Prokuroria akuzon Policët për vdekjen e Lear Kurtit: Viktima kishte prani kokaine në trup. Berisha: U vra nga xhelatët e droguar

TIRANË- Prokuroria e Tiranës ka shpërndarë një deklaratë për mediat, ku bëhej me dije se kishin nisur një procedim penal për vdekjen e Lear Kurtit. Në njoftimin zyrtar shkruhej se sipas Prokurorisë, veprat penale për të cilat do të gjykohen efektivët e Policisë së Shtetit, parashikohen në nenet 250 dhe 290 të Kodit Penal.

Konkretisht, neni 250 lexon se: Kryerja e veprimeve ose dhënia e urdhrave arbitrare, nga ana e punonjësit që kryen një funksion shtetëror ose një shërbim publik gjatë ushtrimit të detyrës së tij, të cilat prekin lirinë e shtetasve, dënohet me gjobë ose me burgim gjer në shtatë vjet.

Ndërsa neni 290: Shkelja e rregullave të qarkullimit rrugor, kur ka shkaktuar vdekjen, plagosjen e rëndë të një
personi ose plagosjen e lehtë të disa personave, dënohet me gjobë ose me burgim gjer në dhjetë vjet.
Kur nga vepra penale është shkaktuar vdekja ose plagosja e rëndë e disa personave, dënohet me
burgim jo më pak se pesë vjet.

Ç'lidhje ka aksidenti rrugor me vdekjen e Learit? Dosja.al mëson se bëhet fjalë për një lapsus. E gjitha bëhet fjalë për nenin 97 'Mosdhënie ndihme'. 

3 ditë më parë Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Ai u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij. /Dosja.al

Lear Kurti

TIRANË- Dëshmitë e policëve që shoqëruan Lear Kurtin në spital, tregojnë itinerarin e asaj që ndodhi mbrëmjen e të mërkurës së shkuar në 19 tetor, ku për fat të keq i riu humbi jetën në rrethana të paqarta.

Njëri prej tyre që ishte mes të parëve që e mbërritën 32-vjeçarin, thotë se kur e ulën në një stol dhe polici e pyeti se përse iku me vrap, i dyshuari u përgjigj: “Ika se kisha një boçe hashash”.

Por kjo dëshmi e të ndjerit, duket se ishte thjesht tymnajë për t’i çorientuar ata.

Në fakt, nga dëshmia e policëve që ishin në shërbim atë natë, ata kontrolluan me elektrik dore të gjithë rrugën, por ndërkohë të dyshuarin e lanë me kolegët e tyre që sakaq ishin njoftuar në radio për një person të gjatë që po u largohej shërbimeve. 

Brenda, kur ai shfaqi konvulsionet dhe të dridhurat, që një polic në komisariat i kujton si të dridhura që nuk ndaleshin, policët të papërgatitur fillimisht dyshuan për epilepsi, ndaj njëri prej tyre bazuar në dijeninë që kishte për këtë sëmundje, i kishte lënë në dorë një shkop hekuri të ndjerit.

Një agjente e komisariatit, shpjegon gjithashtu se si policët kërkonin ndihmë, por çdo gjë sipas tyre ndodhi shumë shpejt.

Por polici që ishte shofer dhe që e transportoi të ndjerin drejt Traumës, sipas burimeve shumë të sigurta të Gazetasi.al, thotë në dëshminë e tij për këto hetime se si të gjithë për minuta të tëra bënë maksimumin t’i jepnin ndihmë dhe vrapuan me shpejtësi për në spital, pasi ambulanca po vonohej. Largimi ndodhi me dy mjete.

“Më tha shefi futu mbrapa dhe mbaji kokën në prehër. Ashtu bëra. Kolegut tim i thashë jepi ndonjë gjë hekuri në duar se duhet të jetë me epilepsi. Ndërsa gjatë rrugës mjetit të policisë iu ça goma më duket, por ne kemi vazhduar  në drejtim të spitalit pa ndaluar. Kur arritëm e kapëm bashkë me mjekët e spitalit për krahësh dhe e hipëm në barrelën e tyre që ishte me rrota dhe e morën mjekët”, - kujton polici, i cili teksa priste me ankth, pak më vonë u njoftua se shtetasi kishte ndërruar jetë.

30-vjeçari S.N., kujton se si duke thirrur për ndihmë e duke pritur autoambulancën, u përpoq t’i hapte gojën Learit.

Ishin ato pak çaste që i çorientuan të gjithë dhe teksa i shoqëruari përpëlitej, asnjë prej tyre nuk po e kuptonte nëse i dyshuari ishte epileptik apo çfarë po ndodhte. Këtë e thonë të gjithë.

