Revolucion në krye të PD, largohet Noka nga Kryesia, Këshilli Kombëtar do drejtohet nga Julia Emiri
Këshilli Kombëtar/ Zbardhet lista, kush janë emrat që do të votohen për anëtarë të Kryesisë s&...
Këshilli Kombëtar/ Zbardhet lista, kush janë emrat që do të votohen për anëtarë të Kryesisë s&...
Dita e 32-të e protestës qytetare në vend/ Pensionisti: Duhet t’i kontrollojmë pasurinë politikanëve 1 Kor...
Berisha: Rezoluta e PPE i jep mbështetje të fuqishme protestës rinore qytetare në Tiranë 1 Korrik, 13:58 ...
“Algoritmi nuk e urren demokracinë, thjesht nuk e di çfarë është"/ Rama: Shqipëria u kthye në laborat...
• Protesta e sotme përpara Kuvendit e nisur në mënyrë paqësore ka përfunduar me arrestimin e disa prej protestuesve, mes tyre dhe Dritan Goxhajn. • Teksa dhjetëra qytetarë janë mbledhur në orët e para të mëngjesit para Kuvendit, protesta ka agravuar në përdorimin e dhunës nga ana e Policisë dhe Forcave të Ndërhyrjes së Shpejt. • Situata është agravuar në momentin kur një grup protestuesish, në një përpjekje për të shprehur pakënaqësinë e tyre ndaj institucionit, kanë marrë një kosh mbeturinash dhe kanë tentuar ta fusin atë brenda hyrjes kryesore të Kuvendit. • Qytetarët kishin marrë vezë me vetë dhe me to kanë qëlluar makinat e deputetëve, duke i quajtur ata 'hajdutë'. • Në momentin kur deputetët kanë lëvizur me makinat e tyre jashtë Parlamentit, qytetarët kanë qëlluar me vezë makinat dhe kanë bllokuar rrugët. • Në këto momente kanë ndërhyrë trupat e FNSH-së të pajisura me skafandra dhe mjete të tjera mbrojtëse e sulmuese. • Trupat e FNSH-së janë rreshtuar në perimetrin e sigurisë për të mbrojtur institucionin dhe për të garantuar hyrjen e deputetëve në seancë. • Gjatë këtij momenti kanë ndodhur disa përplasje me protestuesit, të cilët më pas janë arrestuar në mënyrë të dhunshme dhe janë tërhequr zvarrë duke shoqëruar në Komisariat. • Pas përplasjeve fizike dhe përdorimit të mjeteve piroteknike para Parlamentit, protestuesit janë shpërndarë duke marshuar drejt Drejtorisë Vendore të Policisë.
25 artikuj për këtë temë.
TIRANË- Gjashtë protestuesit e arrestuar janë liruar nga Policia pas tensioneve të regjistruara gjatë protestës së zhvilluar sot përpara Kuvendit. Mes të liruarve janë Dritan Goxhaj dhe Shkëlzen Bushi dhe katër persona tjetër të cilët ishin shoqëruar pas përplasjeve mes protestuesve dhe forcave të policisë.
Pas lirimit të gjashtë protestuesve, qytetarët e mbledhur para policisë kanë brohoritur njëzëri: Ne nuk dorëzohemi./Dosja.al
TIRANË- Aktivisti dhe aktori Shkëlzen Bushi ka folur pasi u lirua nga policia. Duke folur për mediat, ai theksoi se populli shqiptar tani nuk duhet të bëjë mbrapsht, por të vijojë protestat.
"Arsyen as vetë nuk e dinë. Thjesht kanë parë videot, kush e ka bërë atë veprim. Thjeshta kam qenë duke ndarë policinë nga protestuesit. Ne kemi bërë gardh dhe u kemi dalë me shpinë për të mbrojtur policinë. Këto dinë me tërheq zvarrë. Nuk kemi asnjë lloj ankese. Njëri më shtrëngoi dorën. I thashë vij vete nuk është nevoja të më shtrëngosh prangat. Një nga shefat thoshte shtrëngoje prangat sikur jam kriminel. I kemi me video. Populli shqiptar nuk duhet me bërë mbrapsht. Sikurse më bën mua mund të bëjnë edhe ndaj një femre në moshë," tha Shkëlzen Bushi./Dosja.al
TIRANË- Avokati i Popullit, Endri Shabani ishte në komisariatin ku u shoqëruan gjashtë aktivistët, të cilët po protestonin para Kuvendit. Pas daljes nga ambienti i komisariatit, Shabani është përballur me protestuesit të cilët i kanë bërë pyetjen: "Ku keni qenë këto 30 ditë?".
