Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Ditën e sotme në orën 16:30 është mbajtur një protestë nga opozita përpara Kuvendit të Shqipërisë. • Protesta u zhvillua me thirrjen e opozitës dhe Kreut të Partisë Demokratike Sali Berisha. • Në kuafdër të kësaj proteste policia u mobilizua dhe rrethoi Parlamentin me mbi 400 efektivë nga Policia e Tiranës dhe Forcat e Sigurisë Kombëtare (FNSH). • Po ashtu edhe autobotë me ujë u ndodhën në pjesën e pasme të parlamentit. • Protesta e opozitës erdhi pas një seri tubimesh pas vendosjes në “arrest shtëpie” të kreut të PD-së, Sali Berisha. • Deputetët e opozitës pretendojnë se u janë mohuar të drejtat në Parlament duke përjashtuar disa prej tyre. • Pas përplasjes së deputetëve të opozitës në parlament Kreu i Grupit Parlamentar Gazmend Bardhi bashkë me deputetë të tjerë i është bashkuar protestës së thirrur nga Berisha. • Gjatë protestës morën fjalë deputetë afër Berishës nga Flamur Noka, Tritan Shehu etj dhe një pjesë të madhe të fjalimeve u mbajtën nga deputetët të cilët u bashkuan në aksion opozitar nga kreu i grupit Gazment Bardhi. • Salianji, Sula dhe Korreshi bën thirrje për ta shtuar revoltën kundra qeverisë, e cila sipas tyre me intervistën e dhënë nga ai ka thelluar edhe më tepër skandalin. • Noka në fjalën e tij bëri thirrje për të mbrojtur përfaqësimin në parlament dhe e përfundoi fjalën e tij, që ishte dhe fjala e fundit e protestës duke u bërë thirrje protestuesve të bashkohen në protestën pranë banesës së liderit të opozitës Sali Berisha. • Në protestë u bashkua dhe Bardhi, i cili në fund të saj u shpreh për gazetarët se tani për opozitën është vetëm një qëllim, “largimi i regjimit të Edi Ramës”.
13 artikuj për këtë temë.
TIRANË-Deputeti demokrat, Tritan Shehu është shprehur se ata që thonë se PD-ja nuk është e bashkuar, ata nuk e duan këtë forcë politike.
Gjatë fjalës së tij në protestën e opozitës, Shehu thotë se duan që t’i izolojnë ashtu siç kanë bërë sipas tij me ish-kryeministrin Sali Berisha, për të cilin thotë se do të shkojnë ta përshëndesin në atë që e quajnë “rruga e shpresës”.
Tritan Sheu: Të gjithë jemi bashkë. Kush thotë se PD-ja nuk është e bashkuar ata që nuk e duan Partinë Demokratike. Ju jeni Partia Demokratike, anëtarët, simpatizantët, votuesit, ju jeni PD-ja . Kështu të bashkuar do të luftojmë për demokracinë në Shqipëri, për lirinë, për vlerat, për të drejtat e qytetarëve. Ata kërkojnë të na izolojnë siç kanë izoluar liderin tonë, kryetarin e PD-së, Sali Berishën dhe ne këtu jemi. Sali Berisha fizikisht nuk është me, por ne do të shkojmë tek ai ta përshëndesim atë tek “rruga e shpresës”.
TIRANË- Deputeti i Partisë Demokratike, Flamur Noka i është bashkuar protestës së sotme para Kuvendit ku ka mbajtur edhe një fjalim para mbështetësve. Nika u shpreh se dita e sotme është e rëndësishme, pasi të gjithë demokratët janë të bashkuar.
Noka më tej theksoi se nga sot kryeministri, Edi Rama nuk do ta bëjë gjumin i qetë, pasi ky bashkim i demokratëve i ka kallur datën.
“Ky bashkimi jonë i ka kallur datën Edi Ramës. Sot ai nuk do ta bëjë gjumin i qetë. Ai mesazhin e mori që në fillim që bashkimi i demokratëve nuk ka regjim që i bën ballë, sepse bashkimi i njerëzve të lirë nuk i bëri ballë as Enver Hoxha dhe nuk mund ti bëjë Edi Rama. I tmerruar sot ai bashke me kukullën e tij urdhëroi bllokimin e parlamentit. Urdhëroi që mos lejoheshin deputetët e opozitës. Po ku ka Lind të Parlamentit, apo Edi Rama që mund të ndalojë vullnetin tuaj apo energjinë tuaj, ku ka Edi Rama që mund t’ju bëjë ballë të gjithë njerëzve të lirë.
