MOTI I KEQ në Shqipëri, shira të dendur në Veri. Era shkakton probleme me energjinë elektrike, incident në portin e Durrësit

Foto ilustruese

TIRANË- Qendra Ciklone ka përfshirë Mesdheun, e cila është afruar drejt vendit tonë duke shkaktuar stuhi ere të vrullshme dhe reshje shiu. Por kanë pasur intensitet më të lartë në zonën e Shkodrës.

Meterologia Rezarta Xhakollari tha për Abc, stuhia do të vazhdojë deri pas mesnate në vendin tonë. Gjatë ditëve në vazhdim, era do të jetë mbi 30 m /sek dhe dallgëzim të lartë mbi 8 ballë.

Trageti

DURRËS- Drejtoria e Përgjithshme Detare ka dhënë detaje mbi incidentin që ndodhi pasditen e së dielës në portin e Durrësit ku një traget i linjës së Ankonës ka këputur zinxhirët lidhës dhe është përplasur me bankinën. Por fatmirësisht nuk ka pasur pasagjerë në bord. Sipas të dhënave të tjera, shkak për përplasjen është bërë era e fortë, e në ndihmë të tragetit kanë shkuar dy rimorkiatorë.

“Sot në orën 18:21 në portin e Durrësit ka ndodhur një incident. Si rezultat i erës fortë që shkoi 35 m/s në port, trageti A/F CLAUDIA ka këputur cimën e djathtë dhe ka prekur bankinën nga ana e ish-portit te peshkimit. Menjëherë kanë hyrë në veprim dy rimorkiatorët të cilët kanë shmangur përplasjet dhe trageti CLAUDIA është lidhur përsëri në bankine me cima te tjera.

Theksojmë se trageti A/F Claudia nuk ka pasur të imbarkuar pasagjerë dhe automjete në çastin e incidentit. Pas lidhjes dhe mbajtjes me dy rimorkiatorë ka filluar puna për imbarkimin e mjeteve në traget. Njoftojmë se në këto çaste trageti A/F Claudia ka dalë nga porti Durrësit dhe është nisur për Ankona. Gjithashtu të gjithë pasagjerët që do udhëtojnë sonte me linjat Durrës – Bari dhe Bari – Durrës së tragetet do vazhdojnë normalisht në linjat sipas orareve të përcaktuara në grafik,”-thuhet në njoftim.

Foto ilustruese

TIRANË- Instituti i Gjeoshkencave ka bërë parashikimin e motit në vendin tonë. Sipas IGJEUM, sot, pasditen e të dielës do të ketë reshje me intensitet të lartë, të cilat do të jenë më të përqëndruara në veri dhe në jug të territorit. Në qarqet Shkodër, Kukës, Lezhë, Vlorë dhe Gjirokastër mund të ketë vërshime të shpejta të lumenjëve të vegjël malorë dhe rrëshqitje të dherave.

Ndërsa në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Nesër, temperaturat në bregdet do të variojë: 11 / 15 °C; në vendet e ulëta: 10 / 14 °C; në vendet malore: 5 / 11 °C. Sot, era pritet të fryjë mesatare deri e fortë, kryesisht në bregdet dhe zonat malore, ndërsa nesër pritet të fryjë e lehtë deri mesatare.

HARTA LIVE: 

Foto ilustruese

TIRANË- Operatori i shpërndarjes së energjisë elektrike ka bërë me dije një listë të të gjithë qarqeve që kanë probleme me furnizimin. Në njoftimin e bërë në rrjetet sociale, OSHEE bën me dije se ka probleme në Korçë, Durrës, Vlorë, Mallakastër dhe në Elbasan, e se nesër do kryehen punime për mirëmbajtjen e rrjetit.

NJOFTIMET E BËRA NGA OSHEE: 

Njoftim për abonentët #Korçë
Stakim, 27 shkurt

Në vijim të investimit për mirëmbajtjen e rrjetit, në datën 27 shkurt do të kryhen punime në linjën 35kV Korçë – Bilisht gjatë intervalit kohor 08:00-16:00. Pa energji do të mbeten këto zona në Korçë. Pjesërisht: Qendër, Bitinckë, Miras, Kapshticë, Liqenas, Progër, Pojan, Hoçisht, Vranisht, Stropan, Vishocicë, Baban.

Njoftim për abonentët #Vlorë
Stakim, 27 shkurt
Në vijim të investimit për mirëmbajtjen e rrjetit, në datën 27 shkurt gjatë intervalit kohor 09:00-15:00 do të kryhen punime në disa fidera të NST Vlora 1.
Pa energji do të mbeten këto zona në Vlorë: Pjesërisht: Lagjia "Kushtrimi", "24 Maji", "28 Nëntori", "Hajro Cakërri", Nartë, Zvërnec

Njoftim për abonentët #Mallakastër
Stakim, 27 shkurt
Në vijim të investimit për mirëmbajtjen e rrjetit, në datën 27 shkurt gjatë intervalit kohor 09:00-16:00 do të kryhen punime në NST Poçem. Pa energji do të mbeten këto zona në Mallakastër: Pjesërisht: Drizar, Kud, Corush, Klos, Hekal, Molaj.

Njoftim për abonentët #Elbasan
Stakim, 28 shkurt
Në vijim të investimit për mirëmbajtjen e rrjetit, në datën 28 shkurt gjatë intervalit kohor 10:00-14:00 do të kryhen punime në disa fidera të NST Mjekës.
Pa energji do të mbeten këto zona në Elbasan: Pjesërisht: Shirgjan, Gjergjan, Bathës, Kuqan, Llixha, Shirgjan, Tregan, Trepsenisht, Gjinar, Zavaline, Bodur, Jeronisht, Kamican, Lleshan, Pashtresh, Fushë Kuqe, Shelcan, Xhibresh.

Njoftim për abonentët #Durrës
Stakim, 28 shkurt
Në vijim të investimit për mirëmbajtjen e rrjetit, në datën 28 shkurt gjatë intervalit kohor 10:00-13:00 do të kryhen punime në NST Shkozet. Pa energji do të mbeten këto zona në Durrës. Pjesërisht: Rruga "Azis Shkupi", Fllakë Shijak, Arapaj, Rrashbull, rruga "Ibrahim Kodra", ish- këneta, Rruga e Dibrës.

Foto ilustruese

FIER- Erërat e forta kanë shkaktuar probleme me energjinë elektrike në qytetin e Fierit dhe disa zona përreth. Në njoftimin e bërë nga Operatori i Shpërndarjes, energjia elektrike është ndërprerë që në orët para të mëngjesit, ndërsa shtohet se po punohet për përmirësimin e situatës. Deri më tani raportohet se shkak i ndërprerjes së dritave është bërë moti i keq. 

Foto ilustruese

DURRËS- Moti i keq këput litarët e tragetit që do nisej drejt Anconas. Trageti 'Af Claudia', i cili pritej të nisej drejt Ankones për shkak të kohës së keqe në Durrës ka pësuar një aksident dhe është përplasur me bankinën e portit. 

Ka qenë edhe vetë Kapiteneria e Durrësit, ajo që e konfirmoi këputjen e litarëve nga era e fortë. E menjëherë pas ngjarjes, për të ndaluar dëmtimin e tragetit ka shkuar në ndihmë rimorkiatori i portit. 

Në momentin e ngjarjes, fatmirësisht nuk ka pasur pasagjerë brenda në traget.