“Kërkuam me anë të radios ndihmë për një ambulancë. Ambulanca nuk po vinte dhe unë mora përsëri sallën operative për të njoftuar ambulancën. Më duket se salla më ka thënë  që është nisur në drejtimin tuaj. Ndërkohë kolegët e nxorën nga automjeti shtetasin dhe e futën në korridor. Aty ai u shtri përtokë. Kolegët të gjithë së bashku u munduam t’i jepnim ndihmë, duke i hapur gojën që mos të kalonte gjuhën poshtë. Pasi ambulanca nuk po vinte  dhe personi nuk po përmirësohej vendosëm që ta fusnim në makinë të policisë dhe ta dërgonim  në spitalin e Traumës, mbasi ai ishte më I afërti”.

Polici që ka dhënë dëshminë, sipas burimeve ekskluzive, pranë Agjencisë së mbikëqyrjes, është njëri ndër 10 policë që dhanë dëshminë  e tyre dje që u pyetën nga inspektorë të ndryshëm të AMP-së.

“E kemi futur Lear Kurtin në makinë me drejtues policin M.G., dhe  polic A.T., A.K., dhe E.S., ndërsa unë dhe një polic tjetër i ndoqëm me makinën e policisë, derisa në spital e mori personeli mjekësor”, iu thotë inspektorëve të AMP polici.

Polici kujton se i riu kur pa policinë nisi lëvizjet e dyshimta duke futur duart në xhepa.

Bëhet me dije për Gazetasi.al se inspektorët e AMP-së kanë kryer verifikime dhe në sallën operative për të kuptuar se çfarë u raportua në sallë prej policëve dhe nëse u kërkua apo jo ndërhyrje mjekësore.

“Kam dëgjuar në radio shërbimin 5… i cili kërkoi ndihmë. Pasi kam dëgjuar kërkesën për ndihmë kam komunikuar me komandanten dhe i thashë shërbimit 53/20, që të afrohej në ndihmë të shërbimit tjetër. Komunikova me policin D.H., nëse kishin shkuar efektivët e tjerë”.

Polici, i cili ndoqi veprimet e patrullës në radio kur ata ndërkohë po ndiqnin të dyshuarin që vrapoi dhe u largua prej tyre, kujton se çfarë ndodhi disa minuta më vonë.

“Në vijim të punës mbërriti ndihmës specialistja e informacionit që më tha se shef kanë sjellë një person, i cili ka probleme duket si i pirë apo i droguar”.

Polici i informacionit këmbëngul se zbriti me urgjencë, duke dalë jashtë ambienteve të komisariatit, ku dhe ka parë një person të shtrirë.

“Vura re që ky person kryente lëvizje që ishin si kontraktime, policët ishin pranë tij, duke i dhënë ndihmë, duke i dhënë ujë e duke i ruajtur kokën që të mos e përplaste. Ata po përpiqeshin t’i hapnin gojën me qëllim që t’i nxirrnin gjuhën”, mësohet të ketë deklaruar efektivi.

Kjo dëshmi e tij përputhet sipas inspektorëve që preferuan të flasin në anonimitet për Gazetasi.al me pamjet e sigurisë të komisariatit./Marre nga Gazeta SI

Lear Kurti

TIRANË- Zbardhen dëshmitë e efektivëve të Policisë së Shtetit që shoqëruan Lear Kurtin, i cili ndërroi jetë pak ditë më parë, ngjarje që ka shkaktuar trazira në vend. News24 zbardh dëshmitë e dhënë para hetuesve të efektivëve që shoqëruan mbrëmjen e 19 tetorit në komisariat Lear Kurtin, ku ky i fundit humbi jetën në rrethana të paqarta, e se AMP ka marrë në pyetje rreth 10 efektivë. Sipas tyre, Leari ka pasur probleme duke bërë lëvizje të dyshimta që ata mendonin se kishin që të bënin me epilepsi, madje dhe i kishin vendosur një shufër hekuri në duar.

“Rreth orës 23:07 bashkë me dy kolegët ishim në patrullim me makinë në rrugën “Riza Çuka” dhe në një moment konstatuam një të ri, i cili po ecte dhe kreu disa veprime të dyshimta. Në bazë të kësaj i kërkova verifikim. I kërkova mjet identifikimi, por ai nuk kishte. Më pas e pyeta nëse kishte sende të kundërligjshme me vete dhe më pas sa dola nga automjeti, i riu u largua me vrap. Pasi e ndoqa pas 2 minutash arrita ta ndaloj përballë një marketi. Pasi e ndalova, si unë ashtu edhe i riu u rrëzuam përtokë dhe në këtë moment u afruan edhe dy kolegët e mi. E ngritëm në këmbë të riun dhe kërkuam ndihmën e patrullave. E ulëm në trotuar dhe pamë që i riu kishte vështirësi në frymëmarrje. Menjëherë kontaktova me drejtorinë vendore dhe kërkova një autoambulancë dhe që i riu të ndjehej më mirë e futëm në makinë, jo në makinën që kisha në shërbim, por në makinën tjetër. Filloi të ndihej më mirë dhe i thamë të qetësohej, ndërkohë që aty erdhën patrullat me kod 20 dhe 22. Në këtë moment kolegu tjetër i vendosi prangat dhe më pas u kthyem për të kontrolluar rrugën nëse kishte hedhur apo jo sende të kundërligjshme, por nuk gjetëm, kurse patrulla tjetër e dërgoi të riun në komisariat.”, thuhet në një nga dëshmitë.