Sot është një ditë e shënuar në aksionin tonë opozitar. Ne sot jemi për ti thënë cdo shqiptari, cohu, sepse sot është dita. O sot o kurrë. I themi cdo socialisti bashkohu sepse beteja jonë nuk është për ne, por për kushtetutën. Beteja jonë është për pluralizmin ndaj bashkohu me ne, beteja jonë është për demokracinë ndaj bashkohu. Beteja jonë është për një drejtësi të pavarur dhe jo për një drejtësi që përdoret hanxhar në duart e Ramës për të burgosur opozitën”, u shpreh Noka.
TIRANË-Bardhi i bashkohet protestës së Berishës të rruga e shtëpisë së tij
TIRANË- Nënkryetari i Partisë së Lirisë, Petrit Vasili ka marrë pjesë në portestën e opozitës ndërsa ka mbajtur një fjalim para para protestuesve. Gjatë fjalës së tij Vasili u shpreh se Rama është një frikacak dhe që fshihet pas fustanit të ministreve.
“Kemi një kryeministër që hyn dhe del nga vrimat. Një frikacak të mbaruar. Keni një kryeministër që fshihet pas fustaneve të ministreve dhe këmbaleve të Gardës. Kur kemi një frikacak, të mbaruar është turp për ne që të mos e rrëzojmë këtë pis pisi që ka rrëmbyer dhe vjedh vendin ditë përditë.
Asnjë hap mbrapa ndaj këtij frikacaku. Do ta shikoni do ikë me vrap. Vendosmëria jonë nuk duhet të ndryshojë. Kemi fuqinë dhe të drejtën me vetë, kurse hajduta trima nuk ka pasur kurrë”, tha Vasili.
TIRANË- Deputeti i opozitës, Ervin Salianji është bërë pjësë e protestës para Kuvendit ku ka mbajtur edhe një fjalim para mbështetësve të PD-së. Gjatë fjalës së tij Salianji u shpreh se Ahmetaj zbuloi se kryeministri, Edi Rama është kreu i bandës mafioze. Ai më tej shtoi se Rama u detyrua të bllokojë opozitën për të hyrë në sallë për shkak se ai nuk kishte çfarë thoshte pasi akuzave të Ahmetajt.
“E patë se si sot Edi Rama u detyrua të bllokojë deputetët e opozitës për të hyrë në sallë sepse nuk kishte çfarë thoshte kur Arben Ahmetaj tha se kreu i bandës mafioze në vend është Edi Rama. E dëgjuat me zë e figurë se si numri 2 i qeverisë tha se ne kemi vjedhur dhe pasi vjedhim zihemi me njëri-tjetrin”, tha ai.
TIRANË-Saimir Korreshi deputeti i Partisë Demokratike ka marrë fjalën gjatë protestës së opozitës ditën e sotme. Deputetë dhe demokratë, të pranishëm në protestën e cila po zhvillohet para Parlamentit kanë akuzuar qeverinë Rama se po vjedh Shqipërinë.
Me thirrjet “Rama ik”, ata kanë ftuar të gjithë shqiptarët nga jugu në veri që t’i bashkohen protestës.
Korreshi: Vëllezër dhe motra, faleminderit për pjesëmarrjen por në këtë drejtim duhet të ishin ata surrat haletë. Më falni por nuk kam më.. plehra, hajdutë…E kanë kthyer në kosh plehrash këtë shtet. O sot o kurrë këtij vendi duhet t’i kthehet demokracia. Ky vend po shkon drejt greminës. Nuk jetohet më në këtë vend. O sot o kurrë këtij Parlamenti duhet t’i kthehet demokracia.
TIRANË- Deputetja demokrate Lindita Metaliaj janë shprehur se, Rama kërkon të marrë peng vendin. Duke folur në protestën qytetare Metaliaj tha se nuk do të lejojnë që të merret peng demokracia dhe vota e lirë. Metaliaj ka theksuar se ata nuk do të ndalen deri në largimin e Ramës nga pushteti.
