6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Prokuroria e Posaçme ka vendosur masën sigurie për gazetarët e kronikës Artan Hoxha dhe Elton Qyno. • Dosja.al mëson se ndaj Hoxhës dhe Qynos është vendosur masa e sigurisë detyrim paraqitje. • Bëhet me dije se për Hoxhën rëndon akuza si 'anëtar i organizatës kriminale', ndërkohë që për Qynon akuza e korrupsionit. • Ky operacion i SPAK është drejtuar nga prokurori Vladimir Mara. • Pritet që SPAK të nxjerr së shpejti njoftimin zyrtar me akuzat që rëndojnë për Hoxhën dhe Qynon.
5 artikuj për këtë temë.
TIRANË- Prokuroria e Posaçme Antikorrupsion, SPAK ka dalë me një njoftim zyrtar në lidhje me megaoperacionin e zhvilluar këtë të hënë, 25 nëntor. SPAK në njoftim bën me dije se janë caktuar masa sigurie për 21 persona. Sipas njoftimit mes tyre ka persona përfshirë si anëtarë të organizatës kriminale, një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë.
Më tej theksohet se 18 persona u është caktuar masa e arrestit me burg mes të cilëve në burg janë lënë një ish-gjyqtar dhe një zyrtar i lartë i policisë shtetit. Ndërsa arrest në shtëpi është lënë një avokat. Dy gazetarët Artan Hoxha dhe Elton Qyno janë lënë në masën detyrim paraqitje.
Në reagim theksohet se operacioni për ekzekutimin e masave të sigurisë i cili po mbështetet nga Europol dhe agjencitë e tjera ligjzbatuese shqiptare dhe evropiane është në vijim. Gjithashtu në njoftim nuk janë përmendur emra.
Njoftimi:
Në kuadër te hetimit të një organizate kriminale me shtrirje ndërkombëtare, me kërkesë të Prokurorisë se Posaçme, Gjykata e Posaçme e Shkalles së Parë për Korrupsionin dhe Krimin e Organizuar ka caktuar masat e sigurisë për 21 persona, ku përfshihen anëtarët e organizatës kriminale, një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë.
Masat e caktuara të sigurisë janë si më poshtë:
Arrest me burg - 18 persona (përfshire ish gjyqtarin dhe zyrtarin e lartë të policisë së shtetit);
Arrest në shtëpi - 1 avokat;
Detyrim paraqitje në policinë gjyqësore - 2 gazetarë.
Operacioni për ekzekutimin e masave të sigurisë i cili po mbështetet nga Europol dhe agjencitë e tjera ligjzbatuese shqiptare dhe evropiane, është në vijim. Me qëllim ruajtjen e integritetit të këtij operacioni, Prokuroria e Posaçme do të publikojë më shumë të dhëna rreth këtij hetimi ditën e nesërme.
TIRANË- Gazetarët e kronikës Artan Hoxha dhe Elton Qyno janë paraqitur ditën e sotme në Prokurorinë e Posaçme. Pas lajmeve se ndaj tyre SPAK ka vendosur masë sigurie, Hoxha e Qyno janë paraqitur në SPAK.
Siç shihet dhe në fotot e kapura nga LSA, gazetarët pa u shoqëruar nga njeri kanë shkuar në ambientet e Prokurorisë.
TIRANË- Kreu i Partisë Demokratike Sali Berisha ka reaguar për masat e dhëna nga SPAK për dy gazetarët, Elton Qyno dhe Artan Hoxha. Berisha gjithashtu kërkon heqjen e menjëhershme të masave ndaj gazetarit Qyno. Gjithashtu Lideri i opozitës u shpreh se rrëmbimi i tij nga Altin Dumani është një nga ngjarjet më dramatike në historinë e Shqipërisë. Më tej ai shtoi se grabitja e telefonave të tij për të shpëtuar Edi Ramën nga dokumente që e kompromentojnë atë në mënyrën më serioze, përbëjnë një akt kriminal të vërtetë në mbrojtje të Edi Ramës.
"Së fundmi, nuk mund ta mbyll këtë ekspoze para jush pa dënuar me forcën më të madhe vendosjen e masave kufizuese ndaj gazetarit guximtar Elton Qyno, i cili në një shërbim të madh ndaj vendit ka demaskuar me guximin më të madh lidhjet e Edi Ramës me krimin. Rrëmbimi i tij nga Altin Dumani është një nga ngjarjet më dramatike në historinë e Shqipërisë. Grabitja e telefonave të tij për të shpëtuar Edi Ramën nga dokumente që e kompromentojnë atë në mënyrën më serioze, duke filluar nga udhëtimi i tij në Aruba tek dhuratat gjysmë milionë euro, etj, etj, përbëjnë një akt kriminal të vërtetë në mbrojtje të Edi Ramës.
Kërkoj heqjen e menjëhershme të masave ndaj gazetarit Elton Qyno. Sikundër i shpreh atij solidaritetin tim më të plotë dhe të PD. Ata që vendosën këto masa, ata kërkojnë të mbyllin kanalet e transparencës së medieve. Vendosja e masave njëkohësisht ndaj Elton Qynos, gazetarit guximtar dhe trim, me Artan Hoxhën, anëtar i damkosur i bandës së Bajrit të partisë, i paguar nga bandat, por i mbrojtur nga Altin Dumani, gjer së fundmi u detyrua të vendosë një masë arresti shtëpie, ndërkohë që informoi publikun se dokumente zyrtare faktojnë se Artan Hoxha ka shkelmuar detyrën e gazetarit dhe është bërë anëtar aktiv, i paguar i bandës Bajri-Gjoka të partisë. Nuk kanë asnjë lidhje këta dy gazetarë me njëri-tjetrin, lidhja qëndron në poshtërsinë e Altin Dumanit, që kërkon t’i paraqesë të inkriminuar së bashku," tha Berisha.
TIRANË- Masa e sigurisë ndaj dy gazetarëve të kronikës Artan Hoxha dhe Elton Qyno ka tronditur vendin ditën e sotme. Dosja.al, mëson se dy gazetarët akuzohen nga Prokuroria e Posaçme si anëtar i organizatës kriminal dhe për korrupsion.
Ndërkohë që pritet që SPAK të nxjerr së shpejti njoftimin zyrtar me akuzat që rëndojnë për Hoxhën dhe Qynon. Dosja.al, ka tentuar që të kontaktojë me gazetarët për të marrë versionin e tyre të ngjarjes.
TIRANË- Prokuroria e Posaçme ka lëshuar sot dy urdhër-arreste për gazetarët e kronikës Artan Hoxha dhe Elton Qyno. Dosja.al, mëson se Hoxha është lënë në masën e sigurisë arrest shtëpie, ndërkohë që për Qynon është vendosur masa detyrim paraqitje.
Bëhet me dije se për Hoxhën rëndon akuza si 'anëtar i organizatës kriminale', ndërkohë që për Qynon akuza e korrupsionit. Ky operacion i SPAK është drejtuar nga prokurori Vladimir Mara.