Më pas vijon dëshmia e efektivit tjetër që thotë: “I riu fërkonte gjoksin dhe ulte kokën poshtë. Kur arritëm në komisariat i riu u kap te sedilja e makinës dhe nuk donte që të dilte, më pas e nxorëm nga makina me vështirësi dhe sapo doli prej aty filloi të dridhej, të shtrëngonte dhëmbët dhe bënte lëvizje të pakontrolluara. Menjëherë tentuam t’i jepnim ndihmë duke u munduar t’i hapnim gojën dhe i mbajtëm kokën mbrapa që të mos godiste pllakat, pasi po bënte lëvizje të pakontrolluara, i vendosëm një shkop hekuri në dorë pasi menduam për shenja epilepsie. Kolegët e mi njoftuan autoambulancën dhe duke parë gjendjen e tij, e futëm në automjet policie dhe e dërguam në spitalin e traumës pasi ambulanca po vonohej”.

Nga dëshmia e efektivëve disa momente kyçe:

-Efektivi deklaron se kur e ndaloi te riun u rrëzuan në tokë të dy. Filloi të ndjehej keq dhe qe ta ndihmonin e futen makinë për të qëndruar ulur. Deklaratë kontradiktore me AMP që tha se i riu u ndje keq në komisariat.

-Në komisariat u dërgua nga patrulla tjetër dhe jo nga patrulla që e ndaloi.

-I riu është mbajtur me forcë te sedilja e makinës dhe nuk donte të dilte dhe ta fusnin në komisariat.

-Në dëshmi efektivët thonë që ambulanca u vonua dhe prandaj e dërguan vetë në spital, ndërsa ka versione thonë që ambulanca shkoi në komisariatin nr.3

-Në deklaratë AMP thotë u ndje keq në komisariat, ndërsa efektivë kanë dëshmuar që, që në vendin që u ndalua u ndje keq dhe i merrej fryma.

3 ditë më parë Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Ai u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij. /Dosja.al

Anaid Kaloti, Lear Kurti

TIRANË- Anaid Kaloti, ish-banori i Big Brother ka folur në lidhje me vdekjen e Lear Kurtit, i cili ndërroi jetë në duart e efektivëve të policisë mbrëmje ne 19 tetorit. Në një lidhje me Skype në ‘Shqipëria Live”, Kaloti tha se Kurti është dhunuar në furgon nga policia dhe se gjithçka ka marrë fund në komisariatin nr.3 të Policisë së Tiranës, duke mbështetur vesrionin e mikut të 32-vjeçarit, i cili dha dëshmi një natë më parë në emisionin ‘Piranjat’. Kaloti u shpreh se e Kurti, në foton që shihet i shtrirë në spitalin e Traumës, është i vdekur. Përsa i përket sëmundjes së epilepsisë, Kaloti u shpreh se mund të jetë e vërtetë dhe se nëna e 32-vjeçarit mund të mos jetë në dijeni pasi ai vetë nëse e ka zbuluar dy javët e fundit, siç thonë shokët, nuk ua ka rrëfyer prindërve.

Intervista:

Prej sa kohësh njiheni?

Më shumë se 10 vite

Kur ka qenë komunikimi i fundit?

Dy ditë para se të ndërronte jetë

Jeni takuar apo keni komunikuar me telefon?

Kemi folur në “Instagram”, aty kemi bisedën e fundit

Çfarë mund të thuash për deklaratat e Policisë? Ke komunikuar me familjen apo mikun që ka qenë me të?

Kam komunikuar me familjarët, kam qenë në ceremoninë mortore. Kam qenë prezent edhe kur erdhi arkivoli. Nuk janë lënë ti afrohet morgut, ka qenë i rrethuar nga policia.

Leari ishte djalë i mrekullueshëm. I thoshte gjërat shumë troç ashtu siç i vinte në mendje. Përveç i sinqertë, fliste për probleme sociale. Ka qenë i dënuar më përpara, ka vuajtur në burg.

Nëna e tij ka thënë që Leari i kishte thënë “nëse do më gjente gjë, nga ata do më vijë”. Për policinë e kishte?

E thoshte shpesh. Natyra pak revolucionare e bënte të kishte përballje me forcat e policisë. Dhe aty ku jetonte kishte shpesh kontrolle. Ai ishte tipi që dilte përpara policëve dhe u  thoshte ‘ça doni këtu, na njihni’.

Unë kam marrë kontakt me këtë djalin që ka qenë me të, ai kishte gjithë natën pa gjumë. Djali pohon se kanë qenë 3 policë që e kanë keqtrajtuar.

Në atë gjendje që është ai dhe 15 metra larg Traumës, nuk marrin me e dërguar në spital por e nisin për në Komisariat. Aty nuk i mbajnë këmbët. Nuk e dimë nëse ka gëlltitur lëndë narkotike, por do e tregojë ekspertiza.