‘Ju jemi realisht mirënjohës për qëndresën tuaj, sakrificën tuaj. Kjo është PD-ja, jeni ju njerëzit e lirë, ju qëndrestarët. Edi Rama na ka mbyllur dyert e parlamentit. Ai është parlament i krimit. Ai institucion nuk mund të quhet më parlament. Duhej të ishte tempulli i demokracisë dhe i fjalës së lirë, por sot është shndërruar në noter të aferave kriminale të Edi Ramës. Edi Rama është tradhtar i kombit, i shqiptarëve. Ne nuk bëjmë hap pas. O sot o kurrë. Edi Rama me prokurorinë politike ka arrestuar Sali Berishën, liderin, kryetarin tonë ndaj ne nuk do të ndalemi deri në largimin e tij’, tha Metaliaj.
TIRANË- Deputetët e grupimit të Gazment Bardhit i janë bashkuar protestave të thirrura para Kuvendit. Dashnor Sula gjithashtu iu bashkua mbështetësve të PD-së ku mbajti edhe një fjalë para qytetarëve. Gjatë fjalës së tij Sula u shpreh se ata mund të humbasin beteja por nuk mund të humbin luftën. Ai më tej shtoi se kjo është e vetmja rrugë për të vendosur demokraci.
“Shikoni çfarë i bënë sot deputetëve të opozitës. E kanë rrethuar me qindra policë dhe gardistë dhe kjo është e tmerrshme. Kjo është një sjellje prej diktature. I bëj thirrje qytetarëve shqiptarë që të protestojnë për të drejtat e opozitës dhe të drejtave të tyre.
Mund të humbasim disa beteja por luftën nuk do ta humbim kurrë. Është e vetmja rrugë për të vendosur demokracinë. Ky vend ka rrëshqitur në autokraci. I bëj thirrje popullit opozitar që të protestojë çdo ditë, çdo javë dhe çdo muaj," tha Sula.
TIRANË- Kreu i Grupit Parlamentar Gazment Bardhi i është bashkuar protestës së opozitës ditën e sotme. Pas deklaratës për mediat, Bardhi theksoi se ai është i gatshëm që t'i bashkohët çdo proteste kundër regjimit autoritar të Ramës.
“Nuk ndodh në një vend të NATO-s që deputetët të shqyhen nga këmisha dhe kostumi për të hyrë në Parlament. Kjo shpjegohet vetëm në regjimin e Ramës. As garda e Republikës dhe as Policia nuk e ndal opozitën nga përballja dhe aksioni përballë regjimit të Edi Ramës. Patjetër që i bashkohem çdo proteste kundër regjimit autoritar të Edi Ramës”, tha Bardhi.
TIRANË- Protesta e opozitës është përshkallëzuar ditën e sotme para Kuvendit. Qytetarët kanë agravuar protestën e tyre, për shkak se garda nuk ka lejuar që deputetët e opozitës të futen në Kuvend.
Protestuesit jashtë sallës kanë hedhur kapsolle dhe tymuese ndaj forcave të policisë, ndërkohë që efektivët e FNSH kanë qëndruar në gatishmëri.
TIRANË-Qindra demokratë janë mbledhur përpara Kuvendit Shqipërisë për të nisur protestën e tyre kundra qeverisë. Protesta është thirrur nga Partia Demokratike dhe Kreu i saj Sali Berisha si një reagim ndaj mos përgjigjes për Komisionet e Hetimore dhe Reformën Zgjedhore.
Nga ana tjetër deputetët e opozitës janë duke u përplasur me Gardën e Republikës.
TIRANË- Një numër i konsiderueshëm mbështetësish të Partisë Demokratike ka ardhur ditën e sotme në kryeqytet për tju bashkuar protestës së thirrur përpara Kuvendit. Në pamje shihen makina dhe mbështetës me flamur që brohorasin duke bërë thirrije për prezencën në protestë. Kryetari i Partisë Demokratike Sali Berisha ka publikuar pamjet në Facebookun e tij.
“Vërshim masiv drejt Tiranës për protestën para Parlamentit Rama- Linda! Nderim! Nderim, luftëtarëve të betejës pa kthim”, shkruan Beriusha në Facebook.
TIRANË- Ditën e sotme në orën 16:30 do të mbahet një protestë nga opozita përpara ambienteve të Parlamentit. Ndërkohë Policia ka marrë masa për protestën që pritet të mbahet ndërsa po zhvillhet seanca plenare.
Disa furgona policie dhe makina ujëhedhëse janë vendosur në ambientet para Parlamentit për të bërë të mundur parandalimin e çdo përshkallëzimi. Mbi 400 efektivë janë mobilizuar për të qenë të pranishëm për protestën ndërsa mbështetësit e opozitës janë nisur nga qytete të ndryshmë për tiu bashkuar PD-së.
