Pukë-Fushë Arrëz, Qafë Mali-Kukës dhe në Valbonë

Temperaturat kanë qenë në vlera negative deri në -3 °C. Mjetet borëpastruese kanë punuar për pastrimin e borës dhe shpërndarjen e kripës pa ndërprerje

Qarkullimi vijon pa probleme në të gjitha akset nacionale. Drejtuesit e mjeteve të pajisen me goma dimërore dhe zinxhirë kur udhëtojnë për në segmentet e mësipërme që janë me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugor.

Moti

SHKODËR- Përkeqësimi i motit ka sjellë probleme edhe në qarkun e Shkodrës. Për shkak të erërave të forta ka ndërprerje të furnizimit me energji elektrike ne zonat e Vau Dejës, Komanit, Pukës, Velipojës dhe Malësisë se Madhe.

Strukturat e OShEE janë në terren dhe po punojnë për riparimin e defekteve. Sipas Emergjencave Civile, nuk raportohen probleme ne akse rrugore.

Debore

TIRANË- Qarku i Kukësit dhe i Korçës janë përfshirë nga reshjet e dëborës që kanë vijuar edhe gjatë mëngjesit të ditës së sotme. Reshjet janë shoqëruar me erë të fortë duke shkaktuar problemet e para në furnizim me energji elektrike në zonat e thella malore.

Trashësia e dëborës në Dardhë ka shkuar deri më 40 cm, në Voskopojë 30 cm, në Qafën e Qarrit 35 cm, Gjonomadh dhe Lubonjë 50 cm në Devollin e sipër 10 cm dhe në majën e Mashkullorës dëborë arrin rreth 1 metër.

Në Qafën e Qarrit po punojnë 4 borëpastruese ,3 në Dardhë dhe 2 në Voskopojë. Për pasojë të reshjeve të dendura, ka probleme me energjinë elektrike në Ersekë, Devoll dhe Maliq.

SITUATA:

-Potgozhan 200 familje pa energji

-Gjyres Bradvice 24 familje pa energji.

-Prenisht dhe Vithkuq 124 familje pa enegji.

-Rehovë 57 familje pa energji.

-Gjionç Prodan, 61 familje pa energji.

Njoftim i detajuar për qarkun e Kukësit:

Situata në Qarkun Kukës deri në orën 08:20 datë 16.12.2023 është si më poshtë: I gjithë territori i Qarkut Kukës është i përfshirë nga reshje shiu me intensitet të ulët dhe në zonat e thella malore reshje të dobëta bore të shoqëruara me erë të fortë. Nga informacioni i marrë nga terreni rezulton se:

Rrugët nacionale janë të qarkullueshme normalisht. Disa segmente rrugësh janë bllokuar përkohësisht si rezultat i mbartjes së borës nga era sidomos në Qafë Borje -Doganë. Nga subjektet kontraktore ka vazhduar puna gjatë gjithë kohës për pastrimin, kriposjen dhe mbajtjen funksionale të tyre.

Nga bashkitë Kukës, Tropojë dhe Has nuk ka raportime për ndonjë problematikë.

Furnizimi me energji elektrike është normal në gjithë territorin e Qarkut Kukës, përveç Nj.Ad Bushtricë, Grykë Çajë, Kalis dhe Arrën bashkia Kukës, fshatrat Cahan, Mulaj dhe Dajç Nj.Ad qendër Krumë, Nj.Ad Golaj dhe fshatrat Pogaj dhe Kishaj Nj.Ad Gjinaj bashkia Has, fshatrat Shipshan, Kasaj, Astë dhe Padesh Nj.Ad Tropojë e vjetër, fshatrat Zogaj, Kepenek , Kam dhe Çorraj Nj.Ad Bytyq bashkia Tropojë./Dosja.al

Sheshi

LEZHË- Era e fortë gjatë natës së mbrëmshme ka shkaktuar dëme të shumta në Lezhë. Si pasojë e erës së fortë, është rrëzuar pema e Krishtlindjeve dhe vitit të ri, e vendosur në sheshin “Gjergj Kastrioti” si dhe ka pësuar dëmtime edhe dekori festiv.

Gjithashtu janë dëmtuar edhe linjat elektrike në disa zona.