Në lidhje me këtë, Shabani tha për 30 ditë kanë qenë aty, ndërsa shtoi se ende nuk është caktuar statusi që janë ndaluar.
Me tej ai tha se nuk mund ti nxjerr ai protestuesit, pasi nuk është drejtori i policisë apo ministri i brendshëm. Avokati i Popullit deklaroi se ka nisur një hetim për sjelljen e Policisë së Shtetit.
Protestuesi: 30 ditë nuk vini me na pa aty.
Shabani: 30 ditë kemi qenë aty. Unë jam këtu si avokati i Popullit. Kam ardhur vetë, mund të kishte ardhur stafi.Shkova dhe u interesive për të drejtat e tyre. Kërkesat që kishin ishte që nuk lejohej avokati. Nuk është caktuar statusi që janë ndaluar.
Protestues: Arsyeja e ndalimit? Pse nuk tregojnë arsyet e shoqërimit? Kupton se nuk po bën detyrën. Statausi jepet që kur ndalohet. Rri aty.
Shabani: Ça kërkesash keni?
Protestues: Të dalin urgjentisht!
Shabani: Unë nuk mund t’i nxjerr. Ligji e ka që merret statusi i pandehur i garantohet e drejta. Janë shoqëruar prej incidentit të ndodhur atje. Unë nuk jam drejtori i policisë, ministri i brendshëm. Këto pyetje drejtoje ministrit. Ne kemi nisur një hetim për sjelljen e policisë së shtetit. Para së të vinim këtu ishim aty. Jemi shumë të shqetësuar për videot që kemi parë. Sjellje proporcionale e policisë. Kush e ka dhënë vendimiun? Si është bërë ndërhyrja, e drejta [për të protestuar nuk kufizohet. Videot janë shqetësuese./Dosja.al
TIRANË- Njëri prej protestuesve të liruar nga Komisariat 1, pas shoqërimit ditën e sotme për shkak të incidenteve të ndodhura te parlamenti u shpreh se gjatë incidentit ka qenë në resht të parë për të mos lejuar asnjë provokim ndaj policisë së shtetit. Duke folur për mediat, ai theksoi se argumentin e shoqërimit në komisariat nuk e ka marrë ende.
"Argumentin nuk e kemi marrë akoma. Desha të bëj me dije opinionin publik se kemi qenë prej fillimit duk mbrojtur policinë prej çdo provokimit. Policia është shtresa më e keqpërdour në 36 vjet. Do vazhdojmë protestën paqësore. Çdo provokim nuk është pjesë e jona. Ju e dini mirë se kemi qenë në reshtin e parë që të mos ketë provokim," tha protestuesi./Dosja.al
TIRANË- Dritan Goxhaj pak minuta pas lirimit nga Policia ka deklaruar se këtë të fundit ushtruan dhunë në momentin e shoqërimit të protestuesve para parlamentit por nuk ka pasur dhunë gjatë dërgimit në Komisariatin nr. 1. Duke folur për mediat, Goxhaj tha se nuk ka pasur akuza por vetëm procedim për kundërshtim të punonjësve të policisë. Ai ka theksuar se Avokati i Popullit shkoi për t’i takuar, por ata nuk e pranuan, pasi sipas tyre është votuar nga Parlamenti i krimit.
“Avokatin e Popullit Endri Shabani nuk e pranuam ta takonim dhe kërkuam largimin e tij nga qelia jonë menjëherë Të shoqëruarit e tjerë janë në procedurat e fundit. Nuk ka procedim ka vetëm një dyshim hetim për kundërshtim të punonjësit të policisë, nuk ka akuzë. Nuk ka të ndaluar por ka të shoqëruar. Një nga djemtë që ka qenë kur ka përdorur policia sprajt i ka rënë pak spraj në sy i kanë rënë dhe syzet dhe ka pësuar dëmtim të vogël. Nuk është shoqëruar dhunë gjatë shoqërimit në polici por vetëm atje para parlamentit ka pasur dhunë, në momentin që janë shoqëruar, për të thënë të vërtetën dhe të jemi të ndershëm. Dëmtim tjetër këtu nga të shoqëruarit nuk ka. Ne protestojmë për të thënë të vërtetën, por nuk ka pasur dhunë tjetër”, tha Goxhaj./Dosja.al
TIRANË- Protestuesit kanë nisur marshimin e tyre nga Drejtoria e Policisë Tiranë drejt Komisariatit Nr.1, nën thirrjet “Arrestoni Ramën”. Ata kanë bllokuar qarkullimin e automjeteve në shenjë proteste, ndërsa veprimi i tyre është përshëndetur edhe nga drejtuesit e automjeteve.