Ai është keqtrajtuar në furgon dhe ka ndërruar jetë në komisariat. Ka zbritur nga furgoni duke u dridhur.

Unë lexova në internet dhe hulumtove se çfarë ndodh kur konsumon sasi lënde narkotike.

Ka një mospërputhje me deklaratën e nënës dhe shokut të Learit. Nëna thotë se nuk ka qenë me epilepsi, ndërsa shoku tregon se e ka zbuluar 2 javë më parë.

Për ta sqaruar, Lear nëse është diagnostikuar me epilepsi nuk do ia thoshte nënës menjëherë. Do e mbante për vete derisa ta vërtetonte dhe më pas do u tregonte. Mbase është e vërtetë, mbase jo.

E kanë konfirmuar që është Lear në foton e publikuar?

Rrobat janë të tij, unë e njoh dhe është ai. Të njëjtat rroba kanë ardhur nga morgu, janë ato. E njoh që është ai.

Rrëfimi i Kalotit vjen 3 ditë pasi Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Ai u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij. /Dosja.al

Ilir Meta

TIRANË- Kryetari i Partisë së Lirisë, Ilir Meta ka hedhur akuza të forta ndaj Policisë së Shtetit dhe qeverisë në lidhje me vdekjen e 32-vjeçarit, Lear Kurti. Meta u shpreh se sot Policia nuk është më një institucion që mbron qytetarët por që i vret ata. Kreu i PL-së ngriti një sërë pyetjesh sa i përket vdekjës së të riut. Meta tha se përse Policia dhe Spitali ka deklarata kontradiktore dhe se përse nuk janë administruar pamjet e filmuara nga kamerat e sigurisë në vendin e ngjarjës, Sipas tij po bëhen përpjekje që e vërteta të mos dalë.

"Po tentohet të fshihet e vërteta, ndërsa është ende shumë e fresket në kujtesën e të gjithë shqiptarëve, vrasja makabër e Klodian Rashës dhe mashtrimi i policisë së Ramës dhe Ministrisë së Brendshme. E mbushur me patronazhistë, të frymëzuar dhe të mbështetur politikisht nga arroganca e kryeministrit dhe sjellja dhe qëndrimet e njëjta me të dhe të Ministrit të Brendshëm, policia sot nuk shihet më si një institucion që mbron jetën dhe sigurinë e qytetarëve, por si kërcënim kriminal për ta. Mbi bazën e disa fakteve publike ulëritëse, që rëndojnë edhe më shumë paligjshmërinë ku është zhytur policia e Ramës, natyrshëm shtrohen disa pyetje", tha Meta.

Meta ka bërë thirrje për shkarkimin e ministrit të Bredshëm Bledi Çuçi, kryeministrit Rama dhe vënien nën hetim të drejtorit të Agjensisë së Mbikqyrjes Policore, Ardi Veliu duke akuzon si përgjegjës të asaj që ndodhi pasi sipas Metës ky është një krim shtetëror i përsëritur.

"Kjo situatë kriminale që ka mbështetës dhe frymëzues personalisht Edi Ramën ka vetëm një zgjidhje: Largimin e menjëhershëm të Ramës, Ministrit të Brendshëm Çuçi si përgjegjësit kryesorë të krimit shtetëror të përsëritur. Të procedohet Ard Veliu manipulues i disa ngjarjeve shumë të rënda kriminale të policisë së Ramës. Prokuroria duhet të zbardhë tërësisht ngjarjen, jashtë ccdo ndërhyrjeje dhe presioni qeveritar dhe policor. Avokati i Popullit duhet të bëjë sa më parë transparencën e gjithë kësaj ngjarjeje kriminale me pasoja tragjike. Koha nuk pret për të parandaluar vrasje të tjera të qytetarëve nga policia e patronazhistëve të Edi Ramës që atij i duhet vetëm për të vjedhur votat dhe për të dhunuar qytetarët e Shqipërisë. Koha nuk pret për të parandaluar fatkeqësi dhe tragjedi të tjera për familjet shqiptare dhe tronditje të tjera për të gjithë opinionin shoqëror në vendin tonë", shtoi Meta.

FJALA E PLOTË E METËS:

