"E konsiderojë këtë protestë një mesazh të rëndësishëm për mua dhe qeverinë time"/ Rama nga Gjermania: Shqipëria u kthye në laborator të algoritimit me revolucionin e flamingove

Edi Rama

GJERMANI- Kryeministri Edi Rama ka reaguar mbi protestat e fundit në Tiranë, duke i cilësuar ato si një sinjal të rëndësishëm për të, ndërsa u shpreh i angazhuar për të dëgjuar shqetësimet e qytetarëve.

Gjatë pjesëmarrjes në Forumin Europian të Inovacionit dhe Sipërmarrjes në Düsseldorf, kreu i qeverisë theksoi se përpjekja e tij nuk është përqendruar te numërimi i pjesëmarrësve, por te përçimi i mesazheve që vijnë nga bulevardi.

Rama ngriti gjithashtu alarmin mbi rolin e teknologjisë, duke argumentuar se protesta është manipuluar dhe masivizuar përmes rrjeteve sociale. 

“Si kryeministër, e konsiderojë këtë protestë një mesazh të rëndësishëm për mua dhe qeverinë time. Po përpiqem ta kuptoj këtë mesazh me shumë kujdes, jo duke numëruar njerëzit në rrugë, por duke u përpjekur të dëgjojë shqetësimet e njerëzve. Në të njëjtin bulevard ku protestojnë flamingot, kishim njerëz që u vranë, protestues që humbën jetët, jo shumë kohë më parë.

Ajo që dua të them është se pas protestës, (së flamingove) u shndërrua në arenën e aktorëve dashakeq. Miliona njerëz që nuk kishin vënë as këmbën në Shqipëri u ndikuan nga algoritmi, u shtrembërua realiteti përmes optimizimit. Algoritmi nuk ka nevojë që të shtypë përmes një policie sekrete, ai thjesht mbyt gjithçka tjetër përveç indinjatës” u shpreh Rama./Dosja.al

Edi Rama

GJERMANI- Kryeministri Edi Rama tha ditën e sotme se algoritmi nuk e urren demokracinë, thjesht nuk e di çfarë është. Gjatë fjalës së tij në Forumin Evropian të Inovacionit dhe Sipërmarrjes “Ruhr Summit”, Rama u shpreh se Shqipëria u kthye në laborator të kësaj gjëje me revolucionin e flamingove.

Ai tha se protesta online ishte një demonstrim më i madh, ku miliona njerëz që nuk kishin vënë këmbë në Shqipëri përjetuan algoritmin. Më tej, Rama u shpreh se vendi ka kaluar një periudhë kur protestat ishin të rrezikshme dhe ku në të njëjtin bulevard kishte njerëz që u vranë. Në fund, ai tha se shtrembërimi dhe zëvendësimi i realitetit është më i rrezikshëm. 

Edi Rama: Algoritmi nuk ka etikë profesionale, nuk ka një angazhim për të sjellë të dhëna, ka një objektiv. Indinjata thuajse ka rezultate më të mira se nuanca, dikush që thyen një piano tërheq më shumë vëmendje sesa një pjesë nga Mozarti. Në rastin e parë salla është plot, në rastin e dytë thuajse është bosh. Frika është më e shpejtë sesa të dhënat. Siguria udhëton më larg se e vërteta. Konspiracioni është më shumë sesa arsyetim, sepse qeniet racionale marrin gjithnjë e më shumë vendime.

Algoritmi nuk e urren demokracinë, thjesht nuk e di çfarë është. Vendi ynë u kthye në laborator të kësaj gjëje, revolucioni i flamingos. Është një mesazh për mua dhe qeverinë dhe po përpiqemi të dëgjojmë me shumë kujdes këtë mesazh, jo duke numëruar njerëzit në rrugë apo hashtagët, por duke u përpjekur të kuptojmë shqetësimet.

Çdo konkluzion që kemi arritur, në fakt nuk mund të themi që ka arritur te një gjë e vlefshme, sepse ka pjesë në transformimin demokratik. Ne erdhëm në një periudhë kur protestat ishin të rrezikshme, në të njëjtin bulevard kishim njerëz që u vranë jo shumë kohë më parë.

Por dua të them se pas gjithë kësaj të mire erdhi e keqja. Modeli i biznesit të protestës hyri në modifikimin algoritmik dhe u shndërrua në arenën e aktorëve dashakeq. Çdo zë u kthye në angazhim. Konteksti u zhduk, kompleksiteti u zhduk dhe protesta online ishte një demonstrim më i madh dhe miliona njerëz që nuk kishin vënë këmbë në Shqipëri përjetuan algoritmin.