Më herët avokati i tyre Gentian Serjani deklaroi nuk është lejuar të takohet me klientët e tij. Ai u shpreh se deri më tani policia nuk ka ngritur akoma një akuzë për ta, sepse nuk ka asnjë shkelje ligjore./Dosja.al
TIRANË- Protestuesit e arrestuar janë dërguar tashmë në Komisariati i Policisë Nr.1, ndërsa avokati i tyre Gentian Serjani nuk është lejuar të takohet me klientët e tij.
Ai ka deklaruar se deri më tani policia nuk ka ngritur akoma një akuzë për ta, sepse nuk ka asnjë shkelje ligjore. Më tej ai shtoi se janë lejuar vetëm Avokati i Popullit dhe deputetët.
Gentian Serjani: Gjashtë të shoqëruarit janë tek Komisariati Nr.1. Deri tani policia nuk ka ngritur akoma një akuzë për ta sepse nuk ka asnjë shkelje ligjore. As ne avokatët nuk po na lënë t’i takojmë të shoqëruarit e protestës. Nuk ka ende një justifikim për arsyen, janë lejuar vetëm Avokati i Popullit dhe deputetët. Do të qëndrojmë këtu sepse po mbahen në mënyrë të padrejtë./Dosja.al
TIRANË- Janë publikuar pamjet e dhunshme nga arrestimi i protestuesve ditën e sotme para Kuvendit. Në video dëshmohen momentet e tensionit, teksa efektivët e policisë përdorin forcë fizike për të arrestuar personat që po protestonin kundër zhvillimeve të fundit politike, ku mes tyre figura aktive të protestës, si Dritan Goxhaj dhe Shkëlzen Bushi.
View this post on Instagram
Përplasjet nisën pasditen e sotme, kur protestuesit ka hedhur vezë dhe ujë drejt automjeteve të deputetëve të parlamentit./Dosja.al
TIRANË- Pas përplasjeve fizike dhe përdorimit të mjeteve piroteknike para Parlamentit, protestuesit janë shpërndarë duke marshuar drejt Drejtorisë Vendore të Policisë.
Gjatë incidenteve, forcat e rendit kanë kryer disa arrestime të personave të përfshirë në trazira.
Bëhet me dije se, qytetarët e tjerë vijojnë marshimin, ndërsa të ndaluarit janë transportuar drejt ambienteve të policisë./Dosja.al
TIRANË- Protesta e zhvilluar sot para godinës së Parlamentit është shoqëruar me tensione të larta, ku efektivët e policisë kanë arrestuar disa persona.
Gjatë operacionit të forcave të rendit, janë shoqëruar disa nga personat më aktivë të tubimit, mes tyre edhe Dritan Goxhaj, i cili njihet si një nga organizatorët kryesorë të protestës.
Bashkë me të, policia ka vënë në pranga edhe Shkëlzen Bushin, një tjetër figurë aktive dhe e pranishme në aksionet e protestuesve./Dosja.al
TIRANË- Momente tensioni janë shënuar pasditen e sotme përpara godinës së Kuvendit të Shqipërisë.
Teksa po dilte nga ambientet e Kuvendit, deputetja e Partisë Socialiste, Zamira Sinaj, është sulmuar me vezë nga protestuesit.
Ndërsa forcat e policisë që ndodheshin në vendngjarje kanë ndërhyrë për të shmangur përshkallëzimin e situatës dhe për të siguruar largimin e deputetes nga zona./Dosja.al
TIRANË- Situata para Parlamentit është tensionuar ndjeshëm gjatë minutave të fundit. Pas incidentit ku u qëllua me vezë automjeti i zv/kryeministres Albana Koçiu, një tjetër makinë e qeverisë është bërë shënjestër e protestuesve.
Bëhet fjalë për automjetin e ministrit të Kulturës, Blendi Gonxhja, i cili është pritur me reagime të ashpra në momentin e daljes nga ambientet e Kuvendit.
Në pamjet e mëposhtme, duket qartë momenti kur protestuesit e revoltuar gjuajnë në drejtim të mjetit me shishe uji dhe vezë, ndërsa makina përpiqet të largohet nga zona nën presionin e turmës./Dosja.al
TIRANË– Në mes të tensionit të lartë dhe revoltës qytetare para Parlamentit, një gjest prekës ka tërhequr vëmendjen.
Pavarësisht temperaturave ekstreme dhe të rrezikshme për shëndetin, qytetarët kanë gjetur kohën për të shfaqur solidaritet edhe ndaj efektivëve të policisë që janë angazhuar në ruajtjen e rendit.
Protestuesit kanë ndarë ujin me efektivët, të cilët ndodhen prej orësh në vijën e parë të shërbimit në kushte të vështira atmosferike./Dosja.al
TIRANË- Trupa të FNSH-së, të pajisura me skafandra dhe mjete të tjera mbrojtëse e sulmuese, janë rreshtuar në perimetrin e sigurisë për të mbrojtur institucionin dhe për të garantuar hyrjen e deputetëve në seancë.
Ndërkohë, në ambientet e jashtme të institucionit, revolta qytetare ka qenë e fortë. Protestuesit kanë shprehur hapur pakënaqësinë e tyre përmes thirrjeve të njëpasnjëshme si “Rama dorëhiqu”, “Parlament i krimit”./Dosja.al
TIRANË- Protesta qytetare, e organizuar në Tiranë, është vendosur sot përballë Parlamentit teksa vazhdon të paraqitet e tensionuar. Burimet bëjnë me dije se qytetarët kanë bllokuar 3 dyer të Parlamentit duke rrethuar kështu godinën e seancave.
Së bashku me to është bllokuar nga turma edhe hyrja kryesore, gjë që ka detyruar forcat policore të përplasen me turmën e protestuesve për të liruar hapësirën. Protesta ditën e sotme ka nisur rreth orës 10:00 dhe ishte nismë e paralajmëruar nga dita e djeshme./Dosja.al
TIRANË- Tensionet janë përshkallëzuar para godinës së Parlamentit, pasi automjeti i zv.kryeministres Koçiu u godit me vezë nga protestuesit.
Forcat e policisë kanë ndërhyrë menjëherë për të hapur rrugën, por kanë hasur rezistencë nga protestuesit.
Me qëllim kalimin e automjeteve të deputetëve për në seancën plenare, efektivëve të policisë u janë bashkuar edhe forcat FNSH./Dosja.al
TIRANË- Protesta para Kuvendit është agravuar ditën e sotme, teksa aty pranë ka kaluar zv.kryeministrja Albana Koçiu. Mësohet se protestuesit i kanë bllokuar rrugën makinës së Koçiut, ndërkohë që policia ka shkuar te protestuesit duke i shtyrë.
Teksa policia ka mundur që të hap rrugën makinës së Koçiut, qytetarët e kanë qëlluar atë më vezë nga mbrapa. Më herët, qytetarët kanë qëlluar me vezë dhe makinat e deputetëve që janë parkuar pranë Parlamentit./Dosja.al
TIRANË- Një incident i tensionuar ka ndodhur jashtë Parlamentit të Shqipërisë ku deputeti i Partisë Socialiste, Tërmet Peçi, është përballur me reagime të ashpra nga qytetarët.
Pas daljes së tij nga seanca plenare, një grup protestuesish e kanë ndjekur deputetin socialist në këmbë, duke i drejtuar akuza të drejtpërdrejta si 'hajdut' dhe 'analfabet'.
Ata kanë vazhduar ndjekjen për një distancë nga dalja e godinës së Parlamentit e deri në stacionin e Unazës, në afërsi të selisë së Partisë Demokratike. Pavarësisht akuzave, deputeti Peçi ka zgjedhur të mos reagojë, duke vazhduar rrugën i qetë deri në destinacionin e tij./Dosja.al
TIRANË- Protesta e qytetarëve para Kuvendit është tensionuar, pasi qytetarët kanë qëlluar me vezë makinat e deputetëve. Mësohet se qytetarët kanë marrë vezë me vete dhe i kanë hedhur ato në drejtim të makinave të deputetëve që ndodheshin të parkuara në Kuvend.