Rastin tronditës të humbjes së jetës së Lear Kurtit, qeveria dhe policia e Ramës po përpiqet ta trajtojë si një ngjarje të zakonshme për të mbuluar një krim flagrant shtetëror.
Po tentohet të fshihet e vërteta, ndërsa është ende shumë e fresket në kujtesën e të gjithë shqiptarëve, vrasja makabër e Klodian Rashës dhe mashtrimi i policisë së Ramës dhe Ministrisë së Brendshme. E mbushur me patronazhistë, të frymëzuar dhe të mbështetur politikisht nga arroganca e kryeministrit dhe sjellja dhe qëndrimet e njëjta me të dhe të Ministrit të Brendshëm, policia sot nuk shihet më si një institucion që mbron jetën dhe sigurinë e qytetarëve, por si kërcënim kriminal për ta. Mbi bazën e disa fakteve publike ulëritëse, që rëndojnë edhe më shumë paligjshmërinë ku është zhytur policia e Ramës, natyrshëm shtrohen disa pyetje.
Cila është arsyeja që policia deklaroi që i riu vdiq në spital, ndërkohë që spitali konfirmoi se ka ardhur i vdekur? Cilët janë arsyet që autopsia u bë para kohës së detyruar me ligj, sepse autopsia është bërë 5 orë pas vdekjes dhe jo 12 orë sipas ligjit? Dhe u bë nga një ekspert i vetëm, ndërkohë që duhej të bëhej nga një grup ekspertësh? U përdor si argument që në trupin e të ndjerit u gjet një qese plastike me kokainë, ndërkohë që për arritjen e konkluzioneve, duhet patjetër të kompletohen të gjitha analizat toksikologjike, për të vërtetuar nëse substanca ishte vërtet kokainë dhe e dyta cila ishte niveli i saj në gjak? Duke qenë se vendngjarja ishte jo më larg se 100 metra nga spitali i Traumës, përse nuk u transportua direkt në spital për të marrë ndihmën mjekësore, por u dërgua direkt në komisariat. Si është e mundur dhe si ka mundësi që është lejuar që edhe në krevatin e spitalit, i shtruar, Lear Kurti ka qenë me pranga në duar?!

Disa pyetje A kanë pasur kamerat trupi punonjësit e policisë dhe çfarë evidentojnë ato? A kanë funksionuar kamerat në komisariat dhe çfarë evidentojnë ato? A ka pasur komunikim të patrullës me sallën operative dhe a është i regjistruar ky komunikim? Nëse është e vërtetë që i riu ka gëlltitur qesen, përse nuk u pritën analizat toksikologjike për të vërtetuar llojin e lëndës narkotike dhe sasinë e saj në gjak? Pse u ndryshua versioni nga sëmundje zemre në epilepsi e më pas te ‘gëlltitja e qeses’? A ka patur prezencë të përfaqesuesit ligjor të familjes gjatë autopsisë? A është marrë miratimi i familjes për kryerjen e autopsisë? A janë parë kamerat e zonës për veprimet e personit dhe të patrullës? Janë tronditëse dëshmitë e shokut të ngushtë, prezent në vendngjarje dhe nënës së tij, të cilat pasqyrojnë më së miri veprimet barbare dhe të dhunshme të policisë së Ramës. Ishte policia e Ramës që shkaktoi vetëvrasjen e 31-vjecarit Ilvi Meta në paraburgimin e Kavajës.
Ishte policia e Ramës ajo që vrau 27-vjeçarin Enea Ftoi, babain e tre fëmijëve në Komisariatin e Korçës.
Ishin policët e Ramës që i morën jetën vogëlushes Joniada Avdiaj në Himarë.
Është policia e Ramës që dhunon të rinjtë e të rejat në protesta të drejta dhe legjitime, i dhunojnë me policë të maskuar me xhupa dhe kapuç të zinj, që sillen si kriminelë dhe që nuk kursejnë as gazetarët me dhunën e tyre në prani të kamerave. Kjo situatë kriminale që ka mbështetës dhe frymëzues personalisht Edi Ramën ka vetëm një zgjidhje: Largimin e menjëhershëm të Ramës, Ministrit të Brendshëm Çuçi si përgjegjësit kryesorë të krimit shtetëror të përsëritur. Të procedohet Ard Veliu manipulues i disa ngjarjeve shumë të rënda kriminale të policisë së Ramës. Prokuroria duhet të zbardhë tërësisht ngjarjen, jashtë ccdo ndërhyrjeje dhe presioni qeveritar dhe policor. Avokati i Popullit duhet të bëjë sa më parë transparencën e gjithë kësaj ngjarjeje kriminale me pasoja tragjike. Koha nuk pret për të parandaluar vrasje të tjera të qytetarëve nga policia e patronazhistëve të Edi Ramës që atij i duhet vetëm për të vjedhur votat dhe për të dhunuar qytetarët e Shqipërisë. Koha nuk pret për të parandaluar fatkeqësi dhe tragjedi të tjera për familjet shqiptare dhe tronditje të tjera për të gjithë opinionin shoqëror në vendin tonë. Ndaj i bëj thirrje medias dhe shoqërisë civile të monitorojnë hetimin dhe njëkohësisht të ecim të gjithë së bashku në transparencë të plotë deri në ndëshkimin e autorëve të kësaj tragjedie që mban vetëm një emër policia patronazhiste e Edi Ramës.

Reagimi i Metës vjen 3 ditë pasi Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Lear Kurti u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij. 

Lear Kurti

TIRANE- Ashtu siç u raportua për 2 ditë në media ashtu po rezulton edhe zyrtarisht nga Prokuroria e Tiranës që ngre gishtin për të akuzuar policët që ndaluan dhe shoqëruan Lear Kurtin. Zyrtarisht, në deklaratën e sotme për mediat, Prokuroria njofton se i akuzon policët për "veprime arbitrare" dhe "mosdhënie ndihme". Ky deklarim i Prokurorisë bie ndesh me atë të Agjencisë së Mbikqyrjes Policore. AMP mohonte që policët të kishin shkelur ligjin duke deklaruar se "nuk ka veprime të kundraligjshme".