Shtrembërimi dhe zëvendësimi i realitetit është më i rrezikshëm. Demokracitë janë duke dëmtuar veten, sepse demokracitë e mëdha, ku nuk ka dyshim që ka demokraci në veprim, ende nuk kanë gjetur kurajon për të bërë dallimin mes lirisë së fjalës dhe shpërndarjes./Dosja.al

Edi Rama

GJERMANI- Kryeministri Edi Rama ka folur për zhvillimin e inteligjencës artificiale në vend. Gjatë fjalës së tij në Forumin Evropian të Inovacionit dhe Sipërmarrjes “Ruhr Summit”, ai tha se vendi i dha një zë kësaj inteligjence, duke emëruar në rol kabineti Diellën.

Rama u shpreh se demokracia nuk mund t’i jepet një algoritmi, pasi përgjegjësia është njerëzore. Por inteligjenca artificiale i bën vendimet e pandershme dhe shumë më të vështira për t’u fshehur. Lideri i qeverisë tha me batutë se është e vështirë t’i japësh ryshfet një serveri, ndaj bëri Diellën pjesë të qeverisë.

“Arritja më e madhe e këtij hapi të parë, nuk ishte leverdia. Është jashtë mase e vështirë t’i japësh ryshfet një serveri. Ndryshon se kush zotëron pushtet brenda pushtetit. Pse jo inteligjenca vetë mos të bëhej pjesë e qeverisë. I dhamë një zë kësaj inteligjence, Diella, e emëruam në rol kabineti. Prokurori publik, çdo qeveri duhet të blejë ilaçe, të bëjë rrugë, i thamë vetes, çdo ndodhte nëse inteligjenca do bëhej partner. Ka diçka që dua ta theksoj. Demokracia nuk mund t’i jepet një algoritmi, përgjegjësia është njerëzore. Inteligjenca artificiale i bën vendimet e pandershme, shumë më të vështira për t’u fshehur. Po shndërrohet në realitet administrativ. Askund ky transformim nuk është me kaq ndikim. Anëtarësimi është negociatë politike, por gjithkush që e ka kaluar këtë fazë, e ka kuptuar që është procesi më kërkues administrativqë ka kërkuar njerëzimi. Më shumë se 100 mijë faqe dokumentacion”, theksoi ai./Dosja.al

Edi Rama

GJERMANI- Kryeministri i vendit, Edi Rama po merr pjesë në Forumin Evropian të Inovacionit dhe Sipërmarrjes “Ruhr Summit”, i cili po zhvillohet në Gjermani. Gjatë fjalës së tij, ai tha se Shqipëria ka sot më shumë se 1000 shërbime publike digjitale.

Në lidhje me këtë ai shtoi se qytetarët nuk kanë nevojë të shkojnë askund, pasi përmes një klikimi në arrijnë të marrin shërbimet e nevojshme. Kryeministi tha se pas rënies së diktarurës dhe hyrjes në demokraci, vendi trashëgoi një burokraci të ndërtuar më shumë për kontroll. Ndaj, për këtë arsye sipas tij vendi u qeveria u detyrua të rishpik marrëdhënien mes qytetarit dhe shtetit.

Edi Rama: Gjatë gjithë historisë, pushteti ishte diçka që mund të matej, ishte nafta, qymyrguri, anijet dhe ushtritë që ruanin kufijtë. Pushteti ishte i rëndë dhe i rrallë dhe akumulohej. Vendet e vogla jetonin në gravitet dhe vendet e mëdha e garantonin.

Inteligjenca nuk ndodhet në male, nuk u përket atyre që kanë lindur në minerale. Për herë të parë, lënda e parë ishte dija dhe aftësia për të zbuluar. Bollëku rishpërndan pushtetin, epoka e inteligjencës shpërblen imagjinatën. Ky është revolucioni i heshtur që shpaloset në çdo titull.

Jam përfaqësues i një prej laboratorëve të vegjël në botë. Kur liria erdhi në Shqipëri, trashëguam demokraci, por edhe burokraci të ndërtuar më shumë për kontroll. Çdo zyrë kishte një zyrë tjetër, çdo rregull kërkonte një zyrë tjetër. Pushteti për të marrë vendim, çdo vulë ishte një sportel i vogël dhe çdo radhë kujtonte se pushteti i takonte dikujt tjetër.

Sfida përpara nesh ishte të rikonceptonim pushtetin. Korrupsioni është dështim arkitekturor, lulëzon kudo, jeton aty ku qytetarët u duhet t’i kërkojnë dikujt tjetër diçka.

Bëmë një zgjedhje: të rishpiknim marrëdhënien mes qytetarit dhe shtetit, tullë pas tulle, dhe sot Shqipëria ka më shumë se 1000 shërbime publike plotësisht digjitale. Qytetarët nuk kanë nevojë të shkojnë askund dhe thjesht kanë nevojë të klikojnë në dritaren e tyre. Po kështu edhe shenjat e gishtave dhe shërbime të tjera./Dosja.al