Rikthehet moti i keq në vend/ Shiu sjell rrëshqitje gurësh dhe përmbytje, dhjetëra fshatra në juglindje pa energji

Moti keq në Elbasan

ELBASAN- Dy makina janë përplasur si pasojë e një aksidenti në aksin Elbasan-Librazhd si pasojë e rreshjeve të dendura dhe rrëshkitjes së gurëve. Era dhe stuhia e fortë ka rrëzuar një masë inenertesh në një pjesë të madhe të aksit. Disa makina janë dëmtuar në rënia e dherave dhe në aksin Librazh Përrenjas. Sipas raportimeve bëhet e ditur aksi Elbasan-Përrenjas është vështirësuar për qarkullimin e automjeteve dhe për shkak të vërshimit të ujërave në rrugë.

Moti i keq në Shqipëri ka pushtuar sot vendin, ku në disa qarqe ka vështirësi në lëvizje, ndërprerje të energjisë dhe dëmtim të banesave.

pamje nga korça

KORÇË- Moti i keq ka përfshirë disa qytete të vendit ditën e sotme. Pas reshjeve të dendura të shiut, rrugët e Korçës janë përmbytur nga uji.

Rruga kryesore në bulevardin Gjergj Kastrioti, parku “Rinia”, por edhe rrugicat e qytetit janë nën pushtetin e ujit. Reshjet e shiut kanë zgjatur për dy orë, por për 30 minuta shiu ka qenë më intensiv shoqëruar herë pas here dhe me breshër.

Prej motit të keq shumë fshatra në juglindje të vendit janë pa energji elektrike. Aktualisht po punohet nga grupet në terren për t’u kthyer në normalizim situata me energjinë elektrike.

Foto nga rruga e Arbrit

DIBËR-Moti i keq ka krijuar probleme në qarkullimin e automjeteve dhe në qarkun e Dibrës. Në rrugën e Arbrit, në aksin e Murrizit, Xibit dhe Bulqizë-Maqellarë janë shfaqur vështirësi. Rënia e gurëve në këto zona si pasojë e reshjeve të dendura ka krijuar rrezik për aksidente.

Reshjet e shiut në afërsi të urës së Çerenecit kanë shkaktuar herë pas here rënien gurëve të mëdhenj në rrugë, ndërsa vetë ura është e mbushur me ujë. Shkak mësohet se është bërë bllokimi i kanaleve anësore të rrugës dhe shkarkuesve mbi urë. Po ashtu, rënie gurësh dhe vështirësi qarkullimi ka pasur edhe në aksin tjetër nacional Burrel-Skuraj, kryesisht në segmentin e Shkopetit.

Foto ilustruese

KORÇË- 40 fshatra në juglindje të vendit nga mëngjesi sotëm janë pa energji elekrike si pasojë e shiut dhe erës së fortë. Kushtet atmosferike kanë krijuar një situatë të vështirë për zonat rreth Korçës, Maliqit, Devollit dhe Kolonjës.

17 fshatra në njësinë administrative Gore të Bashkisës Maliq dhe 3 fshatra në njësinë Moglicë janë prej tre ditësh pa energji elektrike. Si pasojë e stuhisë është ndërprerë energjia edhe 17 fshatra të tjerë në njësitë Propotisht dhe Pojan. E njëjta situatë paraqitet prej disa orësh fdhe në fshatra të tjerë të bashkisë së Korçës të cilët marrin furnizim nga i njëjti fidër. 

Pa energji elektrike janë edhe fshatra të bashkive Devoll e Kolonjë, kryesisht të Devollit të Sipërm por dhe ato të fushës. Burime bëjnë të ditur se ka pasur edhe stakime nga ana e operatorit të shpërndarjes për shkak të shkarkimeve atmosferike të shumta në këto zona. Specialistët e OSSHE ka ndërhyrë në operatorin e shpërndarjes për zonat përkatëse dhe janë duke punuar për normalizimin e situatës.