Çfarë deklaron prokuroria?

"Mbi bazën e referimit të Drejtorisë Rajonale të Agjencisë së Mbikëqyrjes Policore Tiranë, Prokuroria pranë Gjykatës Shkallës parë Tiranë ka regjistruar procedimin penal Nr.7671/2022 për veprën penale “kryerje e veprimeve arbitrare” dhe “Mosdhënia ndihmë”, parashikuar nga nenet 250 dhe 290 e K.Penal."-thotë Prokuroria. 

Çfarë deklaron AMP?

"Nga veprimet hetimore në vazhdim janë dhe këqyrja e kufomës në prani të stafit mjeko-ligjor, nga e cila nuk rezulton që në trupin e viktimës të ketë dëmtime apo shenja dhune. Në kyçe konstatohen shenjat e krijuara në momentin e prangosjes.
Nga autopsia e kryer në Institutin e Mjekësisë Ligjore, rezultoi se në stomakun e viktimës është gjetur një qese plastike e çarë me ngjyrë të bardhë me përmasa 5x5 cm, e dyshuar si ambalazh i lëndës narkotike, e cila i është nënshtruar ekzaminimit në Institutin e Policisë Shkencore. Gjithashtu nga Instituti i Mjekësisë Ligjore, vijojnë ekzaminimet për të përcaktuar shkakun e vdekjes. Nga analiza e kryer e provave të grumbulluara deri në këtë fazë të hetimeve, si pamje filmike, këqyrje dhe ekzaminime mjeko-ligjore, nuk evidentohen veprime të kundraligjshme të punonjësve të Policisë, gjatë dhe pas shoqërimit të shtetasit L.K., 32 vjeç."-deklaron AMP. 

Edhe pse jo direkt, akuza e prokurorisë për "veprime abritrare" implikon policët e komisariatit nr.3 direkt në një shoqërim të dhunshëm më e pakta ose dhunim të viktimës në anën tjetër. Pa përmendur faktin që viktima nuk u dërgua në spital por u mor dhe u sorrollat në komisariat e më pas në makinë dhe spital. Sot, historia mund të ishte ndryshe./Dosja.al

Sali Berisha

TIRANË- Kryetari i Partisë Demokratike Sali Berisha ka hedhur akuza të forta kundrejt Policisë së Shtetit e Agjencisë së Mbikqyrjes Policore që drejtohet nga Ardi Veliu për vdekjen e Lear Kurtit. Në një deklaratë për mediat, Berisha tha se Kurti është vrarë nga dhuna makabre e efektivëve të policisë, që sipas tij, punojnë nën ndikimin e lëndëve narkotike. Berisha, bazuar në dëshminë e shokut të Kurtit, të dhënë një natë më parë nga emisioni "Piranjat", thotë se tashmë nuk ka asnjë dyshim që Kurti është vrarë nga dhuna policore dhe është dërguar i vdekur në spital. Kryedemokrati thotë gjithashtu se nëse efektivët nuk do të kishin gisht në vdekjen e Kurtit, nuk do ta bënin autopsinë me nxitim dhe se do të bënin gjithçka për ta zbardhur këtë ngjarje të rëndë. 

Pjesë nga fjala e Berishës: 