Mësohet se makinat që janë qëlluar me vezë janë të depuetëtëve të PS-së Tërmet Peçi si dhe të Petrit Malajt./Dosja.al
TIRANË– Ndërkohë që brenda sallës së Kuvendit po zhvillohen punimet e seancës plenare, qytetarë dhe studentë janë mbledhur në shenjë proteste.
Grupi i studentëve protestues ka kërkuar trajtim të barabartë, duke u vënë 'gjoba' automjeteve të parkuara.
Me anë të këtij gjesti, ata kërkojnë ndërprerjen e procedimeve ndaj të rinjve që ushtrojnë të drejtën e protestës.
“Jemi kundër dy standardeve. Nuk duhet të procedohen studentët, ndërsa makinat bllokojnë rrugët e Tiranës, bllokojnë trafikun. Jemi në protestë dhe i kemi të qartë kërkesa. Gjoba deputetëve dhe mos procedoni studentët”, shprehen ata./Dosja.al
TIRANË– Momente tensioni janë regjistruar ditën e sotme gjatë protestës që po zhvillohet para godinës së Kuvendit të Shqipërisë.
Situata është acaruar në momentin kur një grup protestuesish, në një përpjekje për të shprehur pakënaqësinë e tyre ndaj institucionit, kanë marrë një kosh mbeturinash dhe kanë tentuar ta fusin atë brenda hyrjes kryesore të Kuvendit.
“Këtu e keni vendin”, ishin disa prej thirrjeve nga protestuesit, si dhe “Parlamenti në kosh!”./Dosja.al
TIRANË- Protesta antiqeveritare që mbahet në Tiranë, ditën e sotme është zhvendosur në ambjentet perballë godinës së Kuvendit, në të cilën ndodhen edhe deputetët në seancë plenare.
Protestuesit janë shfaqur të tensionur teksa kanë qëlluar me vezë në drejtim të Parlamentit, ndërkohë që presin deputetët të dalin nga godina. Tubimi i sotëm ka qënë një thirrje e ditës së djeshme gjatë marshimit drejt kryeministrisë.
''Nesër në orën 10:00 para Parlamentit, bashkohuni me ne”, është thënë dje./Dosja.al
TIRANË- Protesta qytetare antiqeveritare ka shënuar sot ditën e saj të 31-të. Protestruesit mblidhen përpara godinës së kuvendit në formë revolte për rrëzimin e klasës politike.
Mësohet se, teksa deputetët po hynin në ambientet e godinës për të vazhduar me seancën plenarë janë etiketuar nga protestuesit si persona të shitur. Tubimi është paralajmëruar ditën e djeshme gjatë marshimit drejt kryeministrisë, ndërsa protestuesin vazhdojnë me thirrjen e tyre "Rama jepe dorëheqjen", "Ju erdhi fundi", "Rama në burg, Berisha në burg"./Dosja.al
TIRANË- Protestuesit janë mbledhur që në orët e para të mëngjesit para godinës së Kuvendit, ku pritet të nisë seanca plenare në orën 10:00.
Mësohet se, deputetët e Partisë Socialiste kanë mbërritur në Kuvend 30 minuta përpara nisjes së seancës për shkak të situatës.
Ndëekohë, jashtë godinës po dëgjohen thirrje të vazhdueshme për dorëheqjen e Kryeministrit Rama./Dosja.al
TIRANË- Nën sloganin “Ndryshimi fillon me ne, është koha të zgjohemi”, është njoftuar për ditën e sotme një protestë para godinës së Parlamentit. Tubimi pritet të nisë në orën 10:00, ku përkon me zhvillimin e seancës plenare.
Lëvizja është njoftuar mbrëmjen e djeshme nga organizatorët e protestave të përnatshme, të cilët vijojnë të kërkojnë dorëheqjen e kryeministrit Edi Rama.
Ndërkohë, krahas tubimit të paradites, organizatorët kanë konfirmuar vijimin e protestave të zakonshme edhe në orën 19:00. Mijëra qytetarë pritet të mblidhen sërish në sheshin “Skënderbej”, për të marshuar më pas drejt godinës së Kryeministrisë./Dosja.al