Gazetarët kanë bërë investigime, kanë sjellë fakte dhe prova shterruese për mbytjen e Lear Kurtit, të riut 32-vjeçar, nga banditë me uniformë të droguar. ‘O noke, më mbytën’, ishte klithma para se të jepte shpirt, sipas dëshmitarit të pranishëm në vendngjarje dhe mikut të Lear Kurtit. Investigimet serioze të rrjeteve televizive hodhën poshtë si trillime të turpshme pretendimet e Edi Ramës dhe Çuçit të tij të familjes, hodhën poshtë trillimet, manipulimet dhe inskenimet e një krimineli me uniformë të pashoq në radhët e policisë shqiptare, Ardi Veliu, i cili për të mbrojtur padronët e tij si puthadorë, përdhosi dhe vrau për së dyti Lear Kurtin. Investigimet e rrjeteve televizive faktuan se mbi Lear Kurtin një bandë prej katër policësh, sigurisht prej tyre të droguar, u vërsulën në rrugë me një egërsi çnjerëzore. Këto filmime faktuan se Ardi Veliu, ky mashtrues i paskrupullt, gënjeu shqiptarët kur deklaroi se Lear Kurti po qëndronte para një objekti, për të krijuar përshtypjen se po përgatitej për një akt delikuent, në një kohë kur ai po ecte i vetmuar, nga kamerat, duke biseduar me mikun apo familjarët e tij. Një mashtrim i paskrupullt i policisë u hodh gjithashtu poshtë, se sipas tyre, patrulla prej dy policësh, e ndaloi atë. Pranë tij, në barbarinë që u ushtrua ndaj tij në rrugë, ishin të paktën katër, në mos më shumë policë e banditë me uniformë.
Të dhënat faktuan se trupi i tij kishte hematoma, ekspertë mjeko-ligjorë denoncuan kryerjen e autopsisë në kundërshtim me ligjin nga një bandë që donte të fshihte të vërtetën. Tashmë nuk ka asnjë dyshim se Lear Kurtit i morën shpirtin, xhelatë me uniformë. Pasi i morën shpirtin, e dërguan në spital. Pasi e dërguan në spital në kundërshtim flagrant, i bënë autopsinë pa asnjë konsent, pa asnjë prani të familjarëve apo avokatëve të tij. E bënë si bandë për të fshehur krimin e tyre të shëmtuar. Një akt i tillë ndodh vetëm në diktatura, kurrë në vende të lira. Nëse donin të zbardhnin të vërtetën për një 32-vjeçar që i morën shpirtin, këta kurrë nuk mund të shkelnin procedurën strikte të investigimit në raste të tilla të ngjashme, e cila kërkon të paktën 12 orë të lihet kufoma e të ndjerit, dhe pastaj të bëhet autopsia dhe kurrë me një ekspert të vetëm. Nën presionin e një banditi si Ardi Veliu. Por gjithmonë nga një gruop ekspertësh të betuar për të thënë të vërtetën. Të gjitha këto u bënë me urdhër të Edi Ramës dhe Bledi Çuçit. Me urdhrin e tyre, viktima u deklarua i dyshimtë dhe delinkuent. Me urdhrin e tyre, Ardi Veliu deklaroi se policia e çoi të gjallë në spital. Me urdhrin e tyre, u bë me urgjencë autopsia me urgjencë për të fshehtë të vërtetën. Me urdhrin e tyre u gjet qesja plastike me drogë në stomak. Me urdhrin e tyre u dha se vdiq nga overdoza. Pra, vrasësi për herë të dytë i Lear Kurtit është Edi Rama, Çcuci dhe kriminel i tyre Ardi Veliu. Ndaj ftoj qytetarët që të vazhdojnë protestat më gjithë forcën e tyre, në mënyrë që këto krime të mos përsëriten. Mos harroni se secili prej jush mund të jetë viktimë e këtyre banditëve të pakontrolluar, që kryejnë veprime të diktuara nga droga që marrin, dhe droga që shpërndajnë.

Deklarata e Berishës vjen 3 ditë pasi Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Ai u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij.

Lear Kurti

TIRANE- Avokati i Popullit ka nisur një hetim paralelisht me Prokurorinë dhe Agjencinë e Mbikqyrjes Policore për rastin e vdekjes së Lear Kurtit, 32 vjeç pas ndalimit dhe shoqërimit nga Policia e Shtetit. Në një deklaratë për mediat, AP njofton se pas njoftimit, AP ngriti një ekip pune që intervistoi poolicët e përfshirë në ngjarje si dhe bëri vërejtjen e dokumentacionit përkatës. Gjithashtu, AP konstaton se pamjet e shoqërimit dhe ato të biznesit janë marrë nga hetimi ndërsa shton se është duke kryer verifikime të thelluara për ngjarjen. 

DEKLARATA E PLOTE: 

AVOKATI I POPULLIT NIS HETIM NË LIDHJE ME VDEKJEN E QYTETARIT PAS SHOQËRIMIT NGA POLICIA E SHTETIT
Institucioni i Avokatit të Popullit është njohur nga raportimet në media në lidhje me vdekjen e një shtetasi 32 vjeçar pas ndalimit të tij nga Policia e Shtetit gjatë mbrëmjes së djeshme.
Sipas raportimeve, autoritetet kanë ndjekur mbrëmjen e djeshme rreth orës 23.00 qytetarin L.K. të moshës 32 vjeç, pasi ai nuk i është përgjigjur thirrjes për t’u identifikuar. Pasi është kapur, qytetari është dërguar në mjediset e Komisariatit nr.3 në kryeqytet por sipas pretendimeve të Policisë, ai ka paraqitur probleme shëndetësore e është dërguar në spital, ku më pas ka ndërruar jetë. Menjëherë pas marrjes së njoftimit, Avokati i Popullit në cilësinë e Mekanizmit Kombëtar kundër Torturës dhe trajtimit çnjerëzor, ka ngritur një ekip që është dërguar për të kryer një hetim paraprak mbi ngjarjen.

Ekipi ka vënë kontakt dhe ka intervistuar zyrtarët policorë të përfshirë në ngjarje dhe ka marrë pretendimet e tyre.
Gjithashtu ekipi i Avokatit të Popullit ka kqyrur dokumentacionin përkatës dhe ka nisur një hetim administrativ mbi ngjarjen, për të cilën është duke u kryer paralelisht edhe një hetim i brendshëm nga Autoriteti i Mbikëqyrjes Policore.
Avokati i Popullit ka konstatuar se materialet filmike të shoqërimit të qytetarit në mjediset e Komisariatit si dhe ato që sipas raportimit të policisë janë marrë në mjediset e jashtme, nga kamera private në momentin kur qytetari është ndaluar dhe ndaj tij po kryheshin verifikime, janë marrë në dorëzim nga institucionet hetuese.

Pas hapave të parë hulumtues Institucioni po kryen veprime të thelluara në lidhje me çështjen. Avokati i Popullit në vijimësi ka kërkuar zbatimin rigoroz të të drejtave të qytetarëve por edhe detyrimeve të Policisë së Shtetit në lidhje me shkakun e shoqërimit dhe trajtimin e të shoqëruarve apo të ndaluarve. Institucioni vazhdimisht ka ngritur shqetësime në lidhje me këtë çështje dhe ka kërkuar marrjen e masave konkrete. Avokati i Popullit i shpreh ngushëllimet familjes së të ndjerit dhe u bën thirrje autoriteteve për një hetim të shpejtë, të paanshëm e të drejtë të ngjarjes për të nxjerrë në dritë të vërtetën, si dhe për zero tolerancë ndaj shkeljes së të drejtave të qytetarëve.

Deklarata e Avokatit vjen 3 ditë pasi Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Ai u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij. /Dosja.al

Lear Kurti

TIRANE- Qesja e gjetur në stomakun e 32-vjeçarit Lear Kurti ka prani të kokainës. Ky është përfundimi i arritur nga Prokuroria e Tiranës që njofton se ka administruar të gjitha informacionet deri më tani dhe ka nisur hetimin për efektivët e policisë që ndaluan dhe shoqëruan Lear Kurtin me akuzën e  "veprime arbitrare" dhe "mosdhënie ndihme". Gjithashtu, organi i akuzës bën me dije se kartela mjekësore e të riut është sekuestruar bashkë me pamjet filmike të kamerave të sigurisë. Prokuroria sqaron se autopsia është kryer nga një grup prej 5 ekspertësh dhe ka dalë në përfundimin se në trup kishte prani kokaine. Ndërkohë që do të merren edhe pamjet filmike në spitalin e Traumës. 

DEKLARATA E PLOTE:

Mbi bazën e referimit të Drejtorisë Rajonale të Agjencisë së Mbikëqyrjes Policore Tiranë, Prokuroria pranë Gjykatës Shkallës parë Tiranë ka regjistruar proçedimin penal Nr.7671/2022 për veprën penale “kryerje e veprimive arbitare” dhe “Mosdhënia ndihmë”, parashikuar nga nenet 250 dhe 290 e K.Penal.

Deri në këtë fazë të hetimit, janë administruar kartela mjekësore e shtetasit Lear Kurti, procesverbali i kqyrjes së kufomës, pamjet filmike të regjistruara nga kamerat e sigurisë që nga momenti i konstatimit dhe deri në dërgimin e tij për ndihmë mjekësore pranë Qëndrës Spitalore Universitare e Traumës, janë pyetur në cilësinë e personave që tregojnë rrethana të hetimit shtetasit që kanë qenë prezent me viktimën dhe të gjithë punonjësit e policisë që kanë kryer veprime me shtetasin Lear Kurti.

Po kështu, është administruar akti i ekspertimit kimik i kryer nga një grup prej 5 (pesë) ekspertësh, nga i cili ka rezultuar se në mbetjet e qeses së gjetura në stomakun e viktimës gjatë kryerjes së autopsisë, ka prani të lëndës narkotike kokainë.

Në vijim të veprimeve të tjera, grupi hetimor, me qëllim evidentimin e të gjitha rrethanave dhe shkaqeve të vdekjes së shtetasit Lear Kurti, do të administrojë pamjet filmike të urgjencës në Qendrën Spitalore të Traumës, pyetjen e personelit infermiero/mjekësor që kanë pritur dhe janë marrë me trajtimin e shtetasit Lear Kurti si dhe çdo veprim tjetër për zbardhjen e plotë të kësaj ngjarje.

Deklarata e Prokurorisë vjen 3 ditë pasi Lear Kurti, 32 vjeç dha shpirt duke u sorrollatur në duart e efektivëve të komisariatit nr.3 të Policisë së Tiranës. Ai u ndalua mbrëmjen e 19 tetorit nga efektivët dhe brenda 30 minutave ndërroi jetë. Por, moszbardhja e kësaj ngjarjeje vjen si pasojë e pretendimeve kontradiktore të palëve. Ekspertiza paraprake ka dalë në përfundimin se s’ka pasur dhunë ndaj të riut, por që ka ndërruar jetë si pasojë e shpërthimit të kokainës që ka gëlltitur, ndërsa familjarët pretendojnë se është dhunuar nga policia. Një dëshmi e mikut të të riut mbrëmjen e djeshme te Piranjat hidhte dyshimte të forta se Policia dhe AMP kanë mbuluar ngjarjen. I riu thoshte se e kishte parë viktimën teksa rrihej barbarisht ndërsa akuzonte drejtorin e AMP, Ardi Veliu se e kishte "këshilluar" indirekt të mos pranonte dhunën që kishte parë me sytë e tij. /Dosja